「沉思瓜」，是香港小朋友：節瓜俠 的親身表演。
在家中，Jayson 現在已經會自己除褲，趷高腳到廁所小便。高度剛剛好，射得非常準確。但之後經常會掛住玩廁紙，而忘了穿褲…
~ Lindberg
2010年5月31日
思考中的男人
「沉思者」，是法國雕塑家：奧古斯特·羅丹 的創作。
「沉思瓜」，是香港小朋友：節瓜俠 的親身表演。
在家中，Jayson 現在已經會自己除褲，趷高腳到廁所小便。高度剛剛好，射得非常準確。但之後經常會掛住玩廁紙，而忘了穿褲…
~ Lindberg
「沉思瓜」，是香港小朋友：節瓜俠 的親身表演。
在家中，Jayson 現在已經會自己除褲，趷高腳到廁所小便。高度剛剛好，射得非常準確。但之後經常會掛住玩廁紙，而忘了穿褲…
~ Lindberg
2010年5月28日
現代夏候惇
前日提到夏候惇，其實係因為一個婦人。此婦人喺 Lee Hall Canteen（正確名稱：香港大學學生會餐廳）任斬燒味一職（見下圖）。一日，友人見佢斬斬下燒味，一野斬咗落自己隻手指尾到，血流成河。但佢仍面不改容，繼續斬埋碟燒味，送到同學面前。非常之有專業精神。自此之後，佢就得咗「夏候惇」呢個稱號。不過佢再冇斬燒味啦，只係做叫單一職。
問過友人，其實如果咁嘅情況，佢唔係應該似關二哥多啲咩？關二哥忍痛出晒名啦（關雲長刮骨療毒）。但原來友人們一直認為 Lee Hall Canteen 係邪惡嘅象徵，所以入面嘅人都係「曹賊」。哈哈哈哈…
其實稱 Lee Hall Canteen 為「曹賊」，真係唔算過份。因為啲野真係唔算好食，而且配搭又奇奇怪怪。不過平平地，唔可以要求太高啦。而且佢亦為我帶來唔少回憶。每朝返完早堂，都例必去食一個早餐，然後午餐。唔好彩的話，仲會有茶餐…。
而當年喺飯堂食野，對身體都算係一種考驗：
1) 高鈉：唔條宫崎骏嘅《高立的未來世界》嗰位高立，而係 Sodium 嗰個鈉，四腸早餐是也。一份早餐就食四條高鹽度香腸，真係一個經典。當時我地因為貪佢有啲燒汁，經常都會叫嚟食。而作為生化系嘅學生，好明顯我地對健康不太重視。
2) 高鐵：唔係要拆人條村起嗰條，而係加料嘅外來物質。例如魚鉤之類。但我都只係見過未食過。
3) 少菜：碟頭飯通常會跟幾條豆角。問題係生到好似未煮過一樣，非常難入口。有次同學向燒味師父表示太生，唔洗俾佢喇。師父一手揸住一大束，好惡咁對佢講：「話我啲菜生？！食你一世都願呀！！！」俾人用一束豆角指住個頭咁鬧之後，我再冇見過呢位同學食豆角…
自從畢業之後，飯堂已經轉咗唔知幾多次手。現時其實即係大家樂。不過仍然可以保持到過往嘅「作風」。真係難得…難得……。
過多幾個月，為咗擴建校舍，飯堂就要拆啦。相信呢啲永遠都會喺我地一班舊生嘅回憶。
~ Lindberg
問過友人，其實如果咁嘅情況，佢唔係應該似關二哥多啲咩？關二哥忍痛出晒名啦（關雲長刮骨療毒）。但原來友人們一直認為 Lee Hall Canteen 係邪惡嘅象徵，所以入面嘅人都係「曹賊」。哈哈哈哈…
其實稱 Lee Hall Canteen 為「曹賊」，真係唔算過份。因為啲野真係唔算好食，而且配搭又奇奇怪怪。不過平平地，唔可以要求太高啦。而且佢亦為我帶來唔少回憶。每朝返完早堂，都例必去食一個早餐，然後午餐。唔好彩的話，仲會有茶餐…。
而當年喺飯堂食野，對身體都算係一種考驗：
1) 高鈉：唔條宫崎骏嘅《高立的未來世界》嗰位高立，而係 Sodium 嗰個鈉，四腸早餐是也。一份早餐就食四條高鹽度香腸，真係一個經典。當時我地因為貪佢有啲燒汁，經常都會叫嚟食。而作為生化系嘅學生，好明顯我地對健康不太重視。
2) 高鐵：唔係要拆人條村起嗰條，而係加料嘅外來物質。例如魚鉤之類。但我都只係見過未食過。
3) 少菜：碟頭飯通常會跟幾條豆角。問題係生到好似未煮過一樣，非常難入口。有次同學向燒味師父表示太生，唔洗俾佢喇。師父一手揸住一大束，好惡咁對佢講：「話我啲菜生？！食你一世都願呀！！！」俾人用一束豆角指住個頭咁鬧之後，我再冇見過呢位同學食豆角…
自從畢業之後，飯堂已經轉咗唔知幾多次手。現時其實即係大家樂。不過仍然可以保持到過往嘅「作風」。真係難得…難得……。
過多幾個月，為咗擴建校舍，飯堂就要拆啦。相信呢啲永遠都會喺我地一班舊生嘅回憶。
~ Lindberg
2010年5月27日
送您一個心
「Jayson，您畫緊啲乜呀？」
「秘密！」
他站在米B旁邊，很專心的不停地畫…不停地畫…不停地畫。
終於大功告成！
「我畫咗個心俾米B呀！」
「好叻仔喎！今次實有分加啦！呵呵呵呵呵…」
看到 Jayson 的心意，就連旁邊的米B，也要豎起拇指呢。
（以上是六位戰士和蔚蔚妹妹到「香港保護兒童會」所舉辦的「Kid's Power 親子智能部落」所發生…）
~ Lindberg
「秘密！」
他站在米B旁邊，很專心的不停地畫…不停地畫…不停地畫。
終於大功告成！
「我畫咗個心俾米B呀！」
「好叻仔喎！今次實有分加啦！呵呵呵呵呵…」
看到 Jayson 的心意，就連旁邊的米B，也要豎起拇指呢。
（以上是六位戰士和蔚蔚妹妹到「香港保護兒童會」所舉辦的「Kid's Power 親子智能部落」所發生…）
~ Lindberg
2010年5月26日
三國喜歡的人物：夏候惇
講到三國演義嘅人物，大部份人會諗起劉、關、張三人。打慣三國無雙嘅朋友，可能會喜歡呂布（Jayson 媽鐘意用外表冷酷嘅曹丕）。而喺故事之中，我就喜歡：夏候惇。
夏侯惇，有「盲夏侯」之稱。因為喺一場戰事中，佢被曹性放冷箭，射中左眼。夏候惇跟住就將箭同眼珠一齊拔出，大叫一聲：「身體髮膚受之父母，不得捨棄」，然後一口吞咗粒眼珠，再跟手一刀將曹性劈死。讀書嘅時候讀到呢一幕，只可以用「震撼」同「型爆」去形容。但依家做咗人爸爸，又有另一番感覺。
「身體髮膚受之父母」係出自《孝經》中嘅：「身體髮膚，受諸父母，不忍毀傷，孝之始也。」意思係……明啦！我鐘意見到古時嘅中國人，對孝義嗰種重視（但亦可能只係因為封建思想所規限）。從微細嘅事情當中，例如頭髮，已經蘊藏住對父母嘅尊重。
我冇期望過 Jayson 第二時一定會尊重我，或感激我地生咗佢出嚟，因為自己都曾經喺唔如意嘅時候（尤其是追唔到女仔嗰陣），埋怨過自己父母。但如果 Jayson 可以好似夏侯惇咁愛惜自己，我都已經心滿意足啦。
~ Lindberg
夏侯惇，有「盲夏侯」之稱。因為喺一場戰事中，佢被曹性放冷箭，射中左眼。夏候惇跟住就將箭同眼珠一齊拔出，大叫一聲：「身體髮膚受之父母，不得捨棄」，然後一口吞咗粒眼珠，再跟手一刀將曹性劈死。讀書嘅時候讀到呢一幕，只可以用「震撼」同「型爆」去形容。但依家做咗人爸爸，又有另一番感覺。
「身體髮膚受之父母」係出自《孝經》中嘅：「身體髮膚，受諸父母，不忍毀傷，孝之始也。」意思係……明啦！我鐘意見到古時嘅中國人，對孝義嗰種重視（但亦可能只係因為封建思想所規限）。從微細嘅事情當中，例如頭髮，已經蘊藏住對父母嘅尊重。
我冇期望過 Jayson 第二時一定會尊重我，或感激我地生咗佢出嚟，因為自己都曾經喺唔如意嘅時候（尤其是追唔到女仔嗰陣），埋怨過自己父母。但如果 Jayson 可以好似夏侯惇咁愛惜自己，我都已經心滿意足啦。
~ Lindberg
2010年5月24日
誠實的男人
常言道：「三歲定八十」。作為一個男人，最重要的是誠信。能為自己作過的事負責，才是男人應有的態度！
「Jayson，做得好！喺未來外父（後面問問題那位）外母面前有個咁好嘅表現，做一個有擔帶嘅男仔！」
「咁媽媽話，如果痾屁唔認屁，屁股會爛到年初四㗎！」
~ Lindberg
「Jayson，做得好！喺未來外父（後面問問題那位）外母面前有個咁好嘅表現，做一個有擔帶嘅男仔！」
「咁媽媽話，如果痾屁唔認屁，屁股會爛到年初四㗎！」
~ Lindberg
2010年5月21日
如何戒奶咀
如果有讓小朋友吃奶咀的父母，都會很明白奶咀的好處。第一，它是一件極佳的「滅聲器」。扭計的時候，沒有奶咀也不知怎麼過。第二，它是睡覺的按扭。訓練一個小朋友在適當的時候睡覺，奶咀是不可多得的工具。對 Jayson 來說，奶咀、音樂、紗巾，缺一不可。第三，它在防止腸胃病中，也擔當一個重要的角色。有了奶咀，就不怕亂放東西入口。怎樣看，也是父母的恩物。
但奈何不可以讓小朋友一直吃下去。除了醜怪和對牙齒可能有影響之外，也不希望小朋友過於依賴東西。醫生說，很多小朋友都會在歲半之後自動放棄奶咀。但依我身邊朋友的經驗，兩歲半也戒不掉。而父母也依賴這個東西，當然難辭其咎。
戒奶咀的方法有好幾個：
1) 落藥。曾經有諗過用戒食手指水。但如果踫到聰明的小朋友，他會自己拿去洗。而且聽聞有些會難食到嘔（真的嘔出來），所以都不宜亂試。
2) 安排時間，進行「戒毒療程」。用「戒毒」作為比喻，並不誇張。因為沒有奶咀的依靠，小朋友會發很大脾氣。加上少了這個睡覺的良伴，要讓小朋友睡也不是一件易事。可以安排一個父母都比較得閑的時間，例如長假期，幫小朋友戒掉這個習慣。要鼓勵小朋友主動放棄奶咀。堅決表明家中已經沒有這東西了，例如一起掉入垃圾筒。要小朋友出於自己的努力，而戒掉這個習慣。
3) 講一個白色的謊言。這個是一位朋友的方法。有一天，她把奶咀頭剪掉。當小朋友晚上要奶咀時，她跟小朋友說：「咦！點解唔見咗個奶咀頭嘅？唔通你尋晚咬斷咗，食咗落肚？！」小朋友拉起衣服，看看自己的肚子。之後便不敢再要奶咀了。
找個適合自己小朋友性格的借口或謊言，甚至用一些圖畫書幫助也可以。
4) 最後一個方法，就是趁著時機，斬草除根。這個亦是 Jayson 的方法。有一天，他向婆婆發脾氣，沖口而出說：「唔要奶咀！」。之後婆婆打蛇隨棍上，跟他說如果不要奶咀，便掉進垃圾筒。他點頭回應，便在他眼前掉奶咀進垃圾筒裡去。之後那晚，他不停要奶咀，媽媽不停回答說已經掉了。重複了二十分鐘後，才攰極而睡。
沒有了奶咀，最大的問題是睡覺。而問題往往出現在大人的身上。晚上都要搞上一兩個小時才可入睡。半夜夢醒，如要讓他再入睡，真的很有令人拿出奶咀的衝動。而午睡的問題更大。掉了奶咀的第二天早上，婆婆為了要讓 Jayson 上學前睡一睡，最終受不了奶咀的誘惑，給 Jayson 吃了一口。幸好，之後大家都努力堅持，沒有再提過「奶咀」兩個字。Jayson 終於順利戒掉奶咀。但亦都同時戒掉午睡。唉…
父母另一件要注意的，就是會否養成另一個壞習慣：啜手指。
Jayson 突然放棄奶咀，真的有點令我們措手不及。每晚的搏鬥真的令人痕疲力盡。但見他不再依賴奶咀，覺得他又向成長邁出一大步。而本人作為最大的得益者，當然是最高興不過。可以少洗幾個奶咀，簡直有如皇恩大赦一樣。萬歲萬歲萬萬歲…
~ Lindberg
但奈何不可以讓小朋友一直吃下去。除了醜怪和對牙齒可能有影響之外，也不希望小朋友過於依賴東西。醫生說，很多小朋友都會在歲半之後自動放棄奶咀。但依我身邊朋友的經驗，兩歲半也戒不掉。而父母也依賴這個東西，當然難辭其咎。
戒奶咀的方法有好幾個：
1) 落藥。曾經有諗過用戒食手指水。但如果踫到聰明的小朋友，他會自己拿去洗。而且聽聞有些會難食到嘔（真的嘔出來），所以都不宜亂試。
2) 安排時間，進行「戒毒療程」。用「戒毒」作為比喻，並不誇張。因為沒有奶咀的依靠，小朋友會發很大脾氣。加上少了這個睡覺的良伴，要讓小朋友睡也不是一件易事。可以安排一個父母都比較得閑的時間，例如長假期，幫小朋友戒掉這個習慣。要鼓勵小朋友主動放棄奶咀。堅決表明家中已經沒有這東西了，例如一起掉入垃圾筒。要小朋友出於自己的努力，而戒掉這個習慣。
3) 講一個白色的謊言。這個是一位朋友的方法。有一天，她把奶咀頭剪掉。當小朋友晚上要奶咀時，她跟小朋友說：「咦！點解唔見咗個奶咀頭嘅？唔通你尋晚咬斷咗，食咗落肚？！」小朋友拉起衣服，看看自己的肚子。之後便不敢再要奶咀了。
找個適合自己小朋友性格的借口或謊言，甚至用一些圖畫書幫助也可以。
4) 最後一個方法，就是趁著時機，斬草除根。這個亦是 Jayson 的方法。有一天，他向婆婆發脾氣，沖口而出說：「唔要奶咀！」。之後婆婆打蛇隨棍上，跟他說如果不要奶咀，便掉進垃圾筒。他點頭回應，便在他眼前掉奶咀進垃圾筒裡去。之後那晚，他不停要奶咀，媽媽不停回答說已經掉了。重複了二十分鐘後，才攰極而睡。
沒有了奶咀，最大的問題是睡覺。而問題往往出現在大人的身上。晚上都要搞上一兩個小時才可入睡。半夜夢醒，如要讓他再入睡，真的很有令人拿出奶咀的衝動。而午睡的問題更大。掉了奶咀的第二天早上，婆婆為了要讓 Jayson 上學前睡一睡，最終受不了奶咀的誘惑，給 Jayson 吃了一口。幸好，之後大家都努力堅持，沒有再提過「奶咀」兩個字。Jayson 終於順利戒掉奶咀。但亦都同時戒掉午睡。唉…
父母另一件要注意的，就是會否養成另一個壞習慣：啜手指。
Jayson 突然放棄奶咀，真的有點令我們措手不及。每晚的搏鬥真的令人痕疲力盡。但見他不再依賴奶咀，覺得他又向成長邁出一大步。而本人作為最大的得益者，當然是最高興不過。可以少洗幾個奶咀，簡直有如皇恩大赦一樣。萬歲萬歲萬萬歲…
~ Lindberg
2010年5月18日
夜宴
前晚契爺同一班朋友上嚟玩。我第一次全力去用個廚房。用起嚟都幾得心應手，但因為太耐冇練習，而且要整俾十三個人，所以煮得未算好滿意。
是晚餐單：
Parma Ham with Melon起初以為冇技巧。但原來要切咁多蜜瓜，同埋包咁多塊火腿，都幾大鑊。
Caesar Salad with Bacon Bits and Garlic Croutons
好簡單。
Drunken Chicken Wings
之前諗住燒個香草雞翼，但驚住會按排失當而出事。呢個就簡單、方便、安全得多。
Tiger Prawn in Anchovy Pesto Cream
道理上係爆香啲油浸鯷魚、香草醬、同辣椒，落蝦同白酒、調味。但攞咗出去見碟野怪怪的，原來唔記得落香草醬同辣椒。好彩都有味。「執碼」果然係一個好重要嘅任務。
Vegetables and Three Cheese Stuffed Seashell Pasta
呢個真係手工菜。以前我整過類似嘅菜，Jayson 媽話好好味，但之後佢都冇口福再食到。因為太麻煩。相信呢個菜亦都會係一樣，只此一次。所以食到嘅朋友真係好好彩。哈！首先要切好多粒粒，包括：洋蔥、茄子、磨菇。仲有菠菜切蓉。分開調味炒熟，然後攤凍。之後加入 Ricotta 及 Mozarella 兩隻芝士。再釀入一隻九成熟嘅貝殼粉入面，然後一隻隻放喺茄汁上面。最後放啲 Mozarella 同 Parmesan 芝士上面焗。幾驚唔好食呀！唔好食的話，我一定會發癲！
Grill Prime Rib Cube
因為冇地方俾大家切，所以切成大大粒。肉厚又多汁嘅美國安格斯肉眼扒，原本驚大家已經食飽，所以只係煎咗三分一。最後當然全部（四磅半）煎晒啦。好味！
Italian Meat Balls on a Bed of Linguine
失敗。啲粉焗得太熟，同唔夠汁。
Crispy Chocolate Ice Cream Bar
好彩之前買咗一打朱古力脆皮。
Hot Iron Buddha Tea
啲野都幾滯。有杯茶落肚會舒服啲嘅。
冇食物相，因為掛住煮、掛住食。之後洗大餅洗到一點幾。不過都唔算好麻煩。
最後，多謝各位朋友俾面光臨，亦要多謝大家啲美酒。大家唔洗擔心我冇得食，因為「近廚得食」。啲餸未出廚房，我已經食咗最新鮮嗰舊，大家都只係食我口水尾。而且我煮得好開心，見到大家食得開心，我就更開心啦。呵呵呵呵呵呵…
~ Lindberg
P.S. 下次邊個整污漕我塊木地板，除咗要有「死」嘅覺悟之外，仲唔好問我攞布。請用自己條脷抹乾淨啲紅酒漬！唔該。
是晚餐單：
Parma Ham with Melon起初以為冇技巧。但原來要切咁多蜜瓜，同埋包咁多塊火腿，都幾大鑊。
Caesar Salad with Bacon Bits and Garlic Croutons
好簡單。
Drunken Chicken Wings
之前諗住燒個香草雞翼，但驚住會按排失當而出事。呢個就簡單、方便、安全得多。
Tiger Prawn in Anchovy Pesto Cream
道理上係爆香啲油浸鯷魚、香草醬、同辣椒，落蝦同白酒、調味。但攞咗出去見碟野怪怪的，原來唔記得落香草醬同辣椒。好彩都有味。「執碼」果然係一個好重要嘅任務。
Vegetables and Three Cheese Stuffed Seashell Pasta
呢個真係手工菜。以前我整過類似嘅菜，Jayson 媽話好好味，但之後佢都冇口福再食到。因為太麻煩。相信呢個菜亦都會係一樣，只此一次。所以食到嘅朋友真係好好彩。哈！首先要切好多粒粒，包括：洋蔥、茄子、磨菇。仲有菠菜切蓉。分開調味炒熟，然後攤凍。之後加入 Ricotta 及 Mozarella 兩隻芝士。再釀入一隻九成熟嘅貝殼粉入面，然後一隻隻放喺茄汁上面。最後放啲 Mozarella 同 Parmesan 芝士上面焗。幾驚唔好食呀！唔好食的話，我一定會發癲！
Grill Prime Rib Cube
因為冇地方俾大家切，所以切成大大粒。肉厚又多汁嘅美國安格斯肉眼扒，原本驚大家已經食飽，所以只係煎咗三分一。最後當然全部（四磅半）煎晒啦。好味！
Italian Meat Balls on a Bed of Linguine
失敗。啲粉焗得太熟，同唔夠汁。
Crispy Chocolate Ice Cream Bar
好彩之前買咗一打朱古力脆皮。
Hot Iron Buddha Tea
啲野都幾滯。有杯茶落肚會舒服啲嘅。
冇食物相，因為掛住煮、掛住食。之後洗大餅洗到一點幾。不過都唔算好麻煩。
最後，多謝各位朋友俾面光臨，亦要多謝大家啲美酒。大家唔洗擔心我冇得食，因為「近廚得食」。啲餸未出廚房，我已經食咗最新鮮嗰舊，大家都只係食我口水尾。而且我煮得好開心，見到大家食得開心，我就更開心啦。呵呵呵呵呵呵…
~ Lindberg
P.S. 下次邊個整污漕我塊木地板，除咗要有「死」嘅覺悟之外，仲唔好問我攞布。請用自己條脷抹乾淨啲紅酒漬！唔該。
2010年5月17日
男才女貌
何謂之「男才女貌」、「天生一對」，以下這一幅便是最清楚不過。
「Jayson，快啲做多啲表現先得㗎！之前俾人搶晒位啦！我要飲茶呀。」
「爸爸，飲茶就去西苑啦。」
「衰仔！西苑邊有新袍茶飲呀？！」
「哦…。我會做野㗎啦。」
欲知 Jayson 如何搏取歡心，請繼續留意本網誌。
~ Lindberg
P.S. 米B會擺甫士，果然是熱愛攝影的女兒。
「Jayson，快啲做多啲表現先得㗎！之前俾人搶晒位啦！我要飲茶呀。」
「爸爸，飲茶就去西苑啦。」
「衰仔！西苑邊有新袍茶飲呀？！」
「哦…。我會做野㗎啦。」
欲知 Jayson 如何搏取歡心，請繼續留意本網誌。
~ Lindberg
P.S. 米B會擺甫士，果然是熱愛攝影的女兒。
2010年5月12日
尋寶圖
公司附近有一間書店，那裡有一個很不錯的兒童圖書閣。Jayson 也曾經上過去。那裡以英文書為主，而且都是一些比較「漂亮」的圖書。但因為地方舒服，我經常都會心思思走過去看看。見到有趣的書，不是太貴的話，便會忍不住手買下來。前幾天，買了這一本：
Jayson 中文名字的意思，是「尋寶」。這本書就最適合不過。哈哈哈哈哈…
簡單來說，這本書是玩「眼明手快」，找東西，點數目。是對認知、眼力、顏色分辨、數數目的一個考驗。
書中的顏色和圖案都很豐富。其中有幾版的東西比較奇怪，例如海盜，Jayson 都不知道是甚麼！但奇怪有奇怪的玩，就當練一下眼力吧。書背的介紹，亦提到可以增進小朋友的的解決問題能力。起初我對這點有些懷疑，但從問題中找出答案，都可算是吧。而且除了書上提供的一些基本問題，我發現也可以從中找出其他有趣的東西，跟小朋友玩。
而最重要的，還是 Jayson 玩得開心。
~ Lindberg
Jayson 中文名字的意思，是「尋寶」。這本書就最適合不過。哈哈哈哈哈…
簡單來說，這本書是玩「眼明手快」，找東西，點數目。是對認知、眼力、顏色分辨、數數目的一個考驗。
書中的顏色和圖案都很豐富。其中有幾版的東西比較奇怪，例如海盜，Jayson 都不知道是甚麼！但奇怪有奇怪的玩，就當練一下眼力吧。書背的介紹，亦提到可以增進小朋友的的解決問題能力。起初我對這點有些懷疑，但從問題中找出答案，都可算是吧。而且除了書上提供的一些基本問題，我發現也可以從中找出其他有趣的東西，跟小朋友玩。
而最重要的，還是 Jayson 玩得開心。
~ Lindberg
2010年5月11日
吃士多啤梨
「您仲有幾多粒士多啤梨呀？」
「Three！」
（但點解您會舉高四隻手指呢？）
這兩天發現 Jayson 自覺性高了一點。例如之前如任何情況下也不願喝水，這天吃了幾粒士多啤梨，就自動去拿水喝。
手濕了，就去拿紙巾抹手。
用我們福建話來說，這是「擔心命」，即是指會照顧自己。看上去是沒甚麼大不了的事情，但對於我們這位大爺來說，已經是很好的表現。
「爸爸，您唔好咁睇我啦。」
過兩個月打算帶 Jayson 到日本玩。希望有機會到果園摘車厘子。那時就可以看一看，Jayson 能否像蝗蟲一樣，把整片果園一掃而空。嘩哈哈哈哈哈哈哈哈…
~ Lindberg
P.S. 舅父終於認同 Jayson 是「四仔」。情緒的高低起跌，只能用演技精湛去形容。唉… 可惜樣子不俊俏，但之後還是可以跟表姐去話劇團玩玩吧。
「Three！」
（但點解您會舉高四隻手指呢？）
這兩天發現 Jayson 自覺性高了一點。例如之前如任何情況下也不願喝水，這天吃了幾粒士多啤梨，就自動去拿水喝。
手濕了，就去拿紙巾抹手。
用我們福建話來說，這是「擔心命」，即是指會照顧自己。看上去是沒甚麼大不了的事情，但對於我們這位大爺來說，已經是很好的表現。
「爸爸，您唔好咁睇我啦。」
過兩個月打算帶 Jayson 到日本玩。希望有機會到果園摘車厘子。那時就可以看一看，Jayson 能否像蝗蟲一樣，把整片果園一掃而空。嘩哈哈哈哈哈哈哈哈…
~ Lindberg
P.S. 舅父終於認同 Jayson 是「四仔」。情緒的高低起跌，只能用演技精湛去形容。唉… 可惜樣子不俊俏，但之後還是可以跟表姐去話劇團玩玩吧。
2010年5月10日
母節節晚餐
因為嫲嫲和 Jayson 媽都病咗，所以我地成日都冇出街。
見 Jayson 媽咳成咁，我就買咗啲料煲湯，實行煮個中式晚餐，為 Jayson 同媽媽慶祝一下。是晚餐單有…
「爸爸，又話幫我同媽媽慶祝，點解煮到燶晒㗎？」
「有咩證據？！呢啲叫鍋氣！」
「咁個三文魚扒中間生嘅，您又點解釋？」
「都話您見識少。外皮煎香，中間剛剛熟先至叫做高手呀！」
「啲雞翼仲咁多毛添！」
「咩呀？碟餸叫做：「有毛有翼」呀嘛！」
「爸爸，您好爛呀。我都係食菜算喇…」
最後，Jayson 真係食咗好多菜。好彩煲湯都仲飲得。個新爐頭真係好好火力。諗住同一時間煮幾道菜，但原來久未下廚，都幾手忙腳亂。嘻嘻… 好彩都叫做食得，希望 Jayson 媽鐘意啦。
~ Lindberg
見 Jayson 媽咳成咁，我就買咗啲料煲湯，實行煮個中式晚餐，為 Jayson 同媽媽慶祝一下。是晚餐單有…
- 海底椰煲豬骨湯
- 非洲叉燒炒蛋
- 蒔蘿中國海鹽香煎三文魚扒
- 瑞士汁煮巴西長毛雞翼
- 蒜蓉炒菜心
「爸爸，又話幫我同媽媽慶祝，點解煮到燶晒㗎？」
「有咩證據？！呢啲叫鍋氣！」
「咁個三文魚扒中間生嘅，您又點解釋？」
「都話您見識少。外皮煎香，中間剛剛熟先至叫做高手呀！」
「啲雞翼仲咁多毛添！」
「咩呀？碟餸叫做：「有毛有翼」呀嘛！」
「爸爸，您好爛呀。我都係食菜算喇…」
最後，Jayson 真係食咗好多菜。好彩煲湯都仲飲得。個新爐頭真係好好火力。諗住同一時間煮幾道菜，但原來久未下廚，都幾手忙腳亂。嘻嘻… 好彩都叫做食得，希望 Jayson 媽鐘意啦。
~ Lindberg
2010年5月9日
母親節快樂！
首先，節瓜俠要祝天下母親：母親節快樂！
這是 Jayson 送給媽媽的禮物：
左邊的是學校跟他做的，右邊的是我和他一起做。我們的那張有三個心，是他要畫，而我加以「協助」的。藍色大的那個，是媽媽。旁邊紅色小的，他說是 Jayson。而下面綠色的，是我。可見我在家中的地位是如何… （為甚麼沒有姐姐的呢？）
而裡面：
學校的，有他的手掌印。有左手，和一隻…鳳爪！為甚麼會印成這樣，真的莫名奇妙…
除此之外，學校還準備了一個心形的盒子。上一年的自製手袋，恐怕帶出街會有點困難，因為黐在上面的飾物很容易便會掉下來。但這個盒子，應該實用得多！
可能老師叫同學們要好好對待媽媽，所以這兩天 Jayson 對媽媽很好，如餵她吃東西等。但可惜這幾天媽媽病患了大感冒，所以只好盡量休息吧。
~ Lindberg
這是 Jayson 送給媽媽的禮物：
左邊的是學校跟他做的，右邊的是我和他一起做。我們的那張有三個心，是他要畫，而我加以「協助」的。藍色大的那個，是媽媽。旁邊紅色小的，他說是 Jayson。而下面綠色的，是我。可見我在家中的地位是如何… （為甚麼沒有姐姐的呢？）
而裡面：
學校的，有他的手掌印。有左手，和一隻…鳳爪！為甚麼會印成這樣，真的莫名奇妙…
除此之外，學校還準備了一個心形的盒子。上一年的自製手袋，恐怕帶出街會有點困難，因為黐在上面的飾物很容易便會掉下來。但這個盒子，應該實用得多！
可能老師叫同學們要好好對待媽媽，所以這兩天 Jayson 對媽媽很好，如餵她吃東西等。但可惜這幾天媽媽病患了大感冒，所以只好盡量休息吧。
~ Lindberg
2010年5月5日
聖誕三日兩夜之旅（二）
（在下一個聖誕還未來到之前，讓我趕快完成這篇。始終都是 Jayson 第一次離港，不得不提。）
昨天玩了一整天，第二朝，二少要邊看電視，邊食奶。
原本我們打算入迪士尼的中菜廳，跟花木蘭共進早餐。但因為爸媽想獨自提早出發到澳門，所以我們到了酒店的餐廳，趕快吃一個自助早餐。雖然這邊的餐廳沒有卡通人物，但食物選擇都還算不錯。
「嘩！媽媽幫您搽咗咁多牛油呀？」
早餐過後，因為時間尚早，我們到了酒店的遊戲室玩了一回兒。這裡有 Jayson 喜歡玩的「煮飯仔」。
十時左右，我便開車載爸媽和二哥到碼頭，讓他們有多一點時間，玩他們喜歡的「遊戲」。幸好今早我開車，否則如果要他們自己坐地鐵，都不知道能否趕到船。
之後，我便回家餵 Julie 和清理她的便盤，並且補給一些物資。午飯也沒有吃，便趕去坐地鐵回迪士尼跟其他人會合。
回到迪士尼的時候，已是下午一時左右。Jayson 和兩位姐姐剛剛玩了一轉，便一起離開，前往上環的港澳碼頭。
第一次跟 Jayson 坐飛翔船，我們比他更興奮！一小時船程中，他沒有感到不適。不停四圍望，和跟姐姐們對望。
我們乘坐的金光飛航，停泊於新的氹仔碼頭。這裡比較近我們要入住的澳門威尼斯人，只需五分鐘車程。但可能因為碼頭太新，設施好像不太完善。由落船行到客運大樓，被海風吹得差點冷傷風！
之前爸媽經常問我們要不要一起到澳門，因為他們久不久便有威尼斯人的免費住宿。但因為往往都是平日，所以這次才是我們第一次入住這酒店，心情都幾興奮。
最了華麗之外，地方真的很大。就連廁所也非常寬敞。
地方比自己的家還要大，Jayson 後興奮地四圍走。但他最喜歡的，竟然是這裡的時鐘。要拿著四圍走。
房內有幾級樓梯，Jayson 便不停行上行落。三姐弟在一起，玩甚麼也可以。
在這裡會合了大哥。在我們來到澳門之前，他已帶一家人到一間日本餐廳豪吃一頓。而我便在快餐店買了兩個盒飯，回房跟 Jayson 兩母子吃。之後休息一會，便準備再吃過。
晚上到了商場吃飯。大哥很喜歡吃東西，所以晚飯也要講究一點，來到利苑。這裡的生意很好。因為人多，所以上菜比較慢。但餸菜的質素和價錢都還可以。
臨睡覺前，Jayson 在大床上吃宵夜。很爽呢…
第二天早上，我們用酒店送的早餐券，到商場的 Cafe Deco 餐廳吃自助早餐。
這裡的食品種類很豐富。很難想象是 Cafe Deco 的出品。人很多，但幸好地方大，食物供應都很充足。
之後我們便在商場四圍逛逛。
午飯又是利苑…
「又喺呢到？！好悶呀，爸爸。」
「鬼叫您大伯鐘意咩！」
大哥一家於午飯後便先行回港。而我和 Jayson 媽便帶了幾位小朋友，到 Qube 玩。Qube 有點像香港的 Playtown，但按時間收費。
地方（相對這間酒店）不算很大。有大型的爬架和滑梯，亦有電腦上網和遊戲機等。其實都沒有太多東西玩。但作為一個讓小朋友消磨時間，令大人可以於賭場殺過痛快的地方，都還算可以。
大概四時左右，我便帶二哥一家到了官也街食蟹粥。二哥很高興地離開賭場，因為贏了錢。而爸媽便留在那裡繼續他們的大戰，沒有跟我們去。
之後便回程了。疲倦的 Jayson，上船後的心情還是很緊張。到將快到香港的時候，終於在媽媽身上睡著了。
~ Lindberg
昨天玩了一整天，第二朝，二少要邊看電視，邊食奶。
原本我們打算入迪士尼的中菜廳，跟花木蘭共進早餐。但因為爸媽想獨自提早出發到澳門，所以我們到了酒店的餐廳，趕快吃一個自助早餐。雖然這邊的餐廳沒有卡通人物，但食物選擇都還算不錯。
「嘩！媽媽幫您搽咗咁多牛油呀？」
早餐過後，因為時間尚早，我們到了酒店的遊戲室玩了一回兒。這裡有 Jayson 喜歡玩的「煮飯仔」。
十時左右，我便開車載爸媽和二哥到碼頭，讓他們有多一點時間，玩他們喜歡的「遊戲」。幸好今早我開車，否則如果要他們自己坐地鐵，都不知道能否趕到船。
之後，我便回家餵 Julie 和清理她的便盤，並且補給一些物資。午飯也沒有吃，便趕去坐地鐵回迪士尼跟其他人會合。
回到迪士尼的時候，已是下午一時左右。Jayson 和兩位姐姐剛剛玩了一轉，便一起離開，前往上環的港澳碼頭。
第一次跟 Jayson 坐飛翔船，我們比他更興奮！一小時船程中，他沒有感到不適。不停四圍望，和跟姐姐們對望。
我們乘坐的金光飛航，停泊於新的氹仔碼頭。這裡比較近我們要入住的澳門威尼斯人，只需五分鐘車程。但可能因為碼頭太新，設施好像不太完善。由落船行到客運大樓，被海風吹得差點冷傷風！
之前爸媽經常問我們要不要一起到澳門，因為他們久不久便有威尼斯人的免費住宿。但因為往往都是平日，所以這次才是我們第一次入住這酒店，心情都幾興奮。
最了華麗之外，地方真的很大。就連廁所也非常寬敞。
地方比自己的家還要大，Jayson 後興奮地四圍走。但他最喜歡的，竟然是這裡的時鐘。要拿著四圍走。
房內有幾級樓梯，Jayson 便不停行上行落。三姐弟在一起，玩甚麼也可以。
在這裡會合了大哥。在我們來到澳門之前，他已帶一家人到一間日本餐廳豪吃一頓。而我便在快餐店買了兩個盒飯，回房跟 Jayson 兩母子吃。之後休息一會，便準備再吃過。
晚上到了商場吃飯。大哥很喜歡吃東西，所以晚飯也要講究一點，來到利苑。這裡的生意很好。因為人多，所以上菜比較慢。但餸菜的質素和價錢都還可以。
臨睡覺前，Jayson 在大床上吃宵夜。很爽呢…
這裡的食品種類很豐富。很難想象是 Cafe Deco 的出品。人很多，但幸好地方大，食物供應都很充足。
之後我們便在商場四圍逛逛。
午飯又是利苑…
「又喺呢到？！好悶呀，爸爸。」
「鬼叫您大伯鐘意咩！」
大哥一家於午飯後便先行回港。而我和 Jayson 媽便帶了幾位小朋友，到 Qube 玩。Qube 有點像香港的 Playtown，但按時間收費。
地方（相對這間酒店）不算很大。有大型的爬架和滑梯，亦有電腦上網和遊戲機等。其實都沒有太多東西玩。但作為一個讓小朋友消磨時間，令大人可以於賭場殺過痛快的地方，都還算可以。
之後便回程了。疲倦的 Jayson，上船後的心情還是很緊張。到將快到香港的時候，終於在媽媽身上睡著了。
~ Lindberg
2010年5月4日
賣樓記
大約兩個月前，我搵咗地產代理幫我放層舊樓出去。原本諗住等我地搬咗之後，執一執間屋先至賣。因為住咗十年都冇執過，啲油漆真係幾恐怖。但地產話無乜關系。
而我心諗賣得到好價錢咪照賣囉，試下都無防。
起初我以為會有好多人睇。點知都係小貓三四隻。我估主要原因係貴。雖然環境好，方向正，但即使俾著我自己，都覺得貴。但銀行估值估得到，我又唔係急住賣。而且即使唔賣或唔租出去，我都頂到一年半載嘅…。冇理由唔等下啫。
第二個星期，再有兩隻小貓上嚟。一個男人聲稱住我樓上，想買埋樓下，上下呼應。之後經紀話對方好有興趣，但要平啲。而如果佢買唔到我呢層，就會放埋佢嗰層出去，之後搬個大單位一家人住。因為佢係上幾層同一個單位，經紀話到時我嗰層嘅價錢就會受壓啦。
起初以為以我咁嘅形勢，實唔怕俾人壓價。點知到頭來都係俾個經紀壓一壓。雖然最後都賣到一個唔錯嘅價錢，但期間真係有啲唔舒服。
正如張五常於《賣吉者言》所講，經紀唔係幫買賣雙方，或是但一方。佢只係幫緊自己，完成交易，收取佣金。佢對層樓賣平啲貴啲，根本不在乎。當佢有晒雙方同市場嘅資料，佢會用佢嘅方法去速成交易，而未必係是但一方嘅最佳利益。我個經紀好成功做到呢點，亦都因為太成功，令我頂住道氣。
雖然間地產代理係朋友個阿哥開嘅，我都曾經有懷疑過經紀同我講過嘅野。因為對方實在係太有錢。除咗穿金戴銀之外，佢可以唔洗做按揭，過幾日又話要買半山一層樓。所以我覺得佢唔似會住我樓上。而且咁有錢，就無謂壓我嗰幾萬蚊啦。不過最後都證實咗個最後用家真係住我樓上。幫佢俾錢嘅先生…我就唔知同佢有乜關系喇（聲稱係夫婦…）。
賣咗層樓，當然好唔捨得。但我覺得以現時嘅經濟，好難搵到本地人接我個單位，所以都幾慶幸有個咁嘅買家。而我地可以用啲錢嚟找裝修筆數，仲有個錢防下身，安安樂樂住新居，時機都對我一家不錯呀！嘻嘻…
~ Lindberg
而我心諗賣得到好價錢咪照賣囉，試下都無防。
起初我以為會有好多人睇。點知都係小貓三四隻。我估主要原因係貴。雖然環境好，方向正，但即使俾著我自己，都覺得貴。但銀行估值估得到，我又唔係急住賣。而且即使唔賣或唔租出去，我都頂到一年半載嘅…。冇理由唔等下啫。
第二個星期，再有兩隻小貓上嚟。一個男人聲稱住我樓上，想買埋樓下，上下呼應。之後經紀話對方好有興趣，但要平啲。而如果佢買唔到我呢層，就會放埋佢嗰層出去，之後搬個大單位一家人住。因為佢係上幾層同一個單位，經紀話到時我嗰層嘅價錢就會受壓啦。
起初以為以我咁嘅形勢，實唔怕俾人壓價。點知到頭來都係俾個經紀壓一壓。雖然最後都賣到一個唔錯嘅價錢，但期間真係有啲唔舒服。
正如張五常於《賣吉者言》所講，經紀唔係幫買賣雙方，或是但一方。佢只係幫緊自己，完成交易，收取佣金。佢對層樓賣平啲貴啲，根本不在乎。當佢有晒雙方同市場嘅資料，佢會用佢嘅方法去速成交易，而未必係是但一方嘅最佳利益。我個經紀好成功做到呢點，亦都因為太成功，令我頂住道氣。
雖然間地產代理係朋友個阿哥開嘅，我都曾經有懷疑過經紀同我講過嘅野。因為對方實在係太有錢。除咗穿金戴銀之外，佢可以唔洗做按揭，過幾日又話要買半山一層樓。所以我覺得佢唔似會住我樓上。而且咁有錢，就無謂壓我嗰幾萬蚊啦。不過最後都證實咗個最後用家真係住我樓上。幫佢俾錢嘅先生…我就唔知同佢有乜關系喇（聲稱係夫婦…）。
賣咗層樓，當然好唔捨得。但我覺得以現時嘅經濟，好難搵到本地人接我個單位，所以都幾慶幸有個咁嘅買家。而我地可以用啲錢嚟找裝修筆數，仲有個錢防下身，安安樂樂住新居，時機都對我一家不錯呀！嘻嘻…
~ Lindberg
2010年5月3日
新屋的第一次聚會
我地用咗大約三個星期嘅時間，終於執好間屋。其實要拆箱將啲野放上櫃，唔洗用太多時間。但要諗下邊啲野放邊到，真係頭到大埋。淨係啲櫃入面嘅層板放幾高，都已經玩死我。即使到依家呢一刻，我仍覺得仲有好多野唔啱位。但算啦！有時間先慢慢搞。
適逢有朋自遠方來，上星期日搞咗兩個聚會。招呼一下朋友。下午，先來 Fred 哥一眾。
「好開心有姐姐同妹妹陪我玩！」
「Chloe 姐姐玩 Julie 姐姐啲玩具喎！嘻嘻…」
朋友嚟到，當然要攞啲好野出嚟大家試下！燈登登凳…貓屎咖啡！又稱為麝香貓咖啡，英文 Kopi Luwak。供應商送嘅，唔知幾錢。郭生喺到，當然要佢出手沖啦。
飲得！
味道… 怪怪的。可能因為我地磨得太幼，感覺有啲似… 糞便。但好難一次就沖得好嘅，咪當係玩下啦。
好彩 Chloe 媽蒸來好味蛋糕一個，加上我買咗啲士多啤莉，人生先冇咁遺憾。
玩咗一個下午，三個小朋友基本上係分開玩。但睇到佢地嘅唔同喜好，都覺得好搞笑。例如 Chloe 好鐘意個「O」字，Jayson 個磁石貼貼唔見咗個「O」，就不停要搵番。好彩最後都搵到。而蔚蔚就著住 Jayson 黼拖鞋（Jayson 冇著過）四圍行。
特別要多謝 Fred 哥張靚地墊！好靚！（之後影過張相先得！）
第二場就有三位「貓」人：靚靚媽、Fanny、同貓奴及其蝦子餅。一個澳洲，一個澳門，仲有一個屯門！三個都係幾千里遠嘅地方。真係大駕光臨，寒舍蓬蓽生煇。
為咗佢地，我整咗個秘製意式番茄湯底打邊爐。買咗（據稱）安格斯肥牛片、好多丸、蝦、菜等等。洗完啲野先發現，點解咁少野食嘅？！以前我地打邊爐會買好多野，但後來發現都只係鐘意食牛，所以簡化咗。但朋友上嚟，點可以咁寒酸呀？！
好彩佢地一開始就話鐘意牛肉同蝦。而啲蝦我又好有挑走啲腸，誠意搭夠。哈哈哈…
「爸爸，我要影。」
「…」
都唔錯喎…
當時大家已經飽到上心口。靚靚媽同貓奴不停去搞 Julie，搞到佢啲毛鬆起晒。Julie 唔理 Fanny，但 Jayson 理喎。咁都算冇得失啲客人。哈哈哈…
甜品係佢地買嚟嘅 Awfully Chocolate 的原味朱力餅。原本大家都話好飽，唔食。但我裝飾得咁靚，而且個蛋糕都唔係好滯，食完一件又一件！
大戰過後，都唔算好多野洗。我自己就好開心，希望其他人都係啦。好多謝大家嘅蛋糕同紅酒，等我有得偷酒飲。靚靚媽，妳仲有三罐青島喺我雪櫃！唔該快啲番嚟清咗佢，否則收存倉費！！！哈哈哈…
~ Lindberg
適逢有朋自遠方來，上星期日搞咗兩個聚會。招呼一下朋友。下午，先來 Fred 哥一眾。
「好開心有姐姐同妹妹陪我玩！」
「Chloe 姐姐玩 Julie 姐姐啲玩具喎！嘻嘻…」
朋友嚟到，當然要攞啲好野出嚟大家試下！燈登登凳…貓屎咖啡！又稱為麝香貓咖啡，英文 Kopi Luwak。供應商送嘅，唔知幾錢。郭生喺到，當然要佢出手沖啦。
飲得！
味道… 怪怪的。可能因為我地磨得太幼，感覺有啲似… 糞便。但好難一次就沖得好嘅，咪當係玩下啦。
好彩 Chloe 媽蒸來好味蛋糕一個，加上我買咗啲士多啤莉，人生先冇咁遺憾。
玩咗一個下午，三個小朋友基本上係分開玩。但睇到佢地嘅唔同喜好，都覺得好搞笑。例如 Chloe 好鐘意個「O」字，Jayson 個磁石貼貼唔見咗個「O」，就不停要搵番。好彩最後都搵到。而蔚蔚就著住 Jayson 黼拖鞋（Jayson 冇著過）四圍行。
特別要多謝 Fred 哥張靚地墊！好靚！（之後影過張相先得！）
第二場就有三位「貓」人：靚靚媽、Fanny、同貓奴及其蝦子餅。一個澳洲，一個澳門，仲有一個屯門！三個都係幾千里遠嘅地方。真係大駕光臨，寒舍蓬蓽生煇。
為咗佢地，我整咗個秘製意式番茄湯底打邊爐。買咗（據稱）安格斯肥牛片、好多丸、蝦、菜等等。洗完啲野先發現，點解咁少野食嘅？！以前我地打邊爐會買好多野，但後來發現都只係鐘意食牛，所以簡化咗。但朋友上嚟，點可以咁寒酸呀？！
好彩佢地一開始就話鐘意牛肉同蝦。而啲蝦我又好有挑走啲腸，誠意搭夠。哈哈哈…
「爸爸，我要影。」
「…」
都唔錯喎…
當時大家已經飽到上心口。靚靚媽同貓奴不停去搞 Julie，搞到佢啲毛鬆起晒。Julie 唔理 Fanny，但 Jayson 理喎。咁都算冇得失啲客人。哈哈哈…
甜品係佢地買嚟嘅 Awfully Chocolate 的原味朱力餅。原本大家都話好飽，唔食。但我裝飾得咁靚，而且個蛋糕都唔係好滯，食完一件又一件！
大戰過後，都唔算好多野洗。我自己就好開心，希望其他人都係啦。好多謝大家嘅蛋糕同紅酒，等我有得偷酒飲。靚靚媽，妳仲有三罐青島喺我雪櫃！唔該快啲番嚟清咗佢，否則收存倉費！！！哈哈哈…
~ Lindberg