結婚…生仔

Jayson 的表弟最近學起棒球來，每個星期天，都到公園跟爺爺（Jayson 公公）玩打棒球。

「Jackson 就好喇（可以跟公公玩）。」Jayson 說。

「咁您第二時就唔好搬得太遠，咁爸爸咪可以同您個 Baby 玩囉。」我答。

「唔得！」Jayson 說。

「佢係要同您玩呀。」媽咪解說。

「唓！到時您邊會仲同我玩喎，您實同您個老婆玩啦。」我笑著說，心裡感到甜絲絲的。

「唔會！我都唔鐘意佢！」他說。

「唔鐘意人仲乜同人結婚呀？！」媽咪驚訝地問。

「咁要生 Baby 呀嘛。」

哈哈哈…


~ Lindberg

Pillow Talk 之 「D」的意志

媽咪說 Jayson 昨晚睡覺時有點鼻塞塞，不知是否有點傷風。我說：非也。其實是因為昨晚臨瞓前的對話…

「爸爸呀，如果個仔死得早過個爸爸，咁咪好奇怪囉？」Jayson 問。

「咩奇怪呀？！係好慘呀！呢啲叫做『白頭人送黑頭人』，啲爸爸媽媽會好傷心㗎！」我答。「所以您要點呀…？」

「好好照顧自己…」

「啱喇。」

「咁我想同您一齊死。」Jayson 說。

「嗯…」我認同了一下之後，發覺有點不妥當。「唔係喎…唔得呀！您死鬼咗，邊個照顧媽咪呀？！」

「哦…咁我哋三個一齊死啦。」Jayson 已經眼紅紅鼻塞塞，果然是一個「四仔」。

「咁又唔得！爸爸嘅爺爺、公公都已經死咗，作為子孫，我就係要繼承佢哋嘅意志。您係爸爸嘅一半，媽咪嘅一半，所以都要繼承爸媽嘅意志，好好生活落去㗎嘛。如果您都死埋，仲邊度有人記得我哋呢？」

沒錯！他要繼承他媽咪 Panda D. Girl 「D」的意志！

「您無見過您嘅爺爺、公公㗎？」

「無㗎！所以您見到都係好幸福㗎啦。您要好好珍惜您嘅爺爺、公公呀。」

「嗯。」

傾到這裡，我便睡著了。


~ Lindberg

日本手撕菠蘿

前排到果欄，見到有賣日本的手撕菠蘿。深燈紅色的菠蘿，有點像 One Piece 裡 Ace 的「燒燒果實」。$90 一粒都不算太貴，便買一粒回來試一下。

把香噴噴的菠蘿的底部切去，就可以用手逐粒逐粒撕出來吃。我除了切了底部之外，還切下一大片出來去，因為有人不喜歡手撕。

逐粒逐粒撕出來都非常容易。放入口一啜，濃郁的果味便在口中爆發。你撕一粒，我撕一粒，除了好味之外，還幾好玩喔。

中間的菠蘿芯都可以吃。菠蘿除了非常甜之外，果酸都非常之濃。我吃了1/3個之後，口已有麻痹的感覺。這顆「燒燒果實」雖然不能夠給我火焰的能力，但喉嚨真的有點火燒的感覺。還是少吃多滋味吧！

~ Lindberg

門牙一隻

今天跟幼稚園同學去吃自助餐時，甩了一隻乳齒門牙。繼上一隻，已經是半年前有多的事。如果牙仙子靠他的牙去開飯，一定會餓死。

他換牙的速度真的很慢。其中一隻恆齒門牙已經想準備就緒，但乳齒還是不願掉下來。雖說乳齒能夠用多幾年會比較化算，但也不是這麼久呢！？牙醫說可以把那隻乳齒拔下來，但牙醫的兒子（Jayson 的幼稚園同學）極力反對。還是順其自然吧。


~ Lindberg