而阿威同 Julie 係之前用 Wiii 畫嘅。我覺得自己整得幾似。呵呵…
我：
Jayson 媽（加個天生眼影，無十足都似九成！）：
阿威（髮形好似。哈！）：
Julie（我覺得對眼同個咀都似，神態都好夠傻。哈哈…）：
Jayson（我覺得唔係太似。但好難正正經經幫佢影張相。因為唔想俾佢知我有新玩具，所以我只好靜雞雞偷拍佢。嘻嘻…）：
~ Lindberg
2011年3月31日
我們的 Mii
3DS 其中一個有趣功能，係可以影一幅相，然後半自動製作個 Mii。玩家只需要選擇性別及髮形，然後對住佢影張相，就可以做出一個幾似樣嘅 Mii。大家可以評審下我哋一家人似唔似樣。
而阿威同 Julie 係之前用 Wiii 畫嘅。我覺得自己整得幾似。呵呵…
我：
Jayson 媽（加個天生眼影，無十足都似九成！）：
阿威（髮形好似。哈！）：
Julie（我覺得對眼同個咀都似，神態都好夠傻。哈哈…）：
Jayson（我覺得唔係太似。但好難正正經經幫佢影張相。因為唔想俾佢知我有新玩具，所以我只好靜雞雞偷拍佢。嘻嘻…）：
~ Lindberg
而阿威同 Julie 係之前用 Wiii 畫嘅。我覺得自己整得幾似。呵呵…
我：
Jayson 媽（加個天生眼影，無十足都似九成！）：
阿威（髮形好似。哈！）：
Julie（我覺得對眼同個咀都似，神態都好夠傻。哈哈…）：
Jayson（我覺得唔係太似。但好難正正經經幫佢影張相。因為唔想俾佢知我有新玩具，所以我只好靜雞雞偷拍佢。嘻嘻…）：
~ Lindberg
2011年3月30日
生日飯@Angelini
今年生日嘅正日，因為要返屋企食飯，所以 Jayson 媽提早帶我出街食飯慶祝。
表情交足戲，其實搵我笨，冇野睇㗎… 俾佢笑死。
$258 嘅半自助式午餐，包括自助頭盤、甜品及咖啡，及一款主菜。我好鐘意食自助午餐，因為午餐時段嘅戰鬥力高。而且之後有大把時間休息，晚餐都可以慳埋。真係抵上加抵！Jayson 一嚟到，就除鞋除襪坐喺到食麵包條。好彩我哋坐喺角落，唔係就真係失禮人。
每人有一碗餐湯。今日係番茄湯，濃濃嘅番茄味，諗起都仲會流口水。
Jayson 冇俾錢。但黐我哋食咗啲麵包同芝士。
我唔知點解佢咁鐘意食芝士。咁大舊 Parmesan Cheese，就咁就冇咗。
「Jayson，您唔覺得鹹嘅咩？！」
大人就當然食大人嘅野。呢到有好多唔同類型嘅前菜及風乾肉。意式前菜款式多，新奇又好味。食完都飽飽地。不過啲風乾肉普通。鹹得嚟唔夠香。
主菜方面，Jayson 媽食鱸魚。煎得好香，夠鹹好好味。薯蓉亦都好香滑，令到佢食得好開心。
而我就聽 Jayson 媽介紹，食天使麵。食落口彈牙得嚟唔似新鮮貨色。原來呢到係用稱得上「意大利麵王」 Spinosi 嘅意粉。呢隻牌子嘅意粉除咗用特選嘅麵粉（由小麥比較硬嘅中心部份做出嚟嘅麵粉）之外，仲落咗好多蛋。不過意粉汁蓋過咗啲蛋味，我食唔出。麵條比粗糙，所以非常上「上汁」。我個人比較喜歡滑嘅野（例如布丁、Jayson 塊面等），不過呢個都粗得有道理。配上魷魚粒茄汁，超滿足。
「爸爸，我影您呀。」
甜品方面，唔算好特別。Napoleon 同 Tiramisu 都好味。但舊 Cannoli 就接近難食喇。
飲埋杯咖啡落肚，就真係完美的一餐。好開心…
~ Lindberg
Angelini「爸爸，您睇下嗰邊！」
地址：尖沙咀麼地道64號九龍香格里拉大酒店閣樓
電話：2733 8750
表情交足戲，其實搵我笨，冇野睇㗎… 俾佢笑死。
$258 嘅半自助式午餐，包括自助頭盤、甜品及咖啡，及一款主菜。我好鐘意食自助午餐，因為午餐時段嘅戰鬥力高。而且之後有大把時間休息，晚餐都可以慳埋。真係抵上加抵！Jayson 一嚟到，就除鞋除襪坐喺到食麵包條。好彩我哋坐喺角落，唔係就真係失禮人。
每人有一碗餐湯。今日係番茄湯，濃濃嘅番茄味，諗起都仲會流口水。
Jayson 冇俾錢。但黐我哋食咗啲麵包同芝士。
我唔知點解佢咁鐘意食芝士。咁大舊 Parmesan Cheese，就咁就冇咗。
「Jayson，您唔覺得鹹嘅咩？！」
大人就當然食大人嘅野。呢到有好多唔同類型嘅前菜及風乾肉。意式前菜款式多，新奇又好味。食完都飽飽地。不過啲風乾肉普通。鹹得嚟唔夠香。
主菜方面，Jayson 媽食鱸魚。煎得好香，夠鹹好好味。薯蓉亦都好香滑，令到佢食得好開心。
而我就聽 Jayson 媽介紹，食天使麵。食落口彈牙得嚟唔似新鮮貨色。原來呢到係用稱得上「意大利麵王」 Spinosi 嘅意粉。呢隻牌子嘅意粉除咗用特選嘅麵粉（由小麥比較硬嘅中心部份做出嚟嘅麵粉）之外，仲落咗好多蛋。不過意粉汁蓋過咗啲蛋味，我食唔出。麵條比粗糙，所以非常上「上汁」。我個人比較喜歡滑嘅野（例如布丁、Jayson 塊面等），不過呢個都粗得有道理。配上魷魚粒茄汁，超滿足。
「爸爸，我影您呀。」
甜品方面，唔算好特別。Napoleon 同 Tiramisu 都好味。但舊 Cannoli 就接近難食喇。
飲埋杯咖啡落肚，就真係完美的一餐。好開心…
~ Lindberg
2011年3月29日
父子的對話
有一天下午接 Jayson 放學的時候，他扭計要我抱。我跟他角力，兩人拖拖拉拉的以「龜速」行到婆婆家附近，最後因為時間無多，我終於只好放棄。我跟他說：「嗱，我依家抱您都得，但因為您咁慢，搞到我一陣我冇得陪您玩㗎啦。」
之後，他便開始哭。去到婆婆家也繼續哭。換衫，洗手也一直喊。過了很久，才願意收聲，跟我一起吃午飯。有「麥當勞薯條」吃的午餐也這麼費勁，可還是第一次。
晚上，我去婆婆家接 Jayson。我跟他說：「Jayson，您今日晏晝好扭計喎。」
「爸爸一返工，我就喊㗎啦。」他回答說。聽得我也不禁眼紅紅。
「傻豬，爸爸要返工賺錢㗎嘛。唔賺錢，我哋邊到有得食，邊到有屋住，您邊到有書讀返學校玩啫。」
「…」
「但即使爸爸有好多錢（中咗六合彩），爸爸都會繼續做野㗎。做人先有人生目標，先有貢獻同意義㗎嘛。」
「…」
「貢獻即係呢…即係呢…」見他一臉茫然，我便接著說：「都係遲啲先同您解釋啦。爸爸媽媽雖然都要返工賺錢。但我哋都好錫您㗎！」
「…」
「Jayson，您知唔知爸爸最鐘意咩呀？」
「爸爸最鐘意返工。」
「（天啊… 爸爸最討厭返工呀！）唔係呀！爸爸返工係為咗賺錢。最鐘意嗰個係您呀！媽媽最鐘意嗰個都係您呀（我頗肯定那個不是我…）！知唔知？」
「知。」
「咁以後仲扭唔扭計？可唔可以自己行？」
「唔扭計。」
「大個仔啦，可唔可以自己行？」
「嗯。」
「錫啖先！」
雖然跟他理論是非常要命，但看著他漸漸地變得懂事，心中也很欣慰。
（以上是 Jayson 畫筆下的爸爸。）
~ Lindberg
之後，他便開始哭。去到婆婆家也繼續哭。換衫，洗手也一直喊。過了很久，才願意收聲，跟我一起吃午飯。有「麥當勞薯條」吃的午餐也這麼費勁，可還是第一次。
晚上，我去婆婆家接 Jayson。我跟他說：「Jayson，您今日晏晝好扭計喎。」
「爸爸一返工，我就喊㗎啦。」他回答說。聽得我也不禁眼紅紅。
「傻豬，爸爸要返工賺錢㗎嘛。唔賺錢，我哋邊到有得食，邊到有屋住，您邊到有書讀返學校玩啫。」
「…」
「但即使爸爸有好多錢（中咗六合彩），爸爸都會繼續做野㗎。做人先有人生目標，先有貢獻同意義㗎嘛。」
「…」
「貢獻即係呢…即係呢…」見他一臉茫然，我便接著說：「都係遲啲先同您解釋啦。爸爸媽媽雖然都要返工賺錢。但我哋都好錫您㗎！」
「…」
「Jayson，您知唔知爸爸最鐘意咩呀？」
「爸爸最鐘意返工。」
「（天啊… 爸爸最討厭返工呀！）唔係呀！爸爸返工係為咗賺錢。最鐘意嗰個係您呀！媽媽最鐘意嗰個都係您呀（我頗肯定那個不是我…）！知唔知？」
「知。」
「咁以後仲扭唔扭計？可唔可以自己行？」
「唔扭計。」
「大個仔啦，可唔可以自己行？」
「嗯。」
「錫啖先！」
雖然跟他理論是非常要命，但看著他漸漸地變得懂事，心中也很欣慰。
（以上是 Jayson 畫筆下的爸爸。）
~ Lindberg
2011年3月24日
3DS 帶來的健康生活
自從買咗 3DS 之後，我覺得身體好咗。因為…
3DS 為咗鼓勵玩家隨時帶機喺身，所以佢內置咗一個「萬步計」。每行一百步，就會有一個金幣（每日最多十個）。有啲遊戲，需要用呢啲金幣去買野，先至有野玩。唔行，就乜都無。因此，我依家每朝都行路返公司。由 Jayson 學校行返去，大約需要行十五至二十分鐘，二千幾步。真係可以話超額完成（每日行一千步就夠）。但當做下運動，都算唔錯。好多時，都可以行上一萬步。都咪話唔攰㗎。
另一方面，3DS 仲有一個好邪惡嘅功能：StreetPass。因為有佢，就更加需要隨身帶住部 3DS。正如 Wii 一樣，3DS 都可以整自己嗰樣嘅 Mii。Mii 可以開放俾身邊嘅 3DS 自動下載。亦即係話，如果兩部「陌生」嘅 3DS 相遇（只要大約30米範圍內），對方嘅 Mii 就會自動下載落自己部機入面。喺遊戲上，StreetPass 可以有廣泛嘅應用，例如放「任天狗」，就可以同其他人啲狗仔玩。而跟機都已經有一個遊戲，叫做 StreetPass Mii Plaza。就因為呢個遊戲，我需要攞住部機，喺人流高嘅地方遊蕩，希望可以「收集」到其他人嘅 Mii，去繼續玩呢個遊戲。老麥、188 等都係理想嘅「勾搭」地方。好快，我就有一隊軍隊同我殺落去個 dungeon 㗎啦！！嘩哈哈哈… 呵呵呵呵…
~ Lindberg
3DS 為咗鼓勵玩家隨時帶機喺身，所以佢內置咗一個「萬步計」。每行一百步，就會有一個金幣（每日最多十個）。有啲遊戲，需要用呢啲金幣去買野，先至有野玩。唔行，就乜都無。因此，我依家每朝都行路返公司。由 Jayson 學校行返去，大約需要行十五至二十分鐘，二千幾步。真係可以話超額完成（每日行一千步就夠）。但當做下運動，都算唔錯。好多時，都可以行上一萬步。都咪話唔攰㗎。
另一方面，3DS 仲有一個好邪惡嘅功能：StreetPass。因為有佢，就更加需要隨身帶住部 3DS。正如 Wii 一樣，3DS 都可以整自己嗰樣嘅 Mii。Mii 可以開放俾身邊嘅 3DS 自動下載。亦即係話，如果兩部「陌生」嘅 3DS 相遇（只要大約30米範圍內），對方嘅 Mii 就會自動下載落自己部機入面。喺遊戲上，StreetPass 可以有廣泛嘅應用，例如放「任天狗」，就可以同其他人啲狗仔玩。而跟機都已經有一個遊戲，叫做 StreetPass Mii Plaza。就因為呢個遊戲，我需要攞住部機，喺人流高嘅地方遊蕩，希望可以「收集」到其他人嘅 Mii，去繼續玩呢個遊戲。老麥、188 等都係理想嘅「勾搭」地方。好快，我就有一隊軍隊同我殺落去個 dungeon 㗎啦！！嘩哈哈哈… 呵呵呵呵…
~ Lindberg
2011年3月23日
飛飛
「喵嗚…喵嗚…喵嗚…」Julie 跳上 Jayson 的床上不停地叫。
「Jayson，姐姐講咩呀？」我問。
「佢話有蚊喎，佢驚呀。」這個答案令我真的有點意外。莫非他真的聽得明 Julie 說甚應？
「係呀？咁您叫佢唔好驚啦。」我隨便地答 Jayson。
「姐姐唔好驚啦。」
「Jayson，姐姐講貓話㗎。您應該講：喵喵喵…」我笑著跟他說。但相對他之前的答案，我明顯有點…爛。
「喵喵… 爸爸，您睇下上面。」他指著睡房的天花燈。
「嘩！」我不禁大叫了出來。
當我抬頭望上去，即時嚇到面青。在燈罩內有一隻很大的蜜蜂。多昆蟲是這間屋的問題。除了冬天之外，經常都有很多不知名的昆蟲飛進來。而這麼大隻的蜜蜂，還是第一次見。
父子三人，呆呆的望著天花燈。我曾經想過派 Julie 去對付那隻大蜜蜂。可惜 Julie 的身手不及哥哥，加上燈影中，那頭蜜蜂好比獨角獸般大，我也不忍心叫她去。所以我們只好繼續望著盯著那天花燈，等待救星的來臨。
當 Jayson 媽沖完涼出來之後，我叫她拿來對付昆蟲的終極武器：「吸塵霸王 2000」，然後我和它經過一輪生死博鬥，終於把那頭獨角獸般大的蜜蜂，抽到異次元空間去了。阿呢陀佛…
~ Lindberg
「Jayson，姐姐講咩呀？」我問。
「佢話有蚊喎，佢驚呀。」這個答案令我真的有點意外。莫非他真的聽得明 Julie 說甚應？
「係呀？咁您叫佢唔好驚啦。」我隨便地答 Jayson。
「姐姐唔好驚啦。」
「Jayson，姐姐講貓話㗎。您應該講：喵喵喵…」我笑著跟他說。但相對他之前的答案，我明顯有點…爛。
「喵喵… 爸爸，您睇下上面。」他指著睡房的天花燈。
「嘩！」我不禁大叫了出來。
當我抬頭望上去，即時嚇到面青。在燈罩內有一隻很大的蜜蜂。多昆蟲是這間屋的問題。除了冬天之外，經常都有很多不知名的昆蟲飛進來。而這麼大隻的蜜蜂，還是第一次見。
父子三人，呆呆的望著天花燈。我曾經想過派 Julie 去對付那隻大蜜蜂。可惜 Julie 的身手不及哥哥，加上燈影中，那頭蜜蜂好比獨角獸般大，我也不忍心叫她去。所以我們只好繼續望著盯著那天花燈，等待救星的來臨。
當 Jayson 媽沖完涼出來之後，我叫她拿來對付昆蟲的終極武器：「吸塵霸王 2000」，然後我和它經過一輪生死博鬥，終於把那頭獨角獸般大的蜜蜂，抽到異次元空間去了。阿呢陀佛…
~ Lindberg
2011年3月22日
生日快樂
今年嘅生日，可謂百感交雜。喺 面書 上面，收到超多嘅祝賀。以往從未試過，就連中學嘅老師都有留言！究竟係越來越多人用 面書，定係我今年嘅人緣好咗？呢個係一個謎… 但無論如何，都好感激大家對我嘅祝福。雖然我今晚無中到金多寶，但亦都無人中，所以希望在後天！
而今日返工，啲野仍然係煩到嘔，勞氣到嘔。但正如大哥同我所講，既然係我控制範圍之外，既來之，則安之。問題核心嘅外圍，亦即係核心嘅內圍。所以諗得多都無謂。唉…
跟兄弟同屋企人食飯慶祝，真係開心到呢… 食咗三餐自助餐… 睇怕要買過啲褲…
最後，再一次借呢個機會，祝同我同月同日生日嘅好姐姐：白雪，生日快樂。祝佢學業進步，身體健康，心想事成。恭喜… 恭喜…
~ Lindberg
而今日返工，啲野仍然係煩到嘔，勞氣到嘔。但正如大哥同我所講，既然係我控制範圍之外，既來之，則安之。問題核心嘅外圍，亦即係核心嘅內圍。所以諗得多都無謂。唉…
跟兄弟同屋企人食飯慶祝，真係開心到呢… 食咗三餐自助餐… 睇怕要買過啲褲…
最後，再一次借呢個機會，祝同我同月同日生日嘅好姐姐：白雪，生日快樂。祝佢學業進步，身體健康，心想事成。恭喜… 恭喜…
~ Lindberg
2011年3月21日
生日飯@君好
差不多每一個月，我同 Jayson 契爺一班舊同學，都會約出嚟食飯。今個月，契爺話想搵自助餐。但見依家啲自助餐都好貴，無從入手。俾我無意之間，喺 Openrice 隨便搵下，搵到一間咁嘅野：
呢到嘅半自助餐，包括任食前菜及甜品，一款扒類主食。我見個價錢由 $25X 起，就叫契爺研究一下。佢竟然二話不說就訂咗。喺全不知情之下，呢間餐廳帶來好多驚喜。
首先，飲品豐富。每人包一杯餐酒、一杯餐前或餐後酒、及一杯咖啡或茶。四個人就已經俾一支紅酒，雖然我唔飲得，但見到都好高興。如果嚟慶祝生日，每四個人仲會俾一磅蛋糕！所以極之適合一大班人嚟吃喝。可惜我哋冇預先訂到蛋糕，所以冇得食。
前菜選擇雖然唔多，但沙律、凍肉、餐湯等，食完都已經半飽。之後，主菜就嚟啦！我起初以為只係普普通通一塊牛扒，原來係用石燒。
經理好細心咁講解煎牛扒嘅方法。煎好之後，可以放上牛油或香草牛油，令牛扒更加香。
石燒嘅好處，就係可以提升牛扒嘅美味程度。牛扒喺自己面前由生燒到熟，鼻腔就充斥住牛扒嘅香味。加上塊石真係好熱，好快就可以煎香塊肉。唔洗用最靚嘅牛扒，都可以有超乎嘅享受。而最重要係成班朋友一齊食，氣氛都零舍不同。
Jayson 攞咗部相機幫我哋同啲食物影相。
「媽媽鋸扒。」
「我有粟米食。」
之後就冇再影相。因為 Jayson 太喜歡舊粟米，所以插咗個鏡頭落去…
配菜及醬汁都係自己攞。食完仲有甜品、餐後酒、咖啡！唔洗三百蚊有咁多野食，雖然除咗經理之外，其他侍應服務麻麻，但都算係物超所值！絕對值得再去多次。
~ Lindberg
君好扒燒西餐廳 Grill Cafe「等我影下有咩食先…」
地址：灣仔摩理臣山道23號南洋酒店2樓
電話：2831 1280
呢到嘅半自助餐，包括任食前菜及甜品，一款扒類主食。我見個價錢由 $25X 起，就叫契爺研究一下。佢竟然二話不說就訂咗。喺全不知情之下，呢間餐廳帶來好多驚喜。
首先，飲品豐富。每人包一杯餐酒、一杯餐前或餐後酒、及一杯咖啡或茶。四個人就已經俾一支紅酒，雖然我唔飲得，但見到都好高興。如果嚟慶祝生日，每四個人仲會俾一磅蛋糕！所以極之適合一大班人嚟吃喝。可惜我哋冇預先訂到蛋糕，所以冇得食。
前菜選擇雖然唔多，但沙律、凍肉、餐湯等，食完都已經半飽。之後，主菜就嚟啦！我起初以為只係普普通通一塊牛扒，原來係用石燒。
經理好細心咁講解煎牛扒嘅方法。煎好之後，可以放上牛油或香草牛油，令牛扒更加香。
石燒嘅好處，就係可以提升牛扒嘅美味程度。牛扒喺自己面前由生燒到熟，鼻腔就充斥住牛扒嘅香味。加上塊石真係好熱，好快就可以煎香塊肉。唔洗用最靚嘅牛扒，都可以有超乎嘅享受。而最重要係成班朋友一齊食，氣氛都零舍不同。
Jayson 攞咗部相機幫我哋同啲食物影相。
「媽媽鋸扒。」
「我有粟米食。」
之後就冇再影相。因為 Jayson 太喜歡舊粟米，所以插咗個鏡頭落去…
配菜及醬汁都係自己攞。食完仲有甜品、餐後酒、咖啡！唔洗三百蚊有咁多野食，雖然除咗經理之外，其他侍應服務麻麻，但都算係物超所值！絕對值得再去多次。
~ Lindberg
2011年3月17日
拆利是 2011
一如往年，能夠於年十五之後，正月之內拆利是，是一件很難的事。今年，又是過了正月之後才（記得要）拆。先看一看 Jayson 今年的成績。
相比上一年的 106 封，今年有輕微的增長，有 107 封！
除了數目多一封之外，銀碼也很厲害。Jayson 發達啦！
「爸爸，我舊年問您攞銀行月結單，攞到今年都未見嘅？」
「咩啫，依家係電子月結單呀嘛！您唔係爸爸都信唔過呀？！」
「咁您真係成日都周身痕呀嘛！」
今年也收到不少有趣的利是封。一見 Miffy，就知道是 Elma 姑姑送的。
這個除了是利是封之外，上面還有一張張可愛的貼紙！比起入面的銀紙，小朋友更喜歡那個封套。
還有麥兜的祝福！
因為日本剛剛發生的天災，我會為 Jayson 捐一點出來去振災，略盡綿力。更希望可以帶著這些利是的祝福，送到日本有需要的人吧。
~ Lindberg
相比上一年的 106 封，今年有輕微的增長，有 107 封！
除了數目多一封之外，銀碼也很厲害。Jayson 發達啦！
「爸爸，我舊年問您攞銀行月結單，攞到今年都未見嘅？」
「咩啫，依家係電子月結單呀嘛！您唔係爸爸都信唔過呀？！」
「咁您真係成日都周身痕呀嘛！」
今年也收到不少有趣的利是封。一見 Miffy，就知道是 Elma 姑姑送的。
這個除了是利是封之外，上面還有一張張可愛的貼紙！比起入面的銀紙，小朋友更喜歡那個封套。
還有麥兜的祝福！
因為日本剛剛發生的天災，我會為 Jayson 捐一點出來去振災，略盡綿力。更希望可以帶著這些利是的祝福，送到日本有需要的人吧。
~ Lindberg
2011年3月16日
雜感
近排四周都好靜。餐廳都明顯靜咗落嚟。除咗啲父母要趕住去買奶粉，股市大瀉、躲避輻射雨等，我相信大家都無乜心情出街玩。寫好咗一半關於啲開心事情嘅網誌，都冇能力完成落去。唉…
每日望住電視報導日本嘅情況，就好似睇住一個好乖嘅小朋友，俾人欺負一樣，而自己就愛莫能助。心入面好難受，但仍慶幸見到人性美好嘅一面。我相信呢啲品格，唔係話學就學得到，反省就立即會有進步。係需要長時間，一代又一代，建立出嚟嘅價值觀。
希望災難會早日過去，日本可以盡早回復昔日嘅面貌。
唉…
尋日，Jayson 契爺同我用咗另一個方法，去支持日本…嘅經濟。
我賣咗舊嗰部白色 NDSL，換咗部黑色嘅 3DS。可惜 3DS 冇白色，否則，我就可以神不知鬼不覺，來一招偷龍轉鳳。
其實我哋嘅做法都唔係冇道理㗎。買多啲日貨，應該係最理性同直接嘅幫助。好一句：助己助人，如果諗真啲，就知道我無亂講。
而正當欣賞人哋嘅人格之際，老豆剛剛打電話俾我。佢話收到個電話，內容類似：
「你朋友欠我哋錢，你做咗佢擔保，咁你幫佢還。二十八萬！」
「邊個朋友呀？」
「邊個朋友你自己唔知？！依家佢喺我哋到，你想點還？！過數定見面俾？！」
「我幾時有擔保過邊個呀？！」
「咩冇呀！你講你個手提電話同地址嚟。」
「你打電話俾我，你唔知我幾號電話？！」
收線之後，就冇再打過嚟喇。天啊！中國人啲傳統美德去咗邊呀？！
~ Lindberg
每日望住電視報導日本嘅情況，就好似睇住一個好乖嘅小朋友，俾人欺負一樣，而自己就愛莫能助。心入面好難受，但仍慶幸見到人性美好嘅一面。我相信呢啲品格，唔係話學就學得到，反省就立即會有進步。係需要長時間，一代又一代，建立出嚟嘅價值觀。
希望災難會早日過去，日本可以盡早回復昔日嘅面貌。
唉…
尋日，Jayson 契爺同我用咗另一個方法，去支持日本…嘅經濟。
我賣咗舊嗰部白色 NDSL，換咗部黑色嘅 3DS。可惜 3DS 冇白色，否則，我就可以神不知鬼不覺，來一招偷龍轉鳳。
其實我哋嘅做法都唔係冇道理㗎。買多啲日貨，應該係最理性同直接嘅幫助。好一句：助己助人，如果諗真啲，就知道我無亂講。
而正當欣賞人哋嘅人格之際，老豆剛剛打電話俾我。佢話收到個電話，內容類似：
「你朋友欠我哋錢，你做咗佢擔保，咁你幫佢還。二十八萬！」
「邊個朋友呀？」
「邊個朋友你自己唔知？！依家佢喺我哋到，你想點還？！過數定見面俾？！」
「我幾時有擔保過邊個呀？！」
「咩冇呀！你講你個手提電話同地址嚟。」
「你打電話俾我，你唔知我幾號電話？！」
收線之後，就冇再打過嚟喇。天啊！中國人啲傳統美德去咗邊呀？！
~ Lindberg
2011年3月14日
第一次約會
前一個星期，Jayson 和 米B 在家長陪同之下，進行了第一次的約會。
第一次約會，為了隆重其事，我們選擇了一個比較有文化的活動。這次觀賞的音樂會，叫做《兔野U & 熊野900．烏克麗麗真人SHOW》。（其實是親家奶奶選擇的…）
烏克麗麗（Ukulele）這種夏威夷小結他，我一直都想讓 Jayson 接觸一下。原因都是之前在 YouTube 看過的那個日本小子，覺得非常有趣。而且適合小朋友的小手彈奏。但 兔野U 和 熊野900 是誰，真的摸不著頭腦。這次是他們第一次演出（即使在日本也沒試過），所以都很期待。
兩位小情人起初有點尷尬，因為不太清楚之後會發生甚麼事情。但當音樂開始，兔野U 和 熊野900 走出來之後，他們也高興得拍起手來。
音樂會比預期有趣。除了表演本身精彩之外，還有司儀帶動氣氛。歌曲大都耳熟能詳，即使小朋友如 Jayson 和 米B，也懂得《London Bridge》、《多拉A夢》等樂曲，大人就更加聽得投入。看著他們跟著其他觀眾，隨歌拍手，可以的話還跟著唱起來，真的有點感動。
表演結束之後，場外有協辦機構賣夏威夷小結他。一支可愛的小結他，都只是 $300 左右。有很多父母都爭相購買。幸好，我的理性跟我說：買了要去學，才會識得彈！加上 Jayson 媽在我身旁，絕對不宜輕舉妄動。
因為大家都沒有吃過正式的晚餐，所以一起去到附近出名的「明記糖水」。Jayson 一邊看著 米B，一邊吃著紅豆沙，不知是甚應味道呢？而看著他們，我那碗雜果涼粉就肯定更加甜了。呵呵呵呵呵…
~ Lindberg
第一次約會，為了隆重其事，我們選擇了一個比較有文化的活動。這次觀賞的音樂會，叫做《兔野U & 熊野900．烏克麗麗真人SHOW》。（其實是親家奶奶選擇的…）
烏克麗麗（Ukulele）這種夏威夷小結他，我一直都想讓 Jayson 接觸一下。原因都是之前在 YouTube 看過的那個日本小子，覺得非常有趣。而且適合小朋友的小手彈奏。但 兔野U 和 熊野900 是誰，真的摸不著頭腦。這次是他們第一次演出（即使在日本也沒試過），所以都很期待。
兩位小情人起初有點尷尬，因為不太清楚之後會發生甚麼事情。但當音樂開始，兔野U 和 熊野900 走出來之後，他們也高興得拍起手來。
音樂會比預期有趣。除了表演本身精彩之外，還有司儀帶動氣氛。歌曲大都耳熟能詳，即使小朋友如 Jayson 和 米B，也懂得《London Bridge》、《多拉A夢》等樂曲，大人就更加聽得投入。看著他們跟著其他觀眾，隨歌拍手，可以的話還跟著唱起來，真的有點感動。
表演結束之後，場外有協辦機構賣夏威夷小結他。一支可愛的小結他，都只是 $300 左右。有很多父母都爭相購買。幸好，我的理性跟我說：買了要去學，才會識得彈！加上 Jayson 媽在我身旁，絕對不宜輕舉妄動。
因為大家都沒有吃過正式的晚餐，所以一起去到附近出名的「明記糖水」。Jayson 一邊看著 米B，一邊吃著紅豆沙，不知是甚應味道呢？而看著他們，我那碗雜果涼粉就肯定更加甜了。呵呵呵呵呵…
~ Lindberg
2011年3月10日
迷戀 ABC
新屋裝修時，我們設計了一塊磁石白版。高度可以讓 Jayson 在上面玩磁石貼或塗鴉。搬入來的時候，Jayson 對此版興趣不大。隨隨便便在上面貼些顏色磁石或英文字母，用來排位置顏色等。
但這兩個月來，簡直可以用「迷戀」去形容他對這些英文字母的「感情」。當他在玩的時候，我們的說話全部是耳邊風。甚至有一天，米B 來了我們家玩，他也自己顧著玩這塊版！原因，可能是大家也會唱的「ABC」字母歌。
Jayson 總是把這首歌掛在口邊。不停重複再重複。有一天，他跟我說：「爸爸，我識㩒呀。ABC Song… Enter」起初我聽得一頭冒水。 原來他是指他會用 YouTube，搜尋他喜歡的字母歌。在公公的家，他經常要求玩電腦。起初會要求公公到 YouTube，播放他喜歡的歌。之後他己學會了，便誰也管不了。唉…
他除了會唱有不同曲調的版本之外，自從他學了聲學發音（ Phonics）之後，更有聲學版本。因為我不會聲學，所以也不知道他唱得對或錯。到底是學校教，還是 YouTube 教，我們明天會在家長會問過明白。
又有時我會以為他是在亂唱一通。但有一天，當我到公公那裡接 Jayson 時，見他又在看 YouTube。正當要氣上心頭時，發現他跟著唱的，並非英文版本，而是荷蘭文的。唉…
幸好有時他也會叫我們教他串字。至少這個我還懂和有意思。哈哈… 希望找些機會，鼓勵他玩些別的東西，至少看少一點 YouTube 吧。
~ Lindberg
但這兩個月來，簡直可以用「迷戀」去形容他對這些英文字母的「感情」。當他在玩的時候，我們的說話全部是耳邊風。甚至有一天，米B 來了我們家玩，他也自己顧著玩這塊版！原因，可能是大家也會唱的「ABC」字母歌。
Jayson 總是把這首歌掛在口邊。不停重複再重複。有一天，他跟我說：「爸爸，我識㩒呀。ABC Song… Enter」起初我聽得一頭冒水。 原來他是指他會用 YouTube，搜尋他喜歡的字母歌。在公公的家，他經常要求玩電腦。起初會要求公公到 YouTube，播放他喜歡的歌。之後他己學會了，便誰也管不了。唉…
他除了會唱有不同曲調的版本之外，自從他學了聲學發音（ Phonics）之後，更有聲學版本。因為我不會聲學，所以也不知道他唱得對或錯。到底是學校教，還是 YouTube 教，我們明天會在家長會問過明白。
又有時我會以為他是在亂唱一通。但有一天，當我到公公那裡接 Jayson 時，見他又在看 YouTube。正當要氣上心頭時，發現他跟著唱的，並非英文版本，而是荷蘭文的。唉…
幸好有時他也會叫我們教他串字。至少這個我還懂和有意思。哈哈… 希望找些機會，鼓勵他玩些別的東西，至少看少一點 YouTube 吧。
~ Lindberg
2011年3月7日
第一次行山：樹木研習徑
鰂魚涌的後山，經常看見很多行山人士出入。這裡連接著大潭郊野公園、金督馳馬徑及樹木研習徑等，可以行到很遠很遠的地方。以前曾經試過由寶馬山，甚至大譚那裡行回來。但每次行山，都有「死」的覺悟，因為我很容易暈。幾乎每一次，我都會見到「星星」，然後便倒在地上。唉…
所以居住在鰂魚涌十多年，都沒有行過後山。
上個星期，學校有一份功課，需要搜集一些樹葉和草，於是我便提議到後山一行。我跟 Jayson 媽說，如果有甚麼勢色不對（例如 Jayson 不願意行，或我又暈倒），我們便立刻打道回府。帶一些水和乾糧，應該沒有問題。吃了一頓豐富的早餐之後，我們便出發！（但那時已經差不多下午一時了…）
我們屋苑的入口旁邊，便有一條路去郊野公園。行了一會，便到郊野公園的入口。
Jayson 對這裡的環境很有興趣。除了有很多人放狗之外，近距離觀看山林的景色，對他是十分新鮮。上落的梯級，迂回的斜路，也是很有趣的東西。怎麼行也不覺得疲倦。
鳥語花香，溪澗流水，都是一些書本或電視上接觸不到的東西。
Jayson 看到地圖時，又把它當成迷宮，用樹枝走了一次又一次（再一次又一次…然後又…）。
但即使看了地圖，我們還是走錯路。當我們行到半路中途，遇到一個分岔路。一邊到我們想去的柏架山道，另一邊是去大風坳。看地圖，應該行大風坳那邊。但最後，還是選擇去柏架山道那邊。行了十五分鐘，見不太像樣，問了其他行山人士之後，才知道行錯路！
回到分岔路，我們問 Jayson 要不要繼續行。之為剛剛一段比較辛苦的路段，會令他放棄繼續向前行，但他竟然還很興奮。於是我們便照原先的路線，繼續向前行。最終，應該會從屋企的另一面落山。
幸好這有不少涼亭，可以休息一下。 我們也坐下來，補充一些體力。
行了大約半小時的冤枉路，終於行對了。見到抗戰時造的「大爐灶」。
「嗱，下面就放木頭，上面就放鑊煮野食。我要煮咗 Jayson 豬食呀！」
「唔係呀！我唔係豬！我係蛇！」
不知道是甚麼原因，Jayson 由細到大，都堅稱自己是蛇（我是朱古力）。
「大爐灶」這個地方，玩捉迷藏也不錯。忽然間，Jayson 拿起之前拾起的樹枝，在沙地上寫起「ABC」來。
對自己的書法很滿意的樣子。畫完又畫，擾攘了很久才肯離去。
這條「樹木研習徑」有很多介紹樹木的指示牌。令行山更有樂趣。
小魚和松鼠，只要細心去找也會看到。野貓和寵物狗，更多不勝數。
行了三小時，終於完成這次「壯舉」。除了收隻到一些不同的樹葉和草，Jayson 由頭行到尾，我亦沒有暈倒。去到近山腳的時候，Jayson 終於筋疲力盡。我抱起他，行進了大家樂，然後享用一頓豐富的茶餐去獎勵自己…。呵呵呵…
~ Lindberg
所以居住在鰂魚涌十多年，都沒有行過後山。
上個星期，學校有一份功課，需要搜集一些樹葉和草，於是我便提議到後山一行。我跟 Jayson 媽說，如果有甚麼勢色不對（例如 Jayson 不願意行，或我又暈倒），我們便立刻打道回府。帶一些水和乾糧，應該沒有問題。吃了一頓豐富的早餐之後，我們便出發！（但那時已經差不多下午一時了…）
我們屋苑的入口旁邊，便有一條路去郊野公園。行了一會，便到郊野公園的入口。
Jayson 對這裡的環境很有興趣。除了有很多人放狗之外，近距離觀看山林的景色，對他是十分新鮮。上落的梯級，迂回的斜路，也是很有趣的東西。怎麼行也不覺得疲倦。
鳥語花香，溪澗流水，都是一些書本或電視上接觸不到的東西。
Jayson 看到地圖時，又把它當成迷宮，用樹枝走了一次又一次（再一次又一次…然後又…）。
但即使看了地圖，我們還是走錯路。當我們行到半路中途，遇到一個分岔路。一邊到我們想去的柏架山道，另一邊是去大風坳。看地圖，應該行大風坳那邊。但最後，還是選擇去柏架山道那邊。行了十五分鐘，見不太像樣，問了其他行山人士之後，才知道行錯路！
回到分岔路，我們問 Jayson 要不要繼續行。之為剛剛一段比較辛苦的路段，會令他放棄繼續向前行，但他竟然還很興奮。於是我們便照原先的路線，繼續向前行。最終，應該會從屋企的另一面落山。
幸好這有不少涼亭，可以休息一下。 我們也坐下來，補充一些體力。
行了大約半小時的冤枉路，終於行對了。見到抗戰時造的「大爐灶」。
「嗱，下面就放木頭，上面就放鑊煮野食。我要煮咗 Jayson 豬食呀！」
「唔係呀！我唔係豬！我係蛇！」
不知道是甚麼原因，Jayson 由細到大，都堅稱自己是蛇（我是朱古力）。
「大爐灶」這個地方，玩捉迷藏也不錯。忽然間，Jayson 拿起之前拾起的樹枝，在沙地上寫起「ABC」來。
對自己的書法很滿意的樣子。畫完又畫，擾攘了很久才肯離去。
這條「樹木研習徑」有很多介紹樹木的指示牌。令行山更有樂趣。
小魚和松鼠，只要細心去找也會看到。野貓和寵物狗，更多不勝數。
行了三小時，終於完成這次「壯舉」。除了收隻到一些不同的樹葉和草，Jayson 由頭行到尾，我亦沒有暈倒。去到近山腳的時候，Jayson 終於筋疲力盡。我抱起他，行進了大家樂，然後享用一頓豐富的茶餐去獎勵自己…。呵呵呵…
~ Lindberg
2011年3月3日
病況更新 乙型肝炎的治療
因為肝酵素回升，上年九月嘅時候，我要作出人生嘅一個大決定：就係食唔藥。一食，就要食一世。除咗要考慮副作用之外，如果病毒變種，就要換藥。喺作出咁大嘅決定之前，當然要慎重研究一下先啦。
首先，要理解問題之所在。乙型肝炎帶菌者，係因為身體做唔到適當嘅抗體出嚟。而做唔做到抗體，係決定於啲基因。正所謂：「命裡無時，莫強求…」肝炎病毒會存在喺肝細胞入面，而好多時都會相安無事。但萬一身體唔知「發咩神經」，要打啲痛毒，咁就大鑊啦。第一，佢冇正確嘅武器（抗體），點可能打得贏？第二，佢要打啲病毒，就會打爛啲肝細胞。於是，打唔贏又要不停咁打，肝就會發炎。驗血嘅時候，就會發現有爛咗嘅肝細胞所散發出嘅肝酵素。肝酵素越高，即係個肝發炎越嚴重。之後咪肝硬化、肝癌之類囉。
因此，要諗下點樣先唔會發動啲無謂嘅戰爭。於是，我去見 郭生 嘅外母大人。久聞佢嘅中醫術高明，我想俾佢睇下，會唔會我身體有其他毛病，以致「發咩神經」。經診斷之後，佢話我脾係比較弱。然後佢同我講，中醫藥暫時係無辦法醫肝炎。聽到呢句之後，我差啲想攬住佢。因為好難搵到一個好嘅醫師。某啲草藥係有抗病毒嘅功效，例如蚤休、山豆根、虎杖、大黃、丹參、菁蒿等，都有抗病毒的能力。不過嗰啲藥有效，同食西藥有咩分別呢？大家都係用某啲方法去減少病毒繁殖咋嘛。所以後果和副作用都係一樣。
大人話中藥嘅主旨係「扶正驅邪」。喺我嘅情況，就係整好個脾，身體好，自然無病無痛。所以中藥可以幫到我嘅，就係處理咗我啲「發咩神經 」，令到我唔好打自己個肝。佢開咗張藥方俾我，每日服藥。
幾日後，當我見過教授，我就決定咗食西藥。食西藥嘅原因，並非我信唔過大人。而係佢令我明白到，我嘅問題係身體入面有太多病毒。即使可以搞到自己唔打自己，數唔清（超過可測試嘅範圍）嘅病毒，始終係我身體入面嘅計時炸彈。
教授要我食 Entecavir，每日一粒。每日要食 $70 一粒嘅藥，真係異常肉赤。但肉赤總好過身體有事，唯有之後排政府醫院，希望佢俾藥我食（但要排九個月！！！）。除此之外，大人仲開咗另一條藥方俾我。不過唔係乜野治療用嘅中藥，可以的話就每日飲用。
理論上，肝病病人，中藥係唔可以亂食，因為有機會加重個肝嘅負擔，令發炎更加厲害。但我個人認為，西藥係「治本不治標」，中藥就「治標不治本」。理由係之前所講，西藥直接控制隻病毒，即係治理根源「驅邪」。但對身體其他問題，就置於不理。但中藥喺我呢個情況，又做唔到治本「驅邪」嘅角色。喺未期嘅肝病病人，中藥確實有好顯著嘅幫助。因為佢可以去水腫，治理其他病徵等，令病人舒服啲。但到咗嗰個時候，都冇乜話治標或治本囉。所以我用西藥治本驅邪，喺情況許可下，以中藥治其他本去扶正。
過咗三個月，喺十二月再驗血嘅時候，肝酵素回復正常。病毒數量由 10^7 跌到落 10^3！足足少咗四個零。教授覺得好滿意。最好嘅情況，係只有幾粒。但一定殺唔晒，所以就唔可以停藥。如果停咗的話，有機會又生好多病毒出嚟，而且更有機會變種，到時就仲大鑊！佢話五個月後驗血，情況應該會仲好。
其實仲有其他嘅方法醫肝炎。其中一樣，就係打針。原理同食藥差不多，但就「勁」好多。一個星期一支嘅 Pegasys，打足五十二個星期。有機會清晒啲病毒，清晒就冇事囉。但可惜亦有機會清唔晒。清唔晒就要行番舊路，食一世藥。再加上副作用聽落好恐怖，真係諗都費時。
除此之外，仲有個激啲嘅方法。就係做骨髓移植。呢個做法冇乜人提及過，但實際上係有人（為咗醫血病）試過係得。理由都好合理。骨髓係來自第三者，入面有唔同嘅基因。如果佢有做到對付乙型肝炎抗體嘅基因，咁就有可能「起死回生」喇。同一道理，肝臟移植都可能做得到「一勞永逸」。不過，一定冇人會咁樣做。未來日子，我相信基因改造應該係另一個可行嘅方向。
十二月除咗驗血，我仲做咗個超聲波掃描。肝臟健康，但有少少脂肪肝！一定係前排食得太盡… 要清淡啲啦。唉… 大人喺藥方中，加咗啲山楂，希望可以幫我消下脂啦。因為肝藏入面嘅脂肪，唔係咁易減㗎。唉…
但另一方面，喺我搜集資料嘅時候，我發現咗另一個問題。如果天生嘅基因做唔到抗體，咁打肝炎疫苗咪即係未必有用？！呢個問題困惑咗我好耐，所以叫 Jayson 媽問下佢啲精通病理嘅醫生。一問之下，原來係真㗎！有兩成嘅人，做得唔夠多抗體，甚至根本做唔到抗體。再加上乙型肝炎都有八款咁多（我中咗最常見嗰種），所以即使打咗防疫針，都未必有用。大鑊！等我仲以為 Jayson 實冇事，下下大啖大啖咀落去。醫生話小朋友最好喺大個啲嘅時候，驗一驗有冇乙型肝炎抗體，唔夠多抗體就要補支針。如果完全冇抗體的話，咁就要自己留意啦。佢仲話我之前咁多病毒，真係小心啲好。唉… 點解呢啲野冇人同我講㗎？！希望 Jayson 可以遺傳到佢阿媽啲好野啦（佢阿媽做到抗體）。
乙型肝炎雖然可怕，但只要定期驗血，留意住自己身體嘅情況，唔好令個肝太過操勞，生活都可以好正常嘅。為人父母的話，如果自己係肝炎帶菌者，就要留意下我以上講嘅野啦。祝大家身體健康！
~ Lindberg
首先，要理解問題之所在。乙型肝炎帶菌者，係因為身體做唔到適當嘅抗體出嚟。而做唔做到抗體，係決定於啲基因。正所謂：「命裡無時，莫強求…」肝炎病毒會存在喺肝細胞入面，而好多時都會相安無事。但萬一身體唔知「發咩神經」，要打啲痛毒，咁就大鑊啦。第一，佢冇正確嘅武器（抗體），點可能打得贏？第二，佢要打啲病毒，就會打爛啲肝細胞。於是，打唔贏又要不停咁打，肝就會發炎。驗血嘅時候，就會發現有爛咗嘅肝細胞所散發出嘅肝酵素。肝酵素越高，即係個肝發炎越嚴重。之後咪肝硬化、肝癌之類囉。
因此，要諗下點樣先唔會發動啲無謂嘅戰爭。於是，我去見 郭生 嘅外母大人。久聞佢嘅中醫術高明，我想俾佢睇下，會唔會我身體有其他毛病，以致「發咩神經」。經診斷之後，佢話我脾係比較弱。然後佢同我講，中醫藥暫時係無辦法醫肝炎。聽到呢句之後，我差啲想攬住佢。因為好難搵到一個好嘅醫師。某啲草藥係有抗病毒嘅功效，例如蚤休、山豆根、虎杖、大黃、丹參、菁蒿等，都有抗病毒的能力。不過嗰啲藥有效，同食西藥有咩分別呢？大家都係用某啲方法去減少病毒繁殖咋嘛。所以後果和副作用都係一樣。
大人話中藥嘅主旨係「扶正驅邪」。喺我嘅情況，就係整好個脾，身體好，自然無病無痛。所以中藥可以幫到我嘅，就係處理咗我啲「發咩神經 」，令到我唔好打自己個肝。佢開咗張藥方俾我，每日服藥。
幾日後，當我見過教授，我就決定咗食西藥。食西藥嘅原因，並非我信唔過大人。而係佢令我明白到，我嘅問題係身體入面有太多病毒。即使可以搞到自己唔打自己，數唔清（超過可測試嘅範圍）嘅病毒，始終係我身體入面嘅計時炸彈。
教授要我食 Entecavir，每日一粒。每日要食 $70 一粒嘅藥，真係異常肉赤。但肉赤總好過身體有事，唯有之後排政府醫院，希望佢俾藥我食（但要排九個月！！！）。除此之外，大人仲開咗另一條藥方俾我。不過唔係乜野治療用嘅中藥，可以的話就每日飲用。
理論上，肝病病人，中藥係唔可以亂食，因為有機會加重個肝嘅負擔，令發炎更加厲害。但我個人認為，西藥係「治本不治標」，中藥就「治標不治本」。理由係之前所講，西藥直接控制隻病毒，即係治理根源「驅邪」。但對身體其他問題，就置於不理。但中藥喺我呢個情況，又做唔到治本「驅邪」嘅角色。喺未期嘅肝病病人，中藥確實有好顯著嘅幫助。因為佢可以去水腫，治理其他病徵等，令病人舒服啲。但到咗嗰個時候，都冇乜話治標或治本囉。所以我用西藥治本驅邪，喺情況許可下，以中藥治其他本去扶正。
過咗三個月，喺十二月再驗血嘅時候，肝酵素回復正常。病毒數量由 10^7 跌到落 10^3！足足少咗四個零。教授覺得好滿意。最好嘅情況，係只有幾粒。但一定殺唔晒，所以就唔可以停藥。如果停咗的話，有機會又生好多病毒出嚟，而且更有機會變種，到時就仲大鑊！佢話五個月後驗血，情況應該會仲好。
其實仲有其他嘅方法醫肝炎。其中一樣，就係打針。原理同食藥差不多，但就「勁」好多。一個星期一支嘅 Pegasys，打足五十二個星期。有機會清晒啲病毒，清晒就冇事囉。但可惜亦有機會清唔晒。清唔晒就要行番舊路，食一世藥。再加上副作用聽落好恐怖，真係諗都費時。
除此之外，仲有個激啲嘅方法。就係做骨髓移植。呢個做法冇乜人提及過，但實際上係有人（為咗醫血病）試過係得。理由都好合理。骨髓係來自第三者，入面有唔同嘅基因。如果佢有做到對付乙型肝炎抗體嘅基因，咁就有可能「起死回生」喇。同一道理，肝臟移植都可能做得到「一勞永逸」。不過，一定冇人會咁樣做。未來日子，我相信基因改造應該係另一個可行嘅方向。
十二月除咗驗血，我仲做咗個超聲波掃描。肝臟健康，但有少少脂肪肝！一定係前排食得太盡… 要清淡啲啦。唉… 大人喺藥方中，加咗啲山楂，希望可以幫我消下脂啦。因為肝藏入面嘅脂肪，唔係咁易減㗎。唉…
但另一方面，喺我搜集資料嘅時候，我發現咗另一個問題。如果天生嘅基因做唔到抗體，咁打肝炎疫苗咪即係未必有用？！呢個問題困惑咗我好耐，所以叫 Jayson 媽問下佢啲精通病理嘅醫生。一問之下，原來係真㗎！有兩成嘅人，做得唔夠多抗體，甚至根本做唔到抗體。再加上乙型肝炎都有八款咁多（我中咗最常見嗰種），所以即使打咗防疫針，都未必有用。大鑊！等我仲以為 Jayson 實冇事，下下大啖大啖咀落去。醫生話小朋友最好喺大個啲嘅時候，驗一驗有冇乙型肝炎抗體，唔夠多抗體就要補支針。如果完全冇抗體的話，咁就要自己留意啦。佢仲話我之前咁多病毒，真係小心啲好。唉… 點解呢啲野冇人同我講㗎？！希望 Jayson 可以遺傳到佢阿媽啲好野啦（佢阿媽做到抗體）。
乙型肝炎雖然可怕，但只要定期驗血，留意住自己身體嘅情況，唔好令個肝太過操勞，生活都可以好正常嘅。為人父母的話，如果自己係肝炎帶菌者，就要留意下我以上講嘅野啦。祝大家身體健康！
~ Lindberg