JA 畢業典禮

今天是 JA 的畢業典禮。終於都要完結了。咁耐以來，辛苦晒大家啦！

今日唔能夠跟拍檔和同學—起參加畢業典禮，的確有點遺憾。但無辦法，因有其他事情需要解決。希望阿托會影多些相俾我睇。

記得好耐之前，寫過一篇叫 JA Advisor 自問自答。 依家睇返都覺得幾好笑。

總括嚟講，想做的，都應該做過晒。付出的，無法衡量。精神分裂過，河包大出血過，血亦嘔過不少。雖然收獲的，亦無法衡量，但多或少都千並不重要。

曾經提過會好掛住佢地。原來都真係幾嫁。哈哈！

好想係呢到向每位同學留言，但係寫唔出。一句到尾：「在心中」。

希望各同學可以俾心機學習，做足準備去迎接高考。把握每一個機會，不要做一些（或沒做一些）以後會令自己後悔的事情。青春是用來燃燒，但不是用來浪費。我相信只要努力，每一位同學都可以做得很好。

記住：人生的齒輪只會向前轉， 一個不留神，錯過機會，再也無法返回原處。

我自己還要加油。大家都要一齊努力呀！

Let Their Success Be Your Inspiration!

~ Lindberg

P.S. 經過這次經驗之後，我相信如果可以再玩多一次，一定可以做得好好多。不過應該無這個機會吧。如果你有豐富的創業經驗，想跟一班年青人分享，我極力推薦你去參加這個學生營商計劃。我相信你也會發現有很多意想不到的收獲。

阿嫂們的禮物

二哥一家—來到香港，帶來很多孕婦衣服作禮物。真的來得合時，因為正傷腦筋之後要買甚麼衣服。真的很多謝兩位嫂子。

原來現在的孕婦衣服的設計，比起以前的好好多。舒適合身，就連牛仔褲都有。勁！

但之後還是要去買多幾件來替換。

~ Lindberg

ThinkGeek's Weapons

超無聊！但係又幾好笑喎。

ThinkGeek 故名思義是一個啱一班 Geek （怪胎） 去睇嘅網站：

http://www.thinkgeek.com

裡面有好多奇怪野賣。有時真係會發現呢個世界乜都有。有咖啡因嘅肥皂你聽過未？！


http://www.thinkgeek.com/caffeine/accessories/5a65/

如果你屁股癢，不防去這個網站睇睇。哈！



~ Lindberg

我都有 Wii 玩啦！

星期一終於買咗部 Wii。最衰禮拜二部電腦有問題，無心機做其他野。到尋晚先有機會真正玩下。

我唔係有好多隻遊戲。Sports 就一定有。雖然人地話 Red Steel 唔得，但係我都想玩下。當然仲有 Ardy 瞓身介紹嘅 Zelda 啦。

玩咗幾個鐘，發現原來最好玩都係畫自己個樣。畫完又可以係 Sports 到用，仲可以 send 去人地部 Wii 到。我地連阿威同 Julie 都畫埋。雖然係人樣，但係都有幾分相似。哈！

~ Lindberg

Repairing My Keyboard

This afternoon I took my broken Apple Bluetooth Keyboard for repair in Times Square. I called them in advance to see if they fix such a small thing. I was glad that they do. But after learning more, I regreted even thinking about it.

After waiting for a few minutes in the service center, the guy told me that it will cost me $600 to inspect the keyboard. He must be joking! The keyboard itself doesn't cost as much as that.

After coming back and forth to discuss with his superior, he told me that if I could supply him with my Mac information, they could trade the keyboard for me. Therefore, I'd have to give them my old keyboard, pay some extra, and they'd give me a brand new one at a "discount". I was actually fine with that. So, I asked him how much for such trade-in. $600!!! Are they out of their mind? What kind of "discount" is that?! A brand new keyboard costs less than $500!

Therefore, as soon as I left Times Square, I went straight to the Designer Group in Windsor House. And I was happy to pay $450 for my new keyboard.

But at this moment, I'm still confused why the keyboard got broken down all the sudden in the first place. Sigh...

財散人安樂。


~ Lindberg

妳為何要離開？

昨晚回到家中，才發現妳已經悄悄地走了。先前並沒有一點徵兆。妳為何要在這個時候離開我？

妳現在走了，我坐在書桌前就像個啞巴一樣。看著那空白的螢光幕，我一句說話也說不出口。閉上眼，不禁記起我的指尖在妳雪白的身軀上跳動，每一下都像在彈奏一首美妙的樂曲。

妳是否生氣？是否因我這天忽略了妳，而只記掛安慰妳那受傷的好友。那是我的錯。但對於我，妳們是同等重要。

而我也會生氣。現在是我最需要妳的時候，但妳一聲不響便走了。在這個家中，並沒有妳的代替品。

妳的好友，那個外置硬碟機已經給我修理好。而妳這個藍牙鍵盤，為何要這麼突然壞了呢。

（白痴完畢。）


~ Lindberg

P.S. 今日無聊去返自己係 Blogger 嘅舊 blog 到睇下。原來都多咗唔少功能。仲跟 Gmail 等聯繫一齊。加埋 Picasa、RSS Reader，都算係一站式服務。

勁黑仔

今朝勁黑仔。我只不過想 reboot 一下部電腦，點知個外置硬碟機就 mount 唔番。唉…

見咁嘅情況，當然想盡量睇下救唔救得返。今朝係屋企同自己講救多三分鐘先返工。之後又救多三分鐘，再三分鐘。最後返工遲到半個鐘！最樣衰係今日個個都遲咗，唯獨是遲到開嘅老板盡時！當堂俾佢問咗兩句。唉…

但係都好彩有 Fred 哥打救。我帶埋部 Macbook 同隻硬碟機返工。經過用幾個不同程式搶救之後，雖然隻硬碟機始終 mount 唔到，但係起碼裡面嘅資料全部救得返。都算係不幸之中的大幸。

Ronnie 問入面啲係乜。我話：「My Precious...」 哈！

~ Lindberg

貓貓 Cappucino

今晚落 Crema，叫咗杯 Cappucino。阿 Terry 拉咗隻貓出嚟。好得意呀！

其實本身杯咖啡好飲已經好開心，但係加埋個買相，真係飲得更加開心。

飲到尾都仲有個型係到。不過就由肥貓變瘦貓。哈！

~ Lindberg

沒有電的寫字樓

原來沒有電，真的甚麼也做不成。

其實沒有電原則上沒有多大的問題。公司有自然光，天氣又不太熱。即使電話總機沒電不能用，也可以用手提電話解决。但是最大問題是沒有電腦用。

公司有多少錢…不知道。

公司有多少人…不知道。

今天有甚麼要做…不知道。

唉…

四時才“可能”有電。因此我叫所有同事去吃一個特長午餐。橫豎在公司都沒有作為。而我就留守大本營。幸好有帶PSP。哈！

整座大廈，唯一有電的，就是用後備電源的消防電梯。電梯雖然能動，但沒有燈。在坐消防電梯上樓時，我老板跟我說：

「Not that I don't like you. But I don't want to get stuck here with you if the elevator power goes off as well.」

「Me neither...」我說。

鬼會想跟他在一起。原則上這句沒有錯。因為他是「鬼佬」。哈！（很爛…）

如果你不幸被困在電梯之中，伸手不見五指。你會想電梯內是只得你一個，還是有人陪伴呢？如果有，那個又會是誰呢？

突然間想以前的一個笑話。

沙漠上有三個人迷了途。在一個沙丘上，他們發現了一盞神燈。擦一擦，燈神走了出來。燈神給每個人一個願望。

「我想回到我的家人身邊。」A君說。電光一閃，A君不見了。

「我要去拉斯維加斯享樂一番！」B君說完亦消失了。

最後C君說：「我很掛念我的兩位朋友。我很想見到他們。」

燈神答應了他的請求。AB君又從回這地…


~ Lindberg

站著寫 Blog

今天公司大廈停電。那就等於放假一天嗎？

今天一早忘了帶電話，一來一回遲了回公司。一到公司樓下，發現幾位同事站在街上呆等。原來大廈停電。原因是電錶房水浸。

沒有電，就連公司大門也入不了。因此我叫了同事去吃早餐，自己就去了中環開一個令一討厭的會議。

十一時許回到公司。大廈依然沒有電。但公司入面竟然困了一個人！

那個是速遞員。可能在停電的一刻，大門電鎖開了。門需要推開才能再鎖。那位速遞員用消防電梯（消防電梯有後備電源）上到我們公司，就這樣推開了門，把自已困在裡面.沒有電，只剩下爆鎖這一步。

而我現在就是站在公司門外，陪同速遞員，等待他可以離開這黑暗監獄的一刻。無奈…




~ Lindberg

P.S. 我覺得近排了做很多無謂的東西。但都是自己的問題。唉…

白果腐竹蛋糖水

近排繼續忙於做公司預算。開會做數，改完又改。

記得舊年做咗一份幾悲觀的預算。但係做到都應該有花紅分。點知食白果，分得唔係好多。

今年個預算應該唔錯，唔算太難做得到。如果做到，我就嘩哈哈啦！但係我有種唔係好好嘅感覺。再食白果，就真係用嚟煲腐竹蛋糖水都得啦。唉…



~ Lindberg

P.S. Ardy，我好掛住你呀！你幾時返嚟呀？

量度頸皮

今天量度頸皮。這是一種預測唐氏合綜症的方法。好緊張呀！

醫生首先用一部儀器去聽水泡的心跳。很快呢！原來應該比我們快一倍呢！

如果有唐氏合綜症，在頸背的部位，會有水腫的現象。用高解象的超聲波，可以量度檢查得到。

醫生說沒有問題。心裡放下一塊大石！ 但醫生說，這還未可絕對證實。下次要來驗血，兩個結果加起來，便可以證實有沒有唐氏合綜症。所以原來心頭大石只可以放下一半。唉…

水泡，加油呀！

~ Lindberg

伊呂波燒肉

之前有同學推介去這間店吃燒肉。今天專程去試一試。真的不錯呢！

伊呂波燒肉地址：銅鑼灣渣甸街50號渣甸中心2樓
電話：2882-9877

伊呂波盛合（$280）

有大蝦、兩款牛肉、豬頸肉、雞肉、帶子、牛舌、和魷魚等等。除了魷魚沒有甚麼味道之外，其他都很好吃。我認為豬頸肉和牛舌最好吃。牛肉雖然不是甚麼和牛，但都不錯。

龍蝦一隻（$180）

新鮮彈牙，但出奇地沒有甚麼味道。有跟一碟海鮮醬油，好好味！那是當然的，因為根本就是一碟鰹魚汁。

雜菜拼盤（$80）

有蘆筍、菇、粟米、椒、南瓜等等。每樣兩三片。

啤酒要五十元一杯。都幾貴，而且不太好喝。

埋單 $666！好驚！

總括來說，好味，價錢亦算合理，服務周到。




~ Lindberg

有機會參加 CANJAC！

今日收到 JA 的電郵，開心到不得了。我們其中一位同學有機會參加一個比賽的決賽。

CANJAC 是 JA 的一個交流計畫。世界各地的同學會一齊來到加拿大，交流營商及其他學習經驗。是一個很寶貴的機會。要參加這個計畫，需要由我們 Advisor 推薦，每間學校只有一個名額，然後同學寫一篇介紹自己的文章。經過選拔之後，決賽就是要進行面試。

我看到電郵知道有機會面試之後，第一時間 SMS 那同學。我的興奮程度，有如中了六合彩一樣。哈！

「Choco 加油！You give us a lot of surprises! We are very proud of you!」

我們還參加了另外兩個比賽，但不幸落選。我原本對 CEO 都懷有希望，但是名單上只有三人。七十幾間學校才選三人來面試，競爭太大了。如果有機會面試，我相信我們的 CEO 會有很好的表現。

其實昨天才跟阿托說，人生突然有點空虛。JA 好像突然間完了，應該再沒有正式見面的機會了。阿托應該還有一次，因為他會跟他們到 JA 的畢業禮。他說：「若有所失的感覺。」

我說：「若有所失的感覺。不知不覺已變淡，心裡愛。（誰明白我…）」

跟他說完之後，忽然間很想刪除了這個 blog。


郭先生今天跟我說，星雲大師有云，捨得捨得，有所捨必有所得。

很對呢。

今天為他們寫 Reference Letter。希望對他們日後升學有些小幫助。等阿托過目之後，一起簽名，再由他交給同學。作為給他們最後的小禮物。


~ Lindberg

JA Presentation Competition

今天是 JA 的 Presentation Competition。星期六的大清早，六時半已經要起床，準備前往九龍灣國際展貿中心。

大家相約在九龍灣地鐵站。各同學都很準時。我們的 Fantastic Four 還不停忙於練習。

我們是第四隊出場。可能有人退出，所以我們變成第三隊。我們的內容跟先前兩隊的有很大分別，以客觀的角度來看，我們的比較突出和貼題。這是所有同學的功勞。

雖然四位都很緊張，有些小節都忘記了。但以一個不知情的觀眾來說，並沒有任何大影嚮。

其實在台下的我可能比他們更緊張，心跳聲也差不多可以聽得見。不停爪著阿托，希望他太太不會懷疑阿托手上爪痕的由來…

完成了整個 presentation，大家都鬆了一口氣。雖然他們有的覺得自己表現得不夠好，但在我們心目中，已經拿足滿分。有勇氣站出來，為自己爭取學習的機會，和真的盡過力，勝出與否已經不再重要。

我們之後到酒樓飲茶慶功，大家都很開心。

我們因人多，所以分為兩枱。阿托因有全枱年青美女相伴，所以拒絕被攝入鏡。但也絕對逃不出我的魔掌。哈！



~ Lindberg

蘇打綠 x 張韶涵：藍眼睛

蘇打綠終於有新歌。今次同張韶涵合唱，感覺好特別。 

藍眼睛
作詞：吳青峰 作曲：吳青峰
你的眼睛 藍色的一面海
總是太安靜 像是會有暴風雨
呼喚一個夏季 也許那天都逝去
海面閃著淚 像夢境 
你的眼睛 閃爍的一面海
平靜的嘆息 灑了一片碎玻璃
穿過一座島嶼 也許那天都死去
海浪都沉默 累不累
作一場冒險的表演
走過千秋萬歲 寂寞的雲煙
下雨天 沒有地點可以擱淺
拍一張分別的紀念
努力遠走高飛 失眠的海面
地平線 彩虹消失在一瞬間
其實從頭到尾 誰又得到了水仙
其實從頭到尾 走了錯誤的航線
讓海水都抹去你我的臉 閉上眼
回到原點 一個語言 兩個世界
作一場冒險的表演
走過千秋萬歲 寂寞的雲煙
下雨天 沒有地點可以擱淺
拍一張分別的紀念
努力遠走高飛 失眠的海面
地平線 彩虹消失在一瞬間

~ Lindberg

終於有水啦！

之前買呢間屋無換入屋水喉，因為要由天台做條新水喉落到我個單位，要搭棚搭十幾層樓。無錢，所以無做到。依家大做維修，所以唔洗自己搭棚，緊係做啦！

我上完 JA 一點半返到屋企。兩隻貓要入房坐監，然後將廚房嘅野搬晒出廳。攰死人。好多工人一齊做。唔洗三個鐘就做完。勁！

開頭都有小小驚換咗無分別。點知真係好好多！直頭有啲太勁嘅感覺。

今晚沖涼，終於感受到乜野叫做水力。所以忍唔住開一缸水來浸浴。雖然係浪費食水，但係一次半次，無所謂啦。真係好爽呀！


~ Lindberg

JA Meeting #24: Fantastic Four

今日應該真係可以話係我地最後一次正式開的會。四位 presenters 係成班同學面前不定練習，感覺佢地四個真係有點似 Fantasic Four：

（Hmm... 邊個係 Jessica Alba 呢…）

真係唔好講笑。開頭聽佢地第一次講，有好多地方要改善。第二次已經好好多。越做越好，所以我覺得佢地真係好 fantastic。

阿托同我都覺得呢個配撘同出場次序都出乎意料地好。都係嗰句啦，大家都係吸收經驗。唔想俾太多壓力話一定要贏。但係玩得當然想贏！希望每位同學都可以準備充足一啲，聽日可以有個好表現就好喇！加油！

Make us proud! Our Fantastic Four!

但係到最後，我都有啲失望。我要求唔係好高，只係尊重下其他人之嘛。唉…



~ Lindberg

P.S. 等我又諗下邊個扮邊個先。我地有個 Sica，理所當然扮 Jessica Alba。但係好似益咗佢，可以做件咁索嘅。Bernard 有火，似 Human Torch。Choco 行頭就做隊長 Mr. Fantasic 啦。Zita 夠靚啦，但係通常靚女會做醜角，就做 The Thing 啦！哈！（白痴！）

差點被的士撞

今朝跟 Ardy MSN了兩句，先記起尋晚揸車差點俾的士撞。激死我！

Me: BTW, almost hit by a taxi last night.  Really PK driver.  Cut 2 lines to jump in front of me.
A: i can understand why u guys hate taxi drivers so much
Me: Really reckless.
A: coz sometimes as a passenger i also feel that some taxi drivers are bad guys
Me: They never signal, and always think they're the pro on the street.
Me: Maybe they have the experience, but many other don't ga ma!

我當時行緊東區走廊落北角。三條線之中，我係最左，準備落橋。右邊有架巴士，所以第三條線有乜我睇唔到。而且原則上我都唔洗理。誰知正當準備落橋嘅時候，有架的士由最右線飛快狂 cut 過巴士，再飛去我前面。其實真係好窄，已經過晒落橋雙白線位。因為巴士慢，我快，的士又睇唔到我，如果我收唔切油，今日都未必可以係到打 blog。

雖然話唔好—竹高打一船人，但有時真係好憎一啲的士司機，包括其他自以為事嘅道路使用者。自己揸車叻、有經驗，唔等於其他司機都係咁有經驗呀嘛。轉線唔打燈、胡亂切線、跟車太貼等，唔該唔好以為其他人一定反應得到。自己撞埋一邊都算啦，但係唔好害到其他人呀。

咁 cut 法，我當然響 horn 啦。落橋之後，我專登去架的士旁邊怒「啤」佢。佢都知衰，舉手示意。唉…



~ Lindberg

一生任食創作和食

星期一幫朋友預祝生日，去咗銅鑼灣食日式自助餐。都唔錯喎。

一生任食創作和食
地址: 銅鑼灣百德新街24-32號名珠城1樓
電話: 2808-0384

星期一係假期，黃金時段要 $198 一位。都唔算太貴。

想食野就需要寫點菜紙。張點菜紙有成十萬九幾款食物。睇見都幾開心。佢仲好為客人設想，將食物以益處分門別類。不過點菜要根據人數，每次只可以點一定數目嘅菜式。開頭都唔係好鐘意呢種做法，因為覺得限住晒好小家。我地一行13人，每次可以叫12款，每款最多三碟。聽落好似好多，其實每碟好少野。不過點下點下都成枱野，心理上先覺得好啲。

前菜：有好多款。啲奇奇怪怪嘅都有。有我鐘意食嘅枝豆同納豆。嘻…
刺身：都好新鮮。不過唔好以為佢會一次過俾好大塊你囉。不過小食多知味，唔夠咪叫多兩轉囉。哈！
壽司：一啖一件。細細件都做得幾好。
炸物：食咗炸蠔同天婦羅，炸得啱啱好。
燒物：有個火爐仔俾你自己落手燒。好玩多過好食。
沙律：勁多款！

個姐姐話有張每月推介，不過啲野食無乜特別。

不過最好奇怪都係有個推銷時段。個經理會走出嚟用咪叫賣。例如話五分鐘內叫無酒精飲品半價，或者每人送一碗特制蟹肉麵鼓湯之類。如果想靜靜地食飯，都會覺得幾噪。不過成班人玩就覺得有氣氛嘅。

我地成晚不停咁食，不停咁笑。真係未試過食得咁辛苦。哈！


~ Lindberg

影櫻花

因為之前俾天氣報告揾咗笨嘅關係，我地早咗一個星期去睇櫻花。原來只係相差一個禮拜，真係可以差好遠！

我影嘅：

人地尋日影嘅：

睇完簡直覺得自己羞家。第二時一定要再去過！！！

係日本睇電視，睇到個好搞笑嘅節目。事原有個天氣報告節目，個主持有啲搞笑嘅成分。每年佢都會預測櫻花幾時會開花，但年年都估得太早。而估錯嘅懲罰就係著件奇怪衫遊街示眾。今年嗰件勁搞笑，由 V6 的長野博設計。全身粉紅色有櫻花圖案緊身衫，頭頂成束粉紅色櫻花樹，肩膀再加兩支射燈射住啲櫻花。見佢個樣就知有幾慘。哈！

希望啲天氣預測員做好啲功課，唔係我就唔洗去早咗啦！唉…



~ Lindberg

日本名古屋之旅後記

一連七天的日本之旅的日誌終於寫完。

這次的日誌沒有直接寫在 PDA 上，因為想寫的實在太多。所以在 Lawson 買了一本無印良品手記和一支彩色筆，然後每晚都在寫。

這次旅行雖然都有點辛苦，每天背著一個二十磅背包四處走，而且地道食物也不太好吃，但影了很多相，浸過很舒服的溫泉，吃過很好吃的士多啤梨，看到很漂亮的櫻花（和女孩），所以要多謝我的領隊兼導遊，因為對於安排，我沒出過一分力。哈！



~ Lindberg

JA Meeting #23

今日去阿托公司開會。只係叫咗要做 presentation 嗰四個人出席。

嗰 presentation 短短十二分鐘。其實真係有好多野要講。開頭以為佢地真係會好怕用英文，但係聽落都幾好呀。起初唔夠信心啫。

我要先行一步。辛苦晒阿托啦。為咗個 presentation，佢真係出咗好多力，所有細節都慢慢幫佢地睇。希望班同學會所得著。



~ Lindberg

愛靚不愛命

在日本一星期內，我觀察到一件事。名古屋的女孩很多都愛靚不愛命。

有很多女孩喜歡穿高跟鞋，但又不懂怎樣行。行路時東歪西倒之餘，有些更行到變成入字腳。何苦呢？漂亮固然重要，但健康快樂亦很重要。更何況行到苦瓜乾般的口面，又如何吸引男孩子呢？

而且很多女孩也忽略了一個重點。女性吸引男孩的地方，是跟男孩的年齡和心智掛勾。越成熟的，視線就會越向下移。由面部開始，男孩越大，吸引他的地方就會向下降。當妳吸引人的地方是妳那雙腿的話，妳可想以知對方的心智已經「成熟」到那個程度。

有個朋友說他喜歡看腳趾。我看他快要離開我們吧… 哈！


而我還是在看頭。哈！其實自然開心笑的女孩已經是最漂亮了。

~ Lindberg

玩具扭蛋 Show

今日同 Ardy 去咗玩具扭蛋 Show。兩個字去形容：把鬼！

要排一陣入場都唔同佢計，所謂玩具扭蛋，其實有名無實。收你十蚊入場費，玩具反斗城啲玩見多過佢百倍，Jusco 嘅扭蛋機都多過佢！

個場入面唔知做乜有人賣兒童興趣班，音樂堂、連瑜珈都有！搵人申請信用卡嘅攤位都有個！原來個 Show 啲大 Poster 下面寫咗行細字，「玩具、扭蛋、興趣班」。

激死，簡直有俾搵笨嘅感覺。

其實 crossover 來吸引另類商機係個好嘅 idea，但係要睇下 cross 得 e 唔 effective。試問一班八成都係 otaku 嘅入場人士，對兒童興趣班同瑜珈會有乜興趣。我覺得我地俾搵笨，參展商有啲都俾搵笨。邊有得咁多父母帶細路去睇呀，而且見個場係咁多人，轉頭就走啦，邊有得你 sell 野呀。都唔諗下入場參觀者有乜周邊需要。唉…

之後嬲嬲地，同 Ardy 去行 188，有意義得多！再之後自己走去 Jusco，換咗五十蚊扭蛋。好彩扭到！哈！



~ Lindberg

復活節快樂!

祝大家有個開心嘅復活節假期！

希望你睇得出係乜。呢張野係我好多年前畫嘅。不過唔好以為我咁勁。我只不過係用人地畫嘅加菲猫頭，加對兔仔耳落去啫。不過嗰時都覺得自己幾勁嫁啦。


~ Lindberg

向家人報喜

今天是時候向家人報喜了。其實之前已經跟水泡媽那邊說了。始終都要問問老人家的意見。但今天才跟我自己的家人報喜。

等到今天才說，其實亦是因為之前去了日本旅行。所以希望回港之後，可以見一見醫生，證實一切正常才跟爸媽講。

聽了之後，爸媽有點像不知所措。因為他們本以為我們不想要孩子。哈！但看得出他們是開心的。

還有很多東西需要安排。一想起來便頭痛…


~ Lindberg

TMNT 忍者龜

今天約了 Ardy 去看電影：忍者龜。兩個男人老狗去看卡通片，原本有點怪怪的。但今天是四月四日，那就正好用來慶祝兒童節。

之前在廣告中看過 TMNT 的片段，覺得畫得不錯。但在電影中有更多驚喜。

動作非常流暢之餘，其中一場雨中打鬥，電腦動畫效果做得非常出色。

故事簡單完整，但如果沒有看過 TMNT，或玩過 TMNT 的電視遊戲，可能不會看得很投入。

我希望所有 young-at-heart，兒童節快樂！


~ Lindberg

P.S. 我並非偷懶，其實我每天都有寫 blog。只不過我 post 番轉頭落以前嘅日子。如果你睇落啲，咪見我去日本啲日記囉！我覺得嗰啲日記都係放返係發生嗰日好啲，如果無人睇到都無辦法。哈！

有手有腳啦！

今天覆診，在照超聲波中，可以見到水泡有手有腳了！好感動呀！

出奇地醫生竟然把超聲波影像列印出來給我們留為紀念。好開心呀！因為正如之前所講，醫生是一個很豪爽的人。以前有朋友問她要一張超聲波相片，她會話人「婆媽」！哈！但她今次竟然主動列印一張給我們！勁開心！

你可以看到水泡的大頭和小手小腳嗎？

比起之前，我們的心理又改變了很多。那是我們的骨肉，要水泡健康快樂成長，將會是我們最大的責任。夫妻之間，亦因小水泡，關係又到了另一個階段。



~ Lindberg

朋友敍舊

今早跟阿 Chow 和 徐老妖飲早茶。徐是我們中二至四的共同同學。阿 Chow 跟徐有生意來往，所以這次他回香港便相約一起敍舊。

與其說本身有生意來往，其實是阿 Chow 發現幫他做保險的香港代理的名字十分特別，跟以前的中學同學一樣。一問之下，原來真的是同學！其實叫得 Caesar 這麼威的名字，應該就不會有多少個。世界真細小。

Caesar 這個名字是中二他自己參考歷史書為自己取的。那時真的有點佩服他。現在他已是一子一女的父親了。

今日不知是甚麼日子，晚上又是中學同學的聚會。這次是好兄弟女兒的滿月。為他做攝影師，雖然已十分疲倦 ，但見他那笑得多麼甜美的女兒，所有倦意都全消。

在那裡碰到另一位久違了的同學。記憶中的他並不是一位讀書很好的學生。但現在做銀行的他吃得很開。駕的是歐洲名貴房車。所以說讀書好並不代表一切。

反觀讀書不錯的朋友，包括自己在內，很多都有一份不錯的工作，但反而有一點倒霉的感覺。是懂或不懂得，願或不願意接受風險的關係吧。唉…

真的需要停一停，想一想。

~ Lindberg