看見這個情景，我不禁有些眼濕濕。雖然以前有瓦遮頭已經相對很不錯，但沒有空間給他走動，他的運動神經很明顯比較差，而且膽小如鼠。現在可以為他提供一個舒適的環境，心裡都感到很恩慰。
搬家雖然只是短短幾天，但發現 Jayson 已經比之前活躍。整天跑來跑去，自己也會獨自爬上爬落。之後會否變成運動健將呢？
~ Lindberg
2010年3月31日
新屋四圍跑
當新屋裝修好之後，我們帶 Jayson 上去看一看。地方大了不少，而且還沒有傢具。見到這樣的一個家，當然興奮得四圍走。
看見這個情景，我不禁有些眼濕濕。雖然以前有瓦遮頭已經相對很不錯，但沒有空間給他走動，他的運動神經很明顯比較差，而且膽小如鼠。現在可以為他提供一個舒適的環境，心裡都感到很恩慰。
搬家雖然只是短短幾天，但發現 Jayson 已經比之前活躍。整天跑來跑去，自己也會獨自爬上爬落。之後會否變成運動健將呢？
~ Lindberg
看見這個情景，我不禁有些眼濕濕。雖然以前有瓦遮頭已經相對很不錯，但沒有空間給他走動，他的運動神經很明顯比較差，而且膽小如鼠。現在可以為他提供一個舒適的環境，心裡都感到很恩慰。
搬家雖然只是短短幾天，但發現 Jayson 已經比之前活躍。整天跑來跑去，自己也會獨自爬上爬落。之後會否變成運動健將呢？
~ Lindberg
2010年3月30日
後鏡驚魂
上星期六係我地搬屋嘅大日子。我地一早起床，然後將 Jayson 送過婆婆到。除咗屋企七國咁亂之外，我地亦需要多一朝嘅時間，專心收拾埋啲野，等搬運公司下午幫我搬。
婆婆話要同公公去飲茶，於是我就開車接佢地同 Jayson 一齊去酒樓。落車之後，Jayson 見爸爸媽媽都唔落車，所以開始有啲扭計。婆婆有見及此，就抱起咗佢，慢慢行入商場。我見無乜野，就開車掉頭走。喺倒後鏡上面，見住兩婆孫準備行入商場。就喺呢一刻…
婆婆跌低咗！依我從後鏡所見，婆婆向前失重心，推開咗商場嘅玻璃門。然後頭就撞埋去另一邊門嘅門邊到。我立即喝 Jayson 媽落車。慌忙中，我唔記得停車。Jayson 媽喝問：唔停車點落呀？停車之後，Jayson 媽又慌忙中唔記得關車門。倒後鏡中，我見婆婆爬喺地上，手中仍緊抱住 Jayson。但最終都輕輕放低咗佢。而 Jayson 當然就繼續喊啦。
因為開住車門，我用我嘅超技術，勉強泊好車之後，就落車睇下情況。婆婆坐喺地上，頭破血流！佢用公公俾嘅手巾按住傷口，好彩神志清醒。而 Jayson 著好厚衫，所以應該冇被玻璃門所傷。Jayson 媽立即打 999。等車期間，有不少途人及茶客問候，而商場亦有保安員加以協助，令救護車可以嚟到正確位置。
原來行人路比商場地面低咗少少，相信係行人路鋪磚之後，下陷咗少少。抱住 Jayson 嘅婆婆，因為睇唔到路，所以不幸摔倒。其實婆婆通常都唔會抱 Jayson。如果佢瞓咗而要返學，都會叫公公抱落樓。而我地都經常同 Jayson 話，婆婆（同媽媽）冇力，唔抱㗎，要抱就搵爸爸（雖然我都唔見得有力…）。今次一抱就出事。唉…
救護車好快嚟到。經醫護人員睇過，傷口有如「二郎神開第三眼」一樣，但已經止咗血。婆婆唔見頭暈，手腳亦都冇事，我地個心先定番啲。跟住公公就陪婆婆去醫院，而 Jayson 就同我地返屋企。因為要睇住 Jayson，Jayson 媽就打電話俾 Jayson 舅父，叫佢睇下公公有冇野要幫手。
到咗醫院檢查後，好彩都冇乜大礙，即日出院。但傷口就縫咗五針。聽到都感覺痛。
出院之後，婆婆好擔心咁同我地講，話怕整親 Jayson。其實我地冇乜擔心過佢，因為見佢行得走得。如果 Jayson 整親，我地當然會心痛。但如果婆婆因為 Jayson 而整親，我地咪仲更加心痛。Jayson 媽上車之後就忍唔住喊，叫 Jayson 以後唔好扭計，要婆婆抱。
希望公公婆婆身體健康，長命百歲。雖然佢地覺得湊 Jayson 開心，但都唔希望見到佢地太辛苦。所以我成日同 Jayson 講，大個之後一定要孝順公公婆婆。唔係就唔抵錫啦！
~ Lindberg
婆婆話要同公公去飲茶，於是我就開車接佢地同 Jayson 一齊去酒樓。落車之後，Jayson 見爸爸媽媽都唔落車，所以開始有啲扭計。婆婆有見及此，就抱起咗佢，慢慢行入商場。我見無乜野，就開車掉頭走。喺倒後鏡上面，見住兩婆孫準備行入商場。就喺呢一刻…
婆婆跌低咗！依我從後鏡所見，婆婆向前失重心，推開咗商場嘅玻璃門。然後頭就撞埋去另一邊門嘅門邊到。我立即喝 Jayson 媽落車。慌忙中，我唔記得停車。Jayson 媽喝問：唔停車點落呀？停車之後，Jayson 媽又慌忙中唔記得關車門。倒後鏡中，我見婆婆爬喺地上，手中仍緊抱住 Jayson。但最終都輕輕放低咗佢。而 Jayson 當然就繼續喊啦。
因為開住車門，我用我嘅超技術，勉強泊好車之後，就落車睇下情況。婆婆坐喺地上，頭破血流！佢用公公俾嘅手巾按住傷口，好彩神志清醒。而 Jayson 著好厚衫，所以應該冇被玻璃門所傷。Jayson 媽立即打 999。等車期間，有不少途人及茶客問候，而商場亦有保安員加以協助，令救護車可以嚟到正確位置。
原來行人路比商場地面低咗少少，相信係行人路鋪磚之後，下陷咗少少。抱住 Jayson 嘅婆婆，因為睇唔到路，所以不幸摔倒。其實婆婆通常都唔會抱 Jayson。如果佢瞓咗而要返學，都會叫公公抱落樓。而我地都經常同 Jayson 話，婆婆（同媽媽）冇力，唔抱㗎，要抱就搵爸爸（雖然我都唔見得有力…）。今次一抱就出事。唉…
救護車好快嚟到。經醫護人員睇過，傷口有如「二郎神開第三眼」一樣，但已經止咗血。婆婆唔見頭暈，手腳亦都冇事，我地個心先定番啲。跟住公公就陪婆婆去醫院，而 Jayson 就同我地返屋企。因為要睇住 Jayson，Jayson 媽就打電話俾 Jayson 舅父，叫佢睇下公公有冇野要幫手。
到咗醫院檢查後，好彩都冇乜大礙，即日出院。但傷口就縫咗五針。聽到都感覺痛。
出院之後，婆婆好擔心咁同我地講，話怕整親 Jayson。其實我地冇乜擔心過佢，因為見佢行得走得。如果 Jayson 整親，我地當然會心痛。但如果婆婆因為 Jayson 而整親，我地咪仲更加心痛。Jayson 媽上車之後就忍唔住喊，叫 Jayson 以後唔好扭計，要婆婆抱。
希望公公婆婆身體健康，長命百歲。雖然佢地覺得湊 Jayson 開心，但都唔希望見到佢地太辛苦。所以我成日同 Jayson 講，大個之後一定要孝順公公婆婆。唔係就唔抵錫啦！
~ Lindberg
2010年3月26日
搬家中…
「爸爸媽媽呢幾日好忙呀。日裝箱，夜又裝箱。晚晚搞到鬼死咁夜。人唔瞓，貓都要瞓㗎。搞到我冇晒精神。而我都好忙，見到咁多紙皮箱，唔用嚟磨下爪點得呀？」
「以下呢張相係裝箱前。屋企咁細，都唔知邊到有位裝野。好彩搬運伯伯早幾日嚟搬走咗部雪櫃同十幾個箱，咁我先有條路行下咋。」
「其實我地啲貓都好怕搬新屋。希望到時會適應到啦。好緊張呀。喵嗚…」
~ Lindberg
「以下呢張相係裝箱前。屋企咁細，都唔知邊到有位裝野。好彩搬運伯伯早幾日嚟搬走咗部雪櫃同十幾個箱，咁我先有條路行下咋。」
「其實我地啲貓都好怕搬新屋。希望到時會適應到啦。好緊張呀。喵嗚…」
~ Lindberg
2010年3月23日
母子重逢
上星期六是學校的運動會（容後再談）。其間上演了一幕感人的場面，Jayson 重遇群姐！
我們走遍了整個運動場，問過其他人之後，才找到群姐的影蹤。久別重逢，當要要來一個擁抱，然後互相問候一番。但因為群姐忙於清理現場，我們也不便打攪。短短幾分鐘之內，也有其他小朋友來找群姐。可見群姐的小朋友緣極佳。
等一等… 如果他倆是「母子重逢」，那麼我跟群姐豈非是…
~ Lindberg
我們走遍了整個運動場，問過其他人之後，才找到群姐的影蹤。久別重逢，當要要來一個擁抱，然後互相問候一番。但因為群姐忙於清理現場，我們也不便打攪。短短幾分鐘之內，也有其他小朋友來找群姐。可見群姐的小朋友緣極佳。
等一等… 如果他倆是「母子重逢」，那麼我跟群姐豈非是…
~ Lindberg
2010年3月22日
新居大改造 之 快將完結篇
終於接近尾聲。先睇大門。我選擇嘅，簡簡單單。佢有個外號，叫做「置富型」。唔知同置唔置到富有乜關系，我相信係人地「置富花園」用緊囉。
一入門口，有洛文幫我地喺宜家買嘅裝飾燈。好靚…。唔開都睇得下。
廚房嘅爐具都裝好晒。因為未有雪櫃，所以睇落好似幾多寬敞。
飯廳燈都係洛文買嘅。亦係宜家貨色。點解自己行又唔覺有啲咁嘅野呢？
基本上，乜都係洛文話事。我地只係負責買梳化同餐檯椅，因為如果造，佢話一來唔平，二來未必啱坐。但雖然只係兩件野，都差啲玩死我地。首先，我睇中一張 Muji 嘅餐檯。好貴，但我鐘意佢夠簡潔耐用。點知原來要訂！日本游過嚟要一個半月！原本想搵過第二張。但最後都放棄，只好訂呢一張。
而梳化就仲大鑊。原來梳化係超難買！想搵一張合心水嘅，行到腳都跛。因為我地個廳只有 1.8 米闊，正常只放得一個兩坐位。Jayson 媽想要嘅貴妃椅注定冇行。正當心死之際，我話不如上 Franc Franc 睇下。其實我唔知佢有乜野賣。上到去，竟然俾我地搵到張「好野」。
第一：1.82 米有三座位。
第二：有貴妃椅。
第三：夠硬，唔怕坐壞腰骨。
第四：可變身成一張普通三座位加一舊野放腳。一流！
但嗰隻綠色有啲難接受，因為全屋都冇呢隻綠。佢有另一隻深啡色，但冇現貨。如果訂，要等兩個幾月！件貨要先由大陸去一去日本，打一個轉先嚟香港。問佢可唔可以直接由大陸過嚟，咁就當然唔得啦。死未？！最後，原來 Jayson 媽覺得隻綠色可以接受，所以我就要咗張現貨。望出外面個山，都襯嘅…。
客廁。起初擔心個（幾鬼貴嘅）花灑組合唔夠位裝。但好彩最後都裝到。雖然係客廁，我相信我會幾經常喺到沖涼。
條「晾衫竹」真係迫不得已先裝落去。唔裝真係唔知點晾衫。天花有部乾衣寶。除咗可以抽濕，仲可以放下熱氣（不過唔會好暖）。我玩過一下，未知好唔好用。
而最擔心都係個星盆。因為位置極之有限，所以買咗個現成嘅星盆。一直我都覺得唔太啱心水。但洛文話可以，只好信佢。點知裝咗之後又真係唔太差喎。嘻嘻…
又再講一講個師父。佢真係幾好呀（雖然都唔平）。有日我上去，見到無端端廚房搭咗個棚做野。問番原來師父發現廚房有臭味，後來發現上一手將地渠同星盤去水倒轉咗，搞到地檯去水冇咗個隔氣！啲氣味就沖咗上嚟。好彩佢跟得足，否則我嘔死都唔知咩事…
鐵定嚟緊星期五做入伙儀式，星期六正式搬入去！到時再詳細俾大家睇下洛文幫我做咗啲乜。
~ Lindberg
一入門口，有洛文幫我地喺宜家買嘅裝飾燈。好靚…。唔開都睇得下。
廚房嘅爐具都裝好晒。因為未有雪櫃，所以睇落好似幾多寬敞。
飯廳燈都係洛文買嘅。亦係宜家貨色。點解自己行又唔覺有啲咁嘅野呢？
基本上，乜都係洛文話事。我地只係負責買梳化同餐檯椅，因為如果造，佢話一來唔平，二來未必啱坐。但雖然只係兩件野，都差啲玩死我地。首先，我睇中一張 Muji 嘅餐檯。好貴，但我鐘意佢夠簡潔耐用。點知原來要訂！日本游過嚟要一個半月！原本想搵過第二張。但最後都放棄，只好訂呢一張。
而梳化就仲大鑊。原來梳化係超難買！想搵一張合心水嘅，行到腳都跛。因為我地個廳只有 1.8 米闊，正常只放得一個兩坐位。Jayson 媽想要嘅貴妃椅注定冇行。正當心死之際，我話不如上 Franc Franc 睇下。其實我唔知佢有乜野賣。上到去，竟然俾我地搵到張「好野」。
第一：1.82 米有三座位。
第二：有貴妃椅。
第三：夠硬，唔怕坐壞腰骨。
第四：可變身成一張普通三座位加一舊野放腳。一流！
但嗰隻綠色有啲難接受，因為全屋都冇呢隻綠。佢有另一隻深啡色，但冇現貨。如果訂，要等兩個幾月！件貨要先由大陸去一去日本，打一個轉先嚟香港。問佢可唔可以直接由大陸過嚟，咁就當然唔得啦。死未？！最後，原來 Jayson 媽覺得隻綠色可以接受，所以我就要咗張現貨。望出外面個山，都襯嘅…。
客廁。起初擔心個（幾鬼貴嘅）花灑組合唔夠位裝。但好彩最後都裝到。雖然係客廁，我相信我會幾經常喺到沖涼。
條「晾衫竹」真係迫不得已先裝落去。唔裝真係唔知點晾衫。天花有部乾衣寶。除咗可以抽濕，仲可以放下熱氣（不過唔會好暖）。我玩過一下，未知好唔好用。
而最擔心都係個星盆。因為位置極之有限，所以買咗個現成嘅星盆。一直我都覺得唔太啱心水。但洛文話可以，只好信佢。點知裝咗之後又真係唔太差喎。嘻嘻…
又再講一講個師父。佢真係幾好呀（雖然都唔平）。有日我上去，見到無端端廚房搭咗個棚做野。問番原來師父發現廚房有臭味，後來發現上一手將地渠同星盤去水倒轉咗，搞到地檯去水冇咗個隔氣！啲氣味就沖咗上嚟。好彩佢跟得足，否則我嘔死都唔知咩事…
鐵定嚟緊星期五做入伙儀式，星期六正式搬入去！到時再詳細俾大家睇下洛文幫我做咗啲乜。
~ Lindberg
2010年3月19日
廳長
如果第二時家嫂要 Jayson 瞓廳，我會跟她說這個懲罰是沒有用的。因為他自少就喜歡瞓廳…
這晚還有他喜歡的熊貓和姐姐跟他一起…
其實比起之前已經好了很多。之前半夜醒過來，堅持要出廳。害他媽媽也要一起做廳長。幸好最近也沒發生過。希望搬屋之後不會因為不習慣，而又重蹈覆轍吧。
~ Lindberg
這晚還有他喜歡的熊貓和姐姐跟他一起…
其實比起之前已經好了很多。之前半夜醒過來，堅持要出廳。害他媽媽也要一起做廳長。幸好最近也沒發生過。希望搬屋之後不會因為不習慣，而又重蹈覆轍吧。
~ Lindberg
2010年3月16日
Percy Jackson 波西傑克森
因為睇咗電影嘅預告片，覺得《Percy Jackson & the Olympians: The Lightning Thief》好有趣。又因為知道自己冇可能有機會入戲院睇，所以我以極速睇完佢本書。
對於希臘神話，其實認識唔算太多。大部份都係睇《聖鬥士星矢》學番嚟。其次 Jayson
媽本身都有啲興趣，屋企都有一本半本書。而最大嘅資料來源，當然係來自火羽啦。
起初睇本書嘅時候，我一路睇一路鬧，差啲想放火燒書。主要原因係商業味道同抄襲成數好高。基本上係另一本 Harry Porter，再加啲 Da Vinci Code 嘅原素，增加可信性。主要角色同場景可以話同 Harry Porter 一模一樣。男主角喺屋企同學校都唔開心，有兩個朋友，其中一個係醒目女，另一個係有啲傻氣。人地有魔法學校，佢有夏令營。運動比賽更加唔少得啦！而兩本書都有個壞人，等住番生。死未？
但我唔會真係話佢抄襲，因為冇得話邊個抄邊個。講得好聽啲，佢只係將一啲令目標讀者有共鳴嘅原素放入去，同打遊戲機用「公式 Formula」一樣，做出一本暢銷書。要恨，只好恨自己點解寫唔出。唉…
故事起初覺得個真係怪怪的。一來因為以上嘅理由，印象麻麻。而且故事編排唔係太順暢。啲野會無端端走出嚟，就覺得好似一早寫咗一大堆不關連嘅橋段，為咗唔想「浪費」，或者想「演野」，夾硬加插晒落去。睇得好唔暢快。
但睇睇下（其實已經近尾聲），竟然漸入佳境。結局仲出奇地唔錯喎！雖然一早已經估到邊個係衰人，但除咗仍有驚喜之餘，後半部嘅情節同鋪排都做得好好。非常緊張刺激。
跟住我就以光速完成埋佢第二部：《Percy Jackson & the Olympians: The Sea of Monsters》。超好睇！完全放唔低本書。一來對啲人物已經有咗認識。二來故事非常順暢，情節一浪接一浪，非常緊湊。結局仲睇到我拍爛手掌！
曾幾何時，我都有懷疑過自己係波塞頓個仔。並非因為我老豆有支三叉戟（佢通常用只會用筷子…）。而係……手汗多。（唔準笑！）自信天生我材必有用，我應該有控制大海嘅能力。但好快就發現，我唯一可以控制到嘅，就係沖廁所嘅鹹水。唉…
~ Lindberg
對於希臘神話，其實認識唔算太多。大部份都係睇《聖鬥士星矢》學番嚟。其次 Jayson
媽本身都有啲興趣，屋企都有一本半本書。而最大嘅資料來源，當然係來自火羽啦。
但我唔會真係話佢抄襲，因為冇得話邊個抄邊個。講得好聽啲，佢只係將一啲令目標讀者有共鳴嘅原素放入去，同打遊戲機用「公式 Formula」一樣，做出一本暢銷書。要恨，只好恨自己點解寫唔出。唉…
故事起初覺得個真係怪怪的。一來因為以上嘅理由，印象麻麻。而且故事編排唔係太順暢。啲野會無端端走出嚟，就覺得好似一早寫咗一大堆不關連嘅橋段，為咗唔想「浪費」，或者想「演野」，夾硬加插晒落去。睇得好唔暢快。
但睇睇下（其實已經近尾聲），竟然漸入佳境。結局仲出奇地唔錯喎！雖然一早已經估到邊個係衰人，但除咗仍有驚喜之餘，後半部嘅情節同鋪排都做得好好。非常緊張刺激。
跟住我就以光速完成埋佢第二部：《Percy Jackson & the Olympians: The Sea of Monsters》。超好睇！完全放唔低本書。一來對啲人物已經有咗認識。二來故事非常順暢，情節一浪接一浪，非常緊湊。結局仲睇到我拍爛手掌！
曾幾何時，我都有懷疑過自己係波塞頓個仔。並非因為我老豆有支三叉戟（佢通常用只會用筷子…）。而係……手汗多。（唔準笑！）自信天生我材必有用，我應該有控制大海嘅能力。但好快就發現，我唯一可以控制到嘅，就係沖廁所嘅鹹水。唉…
~ Lindberg
2010年3月15日
滿江紅
前一個星期，學校又有家長日。對於學校這些安排，我們都很欣賞。面對面跟班主任和英語老師談一談，可以知道 Jayson 在學校的情況，更可以互相交流一下，幫助他的發展。這次見家長，還收到 Jayson 的成績表！
「天啊！唔合格攞 U 都已經夠晒肉酸。您仲要全部都係 W！低 U 兩級呀！」
「爸爸…」
「您阿爸讀書嗰陣，都只係試過西史同中文唔合格。您係唔係想激死我？！」
「爸爸，學校得兩個分。W 係 Well-Developed，L 係 Learning。即係話我發展良好呀！」
「係咩…？」
「爸爸，乜您試過唔合格㗎？咁肉酸，有冇俾嫲嫲打屁股呀？」
其實每一個月都會收到一張簡單的成績表，讓我們知道小朋友的進度和大概學過些甚麼。但這一份就詳盡一點。起初見到老師評他為發展良好，都十分懷疑。想必是因為班主任手鬆。但偷看其他小朋友的成績表，又真的有些 L：Learning 在發展中。
跟班主任談過之後，發現 Jayson 在學校中的表現還不錯。雖然一樣慢熱，但也會參與。小肌肉不錯，但大肌肉即使做得到，仍需努力訓練一下。
每位小朋友都有一個文件夾。裡面除了有成績表之外，還有記錄 Jayson 一些活動的表現。例如聽完 Eric Carle 的 The Very Hungry Catepillar 故事之後，Jayson 拿著手上的毛毛蟲，走到課室外找東西給毛毛蟲吃。他看到葉子，指著它跟老師說：「呢到有葉！」我可以想象到他當時的語氣，心裡也不禁笑起來。
Jayson 不太會主動跟同學玩。但如果要一起玩，還可以吧。他不會去搶別人的東西。如果有小朋友搶他的玩具，他只會喊一會，不會去搶回來。
自理方面，老師說 Jayson 會自己除鞋穿鞋。但為甚麼在家中又不願做呢？是否我們服侍得太周到？而戒片方面，老師說會配合我們。只要跟她說，班房的姐姐就會注意，每半小時便帶他去小便。
班主任唯一的投訴，就是群姐跟 Jayson 很要好，二人經常當她透明… 現在群姐被調到另一校舍，她也經常說很掛念 Jayson。
英語老師說的，跟班主任的差不多。她說 Jayson 已經可以認得部份英文字。我們跟她說，其實他大細草也學會了。之前的朋友聚會，他們以為我們怎樣的去催谷 Jayson。其實小朋友只要提供學習的工具，他們便會自我發揮。看見大象 Elephant，就會知旁邊的是 e。久而久之，便自己學會。作為家長的，只要提高學習的興趣便可以。
離開的時候，有兩位姐姐叫停 Jayson 媽，問她是不是 Jayson 的媽媽。兩母子真的那麼像樣嗎？她們笑著跟我們說，Jayson 很可愛，群姐很掛念他。其實我都不明白這個臭脾氣，又不是特別俊俏可愛，為何得到這麼多人的歡心。
和她們說了幾句，班主任行了出來。原來剛剛見完另一位家長。那位爸爸跟她說：「我個女話要同 Jayson 結婚！」天啊！我開始有點兒嫉妒了…
~ Lindberg
「天啊！唔合格攞 U 都已經夠晒肉酸。您仲要全部都係 W！低 U 兩級呀！」
「爸爸…」
「您阿爸讀書嗰陣，都只係試過西史同中文唔合格。您係唔係想激死我？！」
「爸爸，學校得兩個分。W 係 Well-Developed，L 係 Learning。即係話我發展良好呀！」
「係咩…？」
「爸爸，乜您試過唔合格㗎？咁肉酸，有冇俾嫲嫲打屁股呀？」
其實每一個月都會收到一張簡單的成績表，讓我們知道小朋友的進度和大概學過些甚麼。但這一份就詳盡一點。起初見到老師評他為發展良好，都十分懷疑。想必是因為班主任手鬆。但偷看其他小朋友的成績表，又真的有些 L：Learning 在發展中。
跟班主任談過之後，發現 Jayson 在學校中的表現還不錯。雖然一樣慢熱，但也會參與。小肌肉不錯，但大肌肉即使做得到，仍需努力訓練一下。
每位小朋友都有一個文件夾。裡面除了有成績表之外，還有記錄 Jayson 一些活動的表現。例如聽完 Eric Carle 的 The Very Hungry Catepillar 故事之後，Jayson 拿著手上的毛毛蟲，走到課室外找東西給毛毛蟲吃。他看到葉子，指著它跟老師說：「呢到有葉！」我可以想象到他當時的語氣，心裡也不禁笑起來。
Jayson 不太會主動跟同學玩。但如果要一起玩，還可以吧。他不會去搶別人的東西。如果有小朋友搶他的玩具，他只會喊一會，不會去搶回來。
自理方面，老師說 Jayson 會自己除鞋穿鞋。但為甚麼在家中又不願做呢？是否我們服侍得太周到？而戒片方面，老師說會配合我們。只要跟她說，班房的姐姐就會注意，每半小時便帶他去小便。
班主任唯一的投訴，就是群姐跟 Jayson 很要好，二人經常當她透明… 現在群姐被調到另一校舍，她也經常說很掛念 Jayson。
英語老師說的，跟班主任的差不多。她說 Jayson 已經可以認得部份英文字。我們跟她說，其實他大細草也學會了。之前的朋友聚會，他們以為我們怎樣的去催谷 Jayson。其實小朋友只要提供學習的工具，他們便會自我發揮。看見大象 Elephant，就會知旁邊的是 e。久而久之，便自己學會。作為家長的，只要提高學習的興趣便可以。
離開的時候，有兩位姐姐叫停 Jayson 媽，問她是不是 Jayson 的媽媽。兩母子真的那麼像樣嗎？她們笑著跟我們說，Jayson 很可愛，群姐很掛念他。其實我都不明白這個臭脾氣，又不是特別俊俏可愛，為何得到這麼多人的歡心。
和她們說了幾句，班主任行了出來。原來剛剛見完另一位家長。那位爸爸跟她說：「我個女話要同 Jayson 結婚！」天啊！我開始有點兒嫉妒了…
~ Lindberg
2010年3月12日
病況更新
終於跌得七七八八啦！正常嘅肝酵素係 42 以下。我最差嘅時候曾經高出十幾倍，去到 5XX。依家跌番到 67，希望唔洗食藥啦！
之前睇過一篇報導，話止痛藥或藥膏，如果含有 Diclofenac（雙氯芬酸），可能會對肝臟有影響。長期使用有機會引致黃疸、肝炎及肝衰竭等！我之前因為，經常有坐骨神經痛，於是都有搽啲止痛膏。心諗會唔會就係因為咁而出事呢？！於是我今次就問下教授。佢好快咁回答…
「唔關事！」
佢話因為外用嘅藥，吸收得唔係咁多。但我極之有理由相信，以上係教授嘅口頭禪。問佢乜野都話「唔關事」。又例如：
教授問：「跟排覺得點呀？」
我話：「啲皮膚好差囉…」
佢立即答： 「唔關事！」
而究竟點解起初會有問題，答案一定係：「唔知道！」
另一句口頭禪，好相信就係：「再觀察下啦！」
唉…
不過算啦。起碼知道朝住正確嘅方向走。賣藥嘅朋友有日專登打電話俾我，原來政府將會贈藥俾病發嘅人，為期一年。跟據過往經驗，都應該會一直贈落去。因為隻藥一開始食，就唔停得，所以冇理由唔繼續補助落去。一年藥費要二萬幾，真係可以鬆一口氣。其實作為香港一種幾常見嘅疾病，減少發病嘅機會，比起之後先嚟醫，對於整個社會，點都係化算啲嘅。
不過對於我嚟講，當然唔洗食藥就最好啦。四月尾再見！
~ Lindberg
之前睇過一篇報導，話止痛藥或藥膏，如果含有 Diclofenac（雙氯芬酸），可能會對肝臟有影響。長期使用有機會引致黃疸、肝炎及肝衰竭等！我之前因為，經常有坐骨神經痛，於是都有搽啲止痛膏。心諗會唔會就係因為咁而出事呢？！於是我今次就問下教授。佢好快咁回答…
「唔關事！」
佢話因為外用嘅藥，吸收得唔係咁多。但我極之有理由相信，以上係教授嘅口頭禪。問佢乜野都話「唔關事」。又例如：
教授問：「跟排覺得點呀？」
我話：「啲皮膚好差囉…」
佢立即答： 「唔關事！」
而究竟點解起初會有問題，答案一定係：「唔知道！」
另一句口頭禪，好相信就係：「再觀察下啦！」
唉…
不過算啦。起碼知道朝住正確嘅方向走。賣藥嘅朋友有日專登打電話俾我，原來政府將會贈藥俾病發嘅人，為期一年。跟據過往經驗，都應該會一直贈落去。因為隻藥一開始食，就唔停得，所以冇理由唔繼續補助落去。一年藥費要二萬幾，真係可以鬆一口氣。其實作為香港一種幾常見嘅疾病，減少發病嘅機會，比起之後先嚟醫，對於整個社會，點都係化算啲嘅。
不過對於我嚟講，當然唔洗食藥就最好啦。四月尾再見！
~ Lindberg
2010年3月11日
學拿筆
上年年尾的家長日，老師建議我們去買一些粗大的蠟筆。目的不是學寫字，而是練手力。好讓下一年上 K1 學拿筆寫字打好基礎。並要注意不要用普通的筆。因為筆身輕，不能達到練力的要求。而且會學壞手勢，之後真的要學寫字，會因為手力不足，手勢改不好，而對寫字感到沮喪而放棄。
因此，我們也買了一些比較粗大的蠟筆。但最近，我們不禁買了一本…
因為是水筆，所以很容易著色。果然練不出甚麼來。而且他會自動自覺去專注寫一些東西，姿勢又真的不太好。但話雖如此，我還是感到幾驚訝。Jayson 會懂得走迷宮，而重點不在乎結果，而是走迷宮的道理。果然厲害…
~ Lindberg
因此，我們也買了一些比較粗大的蠟筆。但最近，我們不禁買了一本…
因為是水筆，所以很容易著色。果然練不出甚麼來。而且他會自動自覺去專注寫一些東西，姿勢又真的不太好。但話雖如此，我還是感到幾驚訝。Jayson 會懂得走迷宮，而重點不在乎結果，而是走迷宮的道理。果然厲害…
~ Lindberg
2010年3月9日
新居大改造 之 成形篇
新年開工之後，進度神速。師父真係算唔話得，落足人手去幫我做。每日上去都有個驚喜。
書檯裝咗門之後，即時靚晒。
而後面有另一組書櫃，應該放乜都夠。
主人房有個大衣櫃。舊屋書房嗰個衣櫃都唔夠用，Jayson 媽啲衫都冇得掛起。第二時就應該唔怕啦！
床係五尺床，比依家多半尺。可以拉起，下面放野。床頭兩邊有櫃，下面有插蘇，咁檯面就可以放支燈，或者叉 PSP 啦。
床後面嘅牆紙都係洛文選擇嘅。我就覺得幾舒服喇。
廚房感覺越來越好。可能真係冇咗隻門，所以地方大些少。加上三星 Staron 檯面，廣告話會令個廚房望落好似大啲。信不信由你…
Jayson 房嘅牆紙就係我話事。但基本上，係別冇他選，係巴斯光年！希望阿仔鐘意啦。
但又希望 Jayson 唔會晚晚興奮到唔捨得瞓啦！哈哈…
「To Infinity and Beyond!」
而天花就黐咗夜光星空。熄咗燈先會見到。雖然只係得一陣，不過都幾得意呀…
一切準備就緖！如無意外（touch wood…），三月尾搬屋。好緊張呀！！！
~ Lindberg
書檯裝咗門之後，即時靚晒。
而後面有另一組書櫃，應該放乜都夠。
主人房有個大衣櫃。舊屋書房嗰個衣櫃都唔夠用，Jayson 媽啲衫都冇得掛起。第二時就應該唔怕啦！
床係五尺床，比依家多半尺。可以拉起，下面放野。床頭兩邊有櫃，下面有插蘇，咁檯面就可以放支燈，或者叉 PSP 啦。
床後面嘅牆紙都係洛文選擇嘅。我就覺得幾舒服喇。
廚房感覺越來越好。可能真係冇咗隻門，所以地方大些少。加上三星 Staron 檯面，廣告話會令個廚房望落好似大啲。信不信由你…
Jayson 房嘅牆紙就係我話事。但基本上，係別冇他選，係巴斯光年！希望阿仔鐘意啦。
但又希望 Jayson 唔會晚晚興奮到唔捨得瞓啦！哈哈…
「To Infinity and Beyond!」
而天花就黐咗夜光星空。熄咗燈先會見到。雖然只係得一陣，不過都幾得意呀…
一切準備就緖！如無意外（touch wood…），三月尾搬屋。好緊張呀！！！
~ Lindberg
2010年3月8日
拆利是 2010
每年的年十五，都說要拆利是。但往往都因為無事忙，繼續收藏於枕頭之下。今年可以在正月拆利是，還算是不錯吧。先看一看 Jayson 今年的收獲。
看到這一大疊利是，真的有點目定口呆。Jayson 媽很興奮地為 Jayson 拆利是，因為她說自己從沒收過這麼多。
很高興有這麼多人疼錫 Jayson，所以他也要來多謝大家一下：
比起上一年，數目減少了些小。主要是有些「街數」，因為節目取消而沒法收回來。
家人及朋友，收到 64 封。
酒樓由年初一收到年初十五，收到 42 封！也算不錯吧。而竟然「人仔」也有一張！
而雖然數目比上一年少，但多得爺爺今年特別加碼，Jayson 發達啦！
「爸爸，舊年又話幫我開個銀行戶口嘅？」
「有呀！開咗啦。」
「咁啲月結單呢？」
「您唔係爸爸都信唔過呀？！」
「您知您成日呢度痕，嗰度痕㗎啦。嘻…」
~ Lindberg
看到這一大疊利是，真的有點目定口呆。Jayson 媽很興奮地為 Jayson 拆利是，因為她說自己從沒收過這麼多。
很高興有這麼多人疼錫 Jayson，所以他也要來多謝大家一下：
比起上一年，數目減少了些小。主要是有些「街數」，因為節目取消而沒法收回來。
家人及朋友，收到 64 封。
酒樓由年初一收到年初十五，收到 42 封！也算不錯吧。而竟然「人仔」也有一張！
而雖然數目比上一年少，但多得爺爺今年特別加碼，Jayson 發達啦！
「爸爸，舊年又話幫我開個銀行戶口嘅？」
「有呀！開咗啦。」
「咁啲月結單呢？」
「您唔係爸爸都信唔過呀？！」
「您知您成日呢度痕，嗰度痕㗎啦。嘻…」
~ Lindberg
2010年3月6日
摩星嶺道落山王
落山道之上，大家都等緊起跑燈亮起嘅一刻。呢條賽道我行得好熟，所以信心十足。排頭位嘅我，雙手緊握住方向盤，令手心都有啲冒汗。引擎發出隆隆巨響，我入定一波，當紅燈轉為綠燈嘅一刻，就準備放開離合器。但眼尾見到右邊身突然閃出一架紅色嘅烈火戰車，速度好快，令我不窒禁咗一窒。
我曾經講過：「冇人可以喺我前面！」（其實係動畫《我要衝線》入面，男主角嘅口頭襌），所以立即一支箭咁追上去。
落山道于迴曲折，以為可以追得近嘅時候，轉眼間入一個左右彎，對方嘅車尾燈都見唔到。心諗… 莫非時運高，又見到好似上次嘅亡靈快車。
喺佢身影消失前嘅一刻，我見到佢嘅車牌。好奇怪嘅單一個字… 一個好大個…黃色嘅「M」字。我明白啦… 日本秋明山有朝朝送豆腐嘅「落山王 86」，莫非佢就係不停密密送老麥嘅「摩星嶺道落山王麥麥送」…
果然猛虎不及地頭虫。著住拖鞋都可以快成咁。但話雖如此，心裡都有些少慚愧。
近排有少少想換車。想換一架安全啲嘅車，話晒架車雖然保養得好好，但都已經十幾年車。不過 Jayson 媽唔俾。佢話要換，只可以換四門 Type-R…。佢好鐘意佢嘅外表（莫非就係因為咁而看上咗我…）。但發咗咩？！而且，如果第二時入學面試，老師問 Jayson：「你爸爸揸咩車呀？」Jayson 答：「飛仔車！」咁點算呀？！
~ Lindberg
我曾經講過：「冇人可以喺我前面！」（其實係動畫《我要衝線》入面，男主角嘅口頭襌），所以立即一支箭咁追上去。
落山道于迴曲折，以為可以追得近嘅時候，轉眼間入一個左右彎，對方嘅車尾燈都見唔到。心諗… 莫非時運高，又見到好似上次嘅亡靈快車。
喺佢身影消失前嘅一刻，我見到佢嘅車牌。好奇怪嘅單一個字… 一個好大個…黃色嘅「M」字。我明白啦… 日本秋明山有朝朝送豆腐嘅「落山王 86」，莫非佢就係不停密密送老麥嘅「摩星嶺道落山王麥麥送」…
果然猛虎不及地頭虫。著住拖鞋都可以快成咁。但話雖如此，心裡都有些少慚愧。
近排有少少想換車。想換一架安全啲嘅車，話晒架車雖然保養得好好，但都已經十幾年車。不過 Jayson 媽唔俾。佢話要換，只可以換四門 Type-R…。佢好鐘意佢嘅外表（莫非就係因為咁而看上咗我…）。但發咗咩？！而且，如果第二時入學面試，老師問 Jayson：「你爸爸揸咩車呀？」Jayson 答：「飛仔車！」咁點算呀？！
~ Lindberg
2010年3月4日
新居大改造 之 重建篇
裝修呢家野，如果自己唔想煩，有人幫手諗真係好好多。我地今次真係好好彩有洛文，唔係都唔知點算！
新年之前，啲傢俬已經整得七七八八，送咗落嚟裝。先睇一下主人房個廁所，我覺得啲磚鋪得幾得意。好彩又唔洗我諗…
廚房係我嘅私人用地。因為地方細，都已經地盡其用。
師父好細心。之前外面啲紙皮石爛晒，俾著我就由得佢。但師父幫我鋪啲磚整番靚佢。
然後睇下個飯廳。大檯同鞋櫃都整好咗，但未加工，例如要加燈。比之前睇圖好好多。我成日驚會好太簡單，一餅野咁。但依家睇落都幾舒服。好彩我聽晒洛文話啫。
師父後面其實一張摺床。加一塊拉簾，之後就有機會俾人瞓。雖然唔算一個太理想嘅私人空間，但我覺得應該唔會太差。
我幾鐘意走廊嘅燈槽。感覺好舒服。
最後係書房。書檯同我心目中有啲出入。短咗些少，而個櫃就闊咗啲啲。不過諗落，用起嚟都應該方便嘅。
新年期間，我地有帶 Jayson 上過去。佢都好似好興奮咁。不過睇咗一陣，就要落去遊樂場玩。哈哈…
新年之後，工作速度好快。每日上去都有新發展。如冇意外，三月尾應該可以搬入去啦。好緊張呀！！！
~ Lindberg
新年之前，啲傢俬已經整得七七八八，送咗落嚟裝。先睇一下主人房個廁所，我覺得啲磚鋪得幾得意。好彩又唔洗我諗…
廚房係我嘅私人用地。因為地方細，都已經地盡其用。
師父好細心。之前外面啲紙皮石爛晒，俾著我就由得佢。但師父幫我鋪啲磚整番靚佢。
然後睇下個飯廳。大檯同鞋櫃都整好咗，但未加工，例如要加燈。比之前睇圖好好多。我成日驚會好太簡單，一餅野咁。但依家睇落都幾舒服。好彩我聽晒洛文話啫。
師父後面其實一張摺床。加一塊拉簾，之後就有機會俾人瞓。雖然唔算一個太理想嘅私人空間，但我覺得應該唔會太差。
我幾鐘意走廊嘅燈槽。感覺好舒服。
最後係書房。書檯同我心目中有啲出入。短咗些少，而個櫃就闊咗啲啲。不過諗落，用起嚟都應該方便嘅。
新年期間，我地有帶 Jayson 上過去。佢都好似好興奮咁。不過睇咗一陣，就要落去遊樂場玩。哈哈…
新年之後，工作速度好快。每日上去都有新發展。如冇意外，三月尾應該可以搬入去啦。好緊張呀！！！
~ Lindberg
2010年3月3日
新學期的噩耗
轉眼間便放完農曆新年假。新學期的第一天，傳來了一個噩耗：群姐被調走了！
如果大家不清楚 Jayson 跟群姐的關系，可以從以下一些對話感覺得到。
誰知開學的第一天，看門口的保安員見到 Jayson，就跟他說：「Jayson，你個群姐調走咗呀。」
因為學校增添校舍，收取遊樂組的學生，所以調走群姐過去幫手。天呀！每天 Jayson 跟婆婆別離的一刻，還是很扭計。但只要見到群姐，就連爸爸姓甚名誰也忘記得一乾二淨。沒有群姐，叫 Jayson 怎麼算？
其實學校每一位都很錫 Jayson，由所有人都這麼清楚他，已可見一斑。但 Jayson 只是黐群姐一個，而程度跟 Jayson 媽有過之而無不及。唉…
幸好，昨天興姐給了我們一線希望。她說群姐下星期會調回來。希望這是真的吧！
「Jayson，您唔好咁失落啦。群姐好快番嚟㗎啦！」
~ Lindberg
如果大家不清楚 Jayson 跟群姐的關系，可以從以下一些對話感覺得到。
隔離班老師見到 Jayson，第一句便問：「Jayson，你個群姐呢？」
興姐（另一位課室的助理）見到群姐帶領著一班坐校車的學生踏進校門，說：「妳個仔番咗嚟啦！」
誰知開學的第一天，看門口的保安員見到 Jayson，就跟他說：「Jayson，你個群姐調走咗呀。」
因為學校增添校舍，收取遊樂組的學生，所以調走群姐過去幫手。天呀！每天 Jayson 跟婆婆別離的一刻，還是很扭計。但只要見到群姐，就連爸爸姓甚名誰也忘記得一乾二淨。沒有群姐，叫 Jayson 怎麼算？
其實學校每一位都很錫 Jayson，由所有人都這麼清楚他，已可見一斑。但 Jayson 只是黐群姐一個，而程度跟 Jayson 媽有過之而無不及。唉…
幸好，昨天興姐給了我們一線希望。她說群姐下星期會調回來。希望這是真的吧！
「Jayson，您唔好咁失落啦。群姐好快番嚟㗎啦！」
~ Lindberg
2010年3月2日
紅酒燴羊膝
有晚行過 Apita，見羊膝有減價。上次想整「紅酒燴羊膝」買唔到，只係得啲切咗出嚟嘅羊膝肉。雖然都係貴過我餐廳嗰啲，不過我唔鐘意喺自己餐廳隨便攞野，所以貴啲都照買。咁就可以認真地煮一次。
首先就用啲乾迷迭香、橄欖油、鹽及黑椒去醃下隻羊膝。
爆香啲蒜片就放隻羊膝落去。通常我都會攞走啲蒜片，否則一定燶晒。而且攞個味都夠啦。
因為羊膝個面要燒到金黃，煲野先至好味，所以我見燒得七七八八，先放個洋蔥落去。
洋蔥都金黃之後，就可以落埋啲紅蘿蔔。紅酒同雞湯都可以落埋。罐頭番茄肉啲番茄，要用手握碎先好放入去。大滾之後可以試下味，落啲鹽及黑椒。唔好太鹹，因為之後會煮走 1/3 嘅水份。但又唔好太淡，否則舊羊肉入面就唔夠味。
放入焗爐，攝氏165度焗兩個鐘。如果冇焗爐，炆都得嘅…。啲肉要軟化到差不多離骨就一流喇！
食得！
~ Lindberg
因為減價貨，想買多一隻都冇。不過都幾多肉，兩個人都夠分。圖中嘅粟米，係因為前一日打邊爐用剩咗，所以用埋佢。味道係有啲唔夾，不過都冇傷大雅。有的話，其實可以落啲西芹。而番薯，係因為我見焗開野，咪煨埋一份囉。嘻嘻…材料：
羊膝 一隻
洋蔥 半個切角
蒜頭 兩塊切片
紅蘿蔔 一大條
乾迷迭香 一茶匙
紅酒 半量杯
番茄肉 一罐
雞湯 兩量杯
鹽及黑椒 適量
橄欖油 少許
首先就用啲乾迷迭香、橄欖油、鹽及黑椒去醃下隻羊膝。
爆香啲蒜片就放隻羊膝落去。通常我都會攞走啲蒜片，否則一定燶晒。而且攞個味都夠啦。
因為羊膝個面要燒到金黃，煲野先至好味，所以我見燒得七七八八，先放個洋蔥落去。
洋蔥都金黃之後，就可以落埋啲紅蘿蔔。紅酒同雞湯都可以落埋。罐頭番茄肉啲番茄，要用手握碎先好放入去。大滾之後可以試下味，落啲鹽及黑椒。唔好太鹹，因為之後會煮走 1/3 嘅水份。但又唔好太淡，否則舊羊肉入面就唔夠味。
放入焗爐，攝氏165度焗兩個鐘。如果冇焗爐，炆都得嘅…。啲肉要軟化到差不多離骨就一流喇！
食得！
~ Lindberg
2010年3月1日
又到迪士尼
今次的借口是 Jayson 的春節假期將要完結，而迪士尼又有春節特備節目，所以我們請了一天假期，到這夢幻王國玩一天。
「我最鐘意騎馬馬！」
其實 Jayson 的最愛已經不是騎馬馬，而是維尼熊。當要排隊玩木馬時，他嚷著：「要玩 Pooh Bear…」
這次我們還帶了公公婆婆一齊來，晚上一起到酒店吃自助餐。希望於新學期來臨之前，可以慰勞一下兩老。
今次我們還第一次去玩馳車天地，而且還是我們父子的二人世界。今天人都算幾多，排了大概二十分鐘隊。幸好 Jayson 感到很興奮，所以沒有扭計。在排隊的時候，四周有些姐姐想逗 Jayson 玩，可惜都不漂亮。嘻…
我考慮了很久，終於讓 Jayson 自己一個坐司機位。
起初因為他看不清前路，亦不知方向盤如何使用，所以不停撞邊。之後開始掌握得到要轉左或右，加上我的英明指揮，最後順利回到終點。
我們七時左右便離開，到酒店吃自助餐。食物跟之前吃過的差不多，品質和選擇還保持得不錯。而且用匯豐信用卡，還可以每位減 $100！
今晚最漂亮的，還是米妮。
吃飽飽之後，Jayson 順手拿地檯墊，便玩起他的 Peekaboo。
這天在樂園中遇到一些熟人。有 Jayson 的同學（大概跟我們的原因一樣吧），還有舊同學的家姐。果然是：世界真細小小小…
~ Lindberg
「我最鐘意騎馬馬！」
其實 Jayson 的最愛已經不是騎馬馬，而是維尼熊。當要排隊玩木馬時，他嚷著：「要玩 Pooh Bear…」
這次我們還帶了公公婆婆一齊來，晚上一起到酒店吃自助餐。希望於新學期來臨之前，可以慰勞一下兩老。
今次我們還第一次去玩馳車天地，而且還是我們父子的二人世界。今天人都算幾多，排了大概二十分鐘隊。幸好 Jayson 感到很興奮，所以沒有扭計。在排隊的時候，四周有些姐姐想逗 Jayson 玩，可惜都不漂亮。嘻…
我考慮了很久，終於讓 Jayson 自己一個坐司機位。
起初因為他看不清前路，亦不知方向盤如何使用，所以不停撞邊。之後開始掌握得到要轉左或右，加上我的英明指揮，最後順利回到終點。
我們七時左右便離開，到酒店吃自助餐。食物跟之前吃過的差不多，品質和選擇還保持得不錯。而且用匯豐信用卡，還可以每位減 $100！
今晚最漂亮的，還是米妮。
吃飽飽之後，Jayson 順手拿地檯墊，便玩起他的 Peekaboo。
這天在樂園中遇到一些熟人。有 Jayson 的同學（大概跟我們的原因一樣吧），還有舊同學的家姐。果然是：世界真細小小小…
~ Lindberg