因為我覺得對 Jayson 來說，是一個太複雜的遊戲，所以一直都沒有開來給他玩，打算到他三歲的時候才拿出來。有一天，他終於發現這一盒收藏於他的衣櫃頂的玩具。在沒有辦法之下，我只好拿出來讓他玩。如我所料，果然很…廢！
之後 Jayson 發明了另一個玩法：
~ Lindberg
2010年8月31日
最廢的湯瑪士
Jayson 一歲生日的時候，朋友們買了很多玩具給他。其中有這一個：
因為我覺得對 Jayson 來說，是一個太複雜的遊戲，所以一直都沒有開來給他玩，打算到他三歲的時候才拿出來。有一天，他終於發現這一盒收藏於他的衣櫃頂的玩具。在沒有辦法之下，我只好拿出來讓他玩。如我所料，果然很…廢！
首先，我要聲明，我還是要多謝送這禮物的朋友。Jayson 真的很喜歡玩（Julie 也很喜歡玩那些珠珠）。而且在設計上，它用了「一條底褲三個著」的驚人原理。除突出了設計師的心思，小朋友在觀察中，可以感受到機械操作的奧妙，和刺激他大腦的思考。加上這盒本身很華麗的玩具，絕對是送禮佳品。只可惜互動性不大。跟看著洗衣機「表演」完全沒有分別！
之後 Jayson 發明了另一個玩法：
對於三歲未夠的小朋友，玩具車，還是自己手推的好。哈哈…
~ Lindberg
因為我覺得對 Jayson 來說，是一個太複雜的遊戲，所以一直都沒有開來給他玩，打算到他三歲的時候才拿出來。有一天，他終於發現這一盒收藏於他的衣櫃頂的玩具。在沒有辦法之下，我只好拿出來讓他玩。如我所料，果然很…廢！
之後 Jayson 發明了另一個玩法：
~ Lindberg
2010年8月30日
願我長命百歲
早幾日郭生俾咗條片我睇之後，佢提醒咗我一樣好重要嘅野…
（警告：呢個日本嘅 Sony 廣告好恐怖。睇一次，眼濕一次。小心！）
佢提醒我要好好照顧自己身體。我要長命百歲！我要長命過身邊嘅親人，但 Jayson 除外，咁我就心滿意足。
佢亦提醒咗我，唔好買 Sony 機。片中嘅伯伯，以前用 Minolta（應該係），幾開心呀！用咗 NEX-5 之後都冇笑過！哈哈哈哈… 講笑咋。Sony 呢個 PV 拍得真係好好。除咗有一首好好聽嘅音樂之外，佢仲好尊重故事嘅原素。俾著我，因為 Sony 冇相機嘅歷史，可能索性唔會開拍，或者是但放部 Sony Walkman 落去頂都好。但佢著點喺影相其中一個最大嘅用途：拍照留念。再加一首《再見老地方》，即使季節（時代）在變遷，仍然要活（影）下去。
《Hello, Again ～昔からある場所～》~ BY JUJU
作詞：KATE 作曲：藤井謙二・小林武史
いつも 君と 待ち続けた 季節は
一直和你期待的季節
何も言わず 通り過ぎた
甚麼話都沒說 就這樣過去了
雨はこの街に 降り注ぐ
大雨注入了這條街道
少しの リグレットと罪を 包み込んで
帶著一點點的後悔與罪過
泣かないことを 誓ったまま 時は過ぎ
僅管發誓過不再流淚 但那都是過去的事了
痛む心に 気が付かずに 僕は一人になった
傷痛的心 感覺不到 我已孤單一個人了
「記憶の中で ずっと二人は 生きて行ける」
「在記憶中 一直都是兩個人一起生活」
君の声が 今も胸に響くよ
你的聲音 到現在都還在我的心裡迴響著
それは愛が彷徨う影
那是愛在徬徨的影子
君は少し泣いた? あの時見えなかった
你哭了嗎？ 那時我並沒有看到
自分の限界が どこまでかを 知るために
我不是為了要知道自己的極限到底在哪兒
僕は生きてる訳じゃない
而活到了今天
だけど 新しい扉を開け 海に出れば
但是我還是打開新的窗 面向大海
波の彼方に ちゃんと“果て”を感じられる
在海浪的遠方確實能感覺到結束的盡頭
僕は この手伸ばして 空に進み 風を受けて
我把這雙手伸向天空 感受風的流動
生きて行こう どこかでまためぐるよ 遠い昔からある場所
繼續活下去 在某處再次走過吧 那個好久以前的地方
夜の間でさえ 季節は変わって行く
即使在夜晚 季節也是在變化著下去
雨は やがて あがっていた
雨季不久就要結束了
「記憶の中で ずっと二人は 生きて行ける」
「在記憶中 一直都是兩個人一起生活」
君の声が 今も胸に響くよ
你的聲音 到現在都還在我的心裡迴響著
それは愛が彷徨う影
那是愛在徬徨的影子
君は少し泣いた? あの時見えなかった
你哭了嗎？ 那時我並沒有看到
~ Lindberg
2010年8月27日
慢火燒安格斯肉眼扒
因為之前應承咗兄弟，要「玩」燒牛肉，男人大丈夫，燒咪燒！洗驚呀？！於是就買咗一條4磅半嘅美國安格斯牛肉番嚟。起初望住咁大舊肉，真係有啲頭痛。
經過上網研究一輪之後，大致上有兩個做法：1) 大火；2) 細火。大火係用大約 170℃，每一磅燒 1/4 個鐘。但一來，我驚燒咗舊乾柴出嚟。二來，當日嘅時間對我嚟講有啲難控制（因為半路中途要出一出街）。所以，我選擇咗第二個做法。
首先，舊肉要要由雪櫃攞出嚟，放於室溫一個鐘左右，等佢個心唔好太凍。然後就落簡單嘅調味：鹽、黑椒碎、芥末、少少粟粉。盤底可以放幾個開半嘅洋蔥。除咗可以令舊肉均勻受熱之外，之後啲肉汁仲會多咗啲洋蔥嘅甜味。焗爐都唔洗多預熱，將佢開到最細火（我嗰個都有 110℃），就可以放舊肉入去。
好多人都有一個錯誤嘅觀念，就係：用大火燒可以鎖住啲肉汁。其實大火只會燒燶個表面，啲肉汁仍然都會流出嚟。只要自己煎過牛扒就應該明白。啲餐廳講呢句野，除咗係想搵啲野嚟氹下你之外，而實際上，佢地都真係用大火。原因係出餐要快。只要用大火好快咁煎香個面，就可以攞俾人食。而且入面一定有汁啦。但記住：血水並非係肉汁（起碼以我自己嘅定義）。
燒牛肉唔係太多人識得欣賞。原因可能係佢唔夠香口，而且唔係間間餐廳都有時間做得好。但如果做得好，真係好好味。用慢火燒，就可以做到啲肉會嫩滑多汁。每一磅肉，大約要燒一個鐘。呢次因為我半路中途停過火，我足足燒咗六個鐘。燒到入面有 48℃，就可以攞出嚟。
（下圖見個橫切面咁紅，係因為我切咗一片去整通粉俾啲小朋友食。）
之後就開到個火有咁大得咁大。等溫度穩定之後先放舊肉番入去，咁就可以燒香個面。等緊個焗爐升溫嘅時候，可以用錫紙蓋住舊肉，保持佢嘅溫度。放番入焗爐之後，其實都好快搞掂。如果要半熟，大約十五分鐘，入面有 60℃ 就可以收功（生就 54℃）。因為燒咗咁耐，整塊肉嘅溫度好平均，60℃ 已經夠熱夠安全。
之後攞起舊肉，盤上面嘅油同汁就可以攞去整燒汁。因為慢燒會出好多汁，所以方法好簡單。只要落紅酒同生粉水就搞掂。
製成品：
朋友們食到讚不絕口，我真係超開心。雖然熟咗啲，但仍然非常好。因為用慢火嘅關系，頭尾都唔會話燒到好乾，整條肉都冇任何浪費。啲肉仲好嫩，入口即溶。而且脂肪被活性化，（真正嘅）肉汁滲透入每條牛肉纖維入面，所以啲肉好多汁同好有肉味。呢個係快煎（或燒）做唔到嘅。今次亦係我第一次成功地整燒汁。個汁真係好味到自己都唔識形容，同用粉開嘅簡直係兩回事！但食嘅時候，要不停提醒自己，唔好去諗個汁係點樣煮出嚟嘅。哈哈…
用咗咁多心機（同煤氣）去整一餐，成班朋友食得開開心心，咩都抵番晒啦！呵呵呵呵呵…
~ Lindberg
經過上網研究一輪之後，大致上有兩個做法：1) 大火；2) 細火。大火係用大約 170℃，每一磅燒 1/4 個鐘。但一來，我驚燒咗舊乾柴出嚟。二來，當日嘅時間對我嚟講有啲難控制（因為半路中途要出一出街）。所以，我選擇咗第二個做法。
首先，舊肉要要由雪櫃攞出嚟，放於室溫一個鐘左右，等佢個心唔好太凍。然後就落簡單嘅調味：鹽、黑椒碎、芥末、少少粟粉。盤底可以放幾個開半嘅洋蔥。除咗可以令舊肉均勻受熱之外，之後啲肉汁仲會多咗啲洋蔥嘅甜味。焗爐都唔洗多預熱，將佢開到最細火（我嗰個都有 110℃），就可以放舊肉入去。
好多人都有一個錯誤嘅觀念，就係：用大火燒可以鎖住啲肉汁。其實大火只會燒燶個表面，啲肉汁仍然都會流出嚟。只要自己煎過牛扒就應該明白。啲餐廳講呢句野，除咗係想搵啲野嚟氹下你之外，而實際上，佢地都真係用大火。原因係出餐要快。只要用大火好快咁煎香個面，就可以攞俾人食。而且入面一定有汁啦。但記住：血水並非係肉汁（起碼以我自己嘅定義）。
燒牛肉唔係太多人識得欣賞。原因可能係佢唔夠香口，而且唔係間間餐廳都有時間做得好。但如果做得好，真係好好味。用慢火燒，就可以做到啲肉會嫩滑多汁。每一磅肉，大約要燒一個鐘。呢次因為我半路中途停過火，我足足燒咗六個鐘。燒到入面有 48℃，就可以攞出嚟。
（下圖見個橫切面咁紅，係因為我切咗一片去整通粉俾啲小朋友食。）
之後就開到個火有咁大得咁大。等溫度穩定之後先放舊肉番入去，咁就可以燒香個面。等緊個焗爐升溫嘅時候，可以用錫紙蓋住舊肉，保持佢嘅溫度。放番入焗爐之後，其實都好快搞掂。如果要半熟，大約十五分鐘，入面有 60℃ 就可以收功（生就 54℃）。因為燒咗咁耐，整塊肉嘅溫度好平均，60℃ 已經夠熱夠安全。
之後攞起舊肉，盤上面嘅油同汁就可以攞去整燒汁。因為慢燒會出好多汁，所以方法好簡單。只要落紅酒同生粉水就搞掂。
製成品：
朋友們食到讚不絕口，我真係超開心。雖然熟咗啲，但仍然非常好。因為用慢火嘅關系，頭尾都唔會話燒到好乾，整條肉都冇任何浪費。啲肉仲好嫩，入口即溶。而且脂肪被活性化，（真正嘅）肉汁滲透入每條牛肉纖維入面，所以啲肉好多汁同好有肉味。呢個係快煎（或燒）做唔到嘅。今次亦係我第一次成功地整燒汁。個汁真係好味到自己都唔識形容，同用粉開嘅簡直係兩回事！但食嘅時候，要不停提醒自己，唔好去諗個汁係點樣煮出嚟嘅。哈哈…
用咗咁多心機（同煤氣）去整一餐，成班朋友食得開開心心，咩都抵番晒啦！呵呵呵呵呵…
~ Lindberg
2010年8月25日
北海道親子之旅：親子樂園篇 旭山動物園
「今日一早就要起身，因為八點半就已經要嚟到火車站，坐 choo choo train 去旭川市。我地要攞埋啲好大件嘅行李落火車月台。好彩有契爺喺到，如果得爸爸一個，我真係冇眼睇。」
「喺火車上面，我教媽咪一陣去到公園要睇啲乜。我要睇 Giraffe 啦、Penguin 啦…」
「過咗冇幾耐，我就陪爸爸瞓著咗喇…」
「去到旭川市，我地要轉巴士去我地嘅目的地：旭山動物園。但因為我地行李太多，我地喺火車站嘅儲物櫃搞咗好耐，錯過咗一班巴士。下一班差不多要等一個鐘，所以我地去咗附近嘅便利店坐下。爸爸同契爺就最鐘意去便利店買野飲。」
「坐咗大概半個鐘頭車之後，我地就到咗動物園！」
「入到去，我見到一條大斜路。我捉住契媽，不停同我行上行落。」
「行到上斜路頂，就開始見到一啲動物館。」
「門口有幾個特別嘅館：包括海豹、企鵝、北極熊等，有好多人排隊入去睇。有啲館要排半個至一個鐘！媽媽話感覺就好似去咗世博一樣，但啲人當然有秩序好多。咩係世博呀？」
「海豹館好得意。啲海豹可以向上向下游喎！」
「嗰日好似都烈日當空，幾熱架。雖然有啲厚雲，但大部份都係見到藍天。」
「我見個地下俾太陽曬到咁熱，我就幫手吹凍佢。見到啲沙粒被吹來吹去，好得意。哈哈…」
「呢到啲展館其實好細。每一個館都好快行完。不過都做得幾得意，好有心思。例如呢條企鵝館隧道…」
「望上去可以見到啲企鵝喺到飛（游）！好搞笑呀！」
「除此之外，呢到嘅設施非常有心，坐住車仔嘅我，或者坐輪椅嘅公公婆婆，都唔驚有任何障礙。」
「Tiger 呀！」
「Lion 呀！」
「其實我對睇動物興趣唔大。屋企都已經有姐姐陪我玩啦。我都係鐘意行上行落多啲。」
「Up the hill！」
「整呢個動物園出嚟嘅人除咗有心，仲好有心思。北極熊館有條地道，從天窗望出嚟…」
「係可以見到熊人行過！好搞笑…」
「行咗一個朝頭早，又嚟到爸爸最開心嘅時候：開飯啦！今餐有炒麵、唔知咩肉飯、炸熱狗。」
「起初睇咗啲動物館，爸爸話有啲失望。因為規模好似唔大。但行下行下，其實都幾多動物喎。」
「呢到仲有小熊貓，不過睇得唔清楚。香港海洋公園好睇啲。」
「但爸爸話呢到有隻動物，連佢都未親眼見過！就係：大野狼喇！」
「呢到又有條隧道。爸爸抱我上去睇，乜都見唔到。我都唔知佢走咗去邊。」
「但當我出到外面，就見到佢啦。嘩！Big doggie！」
「大野狼，下次你要乖乖喇，唔係就會俾人剪開個肚皮㗎啦。」（我好怕同 Jayson 講童話故事，我覺得好血腥變態！）
「呢到有好多動物。但因為開始行到有啲無聊，我就開始扭計，要亂咁去。最後，就俾契媽教訓。」
「不過之後我都乖番，繼續行。」（我地好高興見到契爺契媽幫我地教仔。唔係要佢地嚟做乜呀？哈哈哈哈…）
「呢三隻 Owls 好搞笑。個頭可以氹氹轉喎！唔知點解，爸爸睇到不停叫救命…」
「除咗真嘅動物，假嘅都好搞笑。哈哈哈…」
「Monkey 呀！」
「起初爸爸話啲支架整得咁誇張，真係當啲馬騮傻嘅咩，點會爬喎！但原來真係會㗎。唔知邊個先至傻呢？」（其實契爺都係咁樣講。）
「睇咗成日野，我終於攰到瞓著咗。」
「最後，都係睇唔到我想見嘅 Giraffe。唯有睇爸爸啲相啦。」
「我瞓著咗嘅時候，發生咗段小插曲。話說佢地四個大人推住我去公園另一個出口。」
「點知呢個出口冇巴士站！因為差不多夠鐘上巴士，於是爸爸同契爺就提起我架車仔，跑落上面嗰條樓梯。」
「再用獵豹嘅速度，跑去原本個入口！好彩，到最後都趕到上巴士。唔係就有排等下一架啦！」
動物園俾我嘅印象，起初係有啲舊。而且依山而建，加上烈日當空，放假人多，行起上嚟都幾辛苦。不過行下行下，發現都幾多野睇。而且啲野都幾集中，後尾都行得幾舒服㗎。
~ Lindberg
P.S. 「好搞笑」係 Jayson 嘅口頭禪。但最搞笑係佢講嘅語氣。真係好搞笑！哈哈哈哈…
「喺火車上面，我教媽咪一陣去到公園要睇啲乜。我要睇 Giraffe 啦、Penguin 啦…」
「過咗冇幾耐，我就陪爸爸瞓著咗喇…」
「去到旭川市，我地要轉巴士去我地嘅目的地：旭山動物園。但因為我地行李太多，我地喺火車站嘅儲物櫃搞咗好耐，錯過咗一班巴士。下一班差不多要等一個鐘，所以我地去咗附近嘅便利店坐下。爸爸同契爺就最鐘意去便利店買野飲。」
「坐咗大概半個鐘頭車之後，我地就到咗動物園！」
「入到去，我見到一條大斜路。我捉住契媽，不停同我行上行落。」
「行到上斜路頂，就開始見到一啲動物館。」
「門口有幾個特別嘅館：包括海豹、企鵝、北極熊等，有好多人排隊入去睇。有啲館要排半個至一個鐘！媽媽話感覺就好似去咗世博一樣，但啲人當然有秩序好多。咩係世博呀？」
「海豹館好得意。啲海豹可以向上向下游喎！」
「嗰日好似都烈日當空，幾熱架。雖然有啲厚雲，但大部份都係見到藍天。」
「我見個地下俾太陽曬到咁熱，我就幫手吹凍佢。見到啲沙粒被吹來吹去，好得意。哈哈…」
「呢到啲展館其實好細。每一個館都好快行完。不過都做得幾得意，好有心思。例如呢條企鵝館隧道…」
「望上去可以見到啲企鵝喺到飛（游）！好搞笑呀！」
「除此之外，呢到嘅設施非常有心，坐住車仔嘅我，或者坐輪椅嘅公公婆婆，都唔驚有任何障礙。」
「Tiger 呀！」
「Lion 呀！」
「其實我對睇動物興趣唔大。屋企都已經有姐姐陪我玩啦。我都係鐘意行上行落多啲。」
「Up the hill！」
「整呢個動物園出嚟嘅人除咗有心，仲好有心思。北極熊館有條地道，從天窗望出嚟…」
「係可以見到熊人行過！好搞笑…」
「行咗一個朝頭早，又嚟到爸爸最開心嘅時候：開飯啦！今餐有炒麵、唔知咩肉飯、炸熱狗。」
「起初睇咗啲動物館，爸爸話有啲失望。因為規模好似唔大。但行下行下，其實都幾多動物喎。」
「呢到仲有小熊貓，不過睇得唔清楚。香港海洋公園好睇啲。」
「但爸爸話呢到有隻動物，連佢都未親眼見過！就係：大野狼喇！」
「呢到又有條隧道。爸爸抱我上去睇，乜都見唔到。我都唔知佢走咗去邊。」
「但當我出到外面，就見到佢啦。嘩！Big doggie！」
「大野狼，下次你要乖乖喇，唔係就會俾人剪開個肚皮㗎啦。」（我好怕同 Jayson 講童話故事，我覺得好血腥變態！）
「呢到有好多動物。但因為開始行到有啲無聊，我就開始扭計，要亂咁去。最後，就俾契媽教訓。」
「呢三隻 Owls 好搞笑。個頭可以氹氹轉喎！唔知點解，爸爸睇到不停叫救命…」
「Monkey 呀！」
「起初爸爸話啲支架整得咁誇張，真係當啲馬騮傻嘅咩，點會爬喎！但原來真係會㗎。唔知邊個先至傻呢？」（其實契爺都係咁樣講。）
「睇咗成日野，我終於攰到瞓著咗。」
「最後，都係睇唔到我想見嘅 Giraffe。唯有睇爸爸啲相啦。」
「我瞓著咗嘅時候，發生咗段小插曲。話說佢地四個大人推住我去公園另一個出口。」
「點知呢個出口冇巴士站！因為差不多夠鐘上巴士，於是爸爸同契爺就提起我架車仔，跑落上面嗰條樓梯。」
動物園俾我嘅印象，起初係有啲舊。而且依山而建，加上烈日當空，放假人多，行起上嚟都幾辛苦。不過行下行下，發現都幾多野睇。而且啲野都幾集中，後尾都行得幾舒服㗎。
~ Lindberg
P.S. 「好搞笑」係 Jayson 嘅口頭禪。但最搞笑係佢講嘅語氣。真係好搞笑！哈哈哈哈…
2010年8月23日
Kindermusik 的完美結局
這兩年的每一個星期六下午，除了病或去了旅行之外，我們風雨不再都會帶 Jayson 來到中環上 Kindermusik。但近兩個學期，我們開始覺得 Jayson 有點悶，不能集中去玩。雖然每四、五星期都有新的主題，但始終形式差不多。我試過帶 Jayson 上高一班的 Kindermusik Imagine That，但那班的同學都有四、五歲，而且對小朋友的要求亦都比較高，Jayson 很難參與。如果這裡不是有他喜歡的 Miss Ruby，可能我們都不會再來。曾經跟 Jayson 媽講笑，如果 Miss Ruby 辭職，那麼我們便有理由找過別的去玩啦！
但上完今個學期之後，我們都頗肯定不會再參加了。
上星期六的最後一堂，來多了一個新導師。不知是否 Jayson 感到這是最後一堂，所以玩得非常落力。這是我們喜歡上 Kindermusik 的其中一個原因。在這裡可以跟小朋友一起玩，在音樂中愉快地度過 40 分鐘。
從 Miss Ruby 接過證書之後，她向我們宣佈，原來這也是她於這裡教的最後一天。九月開始，她會到幼稚園任教。我很相信她將會成為一個很好的幼稚園教師，因為除了音樂知識之外，她亦很會控制班房的場面。她能夠抓得住小朋友的注意，引領他們感受音樂和故事所帶來的樂趣。她將來的學生一定會像 Jayson 一般的幸福。
回到家之後，我開了 iPhoto。從 Faces 中找出 Miss Ruby 的每個面孔。一邊看，一邊感觸良多。當我們參加 Kindermusik 的時候，Miss Ruby 也剛剛開始教了不久。轉眼間，已經兩年了。由 Jayson 還是不太懂行的肥美節瓜，到現在已經是差不多會飛的節瓜俠，有 Miss Ruby 的悉心指導，我們真的非常感激。
最後，在這裡真的要代表全家說一句：「Thank you very much, Miss Ruby! Wish you all the best in your new job!」
~ Lindberg
但上完今個學期之後，我們都頗肯定不會再參加了。
上星期六的最後一堂，來多了一個新導師。不知是否 Jayson 感到這是最後一堂，所以玩得非常落力。這是我們喜歡上 Kindermusik 的其中一個原因。在這裡可以跟小朋友一起玩，在音樂中愉快地度過 40 分鐘。
從 Miss Ruby 接過證書之後，她向我們宣佈，原來這也是她於這裡教的最後一天。九月開始，她會到幼稚園任教。我很相信她將會成為一個很好的幼稚園教師，因為除了音樂知識之外，她亦很會控制班房的場面。她能夠抓得住小朋友的注意，引領他們感受音樂和故事所帶來的樂趣。她將來的學生一定會像 Jayson 一般的幸福。
回到家之後，我開了 iPhoto。從 Faces 中找出 Miss Ruby 的每個面孔。一邊看，一邊感觸良多。當我們參加 Kindermusik 的時候，Miss Ruby 也剛剛開始教了不久。轉眼間，已經兩年了。由 Jayson 還是不太懂行的肥美節瓜，到現在已經是差不多會飛的節瓜俠，有 Miss Ruby 的悉心指導，我們真的非常感激。
最後，在這裡真的要代表全家說一句：「Thank you very much, Miss Ruby! Wish you all the best in your new job!」
~ Lindberg
2010年8月20日
K1 開學了！（續）
之後幾天上學，心情好的話（睡得足夠），便會開開心心自己走進班房。心情欠佳的話（例如早上喊醒），便會扭計。但幸好還不算是失控的大吵大哭。
學校開始不讓家長陪小朋友到班房，令四周立即變成戰場一樣，哭聲四起。在這個環境下，也難怪 Jayson 會想黐我一點。不過幸好的是我送 Jayson 返學校，如果是 Jayson 媽送，他會更黐。而且我還有超必殺技：群姐！有一兩天都是群姐幫手拖著 Jayson，他才歡天喜地地走進班房。
以 Jayson 的「四仔」性格，我們用「做第一」去激勵他。適當時候加上讚美，在正常情況下都用得上。而這幾天返學表現不錯，Jayson 媽晚上便會以貼紙獎勵。這天下午接 Jayson 回到公公家，我也送他一張貼紙！
「爸爸，咩貼紙嚟㗎？」
「好野嚟㗎！5 蚊一張㗎！」
「…」
~ Lindberg
學校開始不讓家長陪小朋友到班房，令四周立即變成戰場一樣，哭聲四起。在這個環境下，也難怪 Jayson 會想黐我一點。不過幸好的是我送 Jayson 返學校，如果是 Jayson 媽送，他會更黐。而且我還有超必殺技：群姐！有一兩天都是群姐幫手拖著 Jayson，他才歡天喜地地走進班房。
以 Jayson 的「四仔」性格，我們用「做第一」去激勵他。適當時候加上讚美，在正常情況下都用得上。而這幾天返學表現不錯，Jayson 媽晚上便會以貼紙獎勵。這天下午接 Jayson 回到公公家，我也送他一張貼紙！
「爸爸，咩貼紙嚟㗎？」
「好野嚟㗎！5 蚊一張㗎！」
「…」
~ Lindberg
2010年8月18日
北海道親子之旅：親子樂園篇 之 滝野鈴蘭丘陵公園
因為係《親子樂園篇》，所以我決定由 Jayson 自己講番…
「9:00am 左右，我地離開酒店去滝野鈴蘭丘陵公園玩。媽咪話 米B 之前都嚟過玩，所以我好想去睇下。」
「車程都幾長，大約要半個鐘有多。睇下對面個哥哥瞓咗就知。」
（從地下鐵南北線札幌車站到地下鐵南北線的真駒內車站：20分鐘抵達。大人280日圓。）
「因為冇乜好做，唯有影下自己對腳解下悶。」
「出咗地鐵仲要轉巴士。好彩我地時間夾得好，唔洗多等。媽咪記錯中央口落車比較近兒童遊樂場，其實係東口落車方便啲。不過都冇乜所謂啦！行五分鐘左右，就到公園入口。」
（從地下鐵真駒內車站到瀧野公園:搭乘巴士30分鐘。搭乘中央巴士「瀧野線」於「鈴蘭公園東口」下車較便利。大人430日圓。）
「入場費只係400日圓，爸爸話都唔算貴。而我一入去見到咁大個公園，當然興奮若狂啦。」
「同爸爸媽咪影張合照先…」
（契爺啲 Nikon 機好差，影到人好肥。叫咗佢換機㗎啦！）
「之後契爺、契媽、爸爸見到我身後啲花之後，就一支箭咁飛咗去影花。原來由中央口入，雖然要行一條大斜路，但入口環境好靚！啲薰衣草仲係我地全個旅程見過最靚嘅添。」
「睇下契爺幾認真！」
「啲相影得幾靚！但媽咪話爸爸唔俾心機影，冇功課交。真係唔乖！」
「啲花真係好靚，再加上公園好乾淨舒服，天氣又好好，行步路都精神啲。」
「呢個公園聽講話有飛鼠。但我就見唔到。爸爸後來就買咗一隻好可愛嘅飛鼠公仔俾我。」
「睇咗好多花花草草之後…」
「終於嚟到我想去嘅遊樂場：こどもの谷（兒童之谷）！首先嚟到一個螞蟻屋企。裡面可以向上向下行。上面係一個塔，而下面係一個地道迷宮。」
あり塚の塔（螞蟻塚之塔，光與風與水之精靈嘅屋企。入面有光同風由洞口進入，又有流水嘅小水池，非常貼題。）
「向下行就係螞蟻做嘅隧道，十足十一個迷宮咁。」
ありの巣トンネル（螞蟻之巢隧道，對大人嚟講都幾難行，因為有啲地方要爬先穿得過。但 Jayson 當然玩得好開心啦！）：
「而最好玩，係屋頂嘅一條滑梯。滑梯用石做，又高又斜。我堅持要玩，但契媽發現唔夠闊陪我一齊滑落嚟。最後，我膽粗粗自己一個滑落去！」
「雖然我個樣好似好驚，但其實真係好好玩㗎！」
「離開螞蟻屋企之後，見到一個好大嘅蛋白物體，望番後面咖啡色嘅建築物，就係螞蟻嘅屋企喇。真係幾大㗎！」
フワフワエッグ（烚蛋，或者應該叫做水煮蛋，江戸時代嘅菜式。望落真係好似，而企上去嘅感覺仲似！係一張有空氣承托嘅超大彈床。）
「原本我都好鐘意行上行落，但隻蛋嘅感覺好奇怪。彈下彈下，橡膠地面有震震下嘅感覺，再加上好多人跑上跑落。一向小心嘅我，當然避之則吉。」
「轉個頭，有個好似箭豬咁嘅地方。」
うねりの大地（波動的大地）
「一支支好似雪榚筒嘅物體，啲哥哥姐姐成個人瞓落去都得！我又當然唔敢上啦！」
「後面仲有個水池。見好多哥哥姐姐走落去玩水。有啲著住底褲，有啲乜都冇著！醜怪…」
「呢到真係有好多野玩。如果戰隊成員到齊，一定可以一齊征服呢隻蛋黃！」
「之後就犀利啦！我捉咗媽咪陪我去滑超巨型滑梯！好刺激呀！」
溶岩すべり台（溶岩滑梯。石造嘅滑梯，速度唔算太快。下面有個沙池，非常安全。）
（小朋友自己玩的話，要戴頭盔。咁就更加安全！全部自助形式，並且係免費。）
「太陽伯伯越升越高，周圍越嚟越熱。媽咪提議去室內玩。呢到有好多顏色，搞到我要唱番首《Rainbow Song》助下興。」
虹の巣ドーム（彩虹之巢，除咗有冷氣之外，置身喺呢一個色彩賓紛嘅環境，真係好似去咗個夢幻王國一樣。）
「我見啲哥哥姐姐可以爬入啲網入面。有啲就抱住個大波波搖來搖去。而我咁小心，推下個波已經好好玩。」
「玩咗成朝，其實都唔覺肚餓。但爸爸話佢個肚打晒鼓，又話血糖低見頭暈，咁唯有當陪下佢啦。有麵麵食呀！」
「雖然只係公園嘅快餐廳，啲野都幾好味。爸爸食咗個咖哩飯，佢話辣得嚟都幾好食。食完之後，爸爸推住我行來行去，叫我瞓一陣。佢真係當我傻嘅咩！有咁多野玩，點會瞓得著喎！於是，我要佢帶我返去螞蟻屋企玩。我自己滑咗一次滑梯，真係好刺激呀！之後番到餐廳門口，媽媽又抱住我行來行去，最後都係瞓唔著。於是，我地就去咗個大草地。」
ローンスタジアム（Lawn Stadium，6.8 公頃嘅超大斜坡。有三分一個維多利亞園咁大！）
「個草地大得好緊要！我問咗一位哥哥攞咗個大波波嚟玩。可以坐上去玩又得！仲可以推到上山頂，然後推落嚟！好得意㗎！因為山頭有好多人，場面都非常壯觀！」
（但相信最得意係見到契媽跑上跑落逗 Jayson 玩。哈！）
「玩完（契媽）之後，我地離開兒童之谷，去咗另一個地方玩。」
森のすみか（森林之窩）
「呢邊有啲似森林咁。有好多小路、吊橋、樹屋等等，真係好似喺森林有個屋企一樣。睇下我幾爽！」
「瞓媽咪真係好舒服！」
「呢到仲有木造嘅 Xylophone 玩！」
「仲有個小迷宮。啱晒我玩！但爸爸就爬得辛苦啲（因為佢肥…）。」
切り株迷路（殘幹迷宮（直譯））
「玩到筋疲力盡之後，我就同意走啦。行去巴士站嘅途中，我不知不覺間就瞓咗。爸爸好似仲瞓得快過我…」
~ Lindberg
P.S. 因為我地星期日去玩，所以好多人。如果少人啲，相信 Jayson 可以玩得仲多啲耐啲。真係要多謝親家奶奶嘅好介紹！呢個公園真係好啱小朋友玩。
「9:00am 左右，我地離開酒店去滝野鈴蘭丘陵公園玩。媽咪話 米B 之前都嚟過玩，所以我好想去睇下。」
「車程都幾長，大約要半個鐘有多。睇下對面個哥哥瞓咗就知。」
（從地下鐵南北線札幌車站到地下鐵南北線的真駒內車站：20分鐘抵達。大人280日圓。）
「出咗地鐵仲要轉巴士。好彩我地時間夾得好，唔洗多等。媽咪記錯中央口落車比較近兒童遊樂場，其實係東口落車方便啲。不過都冇乜所謂啦！行五分鐘左右，就到公園入口。」
（從地下鐵真駒內車站到瀧野公園:搭乘巴士30分鐘。搭乘中央巴士「瀧野線」於「鈴蘭公園東口」下車較便利。大人430日圓。）
「入場費只係400日圓，爸爸話都唔算貴。而我一入去見到咁大個公園，當然興奮若狂啦。」
「同爸爸媽咪影張合照先…」
（契爺啲 Nikon 機好差，影到人好肥。叫咗佢換機㗎啦！）
「之後契爺、契媽、爸爸見到我身後啲花之後，就一支箭咁飛咗去影花。原來由中央口入，雖然要行一條大斜路，但入口環境好靚！啲薰衣草仲係我地全個旅程見過最靚嘅添。」
「睇下契爺幾認真！」
「啲相影得幾靚！但媽咪話爸爸唔俾心機影，冇功課交。真係唔乖！」
「啲花真係好靚，再加上公園好乾淨舒服，天氣又好好，行步路都精神啲。」
「呢個公園聽講話有飛鼠。但我就見唔到。爸爸後來就買咗一隻好可愛嘅飛鼠公仔俾我。」
「睇咗好多花花草草之後…」
「終於嚟到我想去嘅遊樂場：こどもの谷（兒童之谷）！首先嚟到一個螞蟻屋企。裡面可以向上向下行。上面係一個塔，而下面係一個地道迷宮。」
あり塚の塔（螞蟻塚之塔，光與風與水之精靈嘅屋企。入面有光同風由洞口進入，又有流水嘅小水池，非常貼題。）
「向下行就係螞蟻做嘅隧道，十足十一個迷宮咁。」
ありの巣トンネル（螞蟻之巢隧道，對大人嚟講都幾難行，因為有啲地方要爬先穿得過。但 Jayson 當然玩得好開心啦！）：
「而最好玩，係屋頂嘅一條滑梯。滑梯用石做，又高又斜。我堅持要玩，但契媽發現唔夠闊陪我一齊滑落嚟。最後，我膽粗粗自己一個滑落去！」
「雖然我個樣好似好驚，但其實真係好好玩㗎！」
「離開螞蟻屋企之後，見到一個好大嘅蛋白物體，望番後面咖啡色嘅建築物，就係螞蟻嘅屋企喇。真係幾大㗎！」
フワフワエッグ（烚蛋，或者應該叫做水煮蛋，江戸時代嘅菜式。望落真係好似，而企上去嘅感覺仲似！係一張有空氣承托嘅超大彈床。）
「原本我都好鐘意行上行落，但隻蛋嘅感覺好奇怪。彈下彈下，橡膠地面有震震下嘅感覺，再加上好多人跑上跑落。一向小心嘅我，當然避之則吉。」
「轉個頭，有個好似箭豬咁嘅地方。」
うねりの大地（波動的大地）
「一支支好似雪榚筒嘅物體，啲哥哥姐姐成個人瞓落去都得！我又當然唔敢上啦！」
「後面仲有個水池。見好多哥哥姐姐走落去玩水。有啲著住底褲，有啲乜都冇著！醜怪…」
「呢到真係有好多野玩。如果戰隊成員到齊，一定可以一齊征服呢隻蛋黃！」
「之後就犀利啦！我捉咗媽咪陪我去滑超巨型滑梯！好刺激呀！」
溶岩すべり台（溶岩滑梯。石造嘅滑梯，速度唔算太快。下面有個沙池，非常安全。）
（小朋友自己玩的話，要戴頭盔。咁就更加安全！全部自助形式，並且係免費。）
「太陽伯伯越升越高，周圍越嚟越熱。媽咪提議去室內玩。呢到有好多顏色，搞到我要唱番首《Rainbow Song》助下興。」
虹の巣ドーム（彩虹之巢，除咗有冷氣之外，置身喺呢一個色彩賓紛嘅環境，真係好似去咗個夢幻王國一樣。）
「我見啲哥哥姐姐可以爬入啲網入面。有啲就抱住個大波波搖來搖去。而我咁小心，推下個波已經好好玩。」
「玩咗成朝，其實都唔覺肚餓。但爸爸話佢個肚打晒鼓，又話血糖低見頭暈，咁唯有當陪下佢啦。有麵麵食呀！」
「雖然只係公園嘅快餐廳，啲野都幾好味。爸爸食咗個咖哩飯，佢話辣得嚟都幾好食。食完之後，爸爸推住我行來行去，叫我瞓一陣。佢真係當我傻嘅咩！有咁多野玩，點會瞓得著喎！於是，我要佢帶我返去螞蟻屋企玩。我自己滑咗一次滑梯，真係好刺激呀！之後番到餐廳門口，媽媽又抱住我行來行去，最後都係瞓唔著。於是，我地就去咗個大草地。」
ローンスタジアム（Lawn Stadium，6.8 公頃嘅超大斜坡。有三分一個維多利亞園咁大！）
「個草地大得好緊要！我問咗一位哥哥攞咗個大波波嚟玩。可以坐上去玩又得！仲可以推到上山頂，然後推落嚟！好得意㗎！因為山頭有好多人，場面都非常壯觀！」
（但相信最得意係見到契媽跑上跑落逗 Jayson 玩。哈！）
森のすみか（森林之窩）
「呢邊有啲似森林咁。有好多小路、吊橋、樹屋等等，真係好似喺森林有個屋企一樣。睇下我幾爽！」
「瞓媽咪真係好舒服！」
「呢到仲有木造嘅 Xylophone 玩！」
切り株迷路（殘幹迷宮（直譯））
「玩到筋疲力盡之後，我就同意走啦。行去巴士站嘅途中，我不知不覺間就瞓咗。爸爸好似仲瞓得快過我…」
~ Lindberg
P.S. 因為我地星期日去玩，所以好多人。如果少人啲，相信 Jayson 可以玩得仲多啲耐啲。真係要多謝親家奶奶嘅好介紹！呢個公園真係好啱小朋友玩。