舊年這張，都笑得幾自然。有點令我想起…金正日：
這些證件相真的很有用。除了申請證件及課外活動之外，送給親友也絕對是佳品。哈！
今年於早一個星期之前，我幫 Jayson 修剪了頭髮。希望到影相的時候，髮型會比較自然。拍照是上堂的時間，所以沒有家長陪同。相信是攝影師為他梳好頭髮，穿上校褸，再教他「chok」一個樣出來。還算不錯吧：
~ Lindberg
2011年1月31日
學生照
學校每年都會找攝影公司，來學校幫小朋友影學生相。一套有 8 張證件相（1.75” x 2.5”）+ 2 張大相（4” x 5”），另一套是16 張證件相。我們每樣都要一套，盛惠 $180。對於不愛麻煩出街影證件相的父母，真是一個很好的服務。
舊年這張，都笑得幾自然。有點令我想起…金正日：
這些證件相真的很有用。除了申請證件及課外活動之外，送給親友也絕對是佳品。哈！
今年於早一個星期之前，我幫 Jayson 修剪了頭髮。希望到影相的時候，髮型會比較自然。拍照是上堂的時間，所以沒有家長陪同。相信是攝影師為他梳好頭髮，穿上校褸，再教他「chok」一個樣出來。還算不錯吧：
~ Lindberg
舊年這張，都笑得幾自然。有點令我想起…金正日：
這些證件相真的很有用。除了申請證件及課外活動之外，送給親友也絕對是佳品。哈！
今年於早一個星期之前，我幫 Jayson 修剪了頭髮。希望到影相的時候，髮型會比較自然。拍照是上堂的時間，所以沒有家長陪同。相信是攝影師為他梳好頭髮，穿上校褸，再教他「chok」一個樣出來。還算不錯吧：
~ Lindberg
2011年1月27日
Yr3Q1 報告
體重：33 磅
身高：95 厘米
發展報告：
飲食方面：
- 早上喝一餐奶（八安士）， 少許麵包或蛋糕，便上學去。
- 正餐甚麼都吃，份量還可以。但吃得很不專心。特別喜歡吃「皮」，魚皮、雞皮等都很愛吃…。每晚食飯，整條魚的魚皮（及眼珠）都要留給他。
- 飲湯方面，發現原來他不喜歡有「異物」，要清湯。我試過一次煮雜菜湯，隔渣之後，他喝了兩大碗。雖然好像有點過份遷就他，但見他對其他食物沒有揀擇，便由得他吧。
- 很喜歡吃芝士。曾經試過去一個自助餐，我替他拿來各式各樣的芝士。他就連布里芝士（Brie）也不放過。不過可能那些芝士還是太過濃味，隔日再問他喜不喜歡那些芝士，他說：「唔鐘意！」哈！
- 看過一本書《愛吃青菜的小鱷魚》之後，很喜歡吃菜。甚麼菜都喜歡吃。很神奇！
- 在學校裡，Jayson 交到三幾個朋友。但也會跟他們鬧孩子氣，不太會交際。
- 在一次學校的「活動開發日」中，Jayson 媽發現 Jayson 上課比以前投入。雖然不是班中最活躍的幾個，但亦會舉手回答問題。
- Jayson 除非遇到很特別的事情，否則都不會主動跟我們分享上學的情況。但如果花點時間逗他說，他也會告知一二。每天抱著他回家的斜路上，便是兩父子談心的最好時刻。
- 學校的霞姐說他現在比較肯叫人。以前對著所有人，只會傻笑。現在會叫人，擁抱和錫錫。她很喜歡 Jayson，她說因為他在班房裡非常專心。換句話來說，等於：「沒有反應」。
- 會雙腳同時離地跳。
- 終於懂得踩三輪車！
- 很熱衷到公園玩，亦膽敢挑戰難度。但體能和靈活性相比並不算高。看著他快要跌倒的模樣，真的令人心驚膽戰。
學習方面：
- 開始嘗試自己讀書。因為喜歡看書，所以我說要教他讀書好不好。見他很興奮，於是我每晚除了講故事之外，還會選擇一些適合他的書本，教他自己讀。
- 認中文字需要下點功夫。每次問他，他都很自然地答：「我唔識呀…」
- 會扭毛巾。
- 會自己打電話給我們。
- 準確地由一數到一百。（那些數目字一早都已經學會，但要順序數出來，都需要大人的提示。但有一天早上，他看著電視節目的時鐘，自己跟著秒錶由零數到六十，之後便數得很好。哈…）
- 有一次在酒樓拿着紙筆突然寫起英文字母來。
- 數目字「4」寫得最好看。
- 偏向用左手寫字。控制得比較好。
- 但右手也可以。
- 朋友的禮物，令他明白何謂遊戲規則。但對於輸贏，他卻有自己的定義。例如以下這個遊戲，明明是越少猴子跌下來為佳，但即使他知道要盡量避免猴子跌下來，他還是覺得多些可愛的猴子是贏家…
問題兒童方面：
- 開始「十萬個為甚麼」。即使有時都會覺得幾煩，也是一種學習和樂趣。但當他問一些「您知道答案仲問？！」的問題，真的有點想嘔血。
- 開始講大話。（應該要買本《狼來了》的故事書！）
- 開始「老屈」。明明是自己做錯，會「老屈」爸爸媽媽錯。
- 「唔係咁㗎…」的口頭禪，已有改善。
- 新的口頭禪：「我好鐘意您。」（通常在激嬲人之後說…）
- 常常只顧著玩而不肯去睡，最近常常沒有睡午覺，夜晚亦在床上轆很長時間才睡。
- 因以上的原因，每朝都不願起床。
- 另一口頭禪：「郭蕉…郭蕉…郭蕉…」（扮睡著了的聲音。非常乞人憎！）
- 繼續上葉氏的「幼兒音樂及藝術智能發展課程」。還讓 Jayson 體驗了人生中的第一次考試！
- 繼續唱自己的歌。唱完之後，他會跟我們說：「呢首係新歌嚟㗎。」如果我問：「邊個教㗎？」他會答：「我自己教㗎。」
- 仍然不太愛洗手。
- 不會自己穿衣服。
- 自己會洗身，但不會洗頭。洗澡時，不會像以前一樣，不願落水，而落水後又扭計不願上水。所以效率高很多。
- 刷牙經常都很隨便。但漱口都很認真。
- 晚上因為無心睡眠，所以還需要人陪瞓。
- 因天氣持續寒冷，未有戒夜片計劃！
- 很硬頸。很堅持。有時真的很想打飛他。但當見到他的可憐樣，再大的冰山也會被溶化。需要時間跟他周旋，達到我們的目的。
- 很需要人的疼愛。會情深款款的用「我好鐘意您」去換我們回答一句「我都好鐘意您」。非常奪命。
- 喜歡 Dora the Explorer 和 爸爸…的電話。
~ Lindberg
2011年1月26日
七彩戰服：蝴蝶頸巾
通常啲乜乜戰隊，都會有佢哋獨特嘅戰服，七彩戰隊亦都唔例外。成員聚會，有時都會刻意或非刻意，著上屬於自己顏色嘅衣服。而紫戰士亦都為大家準備咗七色戰袋，以便外出之用。
最近因為天氣寒冷，「熊貓俠」有見及此，於是就想為戰士們添禦寒衣物。但披肩斗蓬長頸巾呢啲野，其實好危險（呢句講真）。時裝大師 Mrs. Hogenson，喺《The Incredibles》已經清楚說明過。所以熊貓俠費盡心思，以非常人嘅體力同專注力，二段變身為「浣熊俠」，捱咗兩個星期夜，用極速織咗七條「蝴蝶頸巾」。
而每一條頸巾，除咗有唔同顏色，仲有配合唔同戰士嘅花紋。（服！）
紅色格仔紋：代表熱誠、機智聰明。（茄茄）
黃色V字紋：代表活躍、 身手敏捷。（Anson）
綠色點點紋：代表細心、活潑精靈。（節瓜俠）
粉紅色扭繩紋：代表溫文、而又熱情。亦都暗藏奶奶對新袍仔嘅一份關心。（米B）
籃色斜紋：代表歡笑、充滿力量。（米爺）
紫色橫紋：代表成熟、深思熟慮。（Mavis）
白色雙橫紋：代表純潔、活力充沛。（哲哲）
戴上蝴蝶頸巾之後，戰士們充滿暖意。即使喺嚴寒嘅環境之下，都可以為保衛地球而作戰。 戰士們，去吧！
~ Lindberg
P.S. 熊貓俠真係好野。一條大約要織四至六個鐘左右。為咗趕工，捱咗兩個星期夜，晚晚織到一兩點。由國寶級「熊貓」，變成極速級「浣熊」。希望小朋友們鐘意呢份禮物。
P.P.S. 呢款蝴蝶頸巾真係幾好。Jayson 之前已經有一條。一來方便，唔怕甩。二來安全，唔怕頸巾太長，俾野勾住。如果有興趣織番條，可以參考以下嘅網誌：
http://knittingclub.yokolab.com/elesson/e-scarf2.html
最近因為天氣寒冷，「熊貓俠」有見及此，於是就想為戰士們添禦寒衣物。但披肩斗蓬長頸巾呢啲野，其實好危險（呢句講真）。時裝大師 Mrs. Hogenson，喺《The Incredibles》已經清楚說明過。所以熊貓俠費盡心思，以非常人嘅體力同專注力，二段變身為「浣熊俠」，捱咗兩個星期夜，用極速織咗七條「蝴蝶頸巾」。
而每一條頸巾，除咗有唔同顏色，仲有配合唔同戰士嘅花紋。（服！）
紅色格仔紋：代表熱誠、機智聰明。（茄茄）
黃色V字紋：代表活躍、 身手敏捷。（Anson）
綠色點點紋：代表細心、活潑精靈。（節瓜俠）
粉紅色扭繩紋：代表溫文、而又熱情。亦都暗藏奶奶對新袍仔嘅一份關心。（米B）
籃色斜紋：代表歡笑、充滿力量。（米爺）
紫色橫紋：代表成熟、深思熟慮。（Mavis）
白色雙橫紋：代表純潔、活力充沛。（哲哲）
戴上蝴蝶頸巾之後，戰士們充滿暖意。即使喺嚴寒嘅環境之下，都可以為保衛地球而作戰。 戰士們，去吧！
~ Lindberg
P.S. 熊貓俠真係好野。一條大約要織四至六個鐘左右。為咗趕工，捱咗兩個星期夜，晚晚織到一兩點。由國寶級「熊貓」，變成極速級「浣熊」。希望小朋友們鐘意呢份禮物。
P.P.S. 呢款蝴蝶頸巾真係幾好。Jayson 之前已經有一條。一來方便，唔怕甩。二來安全，唔怕頸巾太長，俾野勾住。如果有興趣織番條，可以參考以下嘅網誌：
http://knittingclub.yokolab.com/elesson/e-scarf2.html
一月之星
小朋友長大嘅速度真係驚人。就連唱生日歌都一個月比一個月起勁！
食咗呢個蛋糕之後，所有人都要聽米爺話。哈哈哈…
今個月生日嘅有米爺和哲哲。喺呢到再祝多佢哋一次生日快樂，身體健康！
~ Lindberg
食咗呢個蛋糕之後，所有人都要聽米爺話。哈哈哈…
今個月生日嘅有米爺和哲哲。喺呢到再祝多佢哋一次生日快樂，身體健康！
~ Lindberg
2011年1月25日
好歌推介
最近好鐘意一首歌，好想跟某人合唱一下…
如果跟某人合唱，「糖兄妹」呢首歌嘅歌詞，應該係咁…
我都覺得自己幾豁達。最近 Jayson 學緊中文字。我相信如果佢識得多啲字，佢會咁同我講…
「爸爸，我教您寫三個中文字呀。」
「教番我咁叻仔？」
「寫好啦。您自己讀啦。」
「嫌…命…長…？」（滴汗…）
其實歌詞中，我覺得暗藏另一個意思，就係：「妳很棒」。
~ Lindberg
如果跟某人合唱，「糖兄妹」呢首歌嘅歌詞，應該係咁…
糖公婆 - 妳很胖隻歌令人好開心，尤其是對身體「有一點脂肪」嘅人，聽得特別興奮。二人絕無對罵，或者互相取笑嘅感覺。反而係感到豁達，對生命充滿嚮往，及凡事總要向正面看嘅睇法。
公 老婆 妳是否覺得真的真的食得太多
婆 我想是你的心理作用 我明明還未吃飽
(我還沒有食飽)
公 老婆 再這樣下去妳會變成人體皮球
婆 就算是皮球 大約只是幻想
婆 別人說哈哈哈哈 裝作聽不到
別人說呵呵呵呵 我也聽不到
我喜歡吃得飽睡得飽
公 妳真的不介意 不介意
婆 你想說便說
公 妳很胖
婆 你才胖
公 超胖
婆 我只是有一點胖
看你的肚腩
還敢說我胖
你很胖
公 我是胖
婆 超胖
公 至少我承認我胖
婆 我沒有肚腩
有一點脂肪
雖然我是很喜歡吃糖
公 妳每天就會胖十磅
(明天妳就會胖十磅)
我都覺得自己幾豁達。最近 Jayson 學緊中文字。我相信如果佢識得多啲字，佢會咁同我講…
「爸爸，我教您寫三個中文字呀。」
「教番我咁叻仔？」
「寫好啦。您自己讀啦。」
「嫌…命…長…？」（滴汗…）
其實歌詞中，我覺得暗藏另一個意思，就係：「妳很棒」。
~ Lindberg
2011年1月20日
安東尼奧節瓜拉絲
多國語言中，我覺得西班牙文和法文是最性感。就算不明白對方在說甚麼，也覺得很悅耳。原先覺得如果 Jayson 有機會學習外語，應該先學習法文。日後有機會到加拿大讀書，也許有點幫助…
但 Jayson 看的美國卡通片中，都夾雜著很多西班牙文。他最喜歡的 Dora the Explorer 也會讓小朋友接觸這種語言。有一晚，Jayson 突然用很正宗的西班牙文，由一數到十。但這個並非 Dora 的功勞，其實是工人姐姐暗地裡教他…。
之前我跟 Jayson 學校上過一課，有些家長問語言導師，讓小朋友接觸多種語音，會否阻礙學習及影響表達能力。導師說研究證明不會。當然，研究這東西很會誤導人。但依我的觀察及理解，我都覺得不會。只要方法適合小朋友的個性，應該可以辦到。基本上，我和 Jayson 媽 都是懶懶閑的父母。但對於學習外語，我有一套方法想試一試，奈何需要多一點跟 Jayson 一起的時間。只要在不影響正常學習之下（例如做功課，或學校要求認識的中文字），及不影響我們懶懶閑的生活，我會和他一起嘗試。
現在便繼續由 Dora 及姐姐當他的導師吧。哈哈…
~ Lindberg
但 Jayson 看的美國卡通片中，都夾雜著很多西班牙文。他最喜歡的 Dora the Explorer 也會讓小朋友接觸這種語言。有一晚，Jayson 突然用很正宗的西班牙文，由一數到十。但這個並非 Dora 的功勞，其實是工人姐姐暗地裡教他…。
西班牙文 1 至 10：跟我心目中的 安東尼奧班德拉斯（Antonio Banderas）雖然還有很大分別，但總算向前邁進一步…
1 - uno (oo-no)
2 - dos (dose)
3- tres (trace)
4 - cuatro (kwat-ro)
5 - cinco (sink-o)
6 - seis (saze)
7 - siete (see-yet-eh)
8 - ocho (och-o)
9 - nueve (new-eh-veh)
10 - diez (dee-ace)
之前我跟 Jayson 學校上過一課，有些家長問語言導師，讓小朋友接觸多種語音，會否阻礙學習及影響表達能力。導師說研究證明不會。當然，研究這東西很會誤導人。但依我的觀察及理解，我都覺得不會。只要方法適合小朋友的個性，應該可以辦到。基本上，我和 Jayson 媽 都是懶懶閑的父母。但對於學習外語，我有一套方法想試一試，奈何需要多一點跟 Jayson 一起的時間。只要在不影響正常學習之下（例如做功課，或學校要求認識的中文字），及不影響我們懶懶閑的生活，我會和他一起嘗試。
現在便繼續由 Dora 及姐姐當他的導師吧。哈哈…
~ Lindberg
2011年1月18日
聖誕假期（三）
之後便回到官也街吃蟹粥。在那裡撞到一些熟人，有我的中學同學，還有 Jayson 遊樂組的舊同學。來這裡吃蟹粥，好像是一種例行公事，總覺得味道沒有第一次吃時的鮮美。吃完便回酒店休息一回，準備去睇 Zaia 的馬戲表演。
看這個表演，可算是今個旅程的高潮。我一向都很喜歡看馬戲，但奈何一直都不捨得買票進場。今次可以跟一家人入去看，當然不會放過這個機會。除了 Zaia，其實都還可以選擇看《水舞間》，不過 Zaia 做到三月尾就會改劇目，而且對 Zaia 的感覺好似好一點，所以買了最貴的門票，坐一個不錯的位置。
Jayson 坐在加了高軟墊的椅上，把鞋子和襪都除掉，坐得很舒服的樣子。但因為不能跟媽媽一起坐，到最後都要走到媽媽身邊，坐在媽媽的大腿上。
表演十分精彩。舞台及音樂已令我們充滿視聽享受，而六、七項驚險的馬戲表演也令人拍案叫絕。但我不知道是否是下午場的關系（平二百大元），我們看不到一些在介紹中見過的表演（如空中飛人）。因此，Jayson 媽比較失望。
看了精彩的表演，竟然一張照片也沒有拍到。卻在門口拍了這一張…
看過表演之後，便是吃晚飯的時間。原先 Jayson 媽訂了葡京酒店的「自助山」。但沒有耐性的家人，因為見到排了長龍的交通工具，於是決定到附近的四季酒店吃自助餐。Jayson 媽當然有點不高興，但心想可以到「最高級的酒店」吃，應該不錯吧。誰知…
基本上，食物的種類是不錯的，但供應卻少得離奇。Jayson 最喜歡的 Macaroon，轉個頭已經一掃而空。那塊燒牛肉和火腿都細少得可憐。我家中那塊聖誕節食剩的火腿，也要比它大（幾倍）！而那麼細塊的燒牛肉（我自己也未燒過這麼細的），怎會好吃呢？我覺得我有點難為了廚師，要他從一塊細小的肉上，切一塊薄片給我。但其他魚生、海鮮及熱食都還可以。三百元左右一位，大概不能要求太高吧。但我情願它收貴一點，也不希望在這高級的酒店中，吃垃圾級的自助餐。唉…
雖然食物很普通，但這間酒店真的非常漂亮。那個室外游泳池，真的好像去了東南亞的熱帶海灘一樣。有機會的話，一定要去住一晚！（由於晚上天氣太凍，又要捉住 Jayson，所以忘了影相。失敗…）
（待續…）
~ Lindberg
看這個表演，可算是今個旅程的高潮。我一向都很喜歡看馬戲，但奈何一直都不捨得買票進場。今次可以跟一家人入去看，當然不會放過這個機會。除了 Zaia，其實都還可以選擇看《水舞間》，不過 Zaia 做到三月尾就會改劇目，而且對 Zaia 的感覺好似好一點，所以買了最貴的門票，坐一個不錯的位置。
Jayson 坐在加了高軟墊的椅上，把鞋子和襪都除掉，坐得很舒服的樣子。但因為不能跟媽媽一起坐，到最後都要走到媽媽身邊，坐在媽媽的大腿上。
表演十分精彩。舞台及音樂已令我們充滿視聽享受，而六、七項驚險的馬戲表演也令人拍案叫絕。但我不知道是否是下午場的關系（平二百大元），我們看不到一些在介紹中見過的表演（如空中飛人）。因此，Jayson 媽比較失望。
看了精彩的表演，竟然一張照片也沒有拍到。卻在門口拍了這一張…
看過表演之後，便是吃晚飯的時間。原先 Jayson 媽訂了葡京酒店的「自助山」。但沒有耐性的家人，因為見到排了長龍的交通工具，於是決定到附近的四季酒店吃自助餐。Jayson 媽當然有點不高興，但心想可以到「最高級的酒店」吃，應該不錯吧。誰知…
基本上，食物的種類是不錯的，但供應卻少得離奇。Jayson 最喜歡的 Macaroon，轉個頭已經一掃而空。那塊燒牛肉和火腿都細少得可憐。我家中那塊聖誕節食剩的火腿，也要比它大（幾倍）！而那麼細塊的燒牛肉（我自己也未燒過這麼細的），怎會好吃呢？我覺得我有點難為了廚師，要他從一塊細小的肉上，切一塊薄片給我。但其他魚生、海鮮及熱食都還可以。三百元左右一位，大概不能要求太高吧。但我情願它收貴一點，也不希望在這高級的酒店中，吃垃圾級的自助餐。唉…
雖然食物很普通，但這間酒店真的非常漂亮。那個室外游泳池，真的好像去了東南亞的熱帶海灘一樣。有機會的話，一定要去住一晚！（由於晚上天氣太凍，又要捉住 Jayson，所以忘了影相。失敗…）
（待續…）
~ Lindberg
2011年1月17日
心有靈犀
某日嘅早上，發生咗一件好不可思議嘅事…
Jayson 一早起床，媽媽陪佢喺廁所梳洗，而我就繼續依偎喺張床上面，希望可以瞓多一陣。但都好清楚聽到兩母子嘅對話。
矇矇矓矓之間，我進入咗夢鄉。我好似去咗一個市集（類似深水埗），見到一啲唔起眼嘅商品。啲野睇得唔係好清楚，但好清楚見到一個手寫嘅紙牌，上面寫住「2900」。
而奇妙嘅事情就喺呢一刻發生。我聽到 Jayson 喺廁所講緊一推無乜關連嘅詞句。其中一句，就係：「二千九百」。我第一個反應，係不禁笑咗出嚟。我大聲問 Jayson：「乜野二千九呀？」
我嘗試去理解發生咩事。首先，發夢係唔應該睇到文字，因為文字處理同發夢係用腦嘅唔同位置。自從我知道呢個道理之後，我好多時都會喺夢境中，嘗試讀啲文字。但我發現即使睇到啲字，其實都只係自己「以為」睇到（即係類似背書）。所以，呢個「2900」嘅出現，已經好可疑。但可能因為我唔係熟睡，左腦仲比較清醒，所以先睇到「2900」呢幾個字。
我懷疑過，其實係唔係 Jayson 喺廁所講咗「2900」，我先至喺夢中見到嗰個牌。可能神經傳送嘅差別，令我以為「聽見」，係發生喺「夢見」之後。但當時半夢半醒，我真係笑咗出嚟。Jayson 媽都聽到我即刻問 Jayson 點解講：「2900」。
亦都有可能係兩父子見過同一樣野，分享過同一段經驗或者記憶。可能大家喺某個地方見個「2900」，喺巧合之間一齊回想起嚟。我相信所謂嘅「心靈感應」都係人與人之間嘅深厚認識，而得出嚟嘅推斷。不過，Jayson 都只係會由一數到一百啫，何來識得講「二千九百」呢？
如果係咁… 唯一解釋就係「心有靈犀」。食過早餐之後，我心血來潮，又再問 Jayson 一次。佢好認真咁望住我答：「您唔好問啦。」講真，當時我個背脊真係抽咗陣凍風。但我估佢並非有所隱瞞，而係覺得我好煩！所以我就冇再追問落去。
我覺得除咗係巧合，先「聽見」後「夢見」嘅可能性係最大。只係後者發生得太快，先引來錯覺。但如果真係可以同 Jayson「心有靈犀」，又真係唔錯喎…。我其實係一個唔多鐘意講野嘅人，如果可以唔洗開口，人哋就知我想講乜，幾好呀！………咪住！收番！萬一佢喺我背後向阿媽打小報告，我咪多幾條命都唔夠死！？（滴汗中…）
~ Lindberg
Jayson 一早起床，媽媽陪佢喺廁所梳洗，而我就繼續依偎喺張床上面，希望可以瞓多一陣。但都好清楚聽到兩母子嘅對話。
矇矇矓矓之間，我進入咗夢鄉。我好似去咗一個市集（類似深水埗），見到一啲唔起眼嘅商品。啲野睇得唔係好清楚，但好清楚見到一個手寫嘅紙牌，上面寫住「2900」。
而奇妙嘅事情就喺呢一刻發生。我聽到 Jayson 喺廁所講緊一推無乜關連嘅詞句。其中一句，就係：「二千九百」。我第一個反應，係不禁笑咗出嚟。我大聲問 Jayson：「乜野二千九呀？」
我嘗試去理解發生咩事。首先，發夢係唔應該睇到文字，因為文字處理同發夢係用腦嘅唔同位置。自從我知道呢個道理之後，我好多時都會喺夢境中，嘗試讀啲文字。但我發現即使睇到啲字，其實都只係自己「以為」睇到（即係類似背書）。所以，呢個「2900」嘅出現，已經好可疑。但可能因為我唔係熟睡，左腦仲比較清醒，所以先睇到「2900」呢幾個字。
我懷疑過，其實係唔係 Jayson 喺廁所講咗「2900」，我先至喺夢中見到嗰個牌。可能神經傳送嘅差別，令我以為「聽見」，係發生喺「夢見」之後。但當時半夢半醒，我真係笑咗出嚟。Jayson 媽都聽到我即刻問 Jayson 點解講：「2900」。
亦都有可能係兩父子見過同一樣野，分享過同一段經驗或者記憶。可能大家喺某個地方見個「2900」，喺巧合之間一齊回想起嚟。我相信所謂嘅「心靈感應」都係人與人之間嘅深厚認識，而得出嚟嘅推斷。不過，Jayson 都只係會由一數到一百啫，何來識得講「二千九百」呢？
如果係咁… 唯一解釋就係「心有靈犀」。食過早餐之後，我心血來潮，又再問 Jayson 一次。佢好認真咁望住我答：「您唔好問啦。」講真，當時我個背脊真係抽咗陣凍風。但我估佢並非有所隱瞞，而係覺得我好煩！所以我就冇再追問落去。
我覺得除咗係巧合，先「聽見」後「夢見」嘅可能性係最大。只係後者發生得太快，先引來錯覺。但如果真係可以同 Jayson「心有靈犀」，又真係唔錯喎…。我其實係一個唔多鐘意講野嘅人，如果可以唔洗開口，人哋就知我想講乜，幾好呀！………咪住！收番！萬一佢喺我背後向阿媽打小報告，我咪多幾條命都唔夠死！？（滴汗中…）
~ Lindberg
2011年1月16日
漢堡包咀
今個星期，我個網誌好靜，因為我患咗好勁嘅敏感。沮喪程度可謂極高，因為我嘅雙唇變咗名符其實嘅「漢堡包咀」。對住塊鏡，令我想起《賭俠大戰拉斯加斯》入面嘅陳百祥。唉…
（請參考 4:30 開始的片段。）
事源上星期五晚打邊爐。星期六開始覺得個嘴嘅四周有啲痕，仲有啲腫脹。但見問題唔大，而且我又無過敏嘅前科，臨瞓前食咗粒抗敏藥就算。誰知星期日一醒，個嘴唇腫得好厲害。洗面嘅時候一個唔覺意，成塊皮飛咗出嚟。我相信係因為太過腫脹，啲表皮頂嘅順，所以一掂就爆。唉…
我立即戴住口罩，迫於無奈去搵屋企附近嘅黃綠醫生（曾經誤診我腸胃炎，其實係盲腸炎…）。醫生話係敏感，俾咗一堆抗敏藥和藥膏。因為我食緊肝炎藥，所以落藥又唔可以太重，否則會幫助肝炎病毒嘅增長。食咗一日藥，到第二朝，情況先有改善。
經過 Jayson 媽嘅分析，相信係因為我用口去剝蝦殼，可能割到自己嘅嘴唇都唔覺，而引起過敏反應。早知今日，何必當初呢。唉…
消腫之後，嘴唇好似被人打咗一鑊…瘀咗。而甩皮嘅地方，需要時間康複。最慘係最初幾日，因為傷口嘅原固，口都張唔大，食野都痛。如果笑仲大鑊，真係會「笑爆嘴」。即使到咗今日，當 Jayson 逗我笑，都搞到傷口再破裂，流血收場。唉… 所以大家緊記，食海鮮真係要小心呀！
~ Lindberg
（請參考 4:30 開始的片段。）
事源上星期五晚打邊爐。星期六開始覺得個嘴嘅四周有啲痕，仲有啲腫脹。但見問題唔大，而且我又無過敏嘅前科，臨瞓前食咗粒抗敏藥就算。誰知星期日一醒，個嘴唇腫得好厲害。洗面嘅時候一個唔覺意，成塊皮飛咗出嚟。我相信係因為太過腫脹，啲表皮頂嘅順，所以一掂就爆。唉…
我立即戴住口罩，迫於無奈去搵屋企附近嘅黃綠醫生（曾經誤診我腸胃炎，其實係盲腸炎…）。醫生話係敏感，俾咗一堆抗敏藥和藥膏。因為我食緊肝炎藥，所以落藥又唔可以太重，否則會幫助肝炎病毒嘅增長。食咗一日藥，到第二朝，情況先有改善。
經過 Jayson 媽嘅分析，相信係因為我用口去剝蝦殼，可能割到自己嘅嘴唇都唔覺，而引起過敏反應。早知今日，何必當初呢。唉…
消腫之後，嘴唇好似被人打咗一鑊…瘀咗。而甩皮嘅地方，需要時間康複。最慘係最初幾日，因為傷口嘅原固，口都張唔大，食野都痛。如果笑仲大鑊，真係會「笑爆嘴」。即使到咗今日，當 Jayson 逗我笑，都搞到傷口再破裂，流血收場。唉… 所以大家緊記，食海鮮真係要小心呀！
~ Lindberg
2011年1月11日
聖誕假期（二）
去澳門的目的，主要是爺爺嫲嫲需要「手部運動 」。而我們便盡量安排活動給小朋友，並訂了 Zaia 的門票。一直都很想看馬戲表演，希望 Jayson 會懂得欣賞。
如果自己要到澳門，我一定不會選擇「威尼斯人」，因為這裡的煙味太過重。即使是我們的客房，亦被「濃煙」燻過，非常難受。但這裡勝在方便，吃的玩的都有。
第一晚，我們在酒店的「利苑酒家」，吃了一頓很豐富的晚餐。但點菜的時候，那裡的侍應還真的會搞笑。
二哥說：「我想食嗰啲…有蛋白…蟹肉嗰啲…」
我問待應：「有冇賽螃蟹？」
待應答：「我哋有羔蟹、肉蟹、重殼蟹，但冇賽螃蟹。」
我不禁大笑了出來。究竟她是不知道 「賽螃蟹」是甚麼，還是暗串我吃些普通的菜式呢？點完菜之後，又差點氣壞我。之前問大家想吃甚麼，都沒有主意。到最後便由我獨自發板。落完單之後…
「爸爸，您有冇叫燒肉呀？」Jayson 媽問。
「唔早講？！」
「阿仔，係唔係有啲酸酸甜甜嘅肉…」嫲嫲問。
「有，我叫咗咕嚕肉。」
「…酸酸甜甜嘅…京刀骨？」她補充說…
「叫咗咕嚕肉啦！！！唔早講？！」嘔血…
可是這晚的餸菜，確實很不錯。雖然不是大魚大肉，但每一碟菜都做得很出色，尤其是那個羊腩煲和煲仔飯。好吃到停不了口，所以也沒有拍照留念…。吃飽飯，便到酒店的商場逛逛。
和用雪榚餵白鴿…
第二天早上，我們捉了二哥一家出去，到官也街那邊的「新好利美食餅店」，吃豬扒包做早餐。
然後便到想到附近海邊的住宅博物館，讓小朋友們看一看。
誰知那裡有一個太陽花的展覽。Jayson 媽最愛太陽花，所以一定要入去看看。
雖然不是大朵的太陽花，但可以看到這麼多花，心情也輕鬆了不少。
（待續…）
~ Lindberg
如果自己要到澳門，我一定不會選擇「威尼斯人」，因為這裡的煙味太過重。即使是我們的客房，亦被「濃煙」燻過，非常難受。但這裡勝在方便，吃的玩的都有。
第一晚，我們在酒店的「利苑酒家」，吃了一頓很豐富的晚餐。但點菜的時候，那裡的侍應還真的會搞笑。
二哥說：「我想食嗰啲…有蛋白…蟹肉嗰啲…」
我問待應：「有冇賽螃蟹？」
待應答：「我哋有羔蟹、肉蟹、重殼蟹，但冇賽螃蟹。」
我不禁大笑了出來。究竟她是不知道 「賽螃蟹」是甚麼，還是暗串我吃些普通的菜式呢？點完菜之後，又差點氣壞我。之前問大家想吃甚麼，都沒有主意。到最後便由我獨自發板。落完單之後…
「爸爸，您有冇叫燒肉呀？」Jayson 媽問。
「唔早講？！」
「阿仔，係唔係有啲酸酸甜甜嘅肉…」嫲嫲問。
「有，我叫咗咕嚕肉。」
「…酸酸甜甜嘅…京刀骨？」她補充說…
「叫咗咕嚕肉啦！！！唔早講？！」嘔血…
可是這晚的餸菜，確實很不錯。雖然不是大魚大肉，但每一碟菜都做得很出色，尤其是那個羊腩煲和煲仔飯。好吃到停不了口，所以也沒有拍照留念…。吃飽飯，便到酒店的商場逛逛。
和用雪榚餵白鴿…
然後便到想到附近海邊的住宅博物館，讓小朋友們看一看。
誰知那裡有一個太陽花的展覽。Jayson 媽最愛太陽花，所以一定要入去看看。
雖然不是大朵的太陽花，但可以看到這麼多花，心情也輕鬆了不少。
（待續…）
~ Lindberg
2011年1月7日
歡欣同樂聖誕節表演 2010
經過上一年的經驗之後，我們這個月來不停在 Jayson 的耳邊鼓勵他。希望在今年的學校聖誕表演，他不會再怯場。而今年的舞台更移師到附近的社區會堂，做父母的，比小朋友更為緊張。
（以上是練習的情況…）
我們拿了三張入場券，跟嫲嫲一起去看表演。學校的安排很周到，每個家庭都有一張攝影許可證。到自己的小朋友表演時，那位家長就可以坐到最前排，在最有利位置下拍攝自己的小朋友。
見到 Jayson 進場，心情非常緊張。跟我的預料一樣，不太活躍的小朋友，都被安排到後排。
很希望會見到他會投入參與。而結果是：「郁都唔郁。」
唉…
幸好，唱完兩隻歌後，Jayson 還會懂得走位到前排。行到前排，可以看清楚這小伙子。但他堅決不跳舞，不看台下。就這樣結束整個表演。但即使他甚麼也沒做過，我們接他的時候，也感到很高興和自豪。
第二天，我跟 Jayson 談起昨天的表演。原本我們都以為他是膽怯，所以動也不動。但經我旁敲側擊之下，發現原來他並非膽怯，而是不高興！他不高興不能夠站在台上的中間位置（跟他的好友一起跳）。天啊！Jayson 真的可以很硬頸。
某程度上，我很高興聽到這個答案，因為起碼他不是怯場。但之後我對他作出很多思想教育。如果下次要站在正中，就要努力表演和爭取吧！但無論他站在那裡，爸媽的目光中都只有他。
~ Lindberg
（以上是練習的情況…）
我們拿了三張入場券，跟嫲嫲一起去看表演。學校的安排很周到，每個家庭都有一張攝影許可證。到自己的小朋友表演時，那位家長就可以坐到最前排，在最有利位置下拍攝自己的小朋友。
見到 Jayson 進場，心情非常緊張。跟我的預料一樣，不太活躍的小朋友，都被安排到後排。
很希望會見到他會投入參與。而結果是：「郁都唔郁。」
唉…
幸好，唱完兩隻歌後，Jayson 還會懂得走位到前排。行到前排，可以看清楚這小伙子。但他堅決不跳舞，不看台下。就這樣結束整個表演。但即使他甚麼也沒做過，我們接他的時候，也感到很高興和自豪。
第二天，我跟 Jayson 談起昨天的表演。原本我們都以為他是膽怯，所以動也不動。但經我旁敲側擊之下，發現原來他並非膽怯，而是不高興！他不高興不能夠站在台上的中間位置（跟他的好友一起跳）。天啊！Jayson 真的可以很硬頸。
某程度上，我很高興聽到這個答案，因為起碼他不是怯場。但之後我對他作出很多思想教育。如果下次要站在正中，就要努力表演和爭取吧！但無論他站在那裡，爸媽的目光中都只有他。
~ Lindberg
2011年1月5日
聖誕假期（一）
這個聖誕假期，我們（又）跟二哥一家到了迪士尼和澳門，玩了四日三夜。
Jayson 見到兩位姐姐，開心到不得了。我覺得並非 Jayson 記得他們，因為早一晚讓他看一年前的舊照片，他好像已把他們忘記得一乾二淨。他大概只是喜歡跟這個年齡的姐姐玩吧。
（檯上姐姐們的橡筋，是時下小朋友的最潮的玩意，而且價值不菲。據聞那位將普通橡筋做成各種形狀的人，已經發了大達。）
聖誕日，樂園內極多人。幸好我們這天的目的並不是在樂園玩。看過巡遊之後，便出發到亞洲國際博覽館，看《與龍同行 震撼舞台》。
看完表演之後，我們立即回到樂園酒店，把行理放上房，然後再到樂園玩。縱使見到很多人開始離開，但樂園裡仍然是超極多人，「巴斯光年」也要等一個小時！天啊！以後也不要這些節日到樂園去。
最後，我們吃了一頓簡單的晚餐，然後去了「小小世界」。這裡出奇地沒有人排隊。玩了一次之後，便去看煙花。
可能前一日過於辛勞，Jayson 第二天也不願起床。但幸好這裡有「米奇」電視，不停放送，才可以把他叫醒。
小朋友繼續入樂園玩了半天。這天沒有那麼多人，而且時間尚早。短短一個早上，也可以玩了兩次「巴斯光年」和一些其他遊戲，完了 Jayson 一個心願。而我吃過早餐後，便先行把車泊回家。因為下午便要「過大海」！
（待續…）
~ Lindberg
Jayson 見到兩位姐姐，開心到不得了。我覺得並非 Jayson 記得他們，因為早一晚讓他看一年前的舊照片，他好像已把他們忘記得一乾二淨。他大概只是喜歡跟這個年齡的姐姐玩吧。
（檯上姐姐們的橡筋，是時下小朋友的最潮的玩意，而且價值不菲。據聞那位將普通橡筋做成各種形狀的人，已經發了大達。）
聖誕日，樂園內極多人。幸好我們這天的目的並不是在樂園玩。看過巡遊之後，便出發到亞洲國際博覽館，看《與龍同行 震撼舞台》。
看完表演之後，我們立即回到樂園酒店，把行理放上房，然後再到樂園玩。縱使見到很多人開始離開，但樂園裡仍然是超極多人，「巴斯光年」也要等一個小時！天啊！以後也不要這些節日到樂園去。
最後，我們吃了一頓簡單的晚餐，然後去了「小小世界」。這裡出奇地沒有人排隊。玩了一次之後，便去看煙花。
可能前一日過於辛勞，Jayson 第二天也不願起床。但幸好這裡有「米奇」電視，不停放送，才可以把他叫醒。
小朋友繼續入樂園玩了半天。這天沒有那麼多人，而且時間尚早。短短一個早上，也可以玩了兩次「巴斯光年」和一些其他遊戲，完了 Jayson 一個心願。而我吃過早餐後，便先行把車泊回家。因為下午便要「過大海」！
（待續…）
~ Lindberg
2011年1月3日
Happy New Year
2010 年，轉眼就過咗。回想過來，好似乜野都冇做過。但每當見到…佢，就會發現，其實都做咗好多野呀…
而今個聖誕新年假期，我哋搞咗三次派對。預備食物方面，唔知點解嚴重出錯。最尾一次最大鑊。食剩嘅燒牛肉，食咗四餐都仲未食完！煮咗傳統嘅牛肉意粉 Beef Stroganoff（出街千祈唔好喺啲扒房到食！），雜菜湯變羅宋湯，燒安格斯牛肉炒米，當然唔少得煎封燒牛扒。雖然舊牛肉真係好好味，但對住佢咁多餐，都真係幾攞命… 好彩最近啲中藥加咗山楂，可以消消脂呀嘛… 哈！
但咁都未算最得人驚！雪櫃仲有半隻火雞、半球火腿、好多菜、仲有最激嘅…紅豆沙！我諗住火雞可以學人用嚟包糉，火腿就用嚟做蘿蔔榚！掂呀！
喺到祝大家新年進步，最緊要身體健康，每日都過得開開心心。恭喜恭喜…
~ Lindberg
- 第一次湊 Jayson 返學放學；
- 第一次跟 Jayson 對話；
- 第一次跟 Jayson 做好多好多野；
- 第一次浸親 Jayson…；
- 第一次同契爺一齊旅行；
- 第一次賣樓；
- 第一次請工人；
- 第一次招呼一大班朋友上嚟屋企玩；
- 第一次玩完唔洗自己清理現場；
- 第一次食七十幾蚊一粒嘅藥；
- 第一次……唔記得咁多喇。
而今個聖誕新年假期，我哋搞咗三次派對。預備食物方面，唔知點解嚴重出錯。最尾一次最大鑊。食剩嘅燒牛肉，食咗四餐都仲未食完！煮咗傳統嘅牛肉意粉 Beef Stroganoff（出街千祈唔好喺啲扒房到食！），雜菜湯變羅宋湯，燒安格斯牛肉炒米，當然唔少得煎封燒牛扒。雖然舊牛肉真係好好味，但對住佢咁多餐，都真係幾攞命… 好彩最近啲中藥加咗山楂，可以消消脂呀嘛… 哈！
但咁都未算最得人驚！雪櫃仲有半隻火雞、半球火腿、好多菜、仲有最激嘅…紅豆沙！我諗住火雞可以學人用嚟包糉，火腿就用嚟做蘿蔔榚！掂呀！
喺到祝大家新年進步，最緊要身體健康，每日都過得開開心心。恭喜恭喜…
~ Lindberg