- 跟同學一起「開開心心」，在學校裡排隊一齊打（跟爸媽以前一樣）；
- 爸爸媽咪陪，去到私家醫生那裡打。
可是我後來才發現，那支針若是要在私家診所打，要盛惠$700！「免費」和「$700」的分別實在太大。於是我靈機一觸，幫 Jayson 上了一課「機會成本」。
「Jayson，嚟緊您咪要打防疫針嘅…」我說。
「係呀。」Jayson 說。
「之前問您想去邊醫生度打，或者跟同學一齊打嘅…」
「去邊醫生度打！」他的選擇十分堅定。
「但我問過啦，原來喺邊醫生度打要7百蚊㗎。不如咁啦… 您跟同學一齊打…」
「嗄…？」他的表情非常不滿。
「我都未講完！如果您跟同學一齊打，我哋就可以慳番7百蚊。既然爸爸應承咗您可以去邊醫生度打，我畀您兩個選擇：
- 第一個選擇，爸爸媽咪陪您去邊醫生度打，爸爸要畀7百蚊；
- 第二個選擇，您跟同學一齊喺學校打，爸爸可以慳番7百蚊。我就攞嗰7百蚊出嚟畀您買一盒好大盒 Lego 做聖誕禮物。總之7百蚊以內就得。
「我想爸爸媽咪陪，又想要大盒 Lego。」這是小朋友的標準答案。
「咁又唔得喎。Jayson，呢個叫做『機會成本』。呢7百蚊爸爸打算點都會攞出嚟。如果去咗邊醫生度打針，我哋就會冇咗7百蚊。但如果您喺學校打就唔洗錢，您就可以用呢7百蚊去買您想要嘅嘢。」
「咁… 喺學校打啦。」這是一個明智的選擇。
打針的那一清早，媽咪跟他說，如果驚的話，就心裡面不停跟自己說：「Lego…Lego…Lego…」，那就不會怕了。放學後，他對我們說完全不覺痛，非常勇敢！呵呵呵呵…
於是，今年他就收到很豐富的聖誕禮物。
這盒就是他用「血汗」換取回來的禮物。於百貨公司內，看著價錢牌自己挑選的，所以特別珍惜。而以後每當有類似的情況出現，例如把時間花在飯桌上發呆還是去玩，我就會指著這副玩具，他便會記起機會成本的道理。
今年聖誕節除了這份禮物之外，契爺出奇地知道 Jayson 的心意。Jayson 每次見到這副 Rush Hour 都很想要，但我們總是覺得可以在手機上（試）玩。契爺總算完成了他的願望。看他的樣子就知他有幾高興。
「正呀！多謝契爺！」
而 Christine 姨姨亦當了聖誕老婆，於平安夜專程送來禮物。而更厲害的，就是送來的 Lego 沒有跟我們的重複！我相信不久將來，我們便可以把屋企改建成 Legoland 了…
「Yeah！多謝 Christine 姨姨、KK 叔叔！」
~ Lindberg
