背後的女人，往往在男人最需要的時候出現。
「唔好喊啦… 我知出面做野辛苦。等我錫番您啦…」
「可以得到您背後的支持，令我成為最幸福的男人。多謝您，米B！」
「Jayson，得「米」啦您！」
「嘻嘻…」
~ Lindberg
P.S. 多謝 Maggie 同哲哲！有哲哲同 Jayson 爭玩具，然後 Maggie 拍下感人嘅場面。
P.P.S. 米B 請了 Jayson 媽吃兩顆西瓜，甜到發夢都笑了出來…
2009年8月30日
男人背後（二）
人生不如意事情，十常八九。跌倒了，流下男兒淚。但幸福的男人，身後總有人在留意。
背後的女人，往往在男人最需要的時候出現。
「唔好喊啦… 我知出面做野辛苦。等我錫番您啦…」
情深一吻之後，男人變得強了，再去為生命，為家庭拼搏。
「可以得到您背後的支持，令我成為最幸福的男人。多謝您，米B！」
「Jayson，得「米」啦您！」
「嘻嘻…」
~ Lindberg
P.S. 多謝 Maggie 同哲哲！有哲哲同 Jayson 爭玩具，然後 Maggie 拍下感人嘅場面。
P.P.S. 米B 請了 Jayson 媽吃兩顆西瓜，甜到發夢都笑了出來…
背後的女人，往往在男人最需要的時候出現。
「唔好喊啦… 我知出面做野辛苦。等我錫番您啦…」
「可以得到您背後的支持，令我成為最幸福的男人。多謝您，米B！」
「Jayson，得「米」啦您！」
「嘻嘻…」
~ Lindberg
P.S. 多謝 Maggie 同哲哲！有哲哲同 Jayson 爭玩具，然後 Maggie 拍下感人嘅場面。
P.P.S. 米B 請了 Jayson 媽吃兩顆西瓜，甜到發夢都笑了出來…
2009年8月28日
大家樂 之 三隻小豬
真係多得「大家樂」，我相信我會轉行食齋。善哉善哉…
其實我一直忍咗好耐唔出聲，但接二連三嘅沖擊，我真係再忍唔住啦！我好想知佢用邊間（咁醒嘅）廣告公司，點解咁嘅廣告都拍得出。而作為一間餐飲公司，咁都唔覺得有問題咩？正當我同 Jayson講《三隻小豬》嘅故事，電視廣告就見到一隻二隻三隻可愛嘅小肥豬，跳落水好開心咁游水。轉個頭就變咗塊肉，再轉個頭就放落油到炸！天啊！雖然拍得好靚，但我自己睇完立即冇晒胃口。
醇香酥排菜飯：
「爸爸，三隻小豬呢？」
「咪去咗豬小弟屋企游水囉…」
「大野狼呢？」
「…（咪去斬啲小豬，然後落鍋炸囉…）」
「一家人係唔係開開心心咁生活落去呀？」
「…（當然開心啦。不過係俾隻大野狼開開心心食咗落肚囉！）」
好彩 Jayson 未識問，否則我真係唔知點答（我寧願佢問我佢喺邊到嚟）。
廣告故事首尾呼應，咁可愛嘅小豬，俾你斬完，仲要落油炸。點會提起我對食物嘅興趣？就算唔係自己做飲食業，只係常人用常識去諗，我都唔會放啲生（或未煮熟）嘅野出嚟做宣傳，更如唔會俾人客有以上（同我一樣）嘅聯想。正所謂：「寧俾人知，莫俾人見」。而我並非係一個「極端」愛護動物嘅人，我都好鐘意食肉。食完之後，最多心懷感激。但唔好俾我食緊佢嘅時候，見到（或諗起）佢個仔囉…
而大家樂除咗以上近期嘅一個廣告，以前都用過同樣嘅手法。
海南功夫雞：呢個帶搞笑成份都還好。
御品鰻魚飯：魚都算喇。而且廣告中，生前都叫做好好對待過啲魚。加上鏡頭冇咁「露骨」。
咖哩乳飼牛坑腩：呢個我又係「超級」頂唔順。同小豬嘅問題一樣，而臨尾仲要一家大細望住你，話：「同你喺大家樂見」？！如果啲牛識講野，你話佢地會講乜呀啦？
救命啊！（呢句我講嘅！）
~ Lindberg
其實我一直忍咗好耐唔出聲，但接二連三嘅沖擊，我真係再忍唔住啦！我好想知佢用邊間（咁醒嘅）廣告公司，點解咁嘅廣告都拍得出。而作為一間餐飲公司，咁都唔覺得有問題咩？正當我同 Jayson講《三隻小豬》嘅故事，電視廣告就見到一隻二隻三隻可愛嘅小肥豬，跳落水好開心咁游水。轉個頭就變咗塊肉，再轉個頭就放落油到炸！天啊！雖然拍得好靚，但我自己睇完立即冇晒胃口。
醇香酥排菜飯：
「爸爸，三隻小豬呢？」
「咪去咗豬小弟屋企游水囉…」
「大野狼呢？」
「…（咪去斬啲小豬，然後落鍋炸囉…）」
「一家人係唔係開開心心咁生活落去呀？」
「…（當然開心啦。不過係俾隻大野狼開開心心食咗落肚囉！）」
好彩 Jayson 未識問，否則我真係唔知點答（我寧願佢問我佢喺邊到嚟）。
廣告故事首尾呼應，咁可愛嘅小豬，俾你斬完，仲要落油炸。點會提起我對食物嘅興趣？就算唔係自己做飲食業，只係常人用常識去諗，我都唔會放啲生（或未煮熟）嘅野出嚟做宣傳，更如唔會俾人客有以上（同我一樣）嘅聯想。正所謂：「寧俾人知，莫俾人見」。而我並非係一個「極端」愛護動物嘅人，我都好鐘意食肉。食完之後，最多心懷感激。但唔好俾我食緊佢嘅時候，見到（或諗起）佢個仔囉…
而大家樂除咗以上近期嘅一個廣告，以前都用過同樣嘅手法。
海南功夫雞：呢個帶搞笑成份都還好。
救命啊！（呢句我講嘅！）
~ Lindberg
2009年8月26日
自製 $68 虹吸奶茶
早幾日，郭生俾咗一篇（失實）報道我睇。報道指深井有間士多，奶茶賣一杯 $68。報導之所以失實，係因為記（作）者話佢用虹吸，睇過尋日嘅《東張西望》，就知道冇咁嘅事。但搞到有個低能仔真係走去用虹吸試做一杯奶茶…
篇報道只係提咗幾個重點：
然後就整熱啲淡奶。超級市場只係買到「三花牌」，總好過冇啦…
茶葉方面就厲害啦！我搵嚟兩個茶包！右邊係一個相信過咗期十年嘅紅茶包… 剪開茶包，放喺碟中待用。
當我睇到篇報道話用虹吸，心諗都有道理。因為塊濾膜咁密，係做一杯濃滑奶茶其中一個原素。蒸洗完之後，當新水再滾上虹吸嘅頂部，我就落茶葉。
時間方面，通常我煮咖啡就用一分鐘。但茶就當然唔得。作為第一次嘗試，我用咗兩分鐘…
攞開個火，因為啲茶葉冇咖啡咁碎，啲茶好快就流晒落去。茶色望落去唔係好夠。但奈何唔可以煮多次上去，唯有硬著頭皮，照樣繼續。
最後倒落預熱嘅淡奶入面。除咗茶色，聞落嘅茶香都唔多夠。落糖之後飲一口，真係「嘩…」一聲。同飲奶差不多，勉強叫做有些少茶味。非常失望…
睇完尋日嘅電視示範之後，我極之有理由相信，個記（作）者係抄錯人地嘅筆記。人地完全唔係咁做！邊有用虹吸啫？！可惜我搵唔番篇文章，睇下係邊間報館咁大整蠱！但話雖如此，以上實驗過程都幾好玩。我相信會試多次。下次會搵啲靚啲（而且未過期）嘅茶葉，再控制時間好少少。相信未必做唔到一杯似樣啲嘅奶茶！
~ Lindberg
篇報道只係提咗幾個重點：
- 用虹吸
- 先用清水蒸煮一次
- 茶粉有 English Breakfast 同紅茶
- 淡奶要預先坐熱
- 所有器皿都要預熱
然後就整熱啲淡奶。超級市場只係買到「三花牌」，總好過冇啦…
茶葉方面就厲害啦！我搵嚟兩個茶包！右邊係一個相信過咗期十年嘅紅茶包… 剪開茶包，放喺碟中待用。
當我睇到篇報道話用虹吸，心諗都有道理。因為塊濾膜咁密，係做一杯濃滑奶茶其中一個原素。蒸洗完之後，當新水再滾上虹吸嘅頂部，我就落茶葉。
時間方面，通常我煮咖啡就用一分鐘。但茶就當然唔得。作為第一次嘗試，我用咗兩分鐘…
攞開個火，因為啲茶葉冇咖啡咁碎，啲茶好快就流晒落去。茶色望落去唔係好夠。但奈何唔可以煮多次上去，唯有硬著頭皮，照樣繼續。
最後倒落預熱嘅淡奶入面。除咗茶色，聞落嘅茶香都唔多夠。落糖之後飲一口，真係「嘩…」一聲。同飲奶差不多，勉強叫做有些少茶味。非常失望…
睇完尋日嘅電視示範之後，我極之有理由相信，個記（作）者係抄錯人地嘅筆記。人地完全唔係咁做！邊有用虹吸啫？！可惜我搵唔番篇文章，睇下係邊間報館咁大整蠱！但話雖如此，以上實驗過程都幾好玩。我相信會試多次。下次會搵啲靚啲（而且未過期）嘅茶葉，再控制時間好少少。相信未必做唔到一杯似樣啲嘅奶茶！
~ Lindberg
2009年8月25日
放學好去處
還記得以前放學，第一時間便是去打遊戲機。脫下胸前的校章，便向「金星」進發。但真的估不到，Jayson 只是幼兒園學生，作為父母的我們，竟然一放學便為他「變身」，一齊去玩！
因為買了迪士尼樂園的全年通行證，經常心動想帶 Jayson 入去玩。Jayson 上課的第一個星期，下午二時便放學。這天我駕車去接他們母子，然後便向迪士尼樂園狂奔。在「安全」的車速下，「很快」便到達樂園。我很喜歡駕車進入這個夢幻王國，由青嶼幹線轉入欣澳道，感覺就好想開車去到外國的地方一般。
Jayson 一路都有點疲倦，因為正好是他午睡的時間。但當他見到迪士尼的歡迎牌，再難掩他興奮的心情。在車內換過校服，一落地便自己向米奇沖過去。
沿路他不停指著那些公仔圖案，大聲喊著：「米奇！」、「高飛！」。雖然有點荼毒自己的小朋友的感覺，但見他這般興奮，也沒甚麼所謂吧。
入到樂園，人比想象中多很多。有很多內地遊客，亦有很多學生趁著暑假快將完結，所以來這裡玩。（過度）興奮的 Jayson，不要人拖，自己四圍跑。
天氣很熱，我們先去吃一點東西。在餐廳中，見到很多人因太熱而在這裡小休或午睡…。我吃了一個漢堡包，Jayson 吃他的至愛：西瓜。
「媽媽，快手啲啦！」
「您要慢慢咬呀！唔好咁心急啦。」
吃完剛剛好是下午四時，可以看巡遊。Jayson 騎在我膊頭上面，比起上一次，很明顯知道發生甚麼事情，所以又興奮了一點。
然後媽媽便帶他去玩他的最愛：騎馬馬。
「馬馬乖…」
Jayson 玩過木馬之後，便開始有點倦意。原本我想帶他去看《獅子王》的音樂劇，但都只好放棄。讓他在清涼的風扇下，好好睡一覺。
睡了大約一個半小時，他才醒過來。我建議帶他去看 4D 電影。Jayson 不肯戴上立體眼鏡，但那些閃光、大風吹、音效等等，都足以嚇他一跳。雖然有點緊張，但有媽媽的陪伴，再加上有米奇等卡通人物，Jayson 都沒有爆喊。
晚飯的時候，我們來到中菜廳。這裡的食物比較適合 Jayson。我們點了一隻乳鴿（我們自己吃）、一碟芥蘭炒牛肉、和一碟乾燒伊麵。味道很不錯。乾燒伊麵只吃了一半，另一半作為我第二天的午餐。唯一的問題，是這裡的坐椅太矮了，Jayson 吃得有點辛苦。
到放煙花的時間，我抱著 Jayson 到出面看。雖然人很多，但都找到站腳的位置。Jayson 看得很投入，還有時扮煙花爆的響聲。哈哈哈…
回到餐廳，Jayson 媽已經收拾好行裝。而 Jayson 叫著要「Wee… Wee…」這次是我第一次帶他入廁所。幸好有驚無險，完成使命！嘻嘻…
雖然今天只玩了三樣東西，但大家都算盡興而歸。是日總消費：大約 $500。包括兩餐食物在內，都算是一個不錯的活動吧。
~ Lindberg
因為買了迪士尼樂園的全年通行證，經常心動想帶 Jayson 入去玩。Jayson 上課的第一個星期，下午二時便放學。這天我駕車去接他們母子，然後便向迪士尼樂園狂奔。在「安全」的車速下，「很快」便到達樂園。我很喜歡駕車進入這個夢幻王國，由青嶼幹線轉入欣澳道，感覺就好想開車去到外國的地方一般。
Jayson 一路都有點疲倦，因為正好是他午睡的時間。但當他見到迪士尼的歡迎牌，再難掩他興奮的心情。在車內換過校服，一落地便自己向米奇沖過去。
沿路他不停指著那些公仔圖案，大聲喊著：「米奇！」、「高飛！」。雖然有點荼毒自己的小朋友的感覺，但見他這般興奮，也沒甚麼所謂吧。
入到樂園，人比想象中多很多。有很多內地遊客，亦有很多學生趁著暑假快將完結，所以來這裡玩。（過度）興奮的 Jayson，不要人拖，自己四圍跑。
天氣很熱，我們先去吃一點東西。在餐廳中，見到很多人因太熱而在這裡小休或午睡…。我吃了一個漢堡包，Jayson 吃他的至愛：西瓜。
「媽媽，快手啲啦！」
「您要慢慢咬呀！唔好咁心急啦。」
吃完剛剛好是下午四時，可以看巡遊。Jayson 騎在我膊頭上面，比起上一次，很明顯知道發生甚麼事情，所以又興奮了一點。
然後媽媽便帶他去玩他的最愛：騎馬馬。
「馬馬乖…」
Jayson 玩過木馬之後，便開始有點倦意。原本我想帶他去看《獅子王》的音樂劇，但都只好放棄。讓他在清涼的風扇下，好好睡一覺。
睡了大約一個半小時，他才醒過來。我建議帶他去看 4D 電影。Jayson 不肯戴上立體眼鏡，但那些閃光、大風吹、音效等等，都足以嚇他一跳。雖然有點緊張，但有媽媽的陪伴，再加上有米奇等卡通人物，Jayson 都沒有爆喊。
晚飯的時候，我們來到中菜廳。這裡的食物比較適合 Jayson。我們點了一隻乳鴿（我們自己吃）、一碟芥蘭炒牛肉、和一碟乾燒伊麵。味道很不錯。乾燒伊麵只吃了一半，另一半作為我第二天的午餐。唯一的問題，是這裡的坐椅太矮了，Jayson 吃得有點辛苦。
到放煙花的時間，我抱著 Jayson 到出面看。雖然人很多，但都找到站腳的位置。Jayson 看得很投入，還有時扮煙花爆的響聲。哈哈哈…
回到餐廳，Jayson 媽已經收拾好行裝。而 Jayson 叫著要「Wee… Wee…」這次是我第一次帶他入廁所。幸好有驚無險，完成使命！嘻嘻…
雖然今天只玩了三樣東西，但大家都算盡興而歸。是日總消費：大約 $500。包括兩餐食物在內，都算是一個不錯的活動吧。
~ Lindberg
2009年8月23日
我要上學去 之 恐怖的第二個星期
這星期可以用一個字去形容：「黐」！
星期一，可能過了一個周末，或要叫醒他吃飯換校服，心情甚差。但除了要媽媽抱之外，也沒有太過不願意上學。媽媽讓他自己一個在課室內玩，一切開始得很順利。可是突然聽到有人爆喊，之後 Miss Hung 就抱著 Jayson 過來。原來在收拾玩具的時候，有個同學不願意，就把手上的電話亂掉，擊中 Jayson 的頭。雖然沒有大礙，但可能因此對上課有了陰影。
星期二，好像不太願意上學去。
星期三，比星期—、二更黐媽媽。這天開始挑戰兩小時，而家長更不能留在學校。所以只好即使喊著，亦讓老師抱過去。原來今天開始，由原本的半班，變回一整班一齊上課。總共有 24 位小朋友，情況都幾混亂。放學的時候，班主任說 Jayson 喊了一陣也肯去玩，尚算合作和有參與。回家時，發覺校服被更換了。應該是吃茶點時，倒瀉水在身上。
星期四，我要求上陣。跟媽媽在校門分別的時候，有些少扭計。最後都是要我抱到課室門外換鞋。在班房門口，我鼓勵他自己行入去拿自己鐘意的玩具。原本都算成功，但當他聽到有很多同學在喊的時候，就走過來要我抱。其中一個角落，我見到有三四個小朋友在哭，要老師抱著。最後，班主任拉開了 Jayson，跟他說爸爸要去廁所，然後大家說聲再見，遲些再來接他。那一刻，我的心很難受。除了希望 Jayson 不要相信我去一個廁所需要兩個小時之外，見他被帶到那堆鬼哭神嚎的小朋友中，感覺比送他到伊拉克還要難受。之後我在遠處偷看，Jayson 要老師抱著去看街，相信老師是在說爸爸媽媽遲些便會回來接他。直至我離開學校，Jayson 還是被抱著的…
放學的時候，見到 Jayson 被老師抱著坐在一角，心裡又很難過。除了真的很希望可以交換身體之外，還很難想象這兩個小時發生了甚麼事情。Jayson 離遠見到我，立刻精神起來。用手指指著我，我亦同樣地指著他，他大叫爸爸，我大叫 Jayson。老師知道我來了，就放他在地上，讓他飛奔到我的懷抱。我問過班主任，評語基本上跟前二天的差不多。雖然真的比較黐人，但整體上還可以。她也覺得 Jayson 把一切都記在心裡，在陌生的環境沒有表現出來。還是需要一點時間去適應吧。
星期五，Jayson 媽放心不下，還是親自上場。情況沒有甚麼分別。一落小巴，就不停地叫著：「媽媽抱呀… 媽媽抱呀…」放學的時候卻又歡天喜地，不願離開學校。唉…
最擔心還是他會抗拒上學，影響他對學習的興趣。但相信下星期到婆婆出手，會治理得比我們好一點。
~ Lindberg
星期一，可能過了一個周末，或要叫醒他吃飯換校服，心情甚差。但除了要媽媽抱之外，也沒有太過不願意上學。媽媽讓他自己一個在課室內玩，一切開始得很順利。可是突然聽到有人爆喊，之後 Miss Hung 就抱著 Jayson 過來。原來在收拾玩具的時候，有個同學不願意，就把手上的電話亂掉，擊中 Jayson 的頭。雖然沒有大礙，但可能因此對上課有了陰影。
星期二，好像不太願意上學去。
星期三，比星期—、二更黐媽媽。這天開始挑戰兩小時，而家長更不能留在學校。所以只好即使喊著，亦讓老師抱過去。原來今天開始，由原本的半班，變回一整班一齊上課。總共有 24 位小朋友，情況都幾混亂。放學的時候，班主任說 Jayson 喊了一陣也肯去玩，尚算合作和有參與。回家時，發覺校服被更換了。應該是吃茶點時，倒瀉水在身上。
星期四，我要求上陣。跟媽媽在校門分別的時候，有些少扭計。最後都是要我抱到課室門外換鞋。在班房門口，我鼓勵他自己行入去拿自己鐘意的玩具。原本都算成功，但當他聽到有很多同學在喊的時候，就走過來要我抱。其中一個角落，我見到有三四個小朋友在哭，要老師抱著。最後，班主任拉開了 Jayson，跟他說爸爸要去廁所，然後大家說聲再見，遲些再來接他。那一刻，我的心很難受。除了希望 Jayson 不要相信我去一個廁所需要兩個小時之外，見他被帶到那堆鬼哭神嚎的小朋友中，感覺比送他到伊拉克還要難受。之後我在遠處偷看，Jayson 要老師抱著去看街，相信老師是在說爸爸媽媽遲些便會回來接他。直至我離開學校，Jayson 還是被抱著的…
放學的時候，見到 Jayson 被老師抱著坐在一角，心裡又很難過。除了真的很希望可以交換身體之外，還很難想象這兩個小時發生了甚麼事情。Jayson 離遠見到我，立刻精神起來。用手指指著我，我亦同樣地指著他，他大叫爸爸，我大叫 Jayson。老師知道我來了，就放他在地上，讓他飛奔到我的懷抱。我問過班主任，評語基本上跟前二天的差不多。雖然真的比較黐人，但整體上還可以。她也覺得 Jayson 把一切都記在心裡，在陌生的環境沒有表現出來。還是需要一點時間去適應吧。
星期五，Jayson 媽放心不下，還是親自上場。情況沒有甚麼分別。一落小巴，就不停地叫著：「媽媽抱呀… 媽媽抱呀…」放學的時候卻又歡天喜地，不願離開學校。唉…
最擔心還是他會抗拒上學，影響他對學習的興趣。但相信下星期到婆婆出手，會治理得比我們好一點。
~ Lindberg
2009年8月20日
遲來的生日禮物
Jayson 媽一直都埋怨公司唔夠電腦用。當佢生日嘅時候，我打算平平地買部 Netbook 佢用。但聽過 Fred 哥嘅分析，都係覺得唔係咁好，因為佢都會長時間咁用，所以細嘅螢光幕同鍵盤都唔係太過合適。因此，選擇只有一個：Macbook！
部電腦未到，啲附件就一早到齊！
因為 Jayson 媽都算係教育界，所以除咗買機平少少，仲有部 iPod Touch 送！有咗部 iPod Touch，Jayson 媽就可以帶住 Jayson 啲相四圍去啦。爽呀…
Jayson 媽其實都好少機會用我部 iMac，因為我都霸住嚟用。雖然如此，佢都體會到 Mac 嘅好處。因為好多野都唔洗煩，唔洗擔心呢樣嗰樣。不過佢公司仲用緊石器時代嘅 Novell Netware，我都唔知點上。搵日上佢公司睇一睇先知…
過多一日，部電腦就到啦…
「我嘅… 我嘅… 我嘅… 等我舉下先…」
「睇住呀，Jayson！」
原本諗住買 Macbook，但因為自己用開 Macbook，知道唔多夠快。見差少少錢，咪買部 13" Macbook Pro。見又差少少錢，就加夠 4G 記憶體。其餘都應該夠用。
一開盒，Julie 都過嚟八卦一下。
「等我都聞下先…」
部機真係好靚。13" 係細咗少少，但因為 Jayson 媽會放喺儲物櫃，張工作檯又冇乜位，所以都唔好買咁大部。
除咗靚仔，感覺上仲快過我部 iMac。而且個 Touchpad 真係型到不得了。對多佢一陣，真係會想據為己有㗎… 哈！
~ Lindberg
部電腦未到，啲附件就一早到齊！
因為 Jayson 媽都算係教育界，所以除咗買機平少少，仲有部 iPod Touch 送！有咗部 iPod Touch，Jayson 媽就可以帶住 Jayson 啲相四圍去啦。爽呀…
Jayson 媽其實都好少機會用我部 iMac，因為我都霸住嚟用。雖然如此，佢都體會到 Mac 嘅好處。因為好多野都唔洗煩，唔洗擔心呢樣嗰樣。不過佢公司仲用緊石器時代嘅 Novell Netware，我都唔知點上。搵日上佢公司睇一睇先知…
過多一日，部電腦就到啦…
「我嘅… 我嘅… 我嘅… 等我舉下先…」
「睇住呀，Jayson！」
原本諗住買 Macbook，但因為自己用開 Macbook，知道唔多夠快。見差少少錢，咪買部 13" Macbook Pro。見又差少少錢，就加夠 4G 記憶體。其餘都應該夠用。
一開盒，Julie 都過嚟八卦一下。
「等我都聞下先…」
部機真係好靚。13" 係細咗少少，但因為 Jayson 媽會放喺儲物櫃，張工作檯又冇乜位，所以都唔好買咁大部。
除咗靚仔，感覺上仲快過我部 iMac。而且個 Touchpad 真係型到不得了。對多佢一陣，真係會想據為己有㗎… 哈！
~ Lindberg
2009年8月19日
拿起相機
「Jayson，您咁無聊喺姐姐個廁所旁邊玩，不如俾我影下相啦？」
「爸爸，影咩呀？」
「笑下啦！成日影相都唔笑。」
「您叫我笑就笑，我咪好冇面？」
「嘻嘻…」
忽然間，我覺得 Jayson 好像大個仔了很多…
「Choo Choo Train…」
「唔影您啦！自己去玩啦！」
~ Lindberg
「爸爸，影咩呀？」
「笑下啦！成日影相都唔笑。」
「您叫我笑就笑，我咪好冇面？」
「嘻嘻…」
忽然間，我覺得 Jayson 好像大個仔了很多…
「Choo Choo Train…」
「唔影您啦！自己去玩啦！」
~ Lindberg
2009年8月18日
2009年8月17日
我要上學去 之 獨立日
經過我陪著 Jayson 一日之後，到了第四日，他媽媽又捨不得 Jayson，所以決定自己上陣。
跟我一樣，Jayson 媽開始放開手，讓老師帶領著 Jayson。到第五天，她更躲到第二間課室裡去。聽老師說，Jayson 表現得很乖，沒有喊。
上堂的時候，Jayson 仍然只是很專注地看，很少跟著做。幸好有上 Kindermusik，否則上音樂堂會更呆！而每當放學，Jayson 便很興奮，很大聲地高呼。我覺得跟放學無關，可能只是 Jayson 需要長一點的熱身時間吧。哈哈哈…
雖然上課沒有甚麼東西學，但這幾天所帶來的進步，是我們想象不到的。當見到 Jayson 某些出乎意料的反應，我們不禁經常把：「細路，您堅定流㗎？」掛在口邊。例如完整的句子：「媽媽一齊玩」。亦開始會說自己的名字加動詞去表達自己的意願，如：「Jayson 食」。而且一些之前不會講的詞彙，突然學會了。
真正的挑戰，是留待所有家長都完全放手，離開校舍。經觀察下，對某幾位小朋友可能會有一定的難度。而 Jayson 亦有很大的隱憂。這兩天他變得更黐媽媽，而且很扭計，完全捉摸不到他需要甚麼東西。我自己估計是出大牙。但真的很難捉摸呀！
另一樣頭痛的事情，就是如何說再見。老師說，要跟小朋友說再見，才留他在課室，然後離開，這樣才不會令小朋友因突然見不到家長而不安。但如果跟正在聚精會神在玩的 Jayson 說再見，會否反而令他感到依依不捨呢？頭痛… 頭痛… 可能又應該是我出動的時候了。跟我說再見，可能是一件愉快的事情…（嗚嗚…）
~ Lindberg
跟我一樣，Jayson 媽開始放開手，讓老師帶領著 Jayson。到第五天，她更躲到第二間課室裡去。聽老師說，Jayson 表現得很乖，沒有喊。
上堂的時候，Jayson 仍然只是很專注地看，很少跟著做。幸好有上 Kindermusik，否則上音樂堂會更呆！而每當放學，Jayson 便很興奮，很大聲地高呼。我覺得跟放學無關，可能只是 Jayson 需要長一點的熱身時間吧。哈哈哈…
雖然上課沒有甚麼東西學，但這幾天所帶來的進步，是我們想象不到的。當見到 Jayson 某些出乎意料的反應，我們不禁經常把：「細路，您堅定流㗎？」掛在口邊。例如完整的句子：「媽媽一齊玩」。亦開始會說自己的名字加動詞去表達自己的意願，如：「Jayson 食」。而且一些之前不會講的詞彙，突然學會了。
真正的挑戰，是留待所有家長都完全放手，離開校舍。經觀察下，對某幾位小朋友可能會有一定的難度。而 Jayson 亦有很大的隱憂。這兩天他變得更黐媽媽，而且很扭計，完全捉摸不到他需要甚麼東西。我自己估計是出大牙。但真的很難捉摸呀！
另一樣頭痛的事情，就是如何說再見。老師說，要跟小朋友說再見，才留他在課室，然後離開，這樣才不會令小朋友因突然見不到家長而不安。但如果跟正在聚精會神在玩的 Jayson 說再見，會否反而令他感到依依不捨呢？頭痛… 頭痛… 可能又應該是我出動的時候了。跟我說再見，可能是一件愉快的事情…（嗚嗚…）
~ Lindberg
2009年8月13日
我要上學去 之 殺戮戰場
第三天，應該是我出場的時候了。因為見 Jayson 越來越黐媽媽，所以我冒死跟著他上一課。
出門口的時候，因為是叫醒他換衫，所以心情不佳，不停要媽媽抱。落到電梯大堂，媽媽忘了帶電話。我便嘗試強行拖走他。起初當然發爛，但當見到看更伯伯，行出大門之後，一切變得很順利。原本想打電話叫媽媽自動失蹤，但最後都沒有做到。Jayson 見到媽媽又黐了過去。
在學校門口，Jayson 喊著要媽媽，不肯入去。最後主任叫我抱他入去。一抱起他便立即收聲。可能他只是需要些安全感。
讓姑娘檢驗體溫和手口之後，我便抱他到課室門外換鞋。之後便由他自己行入課室，交體溫記錄冊給老師，和放好書包。
入到課室之後，起初見他神情呆滯，我便引領他去拿他喜歡的玩具。班內雖然只得十二個小朋友，但加上十二個家長和四個老師，其實都幾混亂。有些家長都好貼身「保護」自己的小朋友。但我保持一貫作風：「有咁遠走咁遠」。因為我覺得這並不是親子班，而且家長應盡量利用這個時間，讓小朋友融入這個新環境。於這個過渡期中，有必要才出手。
玩了一回兒之後，我們去到音樂室玩唱遊。當確定 Jayson 自己一個可以之後，我又淡出了。混亂便慢慢開始。始終都是一班「細仔」，一個陌生的環境，一些想淡出的家長，頓時換來喊聲四起。一對孖仔差不多由頭嚎哭到尾，喊得好比陳司令的兒子們一樣（我覺得自己好衰，不過真的喊得很似。如果不知道誰是陳司令，就當我沒有說過吧。嘻嘻…）。但其實我都分不清到底是孖仔輪流喊，或是同一個不停地喊。加上班內有兩對孖仔，真的令我一頭霧水。不知道老師以後如何處理呢…
雖然 Jayson 大部份唱遊時間都在發呆，但我知道他是在觀察老師所做的東西，一切都放在心裡去。
班內有一名老師 Miss Hung，是 Jayson 以前遊戲組的老師。這幾天只是來幫忙一下，對 Jayson 很照顧。唱遊完便到遊樂場玩。Miss Hung 帶他坐車車，Jayson 便坐定定，四圍望。最後我忍不住出手，悄悄地推他到遊樂場的另一邊。Jayson 見有些小朋友在玩「入樽」，便下車一齊玩。有個小妹妹還不停交波給 Jayson 去入籃，非常可愛。
玩完一大輪之後，便要到廁所洗手。我見所有人都入了廁所，但沒有人帶 Jayson 去，所以便拖他到廁所去。入面也是喊聲四起，都幾混亂。Jayson 自己洗過手之後，便去拿紙巾抹手。但我發現他沒有洗清手上的肥皂泡，我便幫他洗了一洗。然後便回班房吃茶點。我讓老師帶他入課室，找了個位置坐。我自己便坐開一邊，一個他看不到我的位置。從遠處見到他很安定，我便安心地坐下。誰知一會兒後，老師找我幫手。原來 Jayson 突然喊起來。我都覺得奇怪，問過老師後，原來左右兩邊的小朋友都在哭，所以 Jayson 不知所措，也一齊哭起來。檯面有蛋糕和蘋果汁，當我靠過去之後，不一會 Jayson 便乖乖吃起茶點來。
因為哭而浪費了一點時間，Jayson 不能吃完蛋糕，便到最後一個環節。有一個外語老師來跟大家唱歌。但那時場面非常失控。四面楚歌、十面埋伏，真的有如殺戮戰場一樣。但班主任也並非是蓋的，拿出殺手鐧：吹泡泡。有一部份的小朋友都安靜過來，有些嚴重失控的就給家長帶出課室。Jayson 見泡泡當然伸手去玩，而聽歌就當然坐定定啦。
無驚無險，就到放學的時間。老師叫家長們先出門口，她們會替小朋友背上書包，然後家長便在課室門外接放學。見到 Jayson 行出來的一刻，感到他又好像長大了。
跟老師們說過再見之後，Jayson 表現得很興奮。我相信 Jayson 可能是需要一小時去熱身。他不停玩沿途到校門的玩具，好像不願離開一樣。
最後見到門外的媽媽，就高興地飛奔過去，大叫一聲：「媽媽！」
~ Lindberg
出門口的時候，因為是叫醒他換衫，所以心情不佳，不停要媽媽抱。落到電梯大堂，媽媽忘了帶電話。我便嘗試強行拖走他。起初當然發爛，但當見到看更伯伯，行出大門之後，一切變得很順利。原本想打電話叫媽媽自動失蹤，但最後都沒有做到。Jayson 見到媽媽又黐了過去。
在學校門口，Jayson 喊著要媽媽，不肯入去。最後主任叫我抱他入去。一抱起他便立即收聲。可能他只是需要些安全感。
讓姑娘檢驗體溫和手口之後，我便抱他到課室門外換鞋。之後便由他自己行入課室，交體溫記錄冊給老師，和放好書包。
入到課室之後，起初見他神情呆滯，我便引領他去拿他喜歡的玩具。班內雖然只得十二個小朋友，但加上十二個家長和四個老師，其實都幾混亂。有些家長都好貼身「保護」自己的小朋友。但我保持一貫作風：「有咁遠走咁遠」。因為我覺得這並不是親子班，而且家長應盡量利用這個時間，讓小朋友融入這個新環境。於這個過渡期中，有必要才出手。
玩了一回兒之後，我們去到音樂室玩唱遊。當確定 Jayson 自己一個可以之後，我又淡出了。混亂便慢慢開始。始終都是一班「細仔」，一個陌生的環境，一些想淡出的家長，頓時換來喊聲四起。一對孖仔差不多由頭嚎哭到尾，喊得好比陳司令的兒子們一樣（我覺得自己好衰，不過真的喊得很似。如果不知道誰是陳司令，就當我沒有說過吧。嘻嘻…）。但其實我都分不清到底是孖仔輪流喊，或是同一個不停地喊。加上班內有兩對孖仔，真的令我一頭霧水。不知道老師以後如何處理呢…
雖然 Jayson 大部份唱遊時間都在發呆，但我知道他是在觀察老師所做的東西，一切都放在心裡去。
班內有一名老師 Miss Hung，是 Jayson 以前遊戲組的老師。這幾天只是來幫忙一下，對 Jayson 很照顧。唱遊完便到遊樂場玩。Miss Hung 帶他坐車車，Jayson 便坐定定，四圍望。最後我忍不住出手，悄悄地推他到遊樂場的另一邊。Jayson 見有些小朋友在玩「入樽」，便下車一齊玩。有個小妹妹還不停交波給 Jayson 去入籃，非常可愛。
玩完一大輪之後，便要到廁所洗手。我見所有人都入了廁所，但沒有人帶 Jayson 去，所以便拖他到廁所去。入面也是喊聲四起，都幾混亂。Jayson 自己洗過手之後，便去拿紙巾抹手。但我發現他沒有洗清手上的肥皂泡，我便幫他洗了一洗。然後便回班房吃茶點。我讓老師帶他入課室，找了個位置坐。我自己便坐開一邊，一個他看不到我的位置。從遠處見到他很安定，我便安心地坐下。誰知一會兒後，老師找我幫手。原來 Jayson 突然喊起來。我都覺得奇怪，問過老師後，原來左右兩邊的小朋友都在哭，所以 Jayson 不知所措，也一齊哭起來。檯面有蛋糕和蘋果汁，當我靠過去之後，不一會 Jayson 便乖乖吃起茶點來。
因為哭而浪費了一點時間，Jayson 不能吃完蛋糕，便到最後一個環節。有一個外語老師來跟大家唱歌。但那時場面非常失控。四面楚歌、十面埋伏，真的有如殺戮戰場一樣。但班主任也並非是蓋的，拿出殺手鐧：吹泡泡。有一部份的小朋友都安靜過來，有些嚴重失控的就給家長帶出課室。Jayson 見泡泡當然伸手去玩，而聽歌就當然坐定定啦。
無驚無險，就到放學的時間。老師叫家長們先出門口，她們會替小朋友背上書包，然後家長便在課室門外接放學。見到 Jayson 行出來的一刻，感到他又好像長大了。
跟老師們說過再見之後，Jayson 表現得很興奮。我相信 Jayson 可能是需要一小時去熱身。他不停玩沿途到校門的玩具，好像不願離開一樣。
最後見到門外的媽媽，就高興地飛奔過去，大叫一聲：「媽媽！」
~ Lindberg
我要上學去 之 第二天
平時在婆婆那裡，差不多每朝都會去飲茶，之後便會睡一覺。原先以為這是一個很好的配合，一覺醒來便精神弈弈上學去。誰知在自己家中，這套是行不通…
上課的時間是下午一時。十二時半前要出門口。理論上十一時半要開始吃飯。可以跟在婆婆那裡一樣，讓他於十時左右睡一睡就一流了。但卻跟第一天一樣，怎樣也不願去睡。不停說：「要睇 Barney…」、「要睇 Froggie」。他知道在自己家中，可以玩這個那個，而且有他喜歡的電視節目。所以在婆婆那裡的一套，根本行不通。到最後，發爛到不可收拾的地步。只好讓他坐在沙化上，最後就在沙化上睡著了。
睡不夠半小時，就要叫他起身吃午飯。那簡直有如惡夢一樣。最後只好放棄，快快幫他換好校服之後，便拿一隻香蕉，讓他在小巴上吃。而為半夢半醒的 Jayson 穿校服，亦並非一件易事。唉…
可能因為極度發爛過，所以這天比較黐媽媽。但上課還算順利。在公公、婆婆、我一起接他放學時，一臉開心的笑容。
應該首先要調校他的睡眠時間，但相信難度很高。或許是要計劃多另外幾個策略，去應付各種突發情況，那才是上上之策。
~ Lindberg
上課的時間是下午一時。十二時半前要出門口。理論上十一時半要開始吃飯。可以跟在婆婆那裡一樣，讓他於十時左右睡一睡就一流了。但卻跟第一天一樣，怎樣也不願去睡。不停說：「要睇 Barney…」、「要睇 Froggie」。他知道在自己家中，可以玩這個那個，而且有他喜歡的電視節目。所以在婆婆那裡的一套，根本行不通。到最後，發爛到不可收拾的地步。只好讓他坐在沙化上，最後就在沙化上睡著了。
睡不夠半小時，就要叫他起身吃午飯。那簡直有如惡夢一樣。最後只好放棄，快快幫他換好校服之後，便拿一隻香蕉，讓他在小巴上吃。而為半夢半醒的 Jayson 穿校服，亦並非一件易事。唉…
可能因為極度發爛過，所以這天比較黐媽媽。但上課還算順利。在公公、婆婆、我一起接他放學時，一臉開心的笑容。
應該首先要調校他的睡眠時間，但相信難度很高。或許是要計劃多另外幾個策略，去應付各種突發情況，那才是上上之策。
~ Lindberg
2009年8月12日
自助手卷壽司派對
記得中學時期，香港開始興壽司呢樣美食。而身為學生，（唔似得依家啲年青人）邊到有錢到壽司店光顧呀。所以我地一班同學好鐘意自己用張竹席整太卷。每逢班上有乜活動，我地都會整一大堆出嚟分享一下。入面嘅材料都花盡心思，例如蟹柳、青瓜、厚煎蛋等。不過要整都幾麻煩。所以之後好多年都冇做過，直至尋晚嘅「自助壽司派對」。
以前曾經睇過一套卡通片（已經唔記得係乜），劇中一家人，買咗好多豐富材料，搞咗個手卷壽司派對。要做傳統手握壽司，真係有相當嘅難度。而做太卷都真係幾麻煩。但做手卷就唔同啦，相比嚟講簡單好多。而且可以每個人隨自己喜好，落手落腳自己整，真係幾過癮㗎。
今次我買咗三文魚、蝦籽、蟹柳、青瓜、生菜、奇妙醬。其實做法都好簡單，之前去壽司店見過啲師父做，自己一試就已經得喇。
先放一小堆醋飯喺「適當」位置（非常重要）。然後放自己鐘意嘅食材。
（張檯亂到呢… 唔好見笑。）
一卷。搞掂！食得！
準備功夫除咗買材料同煲飯之外，其實都只係洗洗切切，非常方便。比起一班人食外賣薄餅有趣得多！要做好自助壽司派對，有幾點要注意：
~ Lindberg
以前曾經睇過一套卡通片（已經唔記得係乜），劇中一家人，買咗好多豐富材料，搞咗個手卷壽司派對。要做傳統手握壽司，真係有相當嘅難度。而做太卷都真係幾麻煩。但做手卷就唔同啦，相比嚟講簡單好多。而且可以每個人隨自己喜好，落手落腳自己整，真係幾過癮㗎。
今次我買咗三文魚、蝦籽、蟹柳、青瓜、生菜、奇妙醬。其實做法都好簡單，之前去壽司店見過啲師父做，自己一試就已經得喇。
先放一小堆醋飯喺「適當」位置（非常重要）。然後放自己鐘意嘅食材。
（張檯亂到呢… 唔好見笑。）
準備功夫除咗買材料同煲飯之外，其實都只係洗洗切切，非常方便。比起一班人食外賣薄餅有趣得多！要做好自助壽司派對，有幾點要注意：
- 人要多。先可以買多幾款食材。（得兩個人真係食到嘔…）
- 材料要新鮮，處理妥當。
- 每個人記得要洗乾淨對手！
- 紫菜最好買啲靚嘅（唔識就睇價錢啦）。到要食嘅時候先開，咁就又新鮮又脆喇。一大塊正方型可以中間切開。
- 手快有，手慢冇！
- 盡量唔好食剩野。如果不幸用剩嘅材料，記住之後唔好生食啦！
~ Lindberg
2009年8月10日
我要上學去
終於要開學了！因為婆婆要去旅行，所以我們請了兩星期大假，除了照顧 Jayson 之外，就是要帶他返學。身邊的朋友，好多都還沒有開學。但維園因為有「細仔班」，所以即使未足兩歲，也可以開始上學。因此Jayson 差不多是最小的一個，卻要最早上學。
今早出門，很不順利。原本打算九時半讓 Jayson 睡一睡。但搞了一個鐘都不願去睡，要走出廳玩。最後媽媽也筋疲力盡，讓他自己一個去玩。玩了不久，就倒在沙化上睡著了。
睡了過後，媽媽才有時間幫他熨校服。而我就開始煮大家的午餐。
預備出門口的時候，就有如打仗一樣。Jayson 非常不合作，不停發爛。最後終於讓我換上校服，穿上他的新鞋，把另一對新鞋（室內穿用）、濕毛巾、水杯等放入書包，但學校的問卷還沒填好，Jayson 媽的肉醬意粉只吃了兩口。天啊…
幸好，我們都可以準時出門。雖然只是十分鐘的腳程，但因為天氣太炎熱，我們還是選擇坐小巴。Jayson 的校服，好像跟我以前的不太一樣。左看右看，都比較像一隻：「圍巾蜥蜴」。而且看上去像女生多一點。哈哈哈…
手上的兩個球，很明顯不是他的玩具，而是跟姐姐借來的。出門口時，Jayson 很多時都要拿著一件東西才肯乖乖行出門口。
在等小巴的時候，Jayson 見到一輛的士，突然大叫：「的士！」我倆只好望去另一面，然後扮作若無其事，然後暗地裡滴汗。
我們沒有遲到。入到學校都可算是人山人海。因為流感的關系，Jayson 已經有個多月沒有來這個校舍。從 Jayson 的目光，可以感到對四周很好奇，但又似曾相識。
開學起初的九天，每天只上一小時。之後就會增加至兩小時。到九月便會是正常的三小時。現在一班有十二位小朋友，由三位老師帶領。其中兩位是 Jayson 以前遊樂組的老師。課室內不可拍照。只可讓一位大人陪同。而第一天這個責任，當然留給媽媽。而我只可到另一間課室，等他們放學。
雖然只是上一小時，但也是「足本」的課堂。有遊戲時間、唱遊、到遊樂場玩、茶點、聽故事等等。時間過得很充實，而 Jayson 也過得很開心。其他人也玩得很開心，但大概是因為有家長陪同吧。
回家之後，我跟他修剪頭髮和洗澡。興奮的 Jayson 還是不太願休息。到我倆不支倒地，睡著了之後，他才入睡。
Jayson，明天還要加油啊。
~ Lindberg
今早出門，很不順利。原本打算九時半讓 Jayson 睡一睡。但搞了一個鐘都不願去睡，要走出廳玩。最後媽媽也筋疲力盡，讓他自己一個去玩。玩了不久，就倒在沙化上睡著了。
睡了過後，媽媽才有時間幫他熨校服。而我就開始煮大家的午餐。
預備出門口的時候，就有如打仗一樣。Jayson 非常不合作，不停發爛。最後終於讓我換上校服，穿上他的新鞋，把另一對新鞋（室內穿用）、濕毛巾、水杯等放入書包，但學校的問卷還沒填好，Jayson 媽的肉醬意粉只吃了兩口。天啊…
幸好，我們都可以準時出門。雖然只是十分鐘的腳程，但因為天氣太炎熱，我們還是選擇坐小巴。Jayson 的校服，好像跟我以前的不太一樣。左看右看，都比較像一隻：「圍巾蜥蜴」。而且看上去像女生多一點。哈哈哈…
手上的兩個球，很明顯不是他的玩具，而是跟姐姐借來的。出門口時，Jayson 很多時都要拿著一件東西才肯乖乖行出門口。
在等小巴的時候，Jayson 見到一輛的士，突然大叫：「的士！」我倆只好望去另一面，然後扮作若無其事，然後暗地裡滴汗。
我們沒有遲到。入到學校都可算是人山人海。因為流感的關系，Jayson 已經有個多月沒有來這個校舍。從 Jayson 的目光，可以感到對四周很好奇，但又似曾相識。
開學起初的九天，每天只上一小時。之後就會增加至兩小時。到九月便會是正常的三小時。現在一班有十二位小朋友，由三位老師帶領。其中兩位是 Jayson 以前遊樂組的老師。課室內不可拍照。只可讓一位大人陪同。而第一天這個責任，當然留給媽媽。而我只可到另一間課室，等他們放學。
雖然只是上一小時，但也是「足本」的課堂。有遊戲時間、唱遊、到遊樂場玩、茶點、聽故事等等。時間過得很充實，而 Jayson 也過得很開心。其他人也玩得很開心，但大概是因為有家長陪同吧。
回家之後，我跟他修剪頭髮和洗澡。興奮的 Jayson 還是不太願休息。到我倆不支倒地，睡著了之後，他才入睡。
Jayson，明天還要加油啊。
~ Lindberg
2009年8月6日
Awfully Chocolate
今年因為潤五月嘅關系，Jayson 媽有三個生日。之前佢一直好想試下一間蛋糕店嘅朱古力蛋糕，到今年最後一個生日，我終於有機會買一個俾佢。
呢間店有好多報章雜誌都曾經講過。店內以白色嘅簡單裝修，價錢牌都冇個，只賣三款朱古力蛋糕見稱。普通嘅 6 寸朱古力蛋糕要 $178。除咗「懶有性格」之外，我都唔知可以點樣形容。哈哈哈…
蛋糕盒一開，已經傳來一陣陣好香濃嘅朱古力味。見到蛋糕上面嘅朱古力醬，口水忍唔住流到一檯都係。
輕輕切開，見到兩層蛋糕中間夾住另一層朱古力醬。放入口… 嘩一聲！
朱古力醬真係好有朱古力味。但蛋糕層同我想象中有啲出入。佢有啲似香港嘅紙包蛋糕，非常鬆身。勝在唔甜，但又敗在唔甜。雖然係朱古力蛋糕，但又冇乜朱古力味。我估可能味道被朱古力醬蓋過咗。所以綜合以上，食起上嚟就有啲怪怪的。如果俾我選擇，我鐘意自己整嘅多啲，因為我真係好「兇狠」。作為一個朱古力愛好者，應該要食完有啲罪疚感，先為之係一個好嘅朱古力蛋糕。而我整嘅就「兇狠」到整完自己都唔敢食。死未？哈哈哈…
不過我都想試埋佢另外兩種口味：香蕉同蘭姆酒櫻桃。應該都幾得意。
~ Lindberg
呢間店有好多報章雜誌都曾經講過。店內以白色嘅簡單裝修，價錢牌都冇個，只賣三款朱古力蛋糕見稱。普通嘅 6 寸朱古力蛋糕要 $178。除咗「懶有性格」之外，我都唔知可以點樣形容。哈哈哈…
蛋糕盒一開，已經傳來一陣陣好香濃嘅朱古力味。見到蛋糕上面嘅朱古力醬，口水忍唔住流到一檯都係。
輕輕切開，見到兩層蛋糕中間夾住另一層朱古力醬。放入口… 嘩一聲！
朱古力醬真係好有朱古力味。但蛋糕層同我想象中有啲出入。佢有啲似香港嘅紙包蛋糕，非常鬆身。勝在唔甜，但又敗在唔甜。雖然係朱古力蛋糕，但又冇乜朱古力味。我估可能味道被朱古力醬蓋過咗。所以綜合以上，食起上嚟就有啲怪怪的。如果俾我選擇，我鐘意自己整嘅多啲，因為我真係好「兇狠」。作為一個朱古力愛好者，應該要食完有啲罪疚感，先為之係一個好嘅朱古力蛋糕。而我整嘅就「兇狠」到整完自己都唔敢食。死未？哈哈哈…
不過我都想試埋佢另外兩種口味：香蕉同蘭姆酒櫻桃。應該都幾得意。
~ Lindberg
2009年8月5日
學前準備
「Jayson，下星期開學啦。快啲嚟試下套校服同運動服先啦。」
「係…」
「啊！仲有樣好重要嘅野要做！」
「係咩呀？」
「婆婆要帶您去文武廟呀。」
文武廟位於上環荷李活道，是供奉文武二帝的地方（除此之外，還有包公、城隍等大神）。文帝是指文昌帝張亞子，而武帝便是二哥關帝關雲長也。他們分別掌管文武事業。所以每年開學或考試前夕，父母為求兒女成績優異，都會帶同子女到此求文武二帝庇佑。昨天我們便請了一天假，跟著婆婆到那裡去。我覺得並非一定是迷信，而是以此代表對上學學習的尊重，更為重要。
婆婆說，除了要帶備書包、三字經和千字文、毛筆、芹菜、蔥之外，還要於廟中臨寫「上大人，孔乙己，化三千，七十士。」
「等我喺文爺爺面前，表演下寫一手好字先。」
「等一陣先！等爸爸同您一齊寫。」
Jayson 和我的那手字，果然很不錯。入木三分不在話下，還可感到一點雄渾激情。
之後，婆婆和我各給一封大利是給 Jayson，那便禮成了。希望 Jayson 下星期開學，一切順利，聽教聽話啦。
~ Lindberg
P.S. 此廟乃東華三院所管轄。並沒有一些討厭的廟祝，強行推銷這個那個。所以感覺非常良好。而且也是一個不錯的攝影地方。
「係…」
「啊！仲有樣好重要嘅野要做！」
「係咩呀？」
「婆婆要帶您去文武廟呀。」
文武廟位於上環荷李活道，是供奉文武二帝的地方（除此之外，還有包公、城隍等大神）。文帝是指文昌帝張亞子，而武帝便是二哥關帝關雲長也。他們分別掌管文武事業。所以每年開學或考試前夕，父母為求兒女成績優異，都會帶同子女到此求文武二帝庇佑。昨天我們便請了一天假，跟著婆婆到那裡去。我覺得並非一定是迷信，而是以此代表對上學學習的尊重，更為重要。
婆婆說，除了要帶備書包、三字經和千字文、毛筆、芹菜、蔥之外，還要於廟中臨寫「上大人，孔乙己，化三千，七十士。」
「等我喺文爺爺面前，表演下寫一手好字先。」
「等一陣先！等爸爸同您一齊寫。」
之後，婆婆和我各給一封大利是給 Jayson，那便禮成了。希望 Jayson 下星期開學，一切順利，聽教聽話啦。
~ Lindberg
P.S. 此廟乃東華三院所管轄。並沒有一些討厭的廟祝，強行推銷這個那個。所以感覺非常良好。而且也是一個不錯的攝影地方。
2009年8月3日
二十一個月報告
「爸爸，我今個月嘅狀態點呀？等我壓多幾下腿先…」
「您？起初就真係幾攞命，後尾就好啲啦。」
二十一個月，除了最後一天竟然要在醫院中渡過之外，都可算是愉快的一個月。
因為開始有主見卻表達能力不足，很多小朋友都會踏進「惡搞二歲症候群（Terrible Twos）」。Jayson 的 T2 表現有：
Jayson 的運動神經還還是比較差。但語言上的進步還算不錯。正因為表達能力好了一點，T2 的問題亦有點改善。一句句完整的句子，雖然可能只有父母才聽得懂，但都算是不錯的進步。小朋友學說話時，切忌太過在意音準。否則如果小朋友感到錯敗，可能會放棄嘗試，那就得不嘗失了。
如廁訓練尚算成功。起初是按時按候叫他小便，之後他就會自己叫。雖然有時會掛住玩，按不住而弄濕褲仔，但大多數時候都會叫「Wee…Wee…」。去飲茶時也會到廁所方便。不過有時見廁所不太衛生，我們也不太願意帶他去。但為了養成良好習慣，我會提議帶一個水杯。入到廁格後，叫他小便到水杯中。
另一方面，Jayson 是一個很有規律的人。每朝都是幹著同一件公事。而其他東西也是差不多，所以他的需要都比較容易捉摸。
曾經也擔心過會慢慢變成了一個電視迷…
「唔好阻住本大爺睇電視！」
但我覺得只要拿出耐性，不停讓小朋友接觸其他東西，間中看看電視也無防。
住院期間，我跟 Jayson 看了幾集《米奇妙妙屋》。因為家中沒有 442，公公會錄影無線電視（星期六早上）播放的這個節目給 Jayson 看。當見到那些卡通人物時，Jayson 會大叫：「米奇… 高飛… 鴨鴨………」。而我亦終於知道「搖著頭說開心」是從那裡來，原來每集的結尾，米奇都會跳一隻開心舞。哈哈…
最後，我發覺他跟我很相似，都是一個比較害羞的人。在我們面前，他會很有男子氣蓋，大大聲地說話，例如：「粟米！」、「姐姐！」、「米奇！」。但當在其他陌生人面前，就有如一隻鵪鶉一樣，說話比蚊滋還要細聲。唉…
~ Lindberg
「您？起初就真係幾攞命，後尾就好啲啦。」
二十一個月，除了最後一天竟然要在醫院中渡過之外，都可算是愉快的一個月。
體重：26.5 磅發展報告：
身高：85 厘米
因為開始有主見卻表達能力不足，很多小朋友都會踏進「惡搞二歲症候群（Terrible Twos）」。Jayson 的 T2 表現有：
- 不停說：「唔愛」
- 突然發爛
- 掉東西。絕招：橫掃千軍！
- 發足狂奔入房，然後倒在床上哭…（超搞笑）
Jayson 的運動神經還還是比較差。但語言上的進步還算不錯。正因為表達能力好了一點，T2 的問題亦有點改善。一句句完整的句子，雖然可能只有父母才聽得懂，但都算是不錯的進步。小朋友學說話時，切忌太過在意音準。否則如果小朋友感到錯敗，可能會放棄嘗試，那就得不嘗失了。
如廁訓練尚算成功。起初是按時按候叫他小便，之後他就會自己叫。雖然有時會掛住玩，按不住而弄濕褲仔，但大多數時候都會叫「Wee…Wee…」。去飲茶時也會到廁所方便。不過有時見廁所不太衛生，我們也不太願意帶他去。但為了養成良好習慣，我會提議帶一個水杯。入到廁格後，叫他小便到水杯中。
另一方面，Jayson 是一個很有規律的人。每朝都是幹著同一件公事。而其他東西也是差不多，所以他的需要都比較容易捉摸。
曾經也擔心過會慢慢變成了一個電視迷…
「唔好阻住本大爺睇電視！」
但我覺得只要拿出耐性，不停讓小朋友接觸其他東西，間中看看電視也無防。
住院期間，我跟 Jayson 看了幾集《米奇妙妙屋》。因為家中沒有 442，公公會錄影無線電視（星期六早上）播放的這個節目給 Jayson 看。當見到那些卡通人物時，Jayson 會大叫：「米奇… 高飛… 鴨鴨………」。而我亦終於知道「搖著頭說開心」是從那裡來，原來每集的結尾，米奇都會跳一隻開心舞。哈哈…
最後，我發覺他跟我很相似，都是一個比較害羞的人。在我們面前，他會很有男子氣蓋，大大聲地說話，例如：「粟米！」、「姐姐！」、「米奇！」。但當在其他陌生人面前，就有如一隻鵪鶉一樣，說話比蚊滋還要細聲。唉…
~ Lindberg