大掃除（二）

昨天繼續進度緩慢的大掃除工作。

這天的目標是洗雪櫃。用了兩個小時，由內至外清洗得一乾二淨。把每一層重新整理，並將過期的食物丟棄。雪櫃即時空出一半有多。可以放多兩罐我喜歡的 Cherry Coke。

是不是每樣東西都有個賞味期限？二零零六年四月製造的Horseradish（辣根）、二零零五年十二月文華的紅莓醬、或兩三個星期前的新鮮迷迭香也好，無一幸免。我喜歡用辣根配牛扒，但就算把它放在最佳位置，還是有過期的一天。後悔的應該是不自量力吧。沒有本事或能力，把它們做出更多好菜式。

或許當初就不應該喜歡吃辣根。應該會簡單得多。



~ Lindberg

JA Meeting #15

兩個字：流會

近排好鬼死忙。公司野好鬼好鬼好鬼死煩。阿托應該仲衰過我，新年後佢無一日好過。好難得尋日有機會同佢係 GTalk 見面： 

Me: How're you? Dead yet?
T: 99%....
Me: Me too. 99.99%
T: no no ....different.... ur home...affair... 99.99%... my office stuff .... 99%...
Me: If you count that as well, I am already dead.
T: O... u win... u ...are worse...
Me: Ha! And I still have to prepare the JA stuff for tomorrow this afternoon!

後來都係無時間係公司做 JA 啲野，最後都係返到屋企半夜三更先有機會做幾張 Powerpoint。 但係今日竟然流會。有人無出現，有人好遲先出現。不過自己出奇地無乜感覺，可能因為自己都好攰，同埋半個腦都仲做緊公司野。所以真係要同出席嘅同學講聲對唔住。

聽日佢地會响家長日賣埋啲貨尾，祝大家好運！辛苦晒！

下個星期大家再努力過！

~ Lindberg

三 x 3 = 節省$300?

今日身體某部位非常之痕。所以走咗去 3 出個新電話。哈！

其實都想要多部細手提電話好耐(當然係玩得嘅野我都想要)。尋日經過 3，見到部 LG U830 都係一千蚊左右，於是今日就過去問個明白。

問唔夠兩句，我就已經自動坐咗係到挑選號碼。我唔想帶個舊號碼過台。主要係因為嗰個係公司俾錢。而新呢個我只係想用黎玩下 HSDPA，合約完就或者俾部機老豆用，非常孝順。哈！

嗰到位姐姐好好人，慢慢幫我搵我想要嘅號碼，個新號碼雖然無我想要嘅組合，但係勁好記！AABCDCEF... (哈！) 之後佢仲話依家 3 三周年記念，身份證有幾多個 3 字就減幾多百蚊。最多五百。我有三個 3 字，所以收少我三百！好野！

個電話就無乜特別啦。可以上 HSDPA 、夠細、同可以摺得埋。同我部 Mac 機可以話無計傾。要靠公司部 PC 過電話薄。灰…不過部機有啲紅色嘅 wallpaper，好鬼死靚！


~ Lindberg

Rocky Balboa Is The Champ!

當見到 Rocky 張海報已經好想睇。今日終於約齊人去睇。完全無令我失望！Rocky is the champ!

睇這部戲要記得這是一部文戲，不是打鬥片。試問一個年過六十的大隻佬真的拍打，會有人想看嗎？

之前睇影評，已知九成是文戲，但亦估不到史太龍會做得咁好。好彩之前重溫了第一集，唔係都唔記得講過甚麼重點。我個人覺得最好睇是第一同第四集。第一集故事好，三個 Oscar 不是蓋的呢。第四集就睇得夠肉緊。

套戲有幾個大情節，有幾個都寫得幾好，意識好正面。例如對人好，無需要講理由。而其中一段個仔向爸爸發牢騷，我好鐘意。個仔叫 Rocky 不要打，因為其他人知道他是 Rocky 的仔時，都用另一種眼光去看他。我見 Rocky 咁錫個仔，就以為 Rocky 會感到抱歉或內咎。點知罵到個仔狗血淋頭！俾我找到其中一段對白，好有意思：

"Let me tell you something you already know. The world ain't all sunshine and rainbows. It is a very mean and nasty place and it will beat you to your knees and keep you there permanently if you let it. You, me, or nobody is gonna hit as hard as life. But it ain't how hard you hit; it's about how hard you can get hit, and keep moving forward. How much you can take, and keep moving forward. That's how winning is done. Now, if you know what you're worth, then go out and get what you're worth. But you gotta be willing to take the hit, and not pointing fingers saying you ain't where you are because of him, or her, or anybody. Cowards do that and that ain't you. You're better than that!"

意思大概是：成功不只是看你可以付出多少，而是看你可以承受多少，然後努力繼續向前推進。同 Rocky 本身一樣，打得，但仲捱得！

可惜睇這部戲未必個個有共鳴，尤其是年青人。沒有跟 Rocky 一起成長，不會明白他是一個怎樣平凡的人，而卻又是所有人心中的英雄。

套戲當然少不了 Rocky 接受訓練同跑樓梯的經典場面。讓人血脈沸騰！點解我以前去 Philadelphia 無去跑一下？

最後一場打戲都不錯。不過要忍受一下肌肉鬆弛的史太龍。而且唔明點解要玩黑白。要加強顏色對比？突出視覺效果？銜接過去現在？唔識…不過已經不是重點。


~ Lindberg

MSF Orienteering Competition 2007（三）

Today, I went for the briefing of MSF Orienteering Competition 2007. This is the third year we join the game. I count this by the number of MSF T-Shirt I've got at home. Ha! The "battle ground" this year is Wan Tsai in Sai Kung (西貢灣仔).

Our team starts early in the morning. We need to get a bound ferry ride over the site from Wong Shek at 7:50am!!! Gee... That means we will have to wake up at 5:00am?! OMG!!!

When I registered at the counter before the briefing and bought the tickets for the ferry ride, the personnel verified the team name with me. He asked if it's 聖記山頭敢死隊. Then all the people around stared at me. Who the heck picked this weird name in the beginning?!

The briefing itself was quite boring, as it's just the same things as I heard for the past 2 years. Only the information given at the beginning was useful. After that, I went to "sleep mode" as I do in any lecture. Tommy was sitting at my back with his own teammates. He woke me up as the briefing was almost finished. Then I went to sit next to him and had a good chat with him on some of my personal things.

As for the competition, we still haven't got any training at all. Tommy is getting quite serious with the game. He is practising by running 5km everyday. Last week, he has got his teammates practising in Braemar Hill. On the coming Sunday, he is going to the actual site in Wan Tsai to practise. I'd better get some exercise as well. As having anemia because of being a thalassemia trait, I don't want to get embarrassed by fainting in the first 15 minutes of the game. HA!

My fellow teammates, please bring along your compass, watch, whistle, and our 聖記 Spirit!!! 不要問，只要信！勇往直前！


~ Lindberg

JA Meeting #14 Debriefing

尋日我地做 debriefing，將過去三個月體會到嘅野攞出黎分享一下。

同佢地講左好多商業上嘅分析。雖然唔知佢地明得幾多，但希望係體會當中，可以對佢地日後有多少幫助。

之前記得自己好似有好多個人野想同佢地分享，不過都唔記得晒！哈！唔緊要啦，阿托講埋我嗰份。

其實對自己黎講，開頭會抱住跟一班中學生分享一下自己工作經驗，希望可以幫佢地日後選擇自己條路點行，同埋可以玩一個 Business Simulation Game 嘅心態。但係最後嘅得益都遠超想像。起馬我以前無諗過會用中文打 blog。認識左一班很有趣嘅年青人。做左啲自己都從未試過嘅野。對佢地由激心，變勞心，再變關心同擔心。過程中有開心，但亦少不免有多小痛心，就連嘔心的情況都有不少。心臟付荷都唔小野。自己學左好多野，亦都對自己認識多左。不過仲未知好定唔好。一年來做左嘅決定、轉變、同好多問題仲要去面對同解決。

對於同學們，我唯一嘅希望就比較簡單。希望佢地識得為自己打算，愛惜自己，勇於嘗試，應做就去做，但要三思而後行，從錯中學習，同唔好做啲傷害自己嘅野。雖然日後未必人人都做到人中之龍，但至少可以做到對得住自己，咁就已經唔錯啦。

跟住落黎 JA 嘅野係某程度上都幾沒趣，除左要做返一啲之前做漏左嘅野，一來會有好多書寫工作，二來仲要係英文！希望對佢地黎講都係一個好嘅學習經驗。

之前應承為佢地做嘅兩樣野都差不多係時候開始。加油！


~ Lindberg

到石澳看海

上完 JA 之後，把車子注滿一缸油。美其言想試一試經修理後的車，其實很想去兜兜風。心血來潮，那就去石澳吧。

還在東區走廊時，有人打電話來求救問路。通常只有我這個路痴問人。還要被問到九龍的路。幸好今次我識，希望沒有「老點」。

我很享受走山路的過程。記得在學車時，師傅於第三堂便帶我行經大坑到淺水灣。那時還不知道發生甚麼事，只懂專注走前面的路。到師傅跟我說時，才知道來到這麼遠。自己也嚇了一跳。

彎彎的山路，車廂裡只有我跟音樂。影像不停向後退。

天很灰呢。 

今天是大寒，氣溫還真的低過早幾天。沙灘上沒有很多人。有一群老外圍在一起談話，有些人在放大風箏，有個年青人在挖一個大沙坑，還有一個無聊的我在看海。

沙灘的海給人的感覺很不同。除了海的氣味之外，看著一個又一個的浪被沖到岸上，聽著海浪跟沙粒滾動的聲音，腦袋可以暫時放下一切。縱使天氣不是多好，人也因為寒風而要縮作一團，但還真的很舒服呢。


~ Lindberg

死火！剪短咗！

星期六一肚子悶氣去搵約翰。我一句「好悶」，佢一句「得」，然後就出事啦。

其實都唔可以話真係出事，只不過剪得幾短。之前仲懶開心話啲頭髮長咗可以有得玩，轉個頭無晒…仲要發覺近排甩咗唔少頭髮，而且染到個頭肉肉地色，成個光頭仔咁。勁灰！不過算啦，過幾個禮拜又一條好漢。

嗰日約翰好忙，我足足打咗兩個鐘PSP先有得剪。等緊嗰陣，我不停玩 Burn Out Legend，係 Bill Bill 介紹我玩。一個勁變態嘅遊戲。尤其是個 Crash Mode 先痴線。用自己架車撞落人地到，然後引發一連串交通意外，越多車撞埋一齊就越高分。勁痴線！不過唔知點解自己話痴線，自己又玩。都唔知啲人玩完呢隻遊戲，會唔會玩到痴咗，然後用架真車嚟交飛…好危險呀！

剪完頭髮都成七點半，請老豆同阿媽食飯，大家 happy。


~ Lindberg

咬唔到手指

星期二終於把那討厭的假門牙除去。起初還以為會很痛，但我同學李詩的手勢真的不錯！當然那三支麻醉針也是功不可沒。

脫了舊牙冠之後，還以為會有一種輕鬆的感覺。但原來因為麻醉藥的關系，甚麼也感覺不到。藥力未過，就連飲水也有問題。因為麻醉藥令我感覺不到上唇，想飲水卻倒到身上去。

我想如一般人一樣，很怕那風鑽鑽牙的聲音，但最怕還是那陣不知是不是琺瑯質的氣味。那鑽牙的聲音就像顆牙齒在哭叫，而氣味就有如焚燒住在牙齒內的精靈一樣。討厭…

李詩真的很有心機。做一副好的牙冠並不容易。懶怠的牙醫可能會留給工場處理。但李詩真的很好。他很用心地為我做了一副臨時牙，並叫我給自己及其他人看看。始終都是門牙嘛。如果不合適或不好看的話，可以改。最後就用這副臨時牙做模給工場做牙冠。他實在是大好了！

整個過整用了差不多兩小時。其間我竟然可以在手術椅上睡著！可能近排用得太多腦，太疲倦吧。而且他的手術椅真的很舒服。

換上臨時牙之後，第一件事就發現不能咬手指。咬手指這個習慣到現在還是改不了。尤其是用腦的時候，就情不自禁地咬起來。工作時寫完一個程式之後，沒有一隻好指頭。慶幸自己不是真的做程式設計。哈！但現在想也沒有這個能力。臨時牙只是作樣，沒有力。而且被踫撞的時候會很不舒服。灰呢…

不能咬手指，我就不能用腦。那麼我應否請幾天病假呢？哈！



~ Lindberg

聽MP3行街危險嗎？

昨日看報章見到一篇報導關於一位少年可能因太專注聽MP3，在橫過馬路時，被車撞倒。自己也是iPod不離耳，真的有危險嗎？

【明報專訊】荃灣荃景圍往沙嘴道一處路斜彎急的路段，昨發生途人過馬路被撞意外。一輛密斗貨車落斜之際司機目睹一名少年正橫過馬路，即時響號及扭呔相避， 但車尾仍然將少年掃倒，少年倒下時前額撞及路邊石壆致大量流血，送院搶救後須入住深切治療病房留醫，情況危殆。現場消息稱，少年遇車禍時戴覑聽筒聽 MP3，未知是否因而影響判斷肇禍。 

自己行街時雖然經常也會在聽iPod，但從未有想過有過路的危險。我想是因為當我在聽歌時，會很專心走路，四處張望，對路面一切暸如指掌（尤其是那個方位有漂亮的女孩，哈！）。反而有時在想東西想得太入神時，會忘了自己在走路。

經常聽iPod或其他MP3機，擔心的還是開得太大聲而有所謂的「iPod耳」。以前我也會開得頗大聲。雖然未至於做成聽覺受損，但是也發現早上跟晚上的聽覺能力有些小分別。所以現在已經盡量開得細聲一點。

在行街時應該一樣，不應把MP3機開得太大聲。雖然人會很不自覺地想把周圍的雜音降低而把耳機開得大聲一點。但為安全起見，我會建議開到一個可以聽到四周還境聲音的水平。亦要養成一個保持警惕的習慣。除此之外，當購買耳機時，要考慮一下自己的習慣。有些遮蓋式headphone或in-earphone的隔音做得很好，因此未必能夠聽到四周還境的聲音。頗危險的呢。

而自己用的Shure e3c正是一個很好的in-earphone。 是我的魔鬼朋友Fred哥介紹的。他雖然沒有魔鬼的身材（男的又何來魔鬼的身材，很爛…），但是家中大部份的「玩具」都直接或間接跟他有關。這個e3c更是他說在美國減價時替我買回來的。音質好，隔音亦做得很好，所以行街用時要一眼關七。我不太建議其他人去買類似的耳機，更不會買給人做禮物。但不知道為甚麼Ardy會買一副給Sophie…幸好她沒有用。哈！

唯一一次自己試過有危險是因為一首歌！鄭融的紅綠燈！第一次聽時我正當在等過馬路。歌曲開始的一段是行人過路燈的嘟嘟聲，那時真的以為轉綠燈可以過馬路。踏了出去時才知道出事。幸好當時車還在很遠。否則就見報了…



~ Lindberg

大掃除提早開始！

因為上年的大掃除只做了七成，今年提早進行！

今日先把垃圾清除。先從衣櫃入手！有很多舊衣服都不再穿，最後執了三大袋去回收。

今天跟朋友提起穿西裝。以前中學和大學的時候都喜歡穿西裝，因為想顯得自己大個一些。但是現在看那些大學生穿起西裝，其實一點也不好看。 除了件西裝的剪裁之外，人本身就是不夠成熟。所以穿起來就是格格不入，不好看。

因為公作的關系，我不用穿西裝。因此省去不少裝身費用。以前買下的兩套西裝現在都覺得不好看。但最近在想，總是需要一套出席某些場合用，所以請教了我覺得身邊穿西裝比較好看的Kenny，那裡才可以買到一套像樣的。有時間就去看看。

清了衣櫃之後還換了個手提電腦袋。兩位哥哥今年送了個Samsonite的手提電腦袋給我做聖誕禮物。其實我的Spire袋應該是最好的。但是都換來看一看。側提袋，又比較細，不錯呀。然後才發現我的袋裡面有很多東西！覺得可能有用的便放進去。就連Panadol都有一排！

~ Lindberg

雜項雜感

都有一排沒有寫過雜項雜感，讓我寫一篇先。最近發生過甚麼事呢？

自拍短片
早兩日幫公司的一個經理拍了一套作培訓用的短片。內容有關廚房安全，我的老板很喜歡演戲，所以他自動成為男主角。很久沒有用過自己部攝錄機，借給人的時間比自己用的多很多。但效果出奇地好。現在正進行後期製作。老板買了部新的Macbook Pro，當然留給他去處理啦。

被人責罵Ardy責罵我呀！他說得對！但是…

換牙終於下定決心，找當牙醫的中學同學去換門牙。中四的時候跌斷了兩隻正門牙。現在的已經是第二副。第一副喪命於龍蝦的角上。這副一直都不太合適，又不好看，但要換又貴又很困難。一忍便忍了這麼多年。還是長痛不如短痛。下星期二就跟它永別！

過眼雲煙聖誕節的花紅花光了…Yeah！

冰條手早兩天的天氣很凍，不知是否身體的「恆溫系統」有問題，天氣冷才來出手汗！雙手有如冰條。救命！

戰車嘔血又到一年一度的驗車時期。做車房的親戚跟我說架車漏機油。都上了年紀，沒有辦法。灰呀！我看至少要兩部Wii的維修費。雖然已有十多年的車齡，但還是很喜歡它。自我有正式車牌的第二天便買下它。雖然是二手車，但保養得很好。而且最緊要是紅色！

我的字我手寫真的很難看。唉…

iPhone星期三的整個早上都是關於iPhone的email或IM。大概是大家其期待已久吧。設備齊全，價格合理的all-in-one手提電話。可惜明年才到香港。那麼Steve Job這麼早跟我們講是否要了我們的命？其他電話製造商就更可憐。所有人都由現在起不換電話，等iPhone的出廠。

地鐵車廂內看村上我發現在地鐵車廂內看村上春樹有一個問題，很多時候都會有些很露骨的情節。如果拿著書看還好，因為大多數人都知道他是誰。但是我放在電子手帳上看，如果不小心給其他人看到，就真的被以為是一個變態佬。


~ Lindberg

MSF Orienteering Competition 2007（二）

最後還是參加了2007年的無國界野外定向比賽。今年好像反應不太熱烈。限期過了多日還可以參加。不知是不是加價的關系。

今屆跟往年一樣，我們叫自己做聖記山頭敢死隊。隊員有我跟阿托。阿殘歸隊，但我們的消防員阿蘇則需要當更，所以要找位高人代替，否則勝利無望。幸好給我找來阿霍。阿霍是我們中學時期的田徑王子，跳高、跳遠、三級跳都是他的囊中物，堪稱陸上蛙王、聖記跳九里。但是他跟我說體能大不如前，最多只可以跳七里。我說那已經足夠了。（點解好似講粗口？）

因為阿霍沒有玩過，希望2月4日之前可以來個練習。自己在家中開始做一點運動，希望不要失禮於人。加油！

而另一邊廂，另一位中學同學廢柴好像玩出癮來。上一年我叫他跟他的MBA同學去參加，今年他們出7隊28人！勁！


~ Lindberg

NANA2

剛剛看完NANA2。愛與友情！很感人呢。

如果沒有看第一集，可能不太明白兩個ナナ會這麼好感情。兩個人因緣份走在一起，然後分別跌過痛過，最後互相扶持，成為好朋友。看完電影之後不禁立即買隻DVD來再看一次。

雖然好多角色人選跟第一集都不同，除了阿八之外，其他人都ok。主角之一的阿八還是之前那個做得比較好，這個有點兒造作。

在戲中，所有人都好型！中島美嘉勁ナナ。阿蓮勁酷。伸夫也很型。伸夫很可愛，但又很可憐。差點有衝動買條起釘狗帶俾自己。哈！


~ Lindberg

火紅色的GBA

忽然想講一下這部GBA。之前我買它是因為…它是紅色！

這一部是Pocket Monster的特別版。紅中帶一點閃。當時也沒有認真想過自己喜歡玩甚麼遊戲，只是因為它是紅色就把它買下來。
但不知何時買了這個Wario之Mawaru的遊戲之後，這遊戲盒帶就一直留在這部GBA裡面。這個遊戲盒帶內有一個motion sensor，遊戲中有很多小遊戲，你需要控制部GBA左轉右轉去過關。十分爆笑。所以這部GBA總是在家中無聊、不想用腦、及解悶時的極品，而且最重要是因為它是紅色。哈！





~ Lindberg


P.S. 可是想不到有人還會衰過我。哈！

姐姐的禮物

這是姐姐在美國帶來的聖誕禮物，好明顯威威跟妹妹都十分喜歡。因為家裡沒有窗台，這個平臺就最適合他們看街用。

~ Lindberg

一個倒數的機會

新年之後那天讀了moliuOLOGY的一篇「錯配節日」。有感而發，但沒有時間回應。遲回總好過無回。

http://moliuology.mysinablog.com/trackback.php?id=391986 

在新加坡過聖誕時，姐夫拖著兩個女兒過馬路。那邊主要街道的行人過路燈是有倒數指示。姐夫跟女兒們說：「看！10、9、8…3、2、1、Happy Near Year！」女兒笑得很燦爛，我們大人也跟著一起笑。真的甚麼也可以倒數。

其實真的不明白為甚麼12月24日會倒數。倒數後又不是唱生日歌，相信耶穌對此必定覺得十分無奈。

但是如果可以給自己加一個倒數的機會，我會選擇在仙遊那刻做倒數。雖然有點兒「大吉利是」，但對於那刻有某程度上的期待。試想一眾親人好友於床邊跟你開心地等待那一刻的來臨，是多麼溫馨感人。至小知道此生無憾，身邊的人亦沒有為此而難過。但要做到這樣，亦有幾個難處：

1. 不可因意外而突然仙遊。
2. 你要自私地比其他人先行一步。
3. 人緣好及還有一眾願意跟你倒數的人。
4. 克服技術上的問題。如果數得太慢，會帶來很大的遺憾。試想當心電圖在大家數到4的時候變成一條平線，親友因數不到最後而感到失落。而仙遊的更可能因為心有不甘而化成厲鬼，陰魂不息。可苦呢？而數得太快易不見得好。當大家數到1之後，還死不斷氣，那麼他們應該怎麼辦？莫非繼續數下去：「0、-1、-2、-3…」或是從新開始過？情況有點尷尬呢。
5. 最大問題：數到一之後應該說甚麼？「Happy……」

世事還是很難完美。

moliuOLOGY的文章最後提到再多過數十年，情況會演變為一月一日都要派利是。其實我已經正在這樣做。我的家人在菲律賓，他們沒有慶祝農曆新年，所以我會在新曆新年派利是給小朋友。可慶幸的是我在農曆新年不會見到他們，否則真的一年要派兩次利是！


~ Lindberg

好有誠意的加記

尋日專登落去堅尼地城去試一試間加記（卑路乍街24A）。其實我平時都鐘意食茶餐廳，勝在選擇多。不禁要唱一首謝安琪的我愛茶餐廳。哈！

我原本聽加記供應的菜式，覺得裝修會似間茶餐廳。誰知成間別致的中菜館一樣。

個餐牌有好多小炒，而我們就叫了沙律餐。

在這樣的環境吃個沙律餐總是怪怪的。但是又真的很有誠意和驚喜。先來個濃濃的忌廉湯和麵包。羅宋湯早已售罄，但忌廉湯都好好飲。麵包應該是對面街他們自己的加拿大麵包店做的，很好吃！

個沙律就誇張啦。有兩大件熱辣辣炸得酥脆的豬扒或魚塊、一球薯仔沙律、一堆生菜、仲有三大片甜西瓜！生菜還要不只是普通的西生菜，有其他生菜（如Lollo Rosso及狗牙生菜）混在一起。誠意可嘉！

28大元有湯、主菜、加飲品。救命！當然，凍飲要加兩元！其他東西都好似很好吃。一定要再去！哈！




~ Lindberg

P.S. 不過有樣好笑野。我聽見旁邊有人叫「鴛鴦走」，即係呢到有煉奶同啲阿姐明係乜啦。我咪叫番杯「茶走」囉。點知個阿姐話：「茶走…Err…走…係唔係响呢到飲？」跟住我唔識答。哈！

新鐵金剛智破皇家賭場

開頭都唔係好想睇這套戲。主要因為Daniel Craig似前蘇聯KGB多過英國MI6，而且本身又不是007迷。但最後都因為佢當係整個系列的第一部，所以今晚都係番太古買飛入場睇。

如果當佢係整個系列的第一部，部戲都可以啦。如果唔係，就會覺得後尾好慢，有好多悶場。因為都係為左交代占士邦的人格個性。

有幾部份都幾好笑。最好笑都係係機場到，無端端見到Richard Branson份路人甲俾人搜身。佢真係好鬼貪玩。唔怪得戲院門口有Virgin Atlantic嘅人做宣傳啦。不過唔係好多人認得佢，所以無乜人識笑。哈！

仲有幕女主角讚占士邦咁型，緊係帶靚錶啦。勞力士？占士邦話：奧米加。全場笑。後面個小朋友唔明。爸爸都唔知點解釋。占士邦緊係帶奧米加啦。仲要係Seamaster 300！我都帶緊呀嗎。哈！買隻錶個時，個錶行朋友問我要唔要007特別版。心諗唔好呱！鐘意隻錶之嘛，又唔係想扮007。當我低能嘅咩，雖然都有啲。不過我都問佢有無laser出。無？咁俾正常嗰隻我得啦，唔該。

有一幕做嚴刑迫供。詳情唔講，但真係可以話係男人最痛。睇住占士邦，自己都有忍忍作痛嘅感覺。

我仲發現原來占士邦開頭有錢啲。呢部叫第一部呀，Q俾部Bentley佢開，以後啲戲都係得部BMW之嘛。哈！不過原來原著小說中，占士邦真係駕駛Bentey喎！俾以前嘅贊助欺騙左添！

仲有，Eva Green都幾靚喎！


~ Lindberg

又提起這部咖啡機

今天Ronnie又跟我提起這部咖啡機：

http://cloverequipment.com/whyclover/why_clover.aspx

我對他說如果他想放一部在家裡，他一定要很敗家才行。哈！ 

這一部機的規格的確是很有趣。相信可以在短時間內做出一杯不錯的過濾咖啡。所以我跟他說，等我們開了自己的咖啡店才放一部吧作研究用途吧。

一起談論我們的咖啡店概念應該是一年多前的事了。雖然深信是一個 Killer Apps，但一直都不能把它實行。而且相信暗地裡，大家都明白一起創業的危機。成功與否是小，十多年的友誼是大。但最近自己明白了些東西，而且我覺得只要把錢財視為糞土，相信一朝一日，我們一定會有我們咖啡店！

最後，我跟他說如果他真的把它買下來，我會把我的敗家王金腰帶傳受給他。哈！


~ Lindberg

我愛長條

擁有這麼多部相機，最愛的還是這部Lomo Horizon。因為它實在太有趣了。

這部全景相機，用的是普通135mm菲林。全靠一個搖擺鏡頭，由左面橫掃到右面。比起普通相機，它每次需要大約多半格菲林。

2007年的目標

見阿托係個blog到寫左2007年嘅十個目標，先發現自己都無乜諗過添。 等我諗諗先…

當然，最好睇下有無得抄先啦。哈！（Todd, Sorry! He...）

阿托嘅十個目標有：

10.讀四本書
9. 減六磅
8. 寫10篇自己喜歡的文章
7. 做好網上遊戲
6. 寫好籌備已久的書
5. 與同學們快樂地完成JA
4. 每星期都要做運動
3. 尋求事業上的突破
2. 孝順雙親
1. 抽多點時間陪太太

首先刪除自己做唔到嗰啲：9、4。

然後睇下其他先…

10：四本乜野書先？工具書我又唔鐘意睇。睇兩頁估到佢講乜，就無心機睇落去。不如由頭讀過晒村上啲書都好喎…但係讀過又如何。刪除！

8：都係鐘意自己寫俾自己睇。哈！刪除！

7：我嗰部份叫做完左好耐啦。等緊開波。可以刪除！

6：唔知阿托係唔係同我講埋同一本。如果係，就難啦！雖然我個概念好簡單，但係要做好多研究調查。我睇要好俾心機先可以三個月內寫一個chapter。大約有十章…都幾難一年內完成…改一改先…

5：無得走啦。而且係舊年帶落黎嘅。唔算！刪除！

3：都要啦…

1、2：唉…唔想開空頭支票。

出事！得番3同6！點作多八個？不過十個對我黎講太多啦，尤其係唔可以話玩多啲呀、買部Wii呀、再參加JA呀、投資回報超過五成呀、做哩樣玩嗰樣呀。哈！所以都係專心做好五樣野好啦：

2007年的五個目標 ：
5：吹好小號，每星期都要練習。要吹到高音G！
4：寫好本書的其中兩章。
3：放多啲心機落公司到。希望搵到突破，如果唔係…
2：保重身體。身體唔健康就無能力照顧周圍嘅人。
1：最重要都係…令身邊嘅人開心。

希望講得出，做得到啦。


~ Lindberg

新年快樂！

首先祝大家新年快樂！新一年有一個好嘅開始！

已經有好幾年無係香港過新年。自從知道自己係邊個之後 ，都係陪屋企人過。今年就只不過係因為去左新加坡，所以早左返。

尋晚一口氣編輯埋之前係個trip到寫嘅日記。因為知自己無記性，所以用部Treo寫左五封email俾自己。一日一封。

今次旅行都唔係做左好多野。過左五日都唔知做過啲乜。又唔係影左好多相喎，因為整天下著雨…灰呀！不過見到屋企人真係好開心。

我估大哥應該唔係好開心。佢最鐘意食，而我地又唔係食到好多好野。 最尾一日我點左佢去試下地道翡翠小籠包。食完之後佢話ok啦，無乜特別。哈！

返到黎第一句就係「唔應該返黎」。有兩個原因，返黎都check唔到email！好彩係新加坡最尾一日係酒店check左一堆公司野。唔係都唔知發生乜事。

新年快樂！

~ Lindberg

陽光下的一個下午

今日忽然好想去大尾篤。跟老豆同阿媽飲過茶就立即開車去也！

（老豆睇過醫生之後已經無咳得咁厲害啦。好彩！）

放假前幫四條輪胎打氣。原來都幾唔夠氣。打完之後架車去好多，不過因此都震好多！哈！

一去到大尾篤，車山車海！完全無位可以泊。見勢色唔對，唯有閃啦。灰！

今日個天好靚。好似藍天穿上了白色嘅魚鱗一樣。見個天咁靚，又白痴到帶左四部相機（20D、Lomo Horizon及Fisheye、新嘅大人之科學立體相機），當然唔可以就咁返屋企啦！

經過一輪思索之後，就決定去南蓮園池。

好似新年行左個大運一樣，由北角過海行獅子山隧道飛去大尾篤，返轉頭行大老山隧道出鑽石山！不過都算可以交到功課，所以都值得啦。

http://www.flickr.com/photos/lindberg/2459774252/

我覺得啲人好好笑。嗰到啲管理人員比較嚴謹，叫啲遊人保護公物。無錯呀。但係啲遊人就覺得唔開心，講啲好難聽嘅說話俾啲管理人員聽。洗唔洗呀？雖然你可能覺得自己做啲野無乜大不了，但係如果個個都係咁樣唔識愛護公物，過多一排睇下你仲有無個咁靚嘅公園行呀啦！


~ Lindberg