愛爾蘭瘋薯

先幾個月前已經聽過哩間野個名，聽講話好多人排住隊買。早幾日食完個（細細個嘅）漢堡飽之後，行過見冇人排隊，於是就買一盒嚟試下。

愛爾蘭瘋薯 Ireland's Potato
地址：銅鑼灣謝斐道518號Shop A（總統戲院斜對面）

一杯炸薯條要 $30，真係唔平。不過都勝在即叫即炸。而佢嘅薯條比較實身。有啲似焗薯嘅質感，不過又唔會太粉，有薯仔味。我要原味嘅芝士醬。味道非常濃郁，但又唔會太膩。有啲香香嘅假煙肉碎。雖然簡簡單單，不過熱辣辣都幾好味。

但可惜真係要即刻食。由我買完之後，行番公司短短八分鐘嘅途中，啲薯條開始凍，芝士亦開始變硬。原本都冇乜所謂，但硬咗嘅芝士就黐唔到喺啲薯條上面。而且因為凍咗，就開始食到啲鹹味。到最後直頭鹹到苦，再食唔落口。

哩間店俾我嘅感覺，應該係想形造一個賣薯條配啤酒汽水嘅氣氛。道理上應該好夾，亦會好好搵。但可惜哩間舖冇位俾人喺入面坐或企。要企喺條街到飲啤酒都幾難想象。如果我係佢，一定會留啲位整幾張高檯或欄杆。地方唔洗多，只要可以吸引到幾個人入嚟飲野，自自然然會有人跟住做。到時人一多，即使企喺條街上飲啤酒都唔覺怪啦。

~ Lindberg

何謂「左右開弓」

「左右開弓」乃八段錦中的第二式：「左右開弓似射雕」。動作大致上是兩手掌如撮取物(弓箭狀)，往兩側緩慢拉開。

而 Jayson 不知從那裡學到這種招數，更活用在餐桌之上…

如果晚飯有菜芯，婆婆都會留幾條莖，給 Jayson 拿著吃。除了可以讓他跟我們一起坐著吃飯之外，對付牙痕時亦很有幫助。

左一啖：

右一啖：

「好味嗎，Jayson？」

「好味！」

~ Lindberg

Animal Alphabet Song

Jayson 喜歡聽兒歌，看一些跳動的畫面。我見大部份的小朋友都是這樣，因此他們喜歡看電視廣告。有見及此，Jayson 媽叫我找一些兒歌給 Jayson。早兩日在商務買了一套英語兒歌 DVD。歌曲還可以，但畫面不夠吸引。反而之前在 Podcast 找到的 Dora The Explorer 更為吸引。

我是從 Jayson 的堂姐們那裡認識 Dora。Dora 這個節目適合學前的小朋友，有唱歌、認知事物、遊戲、找錯處、等等。不過當然還不適合現的的 Jayson 看。在 Podcast 中，竟然給我找到一些 Dora 的片段。而最「驚人」的，可算是這隻 Animal Alphabet Song。

歌詞：

Ant Bear Cat Dog Elephant Frog GiraffeHorse Iguana Jaguar Kagaroo Lion MouseNightingale Octopus PigQuetzal Rhinoceros SnakeTurtle Umbrella-bird Vulture WhaleX-ray-fish Yak and Zebra
Now we know our animal ABC, next time won't you sing with me.

我們用了很長時間才可以跟著唱。能夠順利唱得完，會有很大的成功感。但有幾隻動物還搞不清楚是甚麼！而 Jayson 真的十分喜歡看。除了歌曲搞笑之外，不停跳的畫面就有如閃視卡片，所以特別引起他的注意。我甚至放在我的 iPhone 上，以備不時之需。哈哈哈…



~ Lindberg

Tropic Thunder 發人心省

入場前以為 Ben Stiller + Jack Black 再無哩頭加個 Robert Downey Jr. 會係一場鬧劇。但出奇地，竟然都幾發人心省喎！

原本以為哩套係普通嘅喜劇。故事大概係講一班大牌演員拍戰爭戲，因為夾得唔好，劇本嘅原著作者就提議導演，將佢地放入一個模擬戰爭環境，希望可以拍到一啲真實嘅演出。點知中間出咗事，假戲變成真做，笑料百出。而故事嘅背後，其實都係喺到諷刺電影業同演員。都幾發人心省㗎。

套戲啲笑料真係笑到我肚痛。雖然有啲場面都幾核突，不過都可以接受。而且都好明顯有諗過針對我地華人市場，有啲野應該要係中國人先識笑。例如戲中一名澳籍白人演員（Robert Downey Jr. 飾演），為咗接拍哩套戲，要飾演一個黑人軍人，專登用中國古法，將身體嘅染色素改變，變成一個黑人。而最搞笑嘅係，所謂嘅中國古法，係用一支藥水，而支藥水，竟然係「正骨水」？！個場面勁爆笑。當然我後面個鬼佬就唔會明白我笑乜啦。

Robert Downey Jr. 喺套戲入面做得好好。我會提名佢去同小丑 Heath Ledger 去角逐奧斯卡最佳男配角。正如佢自己喺戲中所講，演一個白痴嘅角色，真係做到完全白痴咁就冇吸引力。戲中佢扮演一個白人演員，扮一個黑人軍人角色。佢自行舉止好似一個黑人，但又睇得出只係扮做一個黑人，見到佢個樣就想笑。真係好難想象到，佢就係前一排上影嘅 Iron Man。

戲中有幾段對白好抵死。不過都幾多粗口。有幾句令我有好深刻嘅印象：

「I don't read the script. The script reads me. 」

「I know what dude I am. I'm the dude playin' the dude, disguised as another dude! 」

套戲另一個好強嘅地方，就係啲串星。除咗 Tom Cruise 有唔少戲份之外，仲有好多熟悉嘅面孔。有：Tobey Maguire、Tyra Banks、Jennifer Love Hewitt、等等。

近排悶悶地，可以睇到一套咁開心嘅喜劇，真係唔錯呀。



~ Lindberg

哈囉喂南瓜BB扮野派對 之 現場直擊

今日嘅南瓜BB扮野派對，喺一片歡樂嘅氣氛之下完成。其實去到半路，我地有啲擔心會唔會時間太長、小朋友太攰、太多野食、唔夠野玩、等等。但其實到咗最後，可以話樣樣都啱啱好喎。食物差不多食晒。雖然半路中途，有好多小朋友攰到中途離場，行埋一邊小睡，但小睡過後又有精神玩過。而中途休息嘅時間，我地有茶點供應，啲大朋友仲好踴躍參加攝影比賽。所以都唔算有太多悶場。影完大合照，已經五點左右。執埋野，時間啱啱好！

首先要多謝主辦單位：「四人幫」（莎莉蛋糕、Patsy、白雪、Emilili）。都係佢地悉心嘅安排，我地先可以過一個咁開心嘅下午。多謝小塋為我地準備嘅食物，份量剛剛好之餘仲好好味。估唔到大家樂有咁好嘅出品。多謝白雪同莎莉蛋糕張羅嘅禮物。仲要多謝荷花嘅優惠券，MyBabyFace 同 Fat Angelo's 送出嘅現金卷。最後，當然係出席嘅每一個朋友啦！

今次嘅聚會見到好多新朋友。有啲係新嘅網友，有啲係網友嘅朋友。是次參加嘅朋友有：Jayson、Anson、Mavis、Patsy、熙熙、Emilili、傲衡、莎莉蛋糕、Felix、Joey、Chloe、小塋、Eason、騫騫、Yan Yan Chu、Abbe。

正所謂：「一圖勝千言萬語」，大家睇相啦！先睇一睇小朋友嘅造型（有啲影漏咗。唔好意思！）：

西瓜俠！（因為買唔到節瓜…）

Hellboy： 越睇越似。哈哈哈哈…

南瓜魔鬼：睇唔出騫騫細過 Jayson 幾日喎。

中國娃娃：面珠燈好可愛呀！

尼古拉伯爵：靚仔到殺死人！我差啲想飛埋去，獻身俾佢咬啖。

南瓜頭：自己阿媽都忍唔住笑。哈哈哈哈…

魔鬼 Ladybug

哩個應該係扮緊運動員。哈哈哈！其實熙熙有對黑翼喺後面㗎，不過我影唔到。

南瓜人：咁細個就企得咁叻。勁呀！

而各項比賽嘅得獎者：

爬行比賽：暫時未有，啲相唔係我部相機到。

最鬼馬造型大獎：樂樂、傲衡、瑤瑤：

最鬼馬家庭大奬：非白雪一家屬。

電眼男：Eason。但由於放得太多電，攰到瞓著咗。所以由媽媽代領。

電眼女：Yan Yan Chu

而攝影比賽得以順利進行，都係多得 Patsy 部 Canon Selphy 相片打印機。

睇下啲相印得幾靚！（下次應該搵 Canon 資助一下先得。）

人像攝影金獎：

隨意快照金獎：

希望今次大家都可以盡興而歸。下次嘅聚會相信會係喺聖誕節。到時希望可以再見到大家啦！

「Yeah……」

~ Lindberg

Jayson 的生日：最終回

當時鐘行到早上十一時，Jayson 就正好一歲了。生日快樂！

原本以為今日沒有甚麼特別節目，只是下午去影樓影相，晚上和契爺食自助餐。但原來兩個節目都非常吃力，辛苦了Jayson 啦。

一早起床，吃過奶後便玩他的新玩兒：DVD。

唉…所有之前錄的電視劇集都被化為烏有。但因為都應該沒有時間去看，都是算吧。

因為四時半要到影樓影相，所以睡眠充足是很重要。玩了一會兒便去來一個回籠覺。而我便去處理家中帳務，和重複進行反恐練習（Call of Duty 4：Modern Warfare）。

回籠覺醒來，又是吃飯的時間。今天吃的是西蘭花雞肉親子飯。而餵完他之後，我們便繼續吃上星期日吃剩的薄餅… 終於把吃剩的東西清理完畢！

正因為手腳要快。我們立即幫 Jayson 洗白白，然後就去睡午覺。

三時三刻，我們便向於尖沙咀的影樓出發！

沒有太多東西需要帶。除了Jayson 的晚飯之外，要帶一些他喜歡玩的東西、小食、和一套拍半家福時的衣服。

可能因為 Jayson 的頭髮沒有乾透便去睡，頭髮分了兩邊。有點像條塘虱。嘩哈哈哈哈…

之後媽媽用水跟他處理一下。才不會那麼醜怪。

「Jayson，後面有個靚女姐姐對住您笑呀！」

「係咩？邊到？」

去到尖沙咀山林道的影樓（http://www.mybabyface.hk/）。影樓比想象中細，但作為一個專拍小孩造型照的地方，就設備足夠。套餐有七個造型加一個家庭照，$980 包四十張數碼相。可能 Jayson 不喜歡穿那些衣服，或者是肚餓或眼瞓，又或者是攝影師們太過熱情，所以 Jayson 表現得很扭計。基本上沒有怎樣笑。影了五個造型已經是極限。最後影多了幾張家庭照便收手。

之後 Jayson 媽很不開心。以為這樣的安排，Jayson 會玩得開心。但事與願違。影完 Jayson 之後，來了一個很可愛的十個月大BB女，她又真的玩得很開心。可能是我們想象不到 Jayson 的反應吧。

晚飯約了契爺契媽到金域假日酒店吃自助餐。Jayson 見到契爺契媽很開心。不停跟他們笑。

「Jayson，見您生日就俾條麵麵您食啦！」

「好野！有野食」

「我啜…」

「我啜啜啜…」

Jayson 吃了一些飽飽、幾條麵條之後，便去了睡覺。可能真的太疲倦吧。而我們亦因為掛住照顧 Jayson，所以都沒有機會去拿東西吃。這裡最值得欣賞的，就是那些甜品。款式非常多和漂亮。而其他食物都算不錯。可惜服務真的不是太好，不夠員工去清理用過的碟。咖啡機沒有奶又沒有人去添加。而印象中，以前的格局好像比較好。現在放多了檯，反而坐得不太舒服。

這一個都算是我們難忘的生日。希望 Jayson 健健康康，快高長大。



~ Lindberg

Jayson 生日會：第二回合

這次是自己為 Jayson 而設的生日會。雖然明知 Jayson 不會知道在發生甚麼事，但真的很想跟朋友們分享這一份喜悅。Jayson 終於一歲啦！

參加是次生日會的，大約有五十多位朋友。其實還有很多朋友想邀請。但當想到會令朋友破費買禮物給 Jayson，所以我們只邀請了一些「破費也不會不好意思」的好朋友。

而為了這個生日會，我們出了很多晚街。我們想買一個波波池，更要買些禮物給其他小朋友。雖然沒有特別安排一些節目，但仍希望一班小朋友能夠玩得開開心心。

我們早了半個小時到達餐廳作準備。那個波波池用了我九牛二虎之力，才能把它吹得漲。幸好都頗受歡迎。

可能大多人行來行去的關系，Jayson 整個下午沒多笑容。但幸好還有讓其他人抱和親一親。

茶點以自助形式。食物都頗為豐富。但我覺得招呼上可以好一點。

然後到切生日蛋糕和唱生日歌。我從沒想象過五十多人一起唱生日歌會是那樣。原來情景真的很感動。可以有這麼多朋友跟我們分享這一刻，我覺得是對我們一家，一個很大的祝福。

但最失敗的，就是忘了拍片留念。在場的朋友都是掛著唱生日歌，沒有用相機拍短片。很想再回味一番。唉…

Jayson 很明顯不知道在發生甚麼事。

但對蛋糕卻很有興趣…

「Jayson，蛋糕好唔好味呀？」

「爸爸，唔好問咁多啦！快啲手呀！」

生日會以一片歡樂氣氛下結束。而其中一樣最開心的，卻又令人最頭痛的，就是一大堆禮物。因家中地方淺窄，大部份禮物還留在車中。我看要拿去嫲嫲那裡暫放，然後慢慢一件一件拿出來給他玩。

而當中除了書本之外，還有很多 Thomas。很明顯朋友們想趁早涂毒 Jayson。哈哈哈…
最後，真的要多謝一班賞面到來的朋友。是各位讓我們一家有一個難忘的下午。謝謝！


~ Lindberg


P.S. 明天是 Jayson 的生日正日呀。我們會去影樓拍照留念。

哈囉喂南瓜BB扮野派對 之 詳細資料

嚟緊星期日嘅詳情，終於決定咗啦！各位參加者請留意：

哈囉喂南瓜BB扮野派對
日期：10 月 26 日
時間：12:45pm 至 6pm
地點：將軍澳某會所（地鐵上蓋，非常方便。）
費用：大約 $100（每位大人）（唔食晏者：$80。實數後計，一定有找。）

是日派對流程：
12:45pm 於寶林地鐵站（將軍澳線尾站）出閘口集合
得一個出口，一定唔驚走失。基於會所保安理由，所有來賓需由會員 （即 Patsy 的蝦子餅，aka：貓奴奴）帶領進場，所以懇請大家準時！！
1:00pm 午膳時間
午餐以自助形式（大家樂到會）提供食物包括：雜果沙律、意式焗鴛鴦海鮮飯、咖哩牛腩飯、芝士焗肉醬意粉、燒金沙骨、飲品。午膳時間充裕，方便父母們餵小朋友及餵飽自己。更可利用時間，裝扮自己的哈囉喂造型。
2:00pm 自我介紹 及 哈囉喂 Cat Walk
雖然睇得多大家嘅網誌，不過經過上次聚會之後，發現原來都係未能認識大家。自我介紹以每個單位計算（例如：白雪一家三口當一個單位）。各位攝影師，歡迎為該單位影相，參加其後嘅攝影比賽。
2:45pm BB爬行大賽
3:30pm 下午茶、曬相服務
下午茶以自助形式（大家樂到會）提供食物包括：沙嗲串、魚手指、雞中翼、三文治、烤肉腸、火腿蛋沙律、飲品。
比賽有兩個類別，分別為：1) 人像攝影；2) 隨意快照（Snapshot）。每個單位於每個類別只可提交一張自己認為最好嘅作品。作品會即時沖曬出嚟，以作投票之用。
閣下亦可自費即場沖曬其他照片。每張照片成本價 $2。即時可作分享及留念。
4:00pm 投票及頒獎
每個單位可投票一次，選出你最喜歡的照片。每個類別得票最多的兩位參賽者可獲得豐富奬品。
4:30pm Halloween扮嘢大賽頒獎
Halloween 扮嘢大賽共設兩個奬項：1) 最鬼馬BB大奬；2) 最鬼馬家庭大奬。得獎者將由「非專業」評審團選出。
5:00pm 大合照
所有參加者，不論大人、BB，一齊嚟影番張大合照喇喂！！
6:00pm 歡樂今宵再會
哈囉喂南瓜BB派對完滿結束，希望大家能夠盡興而歸！請各位記得執齊携來物品，千祈唔好拎錯人哋個B呀！

---

如果有新朋友唔認得我地個樣，唔洗驚，請電郵我（jojita@gmail.com），我會俾我手提電話你，以供聯絡之用。

亦因為知道有啲朋友會遲啲到，要兩點幾先嚟到。可以的話，俾個準確啲嘅時間我地。等我地可以一次過帶晒大家上嚟。

其實是次活動，都係一班熱心人士自發式幫手。上次有「一個墟製作公司」負責。但因為其中的 Maggie 今次嚟唔到，今次活動由「四人幫」接手。主要成員包括：白雪、莎莉蛋糕、Patsy、Emilili。當然仲有好多朋友熱心協助。希望到時大家都玩得開開心心啦！星期日見！
參加者名單：

Jayson：2a1b
Anson：2a1b
Mavis：3a1b
wingwing：3a1b
Patsy：2a1b1c
熙熙：2a1b
楠楠：2a1b
Emilili：1a
傲衡：2a1b
莎莉蛋糕：5a2b
米B：2a1b
Felix：1a1b
Joey：2a1b
Chloe：2a1b
小塋：6a1c
Eason：2a1b
騫騫：2a1b
Yan Yan Chu：2a1b
Abbe：2a1b

~ Lindberg

影證件相

「做咩呀，媽媽？」

「幫您影證件相去報學校呀。人地 Anson 已經影咗啦。您爸爸懶到死，成日都唔做野。要影得醒醒目目㗎！」

「醒目？咁我要扮孫悟空！」

「唔准呀！要正經啲呀。」

「要做個醒目樣，即係點呀？」

「好苦惱呀…」

「吹個口水波調節一下心情先…」

「咁樣得唔得呀？」

「咁叫做鬼靈精。要望住鏡頭呀！」

「咁又太精靈喎。」

最後：

「媽媽，咁樣收貨未呀？」

「Good take！收工！」

上面留多出來的位置，剪了下來便剛剛好成為一張證件相。不需其他後期處理，迎合我慣常的攝影原則（懶）。哈哈哈…



~ Lindberg