今日高考放榜，我總共收到三個電話。
第一個電話喺來自一個意想不到嘅人。
「喂，Jayson 爸爸呀？」
「係呀…」
心諗，邊個會咁叫我呢？有我個名唔叫，叫得咁間接？竟然係網友可梨！佢打電話嚟報喜。佢考到好好成績喎！等我之前仲為佢擔心。而且仲好過我以前高考好多添！我嬲！
之後兩個電話係來自之前 JA 嘅同學。一個可以叫做「不幸中之大幸」，另一個就係「大幸中之不幸」。唉…
希望所有有份考高考嘅朋友，都得到一個滿意嘅成績。注意，我係話「滿意」。付出幾多，收獲就有幾多。有啲同學可能會為前途而煩惱，祝願大家都可以搵到自己嘅方向，發揮所長。加油呀，大家！
~ Lindberg
2008年6月30日
2008年6月29日
新屎坑…Combi 便盆
自少我們都已經幫 Jayson 練習去大便。以前都是瞓在換片檯上，打開尿片，提起雙腿，然後我倆在旁吶喊助威。這幾個星期，Jayson 媽開始教他坐著去。位置上雖然對大人比較吃力，但效果不錯。可是有一個很大的問題。看到以下一張照片，大家可以看出問題在那裡嘛？
「細佬呀！您又射咗啲尿落我個廁所到啦！」
Jayson 面前的，正正是 Julie 的廁所。
Jayson 媽覺得如果 Jayson 除了尿片之後小便，小便亦只會射進 Julie 的廁所中，容易處理。但我極之抗拒兩姐弟「共用」一個廁所，因為我怕 Julie 會不喜歡 Jayson 的尿味。而且每次想幫 Jayson 大便，他一定會先來個小便。因此，必需要找個解決方法。不過說真的那句，是爸爸屁股癢，想花錢買些東西。而且這個 Combi 的便盆真的很吸引。嘻嘻…
這個便盆真的可算是一物三用，供不同階段使用。可以當作廁所，亦都可以直接放在座廁上。下面的盆還可以變成一張腳踏。
一買回來，當然要立即試一試。
「爸爸，有個大窿嘅。咩嚟㗎？」
但好明顯用得很不滿。
「嘩！好驚呀！個大窿吹到我個屁股涼浸浸。驚驚…驚驚…」
但經 Jayson 媽一番努力之後，最後總算成功。而清洗上亦非常方便。裡面有一個可以拿出來的小盆，倒了便便落廁所，沖一沖水，再用紙巾抹乾淨。想衛生一點，沖水時放一點漂白水。非常方便！相信這個屎坑，一定不會只得三日香。哈哈哈哈…
「爸爸，三日香？您講您啲玩具呀？」
~ Lindberg
「細佬呀！您又射咗啲尿落我個廁所到啦！」
Jayson 面前的，正正是 Julie 的廁所。
Jayson 媽覺得如果 Jayson 除了尿片之後小便，小便亦只會射進 Julie 的廁所中，容易處理。但我極之抗拒兩姐弟「共用」一個廁所，因為我怕 Julie 會不喜歡 Jayson 的尿味。而且每次想幫 Jayson 大便，他一定會先來個小便。因此，必需要找個解決方法。不過說真的那句，是爸爸屁股癢，想花錢買些東西。而且這個 Combi 的便盆真的很吸引。嘻嘻…
這個便盆真的可算是一物三用，供不同階段使用。可以當作廁所，亦都可以直接放在座廁上。下面的盆還可以變成一張腳踏。
一買回來，當然要立即試一試。
「爸爸，有個大窿嘅。咩嚟㗎？」
但好明顯用得很不滿。
「嘩！好驚呀！個大窿吹到我個屁股涼浸浸。驚驚…驚驚…」
但經 Jayson 媽一番努力之後，最後總算成功。而清洗上亦非常方便。裡面有一個可以拿出來的小盆，倒了便便落廁所，沖一沖水，再用紙巾抹乾淨。想衛生一點，沖水時放一點漂白水。非常方便！相信這個屎坑，一定不會只得三日香。哈哈哈哈…
「爸爸，三日香？您講您啲玩具呀？」
~ Lindberg
2008年6月28日
花樣少男少女茶聚
因為終於有番啲女仔（冇咁齋），所以我都要幫個聚會改一改個名。哈哈哈！有見之前篇公告已經有三版留言（破咗我嘅留言紀錄，好感動…嗚嗚…），今篇嚟一個匯報。以後有乜更改，我都會喺到更新。
茶聚詳情：
如果仲未知餐廳正確地點，請電郵與我查詢（jojita@gmail.com）。以防白撞。
跟據 白雪 點算所得，我地有下列參加者：
如果有興趣的話，就一齊嚟啦！
~ Lindberg
茶聚詳情：
日期：7月27日餐廳方面，我已經留咗間大房。經理話可以俾啲細路玩砌薄餅，不過我睇我地啲細路有排都未識玩。扭下波波俾佢地玩好過。
時間：3:00pm-5:30pm
地點：銅鑼灣某意大利餐廳
費用：~ $80 （每個大人）包括飲品及食物
特別要求：每位小朋友請預備一份 $50 以內的小禮物作交換
如果仲未知餐廳正確地點，請電郵與我查詢（jojita@gmail.com）。以防白撞。
跟據 白雪 點算所得，我地有下列參加者：
哲哲 - 2a1b咁多個可愛嘅細路喺埋一齊，何其壯觀呀。希望到時班小朋友合作啲，唔好玩生保就好啦。
Anson - 2a1b
Jayson - 2a1b
Eason - 2a1b
Mavis - 2a1b
茄茄 - 2a1b
米b - 1a1b
Hayden - 1a1b
Pasty - 1a2c
莎莉 - 1a
可梨 - 1a
Chloe - 2a1b
熙熙 - 2a1b
比比 - 2a1b
Joanna - 2a1b
Emilili - 1a
曦曦 - 1a1b
Wingwing - 2a
傲衡 - 2a1b
如果有興趣的話，就一齊嚟啦！
~ Lindberg
2008年6月27日
生日快樂@君悅酒店咖啡室
尋日係 Jayson 媽生日。雖然係有咗 Jayson 嘅第一個生日，不過我地冇預佢一齊去慶祝，因為我地去君悅酒店咖啡室食自助餐。
先講一下尋日下午我特製嘅早午餐。煮完雞肉菜飯俾 Jayson，然後再煮到一頭煙，都算做有誠意呱。
起初都有啲擔心間餐廳好唔好食。見 openrice.com 啲食評好似麻麻地。之前個價錢係星期日至四 6:30pm-10:00pm 成人 $425。尋日不知不覺已經加到 $460 一位。鬼叫我訂唔到香港洲際酒店嘅 Harbourside，訂咗君悅酒店露天嘅 The Grill，天氣又唔好。不過聽（有線嗰個）阿蘇話唔錯，而且我地又未試過，咪去試下囉。
頭盤先嚟個自製鵝肝醬。鵝肝醬非常香滑，而且一啲都唔漏。搽多士一流！
哩個自助餐其中一個特色，就係有即切嘅風乾肉。總共有四款肉：Parma Ham、Air-dried Beef、Capicola 同埋 Salami。而我最鐘意都係 Parma Ham，好有油香。加上清甜嘅哈蜜瓜，簡直係人間極品！我總共食咗兩轉。一疊疊嘅 Parma Ham，非常滿足！
之後我飲咗個椰子西施骨湯，個湯簡直係我食咁多自助餐以來，最有水準嘅一個。魚生有基本嘅三文魚、油金魚、八爪魚、甜蝦。而熱食方面雖然真係冇乜選擇，不過都唔錯。我食咗個香芧波士頓龍蝦。龍蝦焗喺個熱盤入面都唔會太差，啲肉好彈牙。我食咗一大隻！好味！蒸魚呀、菜膽雞呀、都好好味！
而比較特別嘅係黑松露鵝肝蒸蛋。黑松露配蛋真係一流，有勁香嘅松露味。好似去咗天堂咁。不過舊鵝肝好似有少少多餘，因為鵝肝啲味都好重，一齊食蓋過咗黑松露嘅清香。我食咗兩杯。第二杯唔知點解冇第一杯咁好食。唔通已經習慣咗嗰種香味？奇怪…
之後我好似慌死食唔飽，整咗碗担担麵。個麵冇落湯，只係用担担麵醬。好好味！但據聞佢啲人參雞湯底都好得，不過真係食唔落啦。
甜品見有薄煎餅，我要咗個香蕉加朱古力雪榚。Jayson 媽整咗幾件餅仔、楊枝甘露、同埋豆腐花。飲埋杯好濃嘅咖啡，我正式反咗肚，浮咗上水面…
每次食自助餐，都好似出錢又出命。今次亦唔例外。食完之後，個肚飽到有啲唔舒服。我地（再一次）話以後都唔食自助餐。不過我地已經諗定下次慶祝，要去 Harbourside 訂番張檯先得！哈哈哈！
~ Lindberg
先講一下尋日下午我特製嘅早午餐。煮完雞肉菜飯俾 Jayson，然後再煮到一頭煙，都算做有誠意呱。
起初都有啲擔心間餐廳好唔好食。見 openrice.com 啲食評好似麻麻地。之前個價錢係星期日至四 6:30pm-10:00pm 成人 $425。尋日不知不覺已經加到 $460 一位。鬼叫我訂唔到香港洲際酒店嘅 Harbourside，訂咗君悅酒店露天嘅 The Grill，天氣又唔好。不過聽（有線嗰個）阿蘇話唔錯，而且我地又未試過，咪去試下囉。
君悅酒店咖啡室 Grand Cafe試完之後真係要為佢平反一下。雖然選擇的而且確唔多，又冇生蠔食，甜品又冇乜特別，但係都有啲特式野食，喺其他酒店食唔到，而且樣樣野嘅味道都唔錯，服務亦非常之好。
地址：灣仔港灣道1號君悅酒店
電話：2588-1234
頭盤先嚟個自製鵝肝醬。鵝肝醬非常香滑，而且一啲都唔漏。搽多士一流！
哩個自助餐其中一個特色，就係有即切嘅風乾肉。總共有四款肉：Parma Ham、Air-dried Beef、Capicola 同埋 Salami。而我最鐘意都係 Parma Ham，好有油香。加上清甜嘅哈蜜瓜，簡直係人間極品！我總共食咗兩轉。一疊疊嘅 Parma Ham，非常滿足！
之後我飲咗個椰子西施骨湯，個湯簡直係我食咁多自助餐以來，最有水準嘅一個。魚生有基本嘅三文魚、油金魚、八爪魚、甜蝦。而熱食方面雖然真係冇乜選擇，不過都唔錯。我食咗個香芧波士頓龍蝦。龍蝦焗喺個熱盤入面都唔會太差，啲肉好彈牙。我食咗一大隻！好味！蒸魚呀、菜膽雞呀、都好好味！
而比較特別嘅係黑松露鵝肝蒸蛋。黑松露配蛋真係一流，有勁香嘅松露味。好似去咗天堂咁。不過舊鵝肝好似有少少多餘，因為鵝肝啲味都好重，一齊食蓋過咗黑松露嘅清香。我食咗兩杯。第二杯唔知點解冇第一杯咁好食。唔通已經習慣咗嗰種香味？奇怪…
之後我好似慌死食唔飽，整咗碗担担麵。個麵冇落湯，只係用担担麵醬。好好味！但據聞佢啲人參雞湯底都好得，不過真係食唔落啦。
甜品見有薄煎餅，我要咗個香蕉加朱古力雪榚。Jayson 媽整咗幾件餅仔、楊枝甘露、同埋豆腐花。飲埋杯好濃嘅咖啡，我正式反咗肚，浮咗上水面…
每次食自助餐，都好似出錢又出命。今次亦唔例外。食完之後，個肚飽到有啲唔舒服。我地（再一次）話以後都唔食自助餐。不過我地已經諗定下次慶祝，要去 Harbourside 訂番張檯先得！哈哈哈！
~ Lindberg
2008年6月26日
公告：型男飯局
致各網友。因應特別行動發起人，白雪及 Maggie 要求，本人現以行動會議秘書身份，發出此通告。三大型男將會搞飯局。有興趣者，請留意！（保証好玩過《志雲飯局》！）
事源 Maggie 近排有個小朋友聚會，白雪見咁好玩，於是就提議我地都搞番一個。我地選擇咗幾個日子，希望一眾小朋友，如果有時間的話，就叫爸爸媽媽帶埋您一齊嚟玩啦！如果大朋友想參加，都無任歡迎！
~ Lindberg
日期：7月26 或 27，8月2 或 3，8月9 或 10如有興趣，請表示自己比較喜歡的日期。希望可以盡快擇日，因為都要向餐廳留位。如有任何問題，歡迎留言查詢。
時間：3:00pm-5:30pm
地點：銅鑼灣某意大利餐廳，近地鐵，有泊車（不過自己俾錢）
費用：~ $80 （每個大人）包括飲品及食物
特別要求：每位小朋友請預備一份 $50 以內的小禮物作交換
~ Lindberg
2008年6月25日
我要姐姐
前文提到星期六約了爺爺和嫲嫲去餐廳食午飯，補祝父親節。因為「認人」的關系，Jayson 喊到很疲倦。於是一到達餐廳便去瞓一覺。
醒來之後便吃兩口麵包。樣子十分為食…
不知是否我們經常在 Jayson 面前叫 Julie，所以除了「媽媽」和「阿爸」，第三句學識講的，竟然是「姐姐」！前場加映的是 Jayson 搗亂餐檯。
其實到拍攝的時候，已經沒有叫「姐姐」叫得那麼準確。但已經足以令我們大笑一番。
~ Lindberg
醒來之後便吃兩口麵包。樣子十分為食…
不知是否我們經常在 Jayson 面前叫 Julie，所以除了「媽媽」和「阿爸」，第三句學識講的，竟然是「姐姐」！前場加映的是 Jayson 搗亂餐檯。
其實到拍攝的時候，已經沒有叫「姐姐」叫得那麼準確。但已經足以令我們大笑一番。
~ Lindberg
2008年6月24日
郭小姐面世
死黨郭先生個女終於出世啦！
「爸爸，我又要去！」
「Jayson，醫院唔啱您去㗎。遲啲先上叔叔屋企探人啦。等爸爸幫您去望一望先！」
「爸爸，您次次見到靚女都係咁講嘅？一去就冇回頭！」
據悉，嗰日正當郭生準備睇荷蘭對俄羅斯之際，阿嫂突然大叫。醫院叫佢地慢慢準備入院。最後早上九點左右入手術室。大夫前一晚都做到好夜，咁嘅年紀仲可以從事啲咁需要體力嘅工作，佢真係好厲害。難怪養和入面有半個場都係佢嘅。
因為位置唔係太好，所以最後都係開刀。母女健康，郭小姐 7.7 磅重，50 厘米長。比 Jayson 當時重一磅，長一厘米。樣子相當甜美。
郭小姐仲未有名。郭生堅持留番個英文名俾個女自己改，而中文名就係公公同爸爸之爭。不過兩個名都…好特別。一個係排球名將，一個係保險公司。厲害厲害… 哈哈哈！
「您無論叫乜名，都係您爸爸媽媽嘅心肝寶貝啦。」
祝郭生一家身體健康，一團和氣！
~ Lindberg
「爸爸，我又要去！」
「Jayson，醫院唔啱您去㗎。遲啲先上叔叔屋企探人啦。等爸爸幫您去望一望先！」
「爸爸，您次次見到靚女都係咁講嘅？一去就冇回頭！」
據悉，嗰日正當郭生準備睇荷蘭對俄羅斯之際，阿嫂突然大叫。醫院叫佢地慢慢準備入院。最後早上九點左右入手術室。大夫前一晚都做到好夜，咁嘅年紀仲可以從事啲咁需要體力嘅工作，佢真係好厲害。難怪養和入面有半個場都係佢嘅。
因為位置唔係太好，所以最後都係開刀。母女健康，郭小姐 7.7 磅重，50 厘米長。比 Jayson 當時重一磅，長一厘米。樣子相當甜美。
郭小姐仲未有名。郭生堅持留番個英文名俾個女自己改，而中文名就係公公同爸爸之爭。不過兩個名都…好特別。一個係排球名將，一個係保險公司。厲害厲害… 哈哈哈！
「您無論叫乜名，都係您爸爸媽媽嘅心肝寶貝啦。」
祝郭生一家身體健康，一團和氣！
~ Lindberg
2008年6月23日
認人
Jayson 認人都認得幾厲害。就算起初會跟你嘻嘻哈哈，轉個頭知道你不是他所以為的人，便會立即放聲大哭。面皮非常之薄。但只要經過熱身，問題不大。尤其是對女性，抗拒越細。不知是從那裡遺傳下來…
那天我獨個兒載著 Jayson 去接爺爺嫲嫲出街食飯。一路上雖然只得我倆，但他沒有扭計，只顧著玩自己的玩具。有時還會自己哼歌仔。雖然不知道他在唱甚麼，但明顯聽得到幾個旋律。都幾好笑。
當接了爺爺嫲嫲之後，起初也沒有甚麼。但可能爺爺嫲嫲太熱情，而又有十幾天沒有見過面，Jayson 突然大喊起來。而去銅鑼灣一路塞車，Jayson 一路喊。我見 Jayson 可能是嚇親，所以叫嫲嫲讓他自己安靜一下。但 Jayson 沒有停下來的現象。那天很塞車，他一直放聲大哭。正當自己不知所措的時候，救星打電話給我。Jayson 媽叫我嘗試給他奶咀，可能哭得久了，便開始扭眼瞓。果然全中！
後來食午飯，嫲嫲都沒有甚麼機會跟 Jayson 玩。好明顯有點不高興。嘻…
Jayson 媽跟我說，當她知道 Jayson 不停哭，但又不能在他身邊，心裡也很難過。
昨晚跟一班同學食飯。我們十幾個人有自己一間房間，但房間的滅聲做得不太好，說話時都幾嘈。面對這班一個月才見一次的叔、伯、公、姑、嬸、契爺媽，Jayson 又玩「認人」。先望一望，然後來一個扁咀，嗚嘩嘩嘩嘩嘩… 唉…
哭完之後，又在媽媽的懷中睡覺好的…
之後醒來，見應該有足夠熱身，就抱給契爺契媽抱抱：
契爺抱抱 -> 扁咀
契媽抱抱 -> 好開心
哈哈哈！
~ Lindberg
P.S. 尋日食飯見到一個唔應該喺香港出現嘅人。好驚！成班人見到都唔知點樣反應，大家仲以為見到鬼呀！哈哈哈！ 好多謝 Christine 嬸嬸 買俾 Jayson 嘅禮物！好靚！好舒服！希望快啲到冬天就有得用！
那天我獨個兒載著 Jayson 去接爺爺嫲嫲出街食飯。一路上雖然只得我倆，但他沒有扭計，只顧著玩自己的玩具。有時還會自己哼歌仔。雖然不知道他在唱甚麼，但明顯聽得到幾個旋律。都幾好笑。
當接了爺爺嫲嫲之後，起初也沒有甚麼。但可能爺爺嫲嫲太熱情，而又有十幾天沒有見過面，Jayson 突然大喊起來。而去銅鑼灣一路塞車，Jayson 一路喊。我見 Jayson 可能是嚇親，所以叫嫲嫲讓他自己安靜一下。但 Jayson 沒有停下來的現象。那天很塞車，他一直放聲大哭。正當自己不知所措的時候，救星打電話給我。Jayson 媽叫我嘗試給他奶咀，可能哭得久了，便開始扭眼瞓。果然全中！
後來食午飯，嫲嫲都沒有甚麼機會跟 Jayson 玩。好明顯有點不高興。嘻…
Jayson 媽跟我說，當她知道 Jayson 不停哭，但又不能在他身邊，心裡也很難過。
昨晚跟一班同學食飯。我們十幾個人有自己一間房間，但房間的滅聲做得不太好，說話時都幾嘈。面對這班一個月才見一次的叔、伯、公、姑、嬸、契爺媽，Jayson 又玩「認人」。先望一望，然後來一個扁咀，嗚嘩嘩嘩嘩嘩… 唉…
哭完之後，又在媽媽的懷中睡覺好的…
之後醒來，見應該有足夠熱身，就抱給契爺契媽抱抱：
契爺抱抱 -> 扁咀
契媽抱抱 -> 好開心
哈哈哈！
~ Lindberg
P.S. 尋日食飯見到一個唔應該喺香港出現嘅人。好驚！成班人見到都唔知點樣反應，大家仲以為見到鬼呀！哈哈哈！ 好多謝 Christine 嬸嬸 買俾 Jayson 嘅禮物！好靚！好舒服！希望快啲到冬天就有得用！
2008年6月21日
一人一件新衫
尋晚行 Uniqlo，Jayson 媽想買啲夏天衫。我一路行，個心就留咗喺下面間 Toy 'R' Us 嘅 PS3 前面。行到童裝部，見到一件衫，想買俾 Jayson 著。而 Jayson 媽就毫無收獲。
之後佢行過見啲卡通印花圓領短袖衫，我心諗：咁大個人仲著印花衫…？不過睇真啲，嗰啲印花又真係要 30mething 先會識得欣賞，啲公仔全部都係細個嗰陣睇嘅公仔書。而竟然又真係俾 Jayson 媽同我都揀到件啱心水嘅喎！
Jayson 媽係安達充老師迷。最鐘意嘅作品就係 Rough。原來都已經係 1987 年嘅作品。
我嗰件除咗因為係紅色之外，仲要係藤田和日郎老師嘅《潮與虎》。老師啲作品都幾神怪，好多時都會用咗啲日本嘅民間傳說。故事情節豐富，雖然有時好似豐富過頭，不過都算有個完整嘅結尾。件衫除咗前面有潮與虎兩個主角之外，後面嘅頸位仲有隻九尾狐。
而我就幫阿仔揀咗件蝦肉色背心。著上身，露出一對肉臂，一定好夏天（仲好性感添！）。
~ Lindberg
P.S. 今日幫阿仔磅重。 20.2 磅！到咗 75% 條線！變咗肥仔嘜…
之後佢行過見啲卡通印花圓領短袖衫，我心諗：咁大個人仲著印花衫…？不過睇真啲，嗰啲印花又真係要 30mething 先會識得欣賞，啲公仔全部都係細個嗰陣睇嘅公仔書。而竟然又真係俾 Jayson 媽同我都揀到件啱心水嘅喎！
Jayson 媽係安達充老師迷。最鐘意嘅作品就係 Rough。原來都已經係 1987 年嘅作品。
我嗰件除咗因為係紅色之外，仲要係藤田和日郎老師嘅《潮與虎》。老師啲作品都幾神怪，好多時都會用咗啲日本嘅民間傳說。故事情節豐富，雖然有時好似豐富過頭，不過都算有個完整嘅結尾。件衫除咗前面有潮與虎兩個主角之外，後面嘅頸位仲有隻九尾狐。
而我就幫阿仔揀咗件蝦肉色背心。著上身，露出一對肉臂，一定好夏天（仲好性感添！）。
~ Lindberg
P.S. 今日幫阿仔磅重。 20.2 磅！到咗 75% 條線！變咗肥仔嘜…
2008年6月20日
熱辣辣的海南雞飯
前一排日日落雨，見今日風和日麗，於是就一個人去灣仔北食午飯。以前郭生仲喺到嘅時候（我係指佢仲喺灣仔做野嘅時候），我地耐唔耐都會相約去灣仔北嘅泳池附近嘅平台食食盒飯，晒晒太陽。非常之懷念嗰段日子，所以我就走咗去逸東軒，諗住買盒海南雞飯，開開心心食飯去。
逸東軒個外賣部同以前有好大分別。竟然收銀員都冇咗！佢地放咗部打單機喺個收銀位置，客人自己想食乜就自己打乜，然後用八達通俾錢。勁！不過開頭我都懷疑咗一陣，先知應該點做。
海南雞飯一盒 $42 連湯。跟住就行去個平台到。非常風和日麗… 不過好似有啲過份風和日麗…
起初坐落個石地都唔覺有乜野。打開個湯，個湯好熱，太陽光喺湯面反射入眼，差啲盲！跟住攞起盒飯慢慢食。但係越食越唔對路。個屁股好似俾火燒咁！開頭諗住坐耐啲會冇咁熱。點知越坐越熱。陽光射落塊大石上面，而我個屁股就喺上面生煎。漸漸聞到陣陣嘅燒肉香味。
講番個海南雞飯。佢俾胸同翼俾我，好有份量，啲雞好滑，即使我唔記得攞薑茸，都好有味。（死火，唔記得唔好食咁多禽流雞添…）油飯亦都好香。
我以極速食完個飯，之後真係頂唔順，企起身飲埋個湯。食到一身汗。
頂唔順嘅唔止我一個，仲有下面哩位朋友。食咗一半都要企喺到，散一散熱。
如題，熱辣辣嘅午餐唔係指個午餐，而係指我個屁股。對眼因為俾太陽狂曬嘅關系，好耐之後先睇番野。下次都係等秋天先再嚟過。
~ Lindberg
逸東軒個外賣部同以前有好大分別。竟然收銀員都冇咗！佢地放咗部打單機喺個收銀位置，客人自己想食乜就自己打乜，然後用八達通俾錢。勁！不過開頭我都懷疑咗一陣，先知應該點做。
海南雞飯一盒 $42 連湯。跟住就行去個平台到。非常風和日麗… 不過好似有啲過份風和日麗…
起初坐落個石地都唔覺有乜野。打開個湯，個湯好熱，太陽光喺湯面反射入眼，差啲盲！跟住攞起盒飯慢慢食。但係越食越唔對路。個屁股好似俾火燒咁！開頭諗住坐耐啲會冇咁熱。點知越坐越熱。陽光射落塊大石上面，而我個屁股就喺上面生煎。漸漸聞到陣陣嘅燒肉香味。
講番個海南雞飯。佢俾胸同翼俾我，好有份量，啲雞好滑，即使我唔記得攞薑茸，都好有味。（死火，唔記得唔好食咁多禽流雞添…）油飯亦都好香。
我以極速食完個飯，之後真係頂唔順，企起身飲埋個湯。食到一身汗。
頂唔順嘅唔止我一個，仲有下面哩位朋友。食咗一半都要企喺到，散一散熱。
如題，熱辣辣嘅午餐唔係指個午餐，而係指我個屁股。對眼因為俾太陽狂曬嘅關系，好耐之後先睇番野。下次都係等秋天先再嚟過。
~ Lindberg
2008年6月19日
貓之按摩師
如果 Julie 都識得咁樣幫我按摩就好啦。
「爸爸，我每晚都有幫您按摩呀。」Julie 話。
「您嗰啲叫做按，唔係按摩！晚晚瞓喺我心口到，搞到我晚晚冇覺好瞓。」
「咁爸爸您個心口好瞓呀嘛！」
「咁我都知。個個女仔都係咁講。嘻嘻…」
「邊到個個女仔呀？！」遠處傳來的怒吼。
「…閃！」
近排 Julie 好似冇咁驚 Jayson。我地叫佢，佢都會行埋嚟細佬到。而 Jayson 見到姐姐就好開心興奮。有時佢都識就住力去摸姐姐，不過有時又會興奮過度，一野打落去，嚇走 Julie。好彩 Julie 都冇反抗。不過有冇靜雞雞報復，我地就唔知啦…
如果哥哥仲喺到，唔知兩兄弟會點呢。我估 Jayson 都會好想同哥哥玩，因為威威大舊啲。不過哥哥就會好有威嚴咁離遠望住 Jayson。而佢耐唔耐就會行過 Jayson 面前，俾佢摸幾下，親近一下。之後就走去同 Julie 打架…
今朝喺屋企突然好掛住威威。當返到公司睇完 QQ 媽咪寫嗰篇文章之後，就更加頂唔順…
威威，好掛住您呀！發夢俾我見下您都好呀…
~ Lindberg
「爸爸，我每晚都有幫您按摩呀。」Julie 話。
「您嗰啲叫做按，唔係按摩！晚晚瞓喺我心口到，搞到我晚晚冇覺好瞓。」
「咁爸爸您個心口好瞓呀嘛！」
「咁我都知。個個女仔都係咁講。嘻嘻…」
「邊到個個女仔呀？！」遠處傳來的怒吼。
「…閃！」
近排 Julie 好似冇咁驚 Jayson。我地叫佢，佢都會行埋嚟細佬到。而 Jayson 見到姐姐就好開心興奮。有時佢都識就住力去摸姐姐，不過有時又會興奮過度，一野打落去，嚇走 Julie。好彩 Julie 都冇反抗。不過有冇靜雞雞報復，我地就唔知啦…
如果哥哥仲喺到，唔知兩兄弟會點呢。我估 Jayson 都會好想同哥哥玩，因為威威大舊啲。不過哥哥就會好有威嚴咁離遠望住 Jayson。而佢耐唔耐就會行過 Jayson 面前，俾佢摸幾下，親近一下。之後就走去同 Julie 打架…
今朝喺屋企突然好掛住威威。當返到公司睇完 QQ 媽咪寫嗰篇文章之後，就更加頂唔順…
威威，好掛住您呀！發夢俾我見下您都好呀…
~ Lindberg
2008年6月18日
我嘔血呀！
警告：以下照片可能會引致情緒不安。
「嘩！阿仔您搞乜鬼呀？！」
「爸爸，我嘔血呀！」
「想嚇死人咩！婆婆餵您食車厘子汁汁咋。」
婆婆好像明白我要寫網誌的「需要」，當我看到他們所拍的照片，有時也不禁笑了出來，覺得可以放上網誌跟大家分享。哈哈…
以下的影片，是之前在自己家中食車厘子汁汁時拍的。準備車厘子汁汁其實真的比較麻煩，因為除了很熟的車厘子之外，大部份的表皮都得難剝，而且有些都頗酸。但車厘子含有豐富礦物質和維他命，如鐵、鉀、鎂和維他命A等。見嫲嫲買了一些給我們，就分幾粒給 Jayson 試試吧。看他有幾緊張！
~ Lindberg
P.S. 最近發現 Jayson 好有選擇地看電視。Barney 始終都是他的最愛。但除此之外，我們發現有一位女星，亦只有這位女星的廣告，Jayson 會看到目不轉睛。那位女星就是全知賢！Jayson 果然識貨！
「嘩！阿仔您搞乜鬼呀？！」
「爸爸，我嘔血呀！」
「想嚇死人咩！婆婆餵您食車厘子汁汁咋。」
婆婆好像明白我要寫網誌的「需要」，當我看到他們所拍的照片，有時也不禁笑了出來，覺得可以放上網誌跟大家分享。哈哈…
以下的影片，是之前在自己家中食車厘子汁汁時拍的。準備車厘子汁汁其實真的比較麻煩，因為除了很熟的車厘子之外，大部份的表皮都得難剝，而且有些都頗酸。但車厘子含有豐富礦物質和維他命，如鐵、鉀、鎂和維他命A等。見嫲嫲買了一些給我們，就分幾粒給 Jayson 試試吧。看他有幾緊張！
~ Lindberg
P.S. 最近發現 Jayson 好有選擇地看電視。Barney 始終都是他的最愛。但除此之外，我們發現有一位女星，亦只有這位女星的廣告，Jayson 會看到目不轉睛。那位女星就是全知賢！Jayson 果然識貨！
2008年6月17日
男生女相？
見 Bee 學化妝這麼好玩，我又怎忍得住手呢。而且大家都說 Jayson 有點似女孩。那就來做一個女孩樣看一看！
Jayson 靚女嗎？嘻嘻…
跟 Bee 講的一樣，Jayson 大個之後一定會嬲死我…
雪姑、櫻杏子、 Maggie、熙媽、Koko、QQ 媽咪，妳們也來試一試呀？我們也來個香港小姐選舉！嘩哈哈哈…
有興趣，都可以到這裡試：http://www.taaz.com/
~ Lindberg
P.S. 同場加映， 另一位我覺得都是男生女相的，藍藍王子樣！哈哈哈哈… 超可愛呀！（希望貓奴不要嬲了我！嘻…）
Jayson 靚女嗎？嘻嘻…
跟 Bee 講的一樣，Jayson 大個之後一定會嬲死我…
雪姑、櫻杏子、 Maggie、熙媽、Koko、QQ 媽咪，妳們也來試一試呀？我們也來個香港小姐選舉！嘩哈哈哈…
有興趣，都可以到這裡試：http://www.taaz.com/
~ Lindberg
P.S. 同場加映， 另一位我覺得都是男生女相的，藍藍王子樣！哈哈哈哈… 超可愛呀！（希望貓奴不要嬲了我！嘻…）
2008年6月16日
忌廉磨菇湯
忌廉磨菇湯好多人都煮過。我哩個忌廉磨菇湯雖然材料簡單，不過做法有少少麻煩。勝就勝在幾好味，同埋之後有個白汁可以用嚟煮其他野。
哩個湯主要分二個步驟。第一，煮個白汁；第二，煮個湯。先講個白汁：
之後就可以倒晒啲忌廉同牛奶落去。開番大個火，慢慢煮溶個麵粉糊。我見啲蒜頭有少少燶（失敗…），所以就用個篩去隔一隔。好彩冇乜影響個味道。
落埋個巴馬芝士同鹽去調味，一滾就可以熄火待用。咁就有個餐廳水準嘅白汁啦。我個白汁嘅份量應該夠煮四至六人嘅湯，或者二人份嘅湯，加一個二人份嘅白汁意粉。
跟住住就煮個湯。
落清雞湯、百里香、同埋白汁。想濃啲忌廉味咪落多啲白汁，想多啲菇味咪落小啲囉。湯一滾，就可以食得啦！
因為白汁同雞湯都已經有鹹味，所以都唔洗落鹽。反而如果太鹹，仲要落番少少水。都唔係好麻煩啫…
~ Lindberg
哩個湯主要分二個步驟。第一，煮個白汁；第二，煮個湯。先講個白汁：
先用牛油同麵粉做個「麵粉糊」。用細火炒香啲牛油同蒜頭，之後慢慢落麵粉攪溶。小心火太大煮燶啲蒜頭！煮到聞唔到麵粉味就可以。白汁材料：牛油 2 湯匙
麵粉 2 湯匙
蒜頭 2 小粒切碎
忌廉 1 小包
牛奶 1 包（250 毫升）
巴馬芝士 2 湯匙
鹽 調味
之後就可以倒晒啲忌廉同牛奶落去。開番大個火，慢慢煮溶個麵粉糊。我見啲蒜頭有少少燶（失敗…），所以就用個篩去隔一隔。好彩冇乜影響個味道。
落埋個巴馬芝士同鹽去調味，一滾就可以熄火待用。咁就有個餐廳水準嘅白汁啦。我個白汁嘅份量應該夠煮四至六人嘅湯，或者二人份嘅湯，加一個二人份嘅白汁意粉。
跟住住就煮個湯。
磨菇用乜野磨菇都可以。我今次喺 Apita 只係買到啲 Baby Portabellas。先用少少橄欖炒軟啲磨菇，然後落啲些利酒。非常之香㗎！（如果有落少少蒜頭起鑊，加鹽同黑椒，咁就已經係一道 Sauteed Mushroom 喇。）磨菇湯材料（二人份）：
磨菇 大半 盒
些利酒 2 湯匙
百里香 1 茶匙
清雞湯 250 毫升
白汁 隨自己喜好
落清雞湯、百里香、同埋白汁。想濃啲忌廉味咪落多啲白汁，想多啲菇味咪落小啲囉。湯一滾，就可以食得啦！
因為白汁同雞湯都已經有鹹味，所以都唔洗落鹽。反而如果太鹹，仲要落番少少水。都唔係好麻煩啫…
~ Lindberg
2008年6月15日
我的第一個父親節
「阿仔，咁就算幫我慶祝咗啦？」
「仲唔算呀？！同您去飲茶，買玩具（俾我），俾您離遠望下部 PS3，算係咁啦！」
「好感動呀！嗚嗚…」
「最多叫多您幾聲「爸爸」喇！」
「阿仔！我好愛您呀！」
一早起身，就發現阿仔瞓咗喺我身邊。原來佢已經食完早餐，換埋片，等瞓第二覺。逢周末，Jayson 媽都好厚待我，等我可以瞓耐少少。之後佢就會陪 Jayson 再瞓過，而我就開始工作。
我見都已經九點幾，就唯有起身啦。例牌先去電腦面前搞一大輪，見未洗煲粥仔住，就開電視睇《加旋》。睇完無線嗰兩集唔夠喉，開電腦睇多一集。之後就去煲粥。Jayson 開始食有肉嘅粥。首先食魚肉。尋日煲得麻麻地，今日認真啲去煲。好好多！就連姐姐都要試下！
阿仔食完粥仔就一齊出街。著咗新衫，個樣非常神氣！
兩點鐘去到太古城，希望《西苑》唔洗等位。好彩都唔係好多人，等咗十幾分鐘就有位。Jayson 明明已經食飽，仲要同我爭食叉燒包！
「媽媽，我要包包！」
食完飯就去行 Toy "R" Us。Jayson 媽好細心為阿仔選擇玩具。兩個星期之前，我地去 Wise Kid 想買副 Lego。佢有一桶啱歲半玩嘅，不過要成千幾蚊！有冇咁貴呀？！不過 Lego 有另一條線專俾細路玩，叫 Duplo。Wise Kid 冇得賣。雖然都係要歲半先玩得，不過我地只係想搵啲野俾佢揸下，砌下。一桶有七十幾塊，大大塊唔怕食落肚。不過都唔平，要成二百幾蚊！
喺 Toy "R" Us 入面，阿仔不停叫「阿爸」。想氹我買玩具都唔洗落咁重藥呀！哈哈哈！
Jayson 媽仲搵到一副好多野玩嘅玩具，話要鍛煉下佢喎…
而我就買多一隻可以落水俾小朋友玩嘅鴨仔。上面仲有幾舊咬牙膠。今次應該放得入口囉呱…
買咗咁多件玩具俾阿仔，而我只可以離遠望下部 PS3。Metal Gear Solid 4 呀！！！
當 Jayson 媽俾緊錢嘅時候，我同 Jayson 先出去等。咁啱 Jayson 媽撞到相識。佢走嚟我到同 Jayson 玩，話 Jayson 啲節瓜又真係幾勁。開頭我以為係 Jayson 媽啲同事，先知道「節瓜俠」嘅大名。點知原來係舊同學。點解佢又會知嘅？一個謎…
因為夜晚唔想再出街，所以我決定做啲簡單嘅菜。搞來搞去，最後喺 Apita 買咗個薄餅，沙律菜，同埋準備煮個磨菇湯。
個磨菇湯雖然材料唔多，不過煮得好認真。非常好味（食譜後上）。個薄餅好好味！個包裝話用攝氏 250 度嘅焗爐焗五分鐘。我已經預熱咗個焗爐，但係焗咗十分鐘先至有色。不過個薄餅底做得好好，外脆內軟。四十幾蚊一個，好食過 Pizza Hut 好多。
咁就過咗我第一個父親節。好攰，不過都好開心…
~ Lindberg
「仲唔算呀？！同您去飲茶，買玩具（俾我），俾您離遠望下部 PS3，算係咁啦！」
「好感動呀！嗚嗚…」
「最多叫多您幾聲「爸爸」喇！」
「阿仔！我好愛您呀！」
一早起身，就發現阿仔瞓咗喺我身邊。原來佢已經食完早餐，換埋片，等瞓第二覺。逢周末，Jayson 媽都好厚待我，等我可以瞓耐少少。之後佢就會陪 Jayson 再瞓過，而我就開始工作。
我見都已經九點幾，就唯有起身啦。例牌先去電腦面前搞一大輪，見未洗煲粥仔住，就開電視睇《加旋》。睇完無線嗰兩集唔夠喉，開電腦睇多一集。之後就去煲粥。Jayson 開始食有肉嘅粥。首先食魚肉。尋日煲得麻麻地，今日認真啲去煲。好好多！就連姐姐都要試下！
阿仔食完粥仔就一齊出街。著咗新衫，個樣非常神氣！
兩點鐘去到太古城，希望《西苑》唔洗等位。好彩都唔係好多人，等咗十幾分鐘就有位。Jayson 明明已經食飽，仲要同我爭食叉燒包！
「媽媽，我要包包！」
喺 Toy "R" Us 入面，阿仔不停叫「阿爸」。想氹我買玩具都唔洗落咁重藥呀！哈哈哈！
Jayson 媽仲搵到一副好多野玩嘅玩具，話要鍛煉下佢喎…
而我就買多一隻可以落水俾小朋友玩嘅鴨仔。上面仲有幾舊咬牙膠。今次應該放得入口囉呱…
買咗咁多件玩具俾阿仔，而我只可以離遠望下部 PS3。Metal Gear Solid 4 呀！！！
當 Jayson 媽俾緊錢嘅時候，我同 Jayson 先出去等。咁啱 Jayson 媽撞到相識。佢走嚟我到同 Jayson 玩，話 Jayson 啲節瓜又真係幾勁。開頭我以為係 Jayson 媽啲同事，先知道「節瓜俠」嘅大名。點知原來係舊同學。點解佢又會知嘅？一個謎…
因為夜晚唔想再出街，所以我決定做啲簡單嘅菜。搞來搞去，最後喺 Apita 買咗個薄餅，沙律菜，同埋準備煮個磨菇湯。
個磨菇湯雖然材料唔多，不過煮得好認真。非常好味（食譜後上）。個薄餅好好味！個包裝話用攝氏 250 度嘅焗爐焗五分鐘。我已經預熱咗個焗爐，但係焗咗十分鐘先至有色。不過個薄餅底做得好好，外脆內軟。四十幾蚊一個，好食過 Pizza Hut 好多。
咁就過咗我第一個父親節。好攰，不過都好開心…
~ Lindberg
2008年6月14日
墨西哥風早（晚）餐
我好鐘意食早餐，尤其是西式豐富嗰種。雖然都不外乎蛋蛋腸腸，不過就係鐘意佢俾我一個精神爽利嘅感覺。所以好多時去茶餐廳，即使係下午茶時間，我都會叫早餐食。以前如果想食一頓豐富嘅西式早餐，我地會去灣仔嘅 Harry Ramsden's。$60 左右一份食到你晚餐都可以唔食嘅早餐，非常令人懷念（但已經一早𢴇咗粒）。
近兩年一想食餐勁嘅早餐，就會去 The Frying Pan。通常都係假日走去，好悠閒咁食個早午餐（brunch）。而哩晚係第一次去食晚餐…（定係應該叫番做「早餐」呢？）
個辣汁入面有唔少青辣椒，都幾辣。不過蕃茄啲酸味可以中和番少少。蛋下面有塊墨西哥薄餅。蛋黃啲汁加埋啲辣汁，溶入啲薄餅入面，好味到不得了！
我發覺自己好似忘記自己嘅體重一樣。叫咗一大杯朱古力奶，仲有件西多士兩個人分。件西多士用最普通嘅做法，一大塊麵包黏上蛋漿就去煎。加上糖漿或者果醬，好好味（亦都好肥仔…）。非常滿足嘅一頓晚餐！
~ Lindberg
近兩年一想食餐勁嘅早餐，就會去 The Frying Pan。通常都係假日走去，好悠閒咁食個早午餐（brunch）。而哩晚係第一次去食晚餐…（定係應該叫番做「早餐」呢？）
通常嚟到食早午餐，都會食啲正常啲嘅野。即係啲腸腸蛋蛋同埋多士。今次見係晚餐，就叫個特別啲嘅，叫做 Ranchero Mucho。墨西哥有冇哩個菜，我唔知道。不過用上辣調味汁（Salsa Sauce），同埋牛油果，真係有幾分墨西哥風味。The Frying Pan
地址：中環奧卑利街 9 號地下
電話：2140 6333
個辣汁入面有唔少青辣椒，都幾辣。不過蕃茄啲酸味可以中和番少少。蛋下面有塊墨西哥薄餅。蛋黃啲汁加埋啲辣汁，溶入啲薄餅入面，好味到不得了！
我發覺自己好似忘記自己嘅體重一樣。叫咗一大杯朱古力奶，仲有件西多士兩個人分。件西多士用最普通嘅做法，一大塊麵包黏上蛋漿就去煎。加上糖漿或者果醬，好好味（亦都好肥仔…）。非常滿足嘅一頓晚餐！
~ Lindberg
2008年6月13日
新式沖涼用奶咀
這是 Jayson 的新奶咀，沖涼時專用。看得出是甚麼嗎？
無錯。就是可憐的小鴨鴨…
這個奶咀咬下去還會有音效呢！哈哈哈…
~ Lindberg
P.S. Jayson 媽終於影到 Jayson 的第一隻牙仔啦！
無錯。就是可憐的小鴨鴨…
這個奶咀咬下去還會有音效呢！哈哈哈…
~ Lindberg
P.S. Jayson 媽終於影到 Jayson 的第一隻牙仔啦！
2008年6月12日
點先可以慳啲油呢？
為咗統治地球嘅大業，我自己對於財政上嘅管理特別注意。除咗屋企都會用會計軟件（家用版）之外，我揸車用幾多油都會有記錄。前嗰幾日去入油，發現差不多一缸油要成六百幾蚊。望一望個里數錶，先揸得嗰三百幾公里。心諗，莫非我駕駛技術差咗，唔覺意用多咗油？！
睇番個表就知唔關我事，而係因為油價不停咁升。我記得以前一公里先用 $1，自覺一架舊車有咁嘅表現都算唔錯。嗰時一公升油先至 $10。但近幾次入油，越入越貴。最近一次，足足要 $17 一公升。平均要用 $1.81 先行到一公里。而今缸油仲貴過上次，所以一定更大鑊。唉…
油價咁升法，點先可以慳啲油呢？我想喺到分享一下我嘅心德：
1) 注意保養
如果架車保養得好啲，啲油都會燃燒得好啲。例如如果個引擎空氣濾芯唔乾淨，空氣入得唔到個引擎，咁啲油就自然燃燒得唔夠盡啦。哩樣我自問做得幾好。
2) 減輕負擔
我放好多垃圾喺個車尾箱到。貓沙呀、Jayson 架車仔呀、十年都唔用嘅璧球套裝呀、等等。減輕重量就唔洗踩咁大腳油啦。除咗垃圾之外，入油都可以入滿半缸就算，咁架車又會再輕啲。不過因為懶，睇怕我都唔會點郁。嘻… 而且我鐘意架車重啲，感覺會穩定少少。
3) 油門控制
當然唔好貪興奮，下下大腳大腳咁踩油啦。慢慢加速，同埋保持平均速度就最好。而且迫力都會用小啲啦。除此之外，用適當嘅排檔，行適當嘅速度，都可以減少不必要嘅浪費。
4) 空波滑行
哩招高呀。當車行夠一定速度，就入空波等佢自己去。喺燈前用就比較實際，等佢自己流去紅燈前停。不過如果俾我師傅聽到一定打死我！因為佢話一入空波，架車就受唔到引擎控制，即係失速。如果有乜事發生，要行要停，會好危險。所以千祈唔好學！
5) 避免塞車
行得市區多，成日都遇到塞車。架車一起動一停會用好多油。如果有得選擇，寧願行遠少少都唔入去塞車地帶。
6) 檢查呔氣
如果車呔唔夠氣，同地面嘅接觸同摩擦力會大咗。咁要推郁架車亦即係吃力咗。
7) 唔開冷氣
喺香港，熱天唔開冷氣當然會死人。不過如果陰天或者落雨，都可以試試。喺窗上面裝個雨擋就唔怕濺雨入嚟啦。
8) 留意特別優惠
其實我上面個表唔係我實際要俾嘅錢。因為我用某張信用卡有減價優惠。而某啲大公司都會幫員工搵啲「員工福利計劃」，入油會平少少。留意一下，年終都可以慳少少。
9) 換車
環保車當然可以慳番啲啦，如果有錢換的話…
除咗以上 9 招，仲有乜野計仔呢？
「爸爸，點解您哩頭話慳錢，嗰頭又走去買玩具嘅？」
「咁慳得咁辛苦，當然要買啲野嚟獎勵下自己先得㗎嘛。」
~ Lindberg
睇番個表就知唔關我事，而係因為油價不停咁升。我記得以前一公里先用 $1，自覺一架舊車有咁嘅表現都算唔錯。嗰時一公升油先至 $10。但近幾次入油，越入越貴。最近一次，足足要 $17 一公升。平均要用 $1.81 先行到一公里。而今缸油仲貴過上次，所以一定更大鑊。唉…
油價咁升法，點先可以慳啲油呢？我想喺到分享一下我嘅心德：
1) 注意保養
如果架車保養得好啲，啲油都會燃燒得好啲。例如如果個引擎空氣濾芯唔乾淨，空氣入得唔到個引擎，咁啲油就自然燃燒得唔夠盡啦。哩樣我自問做得幾好。
2) 減輕負擔
我放好多垃圾喺個車尾箱到。貓沙呀、Jayson 架車仔呀、十年都唔用嘅璧球套裝呀、等等。減輕重量就唔洗踩咁大腳油啦。除咗垃圾之外，入油都可以入滿半缸就算，咁架車又會再輕啲。不過因為懶，睇怕我都唔會點郁。嘻… 而且我鐘意架車重啲，感覺會穩定少少。
3) 油門控制
當然唔好貪興奮，下下大腳大腳咁踩油啦。慢慢加速，同埋保持平均速度就最好。而且迫力都會用小啲啦。除此之外，用適當嘅排檔，行適當嘅速度，都可以減少不必要嘅浪費。
4) 空波滑行
哩招高呀。當車行夠一定速度，就入空波等佢自己去。喺燈前用就比較實際，等佢自己流去紅燈前停。不過如果俾我師傅聽到一定打死我！因為佢話一入空波，架車就受唔到引擎控制，即係失速。如果有乜事發生，要行要停，會好危險。所以千祈唔好學！
5) 避免塞車
行得市區多，成日都遇到塞車。架車一起動一停會用好多油。如果有得選擇，寧願行遠少少都唔入去塞車地帶。
6) 檢查呔氣
如果車呔唔夠氣，同地面嘅接觸同摩擦力會大咗。咁要推郁架車亦即係吃力咗。
7) 唔開冷氣
喺香港，熱天唔開冷氣當然會死人。不過如果陰天或者落雨，都可以試試。喺窗上面裝個雨擋就唔怕濺雨入嚟啦。
8) 留意特別優惠
其實我上面個表唔係我實際要俾嘅錢。因為我用某張信用卡有減價優惠。而某啲大公司都會幫員工搵啲「員工福利計劃」，入油會平少少。留意一下，年終都可以慳少少。
9) 換車
環保車當然可以慳番啲啦，如果有錢換的話…
除咗以上 9 招，仲有乜野計仔呢？
「爸爸，點解您哩頭話慳錢，嗰頭又走去買玩具嘅？」
「咁慳得咁辛苦，當然要買啲野嚟獎勵下自己先得㗎嘛。」
~ Lindberg
2008年6月11日
笑聲救地球
Jayson 的笑聲可否拯救地球，我不敢擔保。但他的笑聲，的而且確為爸爸媽媽帶來不少歡樂，和消除了不少煩惱。
究竟，「頭髮」有甚麼可笑呢？哈哈哈…
很想拍下他那天真無邪的笑臉。待他長大之後，當人生遇到任何挫節，或不如意的事情，讓他知道曾經有過這樣的笑容。為了可以這樣笑，甚至令身邊的人同樣地笑而繼續努力。保護地球的任務就靠您啦，節瓜俠！
「爸爸，但係如果我第二時大個都笑成咁，我啲女朋友會唔會話我傻㗎？」
「鐘意您嘅，一定唔會。」
「咁您同媽媽又成日叫我做傻豬豬？」
「傻豬豬又點同呢？傻豬豬即係…」
「即係咩呀？」
「傻豬豬即係…傻豬豬囉！」
~ Lindberg
究竟，「頭髮」有甚麼可笑呢？哈哈哈…
很想拍下他那天真無邪的笑臉。待他長大之後，當人生遇到任何挫節，或不如意的事情，讓他知道曾經有過這樣的笑容。為了可以這樣笑，甚至令身邊的人同樣地笑而繼續努力。保護地球的任務就靠您啦，節瓜俠！
「爸爸，但係如果我第二時大個都笑成咁，我啲女朋友會唔會話我傻㗎？」
「鐘意您嘅，一定唔會。」
「咁您同媽媽又成日叫我做傻豬豬？」
「傻豬豬又點同呢？傻豬豬即係…」
「即係咩呀？」
「傻豬豬即係…傻豬豬囉！」
~ Lindberg
2008年6月10日
iPod 小喇叭
記得以前曾經講過，雖然佢冇魔鬼嘅身材，但 Fred 哥正係一隻活生生嘅魔鬼。自己買咗部 iPod 小喇叭，就嚟引我。仲要係紅色添，叫我點可以忍得住手呀？！
牌子叫 Digifocus。可以放各型號 iPod。一粒 AA 電可以玩 9 個鐘。 我喺灣仔電腦中心買。$499 一部。 （Fred 哥同一店買，$498。可能因為佢靚仔啲…）
雖然喇叭細細，不過啲聲都唔錯。當然唔會好實，不過用嚟沖涼聽 podcast，廚房煮飯時聽歌，又真係唔錯。最緊要係紅色呀嘛。
「爸爸，媽媽問您買咗番嚟用咗幾多次呀？」
「多事！」
不過之前 Fred 哥極力遊說我買嘅 iPhone，我一直都冇動搖過。尋晚，終於守得雲開，見 iPhone。下個月就有得賣啦！如果買到的話…
3G iPhone 真係賣得「奇平」。就算同電話公司有得分帳，都算好平。USD199 有一部 8G，仲平過好多乜都冇嘅電話。可能 Apple 真係好想有一個好可觀嘅市場佔有率。Nokia 好似嚟緊有部 16G 內置容量嘅電話。如果我係佢，都唔知點定價啦。陰功…
話時話，部新 iPhone 真係可以算乜都有。就連 GPS 都有埋！唯一我覺得怪怪地，就係 3G 電話，冇兩個鏡頭。咁咪做唔到視像通訊囉…
再睇人地 AT&T 都唔係話收得特別貴。Fred 哥話都係 USD30 無限上網，電話費另計。咁都係總共大約 HK$4XX 一個月，可以接受呀。不過依家 3 啲數據計劃一啲都唔平，要去到 HK$480 先有得無限上網。加埋電話費一定好甘！我今朝去過 3 到問。當然未有計劃啦。個哥仔話下星期先知。希望佢唔會收得太貴啦。
~ Lindberg
牌子叫 Digifocus。可以放各型號 iPod。一粒 AA 電可以玩 9 個鐘。 我喺灣仔電腦中心買。$499 一部。 （Fred 哥同一店買，$498。可能因為佢靚仔啲…）
雖然喇叭細細，不過啲聲都唔錯。當然唔會好實，不過用嚟沖涼聽 podcast，廚房煮飯時聽歌，又真係唔錯。最緊要係紅色呀嘛。
「爸爸，媽媽問您買咗番嚟用咗幾多次呀？」
「多事！」
不過之前 Fred 哥極力遊說我買嘅 iPhone，我一直都冇動搖過。尋晚，終於守得雲開，見 iPhone。下個月就有得賣啦！如果買到的話…
3G iPhone 真係賣得「奇平」。就算同電話公司有得分帳，都算好平。USD199 有一部 8G，仲平過好多乜都冇嘅電話。可能 Apple 真係好想有一個好可觀嘅市場佔有率。Nokia 好似嚟緊有部 16G 內置容量嘅電話。如果我係佢，都唔知點定價啦。陰功…
話時話，部新 iPhone 真係可以算乜都有。就連 GPS 都有埋！唯一我覺得怪怪地，就係 3G 電話，冇兩個鏡頭。咁咪做唔到視像通訊囉…
再睇人地 AT&T 都唔係話收得特別貴。Fred 哥話都係 USD30 無限上網，電話費另計。咁都係總共大約 HK$4XX 一個月，可以接受呀。不過依家 3 啲數據計劃一啲都唔平，要去到 HK$480 先有得無限上網。加埋電話費一定好甘！我今朝去過 3 到問。當然未有計劃啦。個哥仔話下星期先知。希望佢唔會收得太貴啦。
~ Lindberg