牙醫都有贈品送！

前兩日終於完成牙橋的最後調整，效果非常滿意。

牙醫同學李詩真係好有心機。慢慢車，慢慢磨。依家就真係 fit 晒啦！佢仲教我點去用特別牙線去打理牙橋。臨走仲有「贈品」！我副牙模都幾有記念價值喎。

我問佢農曆年會唔會放假，佢話會去坦尚尼亞。佢就好啦，又睇動物，又影相，仲有熱氣球坐（貴到痴線！！！）！希望佢玩得開心啲，因為我有份資助。哈！



~ Lindberg