終於有水啦！

之前買呢間屋無換入屋水喉，因為要由天台做條新水喉落到我個單位，要搭棚搭十幾層樓。無錢，所以無做到。依家大做維修，所以唔洗自己搭棚，緊係做啦！

我上完 JA 一點半返到屋企。兩隻貓要入房坐監，然後將廚房嘅野搬晒出廳。攰死人。好多工人一齊做。唔洗三個鐘就做完。勁！

開頭都有小小驚換咗無分別。點知真係好好多！直頭有啲太勁嘅感覺。

今晚沖涼，終於感受到乜野叫做水力。所以忍唔住開一缸水來浸浴。雖然係浪費食水，但係一次半次，無所謂啦。真係好爽呀！


~ Lindberg