黒い羊

欅坂46的第8首單曲名字是「黑羊」，我第一時間只能想起用「古法」烹調的那些。原來指的是「黑羊效應」中的黑羊，我們的at17也有一首《黑羊》。昨晚在電台解禁，已經被欅坂宅推為神曲。喜歡欅坂46的朋友，就是喜歡她們這種我行我素的態度，而且會很有共鳴。我自己何嘗不是一隻黑羊呢？ 能夠在8單繼續聽到大人的聲音，當然感到安慰。但聽到她喊一句「全部都是我的錯」，😭😭😭… 2月27日發售，希望香港的iTunes會同步發售吧！#黒い羊

~ Lindberg

Old Fashion

尋晚睇完《大戀愛》嘅大結局，洗面後第一時間買咗佢嘅主題曲不停輪迴。點解啲歌詞可以寫得咁甜嘅呢？係繼Superfly嘅《愛をこめて花束》另一推介。 「でこぼこしてても並んで歩けば この道が良いと思った 即使路不規則好行也能並肩一起走的話 我想這就是一條對的路」

~ Lindberg

腰痛救星

放假前做運動整親條腰，用不同方法治療，外敷內服咗3個星期，但都仍然係隱隱作痛。男人最緊要係條腰，所以非常困擾。直至發現呢盒好嘢。其實我都知道熱敷最有效，所以都試過用暖包。呢款唔同嘅地方，係可以包晒成條腰。我更發現重點係要貼喺褲頭位置，令暖包貼實腰部。如果只係貼喺鬆身外衣之上，貼咗等如冇貼。貼完3晚之後，腰痛有明顯改善，先可以繼續做啲運動。

~ Lindberg

WiFi與速度

我打算做一個關於WiFi對做功課速度的研究。經最近觀察所得，在有WiFi的日子，做功課平均需要4小時。沒有WiFi的日子，放學時大部份功課經已做完，並只剩下需要用iPad上網做的功課。因此，我極有理由相信WiFi的輻射會對大腦的運算造成一定的影響。

~ Lindberg

2019年水頭充足

新年的第一日去飲早茶。自己唔小心倒瀉茶，轉個頭阿哥又倒瀉茶。搞到我兩邊褲都濕嗮，今年應該會水頭充足。除此之外，亦證實我部電話係防水，同埋我哋係兩兄弟。 #2019新年快樂

~ Lindberg