聽見之後，真的令我捧腹大笑。叫我怎可不跟他分享呢？
家中有小朋友，新年特別多趣事。Jayson 今年比較主動向人說恭賀年祝福，但他還不懂得已結婚的人才會派利是。年初一那天，他走向我一個未婚的表哥面前，細細聲說了一句恭喜發財，然後眼金金的望著對方等收利是。尷尬的我，只好拉這小可愛到一邊。
除此之外，今年跟往年也是差不多。繼續買不到「德成號」的蛋卷做禮物。家中的「樂家杏仁糖」只有一小包，仍舊需要有限額地配給，一粒要三個人分。以及拍到一張不錯的半家福…
~ Lindberg
2012年1月31日
新年趣事多
Jayson 從公公的糖果盒中，拿了一粒金莎給我。然後眼金金細細聲望著我說:「分享金莎，共享非凡。」
聽見之後，真的令我捧腹大笑。叫我怎可不跟他分享呢？
家中有小朋友，新年特別多趣事。Jayson 今年比較主動向人說恭賀年祝福，但他還不懂得已結婚的人才會派利是。年初一那天，他走向我一個未婚的表哥面前，細細聲說了一句恭喜發財，然後眼金金的望著對方等收利是。尷尬的我，只好拉這小可愛到一邊。
除此之外，今年跟往年也是差不多。繼續買不到「德成號」的蛋卷做禮物。家中的「樂家杏仁糖」只有一小包，仍舊需要有限額地配給，一粒要三個人分。以及拍到一張不錯的半家福…
~ Lindberg
聽見之後，真的令我捧腹大笑。叫我怎可不跟他分享呢？
家中有小朋友，新年特別多趣事。Jayson 今年比較主動向人說恭賀年祝福，但他還不懂得已結婚的人才會派利是。年初一那天，他走向我一個未婚的表哥面前，細細聲說了一句恭喜發財，然後眼金金的望著對方等收利是。尷尬的我，只好拉這小可愛到一邊。
除此之外，今年跟往年也是差不多。繼續買不到「德成號」的蛋卷做禮物。家中的「樂家杏仁糖」只有一小包，仍舊需要有限額地配給，一粒要三個人分。以及拍到一張不錯的半家福…
~ Lindberg
2012年1月27日
越南咖啡
今年到 Jayson 舅父屋企拜年，有一個意外嘅收穫。之前有人送咗一套越南咖啡套裝俾佢，因為佢哋少飲咖啡，所以「名劍贈烈士」，轉送咗俾我哋。有新玩具，當然興奮啦！多謝舅父！
經過多次測試及網上研究之後，沖法其實都好簡單：
「北漏杜拉，木剪塞眛，夜團印越喃，打奪執行大含禁…」
相比一杯意式咖啡，越南咖啡真係濃烈好多。咖啡粉豆被磨得好幼細，跟熱水接觸五分鐘咁耐，乜嘢咖啡因都沖哂出嚟。經「人體測試」之後，精神力提高超過三倍有多（唔好問我點測試）。
加上舅父呢包咖啡味道非常唔錯。我覺得帶有少少椰子嘅香味。但唔知係因為啲煉奶，或者係過濾器嘅關系，咖啡飲落口嘅感覺有啲啲稠，滑得嚟又好似粉粉哋。而且真係濃得好緊要，唔係每個人都接受得到。可能落一半嘅咖啡粉其實都已經夠。但我就係最鐘呢種獨特嘅異國風味。好適合一個懶洋洋嘅下午，慢慢滴一杯，享受一刻咖啡時光。
~ Lindberg
經過多次測試及網上研究之後，沖法其實都好簡單：
- 放20克左右嘅咖啡粉落個濾壼入面，輕輕撴一撴。
- 再放個圓形壓板上去，輕輕壓一壓。
- 咖啡杯要用滾水去沖洗預熱。呢個步驟好重要，唔係杯咖啡沖出嚟會好凍。加大約一湯匙嘅煉奶入咖啡杯，然後放濾杯連底碟上去。
- 倒大約 20ml 嘅滾水落去濾壼，等啲咖啡粉可以好好吸收水份。呢個步驟更加重要！唔係就唔夠咖啡味。
- 之後就倒多 45ml 嘅滾水（即係倒到上濾壼邊）。冚蓋保溫，等大約五分鐘就會漏完。
「北漏杜拉，木剪塞眛，夜團印越喃，打奪執行大含禁…」
相比一杯意式咖啡，越南咖啡真係濃烈好多。咖啡粉豆被磨得好幼細，跟熱水接觸五分鐘咁耐，乜嘢咖啡因都沖哂出嚟。經「人體測試」之後，精神力提高超過三倍有多（唔好問我點測試）。
加上舅父呢包咖啡味道非常唔錯。我覺得帶有少少椰子嘅香味。但唔知係因為啲煉奶，或者係過濾器嘅關系，咖啡飲落口嘅感覺有啲啲稠，滑得嚟又好似粉粉哋。而且真係濃得好緊要，唔係每個人都接受得到。可能落一半嘅咖啡粉其實都已經夠。但我就係最鐘呢種獨特嘅異國風味。好適合一個懶洋洋嘅下午，慢慢滴一杯，享受一刻咖啡時光。
~ Lindberg
2012年1月26日
貓最好的朋友
如果人最好的朋友是狗，那麼貓最好的朋友一定是…
…暖爐。
今個春節真係特別凍。一日凍過一日。如果唔係因為要拜年，真係想好似 Julie 咁，成日黐住個暖爐。好舒服呀…
~ Lindberg
…暖爐。
今個春節真係特別凍。一日凍過一日。如果唔係因為要拜年，真係想好似 Julie 咁，成日黐住個暖爐。好舒服呀…
~ Lindberg
2012年1月23日
2012年1月20日
我們的孫兒
有一晚，幫 Jayson 按摩完之後，他跟我說… 「爸爸，我好鐘意您俾我粒玉呀。」
「係呀？爸爸由細戴到大㗎啦。咁您要好好保管佢，第二時就俾您個 Baby 啦。」我回答說。
「我個 Baby 叫咩名呀？」
「您個 Baby 梗係您自己改啦。跟我哋姓咪得囉。」
「咁叫「安兒」啦。」
「吓？」難忍心中的雀躍，我不禁笑了出來。「「安兒」？您有同學仔叫呢個名咩？」
「唔係呀…」
「咁呢個名邊到嚟㗎？」莫非是那隻奶粉牌子的廣告？！
「我自己諗嗰囉…」
「「安兒」好好聽呀。」心裡突然感到很溫暖。「等爸爸幫您記住佢，第二時提番您啦。咁… 安兒係男仔定女仔？」
「我都唔知喎…」
哈哈哈… 很期待那一日的來臨。希望不用等得太久，但亦不能太早呀！！！
~ Lindberg
「係呀？爸爸由細戴到大㗎啦。咁您要好好保管佢，第二時就俾您個 Baby 啦。」我回答說。
「我個 Baby 叫咩名呀？」
「您個 Baby 梗係您自己改啦。跟我哋姓咪得囉。」
「咁叫「安兒」啦。」
「吓？」難忍心中的雀躍，我不禁笑了出來。「「安兒」？您有同學仔叫呢個名咩？」
「唔係呀…」
「咁呢個名邊到嚟㗎？」莫非是那隻奶粉牌子的廣告？！
「我自己諗嗰囉…」
「「安兒」好好聽呀。」心裡突然感到很溫暖。「等爸爸幫您記住佢，第二時提番您啦。咁… 安兒係男仔定女仔？」
「我都唔知喎…」
哈哈哈… 很期待那一日的來臨。希望不用等得太久，但亦不能太早呀！！！
~ Lindberg
2012年1月18日
台灣之旅： 第一天 士林之夜
今個聖誕，我哋跟屋企人一齊到台灣玩。如果唔係因為全家齊人（十九人），我哋都唔係太想飛，因為旺季飛真係好貴！！！
飛機上，長榮嘅坐位好舒服。我哋懷疑俾人放咗喺機頭嘅商務客位，因為見同後面啲位有啲唔同。而且同前排有好一段距離，坐得幾爽。Jayson 帶咗一個好危險嘅「過四關」遊戲去玩。我好驚佢唔見哂啲粒粒，因為呢件係我幾十年前嘅玩具！跌咗幾粒就冇得玩啦。
酒店喺台北 101 附近。安頓好之後，爸爸面帶不悅咁問：「呢間酒店邊個揀㗎？」
二嫂答：「係家姐同我囉…」
爸爸好失望咁話：「我以前住嗰間，一落街就有好多靚女㗎。點解呢到乜都無？」
突然間，我覺得跟爸爸嘅距離拉近咗。
（因此，我已經將以上酒店列入黑名單！）
兩點幾到酒店，成班細路掛住玩，搞到四點幾先出到門口。第一個節目，就係去掃街！適逢 Jayson 契爺都蒞咗台北，所以我哋離開大隊，走咗去搵契爺契媽到士林夜市掃街。
先來「阿宗麵線」打底。印象中仲係西門町嘅膠碗麵線。依家有位坐（但冇枱），可以舒舒服服咁食。Jayson 好鐘意食，果然係福建人！
因為要先令 Jayson 食得飽，我哋去咗買立體造型雞蛋榚，亦即係有造型嘅雞蛋仔。
「Jayson，唔好吞槍呀！」
除咗得意，味道真係非常一般。之後就豪一豪，豪大大雞排！雖然香港都有豪大大，味道都冇乜分別。但喺呢到食，氣氛已經唔同啲啦！
生煎包。很多蔥！唔洗客氣。
山豬肉腸配日本芥末汁。其實好多種醬汁，我是但選擇咗日本芥末汁。出奇地刺激好味！
食得七七八八，我哋決定去新士林市場睇下。新士林市場前一日先開張，所以好多人都趁熱鬧嚟睇下。
新士林市場地面係賣乾貨，地庫就賣熟食。一落到樓下，真係超多人！同行年宵冇乜分別，一個貼一個咁行。好誇張呀…
除咗超多人，呢到仲有超大油煙！煙霧彌漫，真係伸手不見腳趾。食物種類好多，地道小吃、蚵仔煎、花枝焿、鐵板燒、粉圓愛玉等，應有盡有。每一檔都燒到火紅火綠，所以油煙好勁。
可能因為只係開幕了一日，所以即使係星期一晚，都係超多人！
我心諗，如果喺香港，呢到一定出唔到牌。地庫咁多油煙，又有明火，如果發生甚麼意外，例如火燭、氣體爆炸等，後果不堪設想。不過正因如此，台灣嘅飲食文化先有得咁百花齊放。不過俾著我下次都未必敢再蒞…
因為 Jayson 瞓著咗，Jayson 兩母子無落到嚟。佢媽咪想食大餅包小餅，所以我買咗一個紅豆餡嘅。軟皮包住一個炸脆咗嘅麵餅，入面包住紅豆。口感層次唔錯，不過味道唔夠突出。我鐘意食甜啲。
契爺來了一個蚵仔煎。喺寒冷嘅天氣之下，份外好味。
離開咗呢個危險地方之後，就去搵雪片做甜品。四碗價錢，香港只係食到一碗。真係超抵呀！
最後，我哋買咗幾個「大上海」嘅生煎包，俾 Jayson 做宵夜。然後就跟契爺契媽道別，佢哋第二日就要飛番香港，而我哋就會繼續我哋嘅七日之旅。
~ Lindberg
飛機上，長榮嘅坐位好舒服。我哋懷疑俾人放咗喺機頭嘅商務客位，因為見同後面啲位有啲唔同。而且同前排有好一段距離，坐得幾爽。Jayson 帶咗一個好危險嘅「過四關」遊戲去玩。我好驚佢唔見哂啲粒粒，因為呢件係我幾十年前嘅玩具！跌咗幾粒就冇得玩啦。
酒店喺台北 101 附近。安頓好之後，爸爸面帶不悅咁問：「呢間酒店邊個揀㗎？」
二嫂答：「係家姐同我囉…」
爸爸好失望咁話：「我以前住嗰間，一落街就有好多靚女㗎。點解呢到乜都無？」
突然間，我覺得跟爸爸嘅距離拉近咗。
（因此，我已經將以上酒店列入黑名單！）
兩點幾到酒店，成班細路掛住玩，搞到四點幾先出到門口。第一個節目，就係去掃街！適逢 Jayson 契爺都蒞咗台北，所以我哋離開大隊，走咗去搵契爺契媽到士林夜市掃街。
先來「阿宗麵線」打底。印象中仲係西門町嘅膠碗麵線。依家有位坐（但冇枱），可以舒舒服服咁食。Jayson 好鐘意食，果然係福建人！
因為要先令 Jayson 食得飽，我哋去咗買立體造型雞蛋榚，亦即係有造型嘅雞蛋仔。
「Jayson，唔好吞槍呀！」
除咗得意，味道真係非常一般。之後就豪一豪，豪大大雞排！雖然香港都有豪大大，味道都冇乜分別。但喺呢到食，氣氛已經唔同啲啦！
生煎包。很多蔥！唔洗客氣。
山豬肉腸配日本芥末汁。其實好多種醬汁，我是但選擇咗日本芥末汁。出奇地刺激好味！
食得七七八八，我哋決定去新士林市場睇下。新士林市場前一日先開張，所以好多人都趁熱鬧嚟睇下。
新士林市場地面係賣乾貨，地庫就賣熟食。一落到樓下，真係超多人！同行年宵冇乜分別，一個貼一個咁行。好誇張呀…
可能因為只係開幕了一日，所以即使係星期一晚，都係超多人！
我心諗，如果喺香港，呢到一定出唔到牌。地庫咁多油煙，又有明火，如果發生甚麼意外，例如火燭、氣體爆炸等，後果不堪設想。不過正因如此，台灣嘅飲食文化先有得咁百花齊放。不過俾著我下次都未必敢再蒞…
因為 Jayson 瞓著咗，Jayson 兩母子無落到嚟。佢媽咪想食大餅包小餅，所以我買咗一個紅豆餡嘅。軟皮包住一個炸脆咗嘅麵餅，入面包住紅豆。口感層次唔錯，不過味道唔夠突出。我鐘意食甜啲。
契爺來了一個蚵仔煎。喺寒冷嘅天氣之下，份外好味。
離開咗呢個危險地方之後，就去搵雪片做甜品。四碗價錢，香港只係食到一碗。真係超抵呀！
最後，我哋買咗幾個「大上海」嘅生煎包，俾 Jayson 做宵夜。然後就跟契爺契媽道別，佢哋第二日就要飛番香港，而我哋就會繼續我哋嘅七日之旅。
~ Lindberg
2012年1月17日
鋼琴來了
這個年代，讓小朋友學樂器好像是必然的事。為了一張升學用的證書也好，為了培育小朋友的修養也好，又或是為了填補父母小時候沒機會接觸的空虛也好，總要有一樂器旁身。我們也不例外。
「Jayson，您鐘意玩咩樂器呀？」
「鋼琴！」
「真嘅？！」
「真！」
雖然明知答案不能作準，但沒試過總是不甘心。我小時候沒有機會接觸樂器，當然希望有能力的話，讓小朋友去學一下。而且身為「四仔」，更知道音樂對我們的影響，給 Jayson 多一個渠道去抒發情感。
於是，我打了電話給 熙爸，向他打聽學琴的事宜。熙熙三歲已經彈得一手好鋼琴。我很相信是因為他的能力和性格，而非父母的鞭策。熙爸說他們要換琴，以我的理解，是因為他需要一個更大的共鳴箱。他問我們要不要他們的舊琴，我當然立即答應啦！
其實當新屋裝修的時候，已經在飯廳預留了空間及電源。放了鋼琴之後，飯廳細了一大半！
我沒有想過座琴會是咖啡色的。出奇地襯色！雖然 熙爸買的時候已是陳列品，但亦保養得不錯。他的理念非常正確，如果要認真學琴，沒可能每晚租琴房去練習。先買個最平的回來，如果真的有能力和興趣，才換個好的。舊的，就當然益了好朋友：我。
熙爸除了找人運送這座鋼琴給我們，還替我們找來調音師。熙爸的服務好到無話可說！調音師說除了需要換一兩條彈弓之外，鋼琴的性能還很好。並鼓勵 Jayson 要努力學習，每天也要彈二十分鐘。我相信這座琴得到 熙熙的「開光」，Jayson 必定會如有神助！嘩哈哈哈哈… 真的有點令我回想起當年抄 熙爸功課的日子。
而多了這座琴，亦帶來一個意外驚喜。那張琴椅的高度，剛好可以讓 Jayson 坐著食飯。而因為換了位置，他看不到電視，可以專心一點吃飯。而我就終於可以在食飯時看電視了！！！呵呵呵呵呵…
另一方面，一對一的鋼琴班亦都開始了。每個星期一堂，每堂半小時。原本我想上四十五分鐘，但 熙爸說半小時已經很足夠。果然要一個小朋友上半小時的鋼琴堂，是一件很吃力的事！Jayson 第一堂的表現，令我很佩服。希望 Jayson 會喜歡彈琴吧！
~ Lindberg
「Jayson，您鐘意玩咩樂器呀？」
「鋼琴！」
「真嘅？！」
「真！」
雖然明知答案不能作準，但沒試過總是不甘心。我小時候沒有機會接觸樂器，當然希望有能力的話，讓小朋友去學一下。而且身為「四仔」，更知道音樂對我們的影響，給 Jayson 多一個渠道去抒發情感。
於是，我打了電話給 熙爸，向他打聽學琴的事宜。熙熙三歲已經彈得一手好鋼琴。我很相信是因為他的能力和性格，而非父母的鞭策。熙爸說他們要換琴，以我的理解，是因為他需要一個更大的共鳴箱。他問我們要不要他們的舊琴，我當然立即答應啦！
其實當新屋裝修的時候，已經在飯廳預留了空間及電源。放了鋼琴之後，飯廳細了一大半！
我沒有想過座琴會是咖啡色的。出奇地襯色！雖然 熙爸買的時候已是陳列品，但亦保養得不錯。他的理念非常正確，如果要認真學琴，沒可能每晚租琴房去練習。先買個最平的回來，如果真的有能力和興趣，才換個好的。舊的，就當然益了好朋友：我。
熙爸除了找人運送這座鋼琴給我們，還替我們找來調音師。熙爸的服務好到無話可說！調音師說除了需要換一兩條彈弓之外，鋼琴的性能還很好。並鼓勵 Jayson 要努力學習，每天也要彈二十分鐘。我相信這座琴得到 熙熙的「開光」，Jayson 必定會如有神助！嘩哈哈哈哈… 真的有點令我回想起當年抄 熙爸功課的日子。
而多了這座琴，亦帶來一個意外驚喜。那張琴椅的高度，剛好可以讓 Jayson 坐著食飯。而因為換了位置，他看不到電視，可以專心一點吃飯。而我就終於可以在食飯時看電視了！！！呵呵呵呵呵…
另一方面，一對一的鋼琴班亦都開始了。每個星期一堂，每堂半小時。原本我想上四十五分鐘，但 熙爸說半小時已經很足夠。果然要一個小朋友上半小時的鋼琴堂，是一件很吃力的事！Jayson 第一堂的表現，令我很佩服。希望 Jayson 會喜歡彈琴吧！
~ Lindberg
2012年1月16日
凝望
「Julie，係唔係好掛住以前一舊飯嘅細佬呀？」
「喵…」
「我都係呀。」
「喵嗚…」
觀察咗兩個星期之後，Julie 都冇乜大礙。唔似有咩病。可能真係鬧情緒，見我哋咁多日唔喺屋企，所以激到氣喘。唯有係咁諗啦，白白食咗食咗十日藥！激死我哋唔緊要，真係唔好擔心死我哋呀嘛！！！
~ Lindberg
「喵…」
「我都係呀。」
「喵嗚…」
觀察咗兩個星期之後，Julie 都冇乜大礙。唔似有咩病。可能真係鬧情緒，見我哋咁多日唔喺屋企，所以激到氣喘。唯有係咁諗啦，白白食咗食咗十日藥！激死我哋唔緊要，真係唔好擔心死我哋呀嘛！！！
~ Lindberg
2012年1月13日
新年的第一個節目
今個新年的第一個節目，竟然係帶 Julie 去睇醫生！
當我哋去完旅行返到屋企嗰晚，Julie 都表現得好正常，只係有幾聲投訴。工人姐姐話佢都食好多嘢，所以都好放心。點知到夜少少，當 Jayson 媽喺廚房行出嚟嘅時候，Julie 喺佢面前發出幾聲怪叫。之後就出唔到聲，呼吸變得好重。吸嗰下好似要好用力咁，呼就好快。因為已經係夜深，而且見佢都幾精神，又唔似有痛，所以只好搵定獸醫診所，第二朝帶佢去睇。
第二朝，Julie 嘅呼吸又正常番喎！把聲都係有啲沙啞，但已經冇尋晚嚇人嘅情況。
再問清楚姐姐，佢先話 Julie 前幾日都有幾聲乞嚏。貓打乞嚏其實都好正常，但為求安心，即使 Julie 有幾唔鐘意出街，都係全家總動員帶佢俾醫生睇下。
獸醫喺嫲嫲屋企對面，並唔係阿威之前睇嗰個。一來唔係好想去阿威嗰間（並非醫生嘅問題），二來呢間有多幾個醫生輪班。假期都有得睇。
醫生檢查一大輪之後，都冇乜發現。為咗以防萬一，仲捉咗 Julie 去照肺！真係嚇死個陰功女。到咗最後，都係唔知乜事。個肺入面都好乾淨，唯一係擔心細個嘅時候，中過嘅病毒唔清，當環境有乜轉變，抵抗力差就走出嚟。醫生摸過之後，話佢喉嚨入面係有啲唔舒服，又為咗以防萬一，要食干擾素同抗生素。女醫生問我餵藥有冇問題，我好神氣咁話，餵藥係我強項。點知干擾素係藥水，最憎餵藥水！唉…
食咗幾日藥之後，都見 Julie 一切正常。胃口普通，但又唔算太差。不過十日藥點都要食哂。唉… 真係俾佢嚇死！下次如果有乜事（touch wood），真係要搵電話影低佢。當然最好乜事都冇，Julie 長命百歲，身體健康就乜都得！！！
~ Lindberg
當我哋去完旅行返到屋企嗰晚，Julie 都表現得好正常，只係有幾聲投訴。工人姐姐話佢都食好多嘢，所以都好放心。點知到夜少少，當 Jayson 媽喺廚房行出嚟嘅時候，Julie 喺佢面前發出幾聲怪叫。之後就出唔到聲，呼吸變得好重。吸嗰下好似要好用力咁，呼就好快。因為已經係夜深，而且見佢都幾精神，又唔似有痛，所以只好搵定獸醫診所，第二朝帶佢去睇。
第二朝，Julie 嘅呼吸又正常番喎！把聲都係有啲沙啞，但已經冇尋晚嚇人嘅情況。
再問清楚姐姐，佢先話 Julie 前幾日都有幾聲乞嚏。貓打乞嚏其實都好正常，但為求安心，即使 Julie 有幾唔鐘意出街，都係全家總動員帶佢俾醫生睇下。
獸醫喺嫲嫲屋企對面，並唔係阿威之前睇嗰個。一來唔係好想去阿威嗰間（並非醫生嘅問題），二來呢間有多幾個醫生輪班。假期都有得睇。
醫生檢查一大輪之後，都冇乜發現。為咗以防萬一，仲捉咗 Julie 去照肺！真係嚇死個陰功女。到咗最後，都係唔知乜事。個肺入面都好乾淨，唯一係擔心細個嘅時候，中過嘅病毒唔清，當環境有乜轉變，抵抗力差就走出嚟。醫生摸過之後，話佢喉嚨入面係有啲唔舒服，又為咗以防萬一，要食干擾素同抗生素。女醫生問我餵藥有冇問題，我好神氣咁話，餵藥係我強項。點知干擾素係藥水，最憎餵藥水！唉…
食咗幾日藥之後，都見 Julie 一切正常。胃口普通，但又唔算太差。不過十日藥點都要食哂。唉… 真係俾佢嚇死！下次如果有乜事（touch wood），真係要搵電話影低佢。當然最好乜事都冇，Julie 長命百歲，身體健康就乜都得！！！
~ Lindberg
2012年1月11日
情書
這晚，當 Jayson 媽在 Jayson 書包找他當天的功課時，在書包底發現有一張紙仔，還以為是 Jayson 的勞作，不以為意拿出來一看，簡直驚為天人。即時找 Jayson 來問一下…
「Jayson，咩嚟㗎？」Jayson 媽問。
「有個同學俾我㗎。」Jayson 回答說。
「係直接俾你定放喺書包度㗎？」
「俾我㗎。」
「咁係邊個俾你㗎？」
「我唔知佢叫咩名喎....」
「咁係男孩子定女孩子呀？」
「女孩子。」
看見字條之後，不禁要寫一個「服」字給 Jayson。Jayson 對其他人不會太熱情，卻得到別人的喜愛。更難得是對方能夠正確地串出他的名字，因為很多人都會忽略個「Y」字。
「咁個同學俾完您之後有冇講啲乜？」
「Jayson, I Love You...」
Jayson，果然有您的！爸爸真的以您為榮！
之後，我嘗試鼓勵 Jayson 交朋友。因為社交這一環，他還是比較弱。那一天我送他到學校，一個女同學主動來拖他的手，他不願意地躲到我身旁。之後問他為甚麽不理會同學，他說：「我諗緊嘢呀嘛。」不禁令我想講一句：「做乜……？！」
於是我鼓勵他說：「有人想同 Jayson 做朋友，爸爸媽媽見到都開心。咁如果您唔知人哋叫咩名，咪問下人囉。如果您驚的話，就問下羅老師人哋叫咩名。然後就同人交個朋友囉。」
希望 Jayson 會交到更多新朋友，有一個愉快的校園生活吧。
~ Lindberg
「Jayson，咩嚟㗎？」Jayson 媽問。
「有個同學俾我㗎。」Jayson 回答說。
「係直接俾你定放喺書包度㗎？」
「俾我㗎。」
「咁係邊個俾你㗎？」
「我唔知佢叫咩名喎....」
「咁係男孩子定女孩子呀？」
「女孩子。」
看見字條之後，不禁要寫一個「服」字給 Jayson。Jayson 對其他人不會太熱情，卻得到別人的喜愛。更難得是對方能夠正確地串出他的名字，因為很多人都會忽略個「Y」字。
「咁個同學俾完您之後有冇講啲乜？」
「Jayson, I Love You...」
Jayson，果然有您的！爸爸真的以您為榮！
之後，我嘗試鼓勵 Jayson 交朋友。因為社交這一環，他還是比較弱。那一天我送他到學校，一個女同學主動來拖他的手，他不願意地躲到我身旁。之後問他為甚麽不理會同學，他說：「我諗緊嘢呀嘛。」不禁令我想講一句：「做乜……？！」
於是我鼓勵他說：「有人想同 Jayson 做朋友，爸爸媽媽見到都開心。咁如果您唔知人哋叫咩名，咪問下人囉。如果您驚的話，就問下羅老師人哋叫咩名。然後就同人交個朋友囉。」
希望 Jayson 會交到更多新朋友，有一個愉快的校園生活吧。
~ Lindberg
2012年1月10日
Club Med 布吉 之 外遊篇
Club Med 雖然已經包飲包食，但都仲有啲自費活動，例如坐船去遊覽 Phi Phi 島、浮潛、、人妖表演、打高爾夫球等。而我哋喺 Club Med 住宿期間，就參加咗兩個自費外遊項目。一個係夜晚去睇表演（Phuket FantaSea），另一個係去騎大象（Elephant Strolling）。每個項目都唔平，大概港幣一千元一家。
Phuket FantaSea 好似一個遊樂園。因為當晚落雨，亦都時間無多，所以我哋無玩到啲乜。
FantaSea 嘅主要節目，係大象表演。雖然入面唔俾拍攝，不過睇到外圍，就可以想象入面嘅表演有幾大型。超華麗嘅舞台，十幾隻大象同台演出，仲有泰國傳統歌舞。一個鐘頭嘅表演都幾多元化，對於我哋嚟講，都算新鮮有趣。但有啲位都幾沈悶，搞到 Jayson 同我都有啲唔耐煩。而且啲位都幾窄，坐得唔多舒服。如果我早知係咁，我情願睇 Club Med 本身嘅表演。一來唔洗錢，二來氣氛興奮好多！
睇完表演之後，先有機會睇下啲商店。除咗餐廳之外，仲有好多賣紀念品嘅地方。啲店鋪裝飾得好靚，Jayson 買咗一隻藍色嘅小笨象。
甚至廁所嘅裝飾，都好有心思喎！
另一日嘅下午，我哋去咗騎大象。
可能因為淨係騎大象唔玩得好耐，所以順道去參觀一啲廟宇。
去到目的地（Island Safari）之後， 就轉乘牛車去睇一個示範。我估騎大象真係太過單調，所以將幾十樣嘢炒埋一碟…
炒埋一碟出嚟，就係呢日嘅示範：泰式木瓜沙律！死未？
搞完一大輪之後，終於到戲肉，有得騎大象啦。路程比我想象中長，又要上山，又要下水。行到未段，大象太攰唔肯行。可能我哋三個人太重啦。食完我哋手頭上嘅香蕉之後，就行咗去溪邊，係咁飲水。仲噴啲水上自己身上，搞到我成隻腳濕哂！
之後就去咗睇馬騮表演。兩隻馬騮合照！
睇完馬騮，仲有大笨象表演喎！
Jayson 仲帶埋之前買嗰隻小笨象，同兩隻大象合照。
呢個節目比 FantaSea 好玩，一個下午過得非常充實。如果好似我哋咁，留喺 Club Med 嘅時間充足，都值得出去玩下㗎。
~ Lindberg
Phuket FantaSea 好似一個遊樂園。因為當晚落雨，亦都時間無多，所以我哋無玩到啲乜。
FantaSea 嘅主要節目，係大象表演。雖然入面唔俾拍攝，不過睇到外圍，就可以想象入面嘅表演有幾大型。超華麗嘅舞台，十幾隻大象同台演出，仲有泰國傳統歌舞。一個鐘頭嘅表演都幾多元化，對於我哋嚟講，都算新鮮有趣。但有啲位都幾沈悶，搞到 Jayson 同我都有啲唔耐煩。而且啲位都幾窄，坐得唔多舒服。如果我早知係咁，我情願睇 Club Med 本身嘅表演。一來唔洗錢，二來氣氛興奮好多！
睇完表演之後，先有機會睇下啲商店。除咗餐廳之外，仲有好多賣紀念品嘅地方。啲店鋪裝飾得好靚，Jayson 買咗一隻藍色嘅小笨象。
甚至廁所嘅裝飾，都好有心思喎！
另一日嘅下午，我哋去咗騎大象。
可能因為淨係騎大象唔玩得好耐，所以順道去參觀一啲廟宇。
去到目的地（Island Safari）之後， 就轉乘牛車去睇一個示範。我估騎大象真係太過單調，所以將幾十樣嘢炒埋一碟…
炒埋一碟出嚟，就係呢日嘅示範：泰式木瓜沙律！死未？
搞完一大輪之後，終於到戲肉，有得騎大象啦。路程比我想象中長，又要上山，又要下水。行到未段，大象太攰唔肯行。可能我哋三個人太重啦。食完我哋手頭上嘅香蕉之後，就行咗去溪邊，係咁飲水。仲噴啲水上自己身上，搞到我成隻腳濕哂！
之後就去咗睇馬騮表演。兩隻馬騮合照！
睇完馬騮，仲有大笨象表演喎！
Jayson 仲帶埋之前買嗰隻小笨象，同兩隻大象合照。
呢個節目比 FantaSea 好玩，一個下午過得非常充實。如果好似我哋咁，留喺 Club Med 嘅時間充足，都值得出去玩下㗎。
~ Lindberg