這個是 Jayson：
而這個是誰呢？
答案：是 Jayson 媽。
是否有幾分相似呢？就連髮型都是一樣。有時我還會覺得相似度是十足十，100% Homology。唯一不同的是身型。Jayson 媽「當時」很瘦。很明顯 Jayson 的身型是遺傳自家庭的另一邊… 我。 唉…
~ Lindberg
2008年7月31日
100% Homology
Jayson 有時個樣都幾鬼靈精。究竟像誰？一看便知。
這個是 Jayson：
而這個是誰呢？
答案：是 Jayson 媽。
是否有幾分相似呢？就連髮型都是一樣。有時我還會覺得相似度是十足十，100% Homology。唯一不同的是身型。Jayson 媽「當時」很瘦。很明顯 Jayson 的身型是遺傳自家庭的另一邊… 我。 唉…
~ Lindberg
這個是 Jayson：
而這個是誰呢？
答案：是 Jayson 媽。
是否有幾分相似呢？就連髮型都是一樣。有時我還會覺得相似度是十足十，100% Homology。唯一不同的是身型。Jayson 媽「當時」很瘦。很明顯 Jayson 的身型是遺傳自家庭的另一邊… 我。 唉…
~ Lindberg
2008年7月30日
我與 iPhone 的兩個星期
用咗 iPhone 兩個星期有多。第一個感想係… 俾自己搵咗笨。
以下係一啲用後感。但睇之前，先要明白：
~ Lindberg
以下係一啲用後感。但睇之前，先要明白：
- 我係一個忠實嘅蘋果電腦用戶。
- 我用緊無限數據傳送計劃。
- 我有用 MobileMe。
- 有用 MobileMe 嘅 Push 功能。
- 有用 iPhone 嚟查閱及回覆電郵。
- 會上網，不過唔多。
- 會用嚟打機，不過唔多。
- 試過用嚟睇 YouTube，但係好少。我未至於咁無聊。
- 聽歌多。
- 唔開 Wifi，全程用 3G。
- 有開藍芽。
- 自己太豪。一個月 500MB 嘅用量其實應該好夠。我用咗兩個星期，都算用得幾盡，不過都係得 120MB 左右。好難去到 500MB。早知就用平啲嘅月費計劃啦！而且如果用得到，相信就應該會有另一個問題，冇電！
- 每日都要充電。我都唔算講好多電話。試過一日唔充電，第二日下午就唔夠電。
- 開 SMS 好慢。
- 中文手寫輸入法認字唔錯，不過真係用起上嚟好慢。我又唔識打倉頡，所以有時都寫到發脾氣。
- 坐地鐵睇戲都幾過癮，不過俾左右嘅人望住晒就好唔自然。
- 配合 iPhoto 真係一流。阿仔嘅相全部都喺我手中。要幾時俾人睇都得。
- AGPS 加 Google Maps 好正。雖然有時都搵唔到自己係邊，不過都已經好好玩。而且可以用來搜尋食肆餐廳，雖然有時啲資料冇人更新，不過都叫做有啲用啦。
- 香港嘅 iTunes Apps Store 好少軟件。不過最大問題都係「冇信心」去買。例如因工作上嘅需要，我需要一個公制對算器。正想俾錢買一個之時，過幾日就有個好似好啲嘅。最後，仲有個唔洗錢嘅添！
- 以前部 Treo 可以閱讀及處理文件，而 iPhone 就唔得。想睇個 pdf 文件，要電郵俾自己，然後喺 Mail 入面睇。救命…
- 可能部電話大部（或者我大腿肥壯），震咗都唔覺。試過幾次錯過電話或者短訊。
- 影相質素唔錯。加埋 Twitter 即時放相上網，死未？！
整體上嚟講，我都好滿意部機。因為作為一部記事本，我部 Mac 有嘅資料，如電話、日程，部電話都有齊。非常方便。而且最重要係，無聊時又多一件玩具可以攞出嚟玩。不過俾咗最高月費就好似真係笨咗囉。
"Eating 乾炒牛河 and gtalk to Fred with iPhone."
~ Lindberg
Jayson & Julie
今次真係要讚下 Jayson，識得逗姐姐玩！叻仔！
Jayson 逗 Julie 玩，Julie 陪 Jayson 玩，咁我咪可以自己玩囉。正！開機！嘩哈哈哈…（發白日夢中…）
不過有時見佢兩姐弟一齊，一家人又真係幾溫馨嘅。
「咩事呀細佬？爸爸又唔理您，自己走咗去玩呀？」
「嗚嗚… 姐姐…」
~ Lindberg
Jayson 逗 Julie 玩，Julie 陪 Jayson 玩，咁我咪可以自己玩囉。正！開機！嘩哈哈哈…（發白日夢中…）
不過有時見佢兩姐弟一齊，一家人又真係幾溫馨嘅。
「咩事呀細佬？爸爸又唔理您，自己走咗去玩呀？」
「嗚嗚… 姐姐…」
~ Lindberg
2008年7月29日
花樣少男少女茶聚 之 後會有期
經過前日嘅聚會之後，相信好多人都好似我地咁，意猶未盡。其實諗落趣嗰日真係幾搞笑。
因為當日我要返上寫字樓攞啲贈品，一返到會場已經有好多人。雖然有好多陌生嘅面孔，不過大家冇點樣互相介紹。其實我地各自之前都有諗過，係唔係應該自我介紹一下呢？但大家好似一見到個小朋友就知個大人係邊個，咁都唔洗介紹啦。哈哈哈…
我記得我一入到去，都未搵番自己個仔，就分別見到比比同 Hayden。諗都冇諗就一支箭飛埋去同佢地玩。而兩位爸爸都唔知點解知道我係 Jayson 嘅爸爸。當時都冇為意。但事後好驚… 幾時俾人點咗相都唔知呢…？
見大家都未玩夠、未抱夠、未傾夠、未影夠、未咬夠，三娘尋日朝早舉行緊急會議，商討「一個墟製作公司」嘅未來動向。
原本我有個提議。見各位都咁鐘意影相，我地可以等秋涼時份，一齊去戶外影下相。有啲地方都幾好，例如科技大學，有草地，有水池、有飯堂。到時 Can 可以指導下我地，互相幫對方影下沙龍，攰又可以坐低食下野，休息下。不過三娘話要等到秋天實在太耐啦。要快！哈哈哈哈…
不過又真係嘅，講得嚟都係一兩個月後嘅事。莎莉都有個好建議。佢（唔知點解）有啲屋苑會所証，入面有啲兒童遊樂設備。一齊玩都幾開心。
經過今早嘅特別行動會議之後，我地希望可以一個半月左右搞一次活動。大概好似以下咁：
P.S. 原本哩篇係尋日寫。不過覆 Blog 覆得太開心，寫咗個頭，寫唔晒個尾。哈哈哈…
~ Lindberg
因為當日我要返上寫字樓攞啲贈品，一返到會場已經有好多人。雖然有好多陌生嘅面孔，不過大家冇點樣互相介紹。其實我地各自之前都有諗過，係唔係應該自我介紹一下呢？但大家好似一見到個小朋友就知個大人係邊個，咁都唔洗介紹啦。哈哈哈…
我記得我一入到去，都未搵番自己個仔，就分別見到比比同 Hayden。諗都冇諗就一支箭飛埋去同佢地玩。而兩位爸爸都唔知點解知道我係 Jayson 嘅爸爸。當時都冇為意。但事後好驚… 幾時俾人點咗相都唔知呢…？
見大家都未玩夠、未抱夠、未傾夠、未影夠、未咬夠，三娘尋日朝早舉行緊急會議，商討「一個墟製作公司」嘅未來動向。
原本我有個提議。見各位都咁鐘意影相，我地可以等秋涼時份，一齊去戶外影下相。有啲地方都幾好，例如科技大學，有草地，有水池、有飯堂。到時 Can 可以指導下我地，互相幫對方影下沙龍，攰又可以坐低食下野，休息下。不過三娘話要等到秋天實在太耐啦。要快！哈哈哈哈…
不過又真係嘅，講得嚟都係一兩個月後嘅事。莎莉都有個好建議。佢（唔知點解）有啲屋苑會所証，入面有啲兒童遊樂設備。一齊玩都幾開心。
經過今早嘅特別行動會議之後，我地希望可以一個半月左右搞一次活動。大概好似以下咁：
8 - 9 月：未諗到大家又有乜野建議呢？太多野想做，太少時間啦！
10 月尾：扮鬼扮馬，可愛BB玩轉萬聖節
12 月：聖誕聯歡會
1 - 2 月：洗劫已婚人士集會
P.S. 原本哩篇係尋日寫。不過覆 Blog 覆得太開心，寫咗個頭，寫唔晒個尾。哈哈哈…
~ Lindberg
2008年7月27日
花樣少男少女茶聚 之 特別鳴謝
「今次『花樣少男少女茶聚』搞得咁成功，首先要鳴謝幾個主辨單位。包括『燿榮娛樂製作有限公司』…」
「爸爸，關『燿榮』咩事呀？」
「冇呀，我見啲明星哥哥姐姐都多謝佢。講埋佢個名好似威啲呀嘛。」
「爸爸，我冇您咁好氣呀！」
好…認真一啲。首先當然要多謝「三娘」，即係 白雪、Maggie、同埋 Koko。冇佢地話搞，都唔會有今次嘅聚會。特別係 Maggie，好有心地為我地搵咗啲贊助商，令大家有額外嘅驚喜。而啲果汁就係 白雪嘅貢品，而 Koko 就幫手去攞贈品。
因為有贊助商，當然要認真地鳴謝一下，包括：
Huggies
Chicco
思詩樂
Vita Pixel
亦都要多謝 Fat Angelo's 意大利餐廳提供場地及贊助部份食物。
仲要多謝新浪網。因為冇新浪網，我地就識唔到大家。不過下次一定要搵新浪網俾番啲實質支援先得！
但最重要，當然就係一班歌迷…
「爸爸，您又發傻呀？」
「一時口快講錯啫！」
但最重要，當然就係一班網友啦！可以識到大家真係一種緣份。今日未能夠逐一傾下計，真係有少少遺憾。希望嚟緊仲會有（好多好多）機會可以同大家見下面啦。
「爸爸，我怕醜呀嘛…嘻嘻…」
「嘻您個頭！下次係咁就抱姐姐出嚟算啦！」
「爸爸，點解冇相睇嘅？」
「啲爸爸媽媽未必想出境㗎嘛！放您個樣出嚟就得。」
「您係唔係都放我出嚟㗎啦。不過您記得放番啲相上我地個加密相簿俾人睇喎！」
「得啦，長氣！依家咪上傳緊囉。我會電郵班姨姨去睇㗎啦。」
「乖喇！」
各網友報告：
米B：花樣少男少女茶聚，花樣男女花花絮，警訊 - 小心祈福黨
比比：花樣少男少女茶聚 之 滿載而歸
貓奴：花樣少男少女茶聚
杏子：727花樣少男少女聚會
朗熙：727。花樣少男少女Gathering---好開心呀!
Wingwing: 727 花樣少男少女茶聚花絮
哲哲：sinablog花樣少男少女茶聚: 住家男出醜人前
Anson：花樣茶聚頭條特寫
莎莉蛋糕：花樣少男少女茶聚：頭條新聞篇
Mavis: 花樣少男少女聚會
傲衡：花樣少男少女茶聚
曦曦：花樣少男少女茶聚
Emilili：花樣少男少女茶聚 - 警訊 !?!
~ Lindberg
「爸爸，關『燿榮』咩事呀？」
「冇呀，我見啲明星哥哥姐姐都多謝佢。講埋佢個名好似威啲呀嘛。」
「爸爸，我冇您咁好氣呀！」
好…認真一啲。首先當然要多謝「三娘」，即係 白雪、Maggie、同埋 Koko。冇佢地話搞，都唔會有今次嘅聚會。特別係 Maggie，好有心地為我地搵咗啲贊助商，令大家有額外嘅驚喜。而啲果汁就係 白雪嘅貢品，而 Koko 就幫手去攞贈品。
因為有贊助商，當然要認真地鳴謝一下，包括：
Huggies
Chicco
思詩樂
Vita Pixel
亦都要多謝 Fat Angelo's 意大利餐廳提供場地及贊助部份食物。
仲要多謝新浪網。因為冇新浪網，我地就識唔到大家。不過下次一定要搵新浪網俾番啲實質支援先得！
但最重要，當然就係一班歌迷…
「爸爸，您又發傻呀？」
「一時口快講錯啫！」
但最重要，當然就係一班網友啦！可以識到大家真係一種緣份。今日未能夠逐一傾下計，真係有少少遺憾。希望嚟緊仲會有（好多好多）機會可以同大家見下面啦。
哲哲：我都未抱過你！下次你要早啲熱身啦！最後我代表犬兒講一聲「對唔住」。咁多姨姨想同佢玩，佢就玩扭計，冇鬼用！
Anson：你好可愛呀！又唔怕人。下次要偷你返屋企！
Eason：我影唔到你哩個靚仔呀！我竟然會錯過「三神合體」！可惜可惜…
Mavis：妳好似妳阿媽呀！十足十一個餅印。仲有呀，妳阿媽好搞笑呀。
茄茄：你對眼真係好圓好圓！十萬個可愛！
米b：妳好叻叻呀！爬得咁快。頭髮又密又靚。
Hayden：你個髮型真係冇得頂！
Patsy：唔好教壞人呀！
莎莉：唔好群埋晒啲衰人呀！
Emilili：唔好群埋晒啲衰人呀！
Chloe：都冇認真介紹妳俾熙熙識添！
熙熙：都冇認真介紹你俾 Chole 識添！
比比：你仲細，等下次大個啲再同班哥哥姐姐玩啦！
皓皓：Koko 姨姨都冇介紹你俾我識。下次再同你玩過！
曦曦：喺 Wingwing 個網頁就見得多喇。真人仲靚仔過上鏡喎！
Wingwing：終於見到妳啦！不過今日忙住走來走去，搞到一身大汗，都冇機會同妳傾下計添。
傲衡：你好軟綿綿呀！又好淡定喎。你大個之後一定高大威猛啫。
「爸爸，我怕醜呀嘛…嘻嘻…」
「嘻您個頭！下次係咁就抱姐姐出嚟算啦！」
「爸爸，點解冇相睇嘅？」
「啲爸爸媽媽未必想出境㗎嘛！放您個樣出嚟就得。」
「您係唔係都放我出嚟㗎啦。不過您記得放番啲相上我地個加密相簿俾人睇喎！」
「得啦，長氣！依家咪上傳緊囉。我會電郵班姨姨去睇㗎啦。」
「乖喇！」
各網友報告：
米B：花樣少男少女茶聚，花樣男女花花絮，警訊 - 小心祈福黨
比比：花樣少男少女茶聚 之 滿載而歸
貓奴：花樣少男少女茶聚
杏子：727花樣少男少女聚會
朗熙：727。花樣少男少女Gathering---好開心呀!
Wingwing: 727 花樣少男少女茶聚花絮
哲哲：sinablog花樣少男少女茶聚: 住家男出醜人前
Anson：花樣茶聚頭條特寫
莎莉蛋糕：花樣少男少女茶聚：頭條新聞篇
Mavis: 花樣少男少女聚會
傲衡：花樣少男少女茶聚
曦曦：花樣少男少女茶聚
Emilili：花樣少男少女茶聚 - 警訊 !?!
~ Lindberg
2008年7月26日
遊花園、蕩鞦韆
因天氣的關系，都已經很久沒有機會帶 Jayson 公園玩。上星期日跟爺爺嫲嫲飲完茶之後，見陽光普照，於是便去維多利亞公園行一趟。
那天天氣非常炎熱，於是我們先去買了把扇和飲品。
「Jayson，見咁熱就俾支凍飲您涼快一下啦！」
「正！」
三時左右去到公園，裡面沒有太多遊人。可能是天氣太熱，大家都走到冷氣開放的商場裡去。原本希望可以在遊樂場中，讓 Jayson 見到一些哥哥姐姐玩耍。可惜整個遊樂場都只有我們三個。
見四周都沒有人，我們便抱 Jayson 去試試蕩鞦韆。
Jayson 除了熱得有點疲倦之外，還表現得有點不知所措。哈哈哈…
玩了不夠五分鐘，我們便抱他下來。那時我們三人都已經一頭大汗。之後走到樹陰底下喝一點水。因怕天氣太熱，他會中暑，所以還是早點回去吧。
雖然前後都不過是半個鐘左右，Jayson 都已經（給我們）玩得很累。當回到車後，我們都有點怕他出汗很會著涼，所以都不敢開大冷氣。坐上自己的寶座時，他便立即進入夢鄉。
~ Lindberg
那天天氣非常炎熱，於是我們先去買了把扇和飲品。
「Jayson，見咁熱就俾支凍飲您涼快一下啦！」
「正！」
三時左右去到公園，裡面沒有太多遊人。可能是天氣太熱，大家都走到冷氣開放的商場裡去。原本希望可以在遊樂場中，讓 Jayson 見到一些哥哥姐姐玩耍。可惜整個遊樂場都只有我們三個。
見四周都沒有人，我們便抱 Jayson 去試試蕩鞦韆。
Jayson 除了熱得有點疲倦之外，還表現得有點不知所措。哈哈哈…
玩了不夠五分鐘，我們便抱他下來。那時我們三人都已經一頭大汗。之後走到樹陰底下喝一點水。因怕天氣太熱，他會中暑，所以還是早點回去吧。
雖然前後都不過是半個鐘左右，Jayson 都已經（給我們）玩得很累。當回到車後，我們都有點怕他出汗很會著涼，所以都不敢開大冷氣。坐上自己的寶座時，他便立即進入夢鄉。
~ Lindberg
2008年7月25日
九個月大
「我尋日九個月大啦。等我自己報告一下啲進展先！」
「我食緊三餐奶、一餐飯、一餐果汁。有時仲有婆婆靚湯。尋日爸爸俾咗幾啖東星班我食。好好味呀！不過爸爸話係見冇油冇豉油先俾我食。而且又話大魚含唔知乜野重金屬多，所以食得少少。嗚嗚…」
「爸媽近排湊我湊到好攰，所以唔記得幫我磅重。我估自己冇乜肥到。」
「表姐放緊暑假，有時會嚟同我玩。婆婆屋企出面有個平台。有好多地方我行來行去（用學行車）。Florence 姐姐都好錫我。」
「我鐘意坐定定。自己玩。唔鐘意爬。唔鐘意玩 Tummy Time。姐姐都好錫我，成日都同我玩。不過爸媽成日都好擔心姐姐，驚佢唔舒服。」
「我最近學識拍手、拜拜、同埋擰頭。心情好仲會唱自己作嘅歌仔。」
「我近排鐘意睇兩個廣告。一個係全知賢姐姐。另一個係『衍生開奶茶』，好似好好味咁… 爸爸都好鐘意睇呢個廣告，因為後面有一班 Maid 姐姐。」
「爸爸近排好忙。侵略地球嘅大計暫時放埋咗一邊。我就可以趁機休息下啦。報告完畢！」
~ Lindberg
「我食緊三餐奶、一餐飯、一餐果汁。有時仲有婆婆靚湯。尋日爸爸俾咗幾啖東星班我食。好好味呀！不過爸爸話係見冇油冇豉油先俾我食。而且又話大魚含唔知乜野重金屬多，所以食得少少。嗚嗚…」
「爸媽近排湊我湊到好攰，所以唔記得幫我磅重。我估自己冇乜肥到。」
「表姐放緊暑假，有時會嚟同我玩。婆婆屋企出面有個平台。有好多地方我行來行去（用學行車）。Florence 姐姐都好錫我。」
「我鐘意坐定定。自己玩。唔鐘意爬。唔鐘意玩 Tummy Time。姐姐都好錫我，成日都同我玩。不過爸媽成日都好擔心姐姐，驚佢唔舒服。」
「我最近學識拍手、拜拜、同埋擰頭。心情好仲會唱自己作嘅歌仔。」
「我近排鐘意睇兩個廣告。一個係全知賢姐姐。另一個係『衍生開奶茶』，好似好好味咁… 爸爸都好鐘意睇呢個廣告，因為後面有一班 Maid 姐姐。」
「爸爸近排好忙。侵略地球嘅大計暫時放埋咗一邊。我就可以趁機休息下啦。報告完畢！」
~ Lindberg
2008年7月24日
MySinaBlog 三周年紀念
連續俾人踢中同一個位，好痛呀！白雪同 Jo 分別醒我兩腳。咁我就嚟分享一下啦！
1. 你寫 Blog 有多久？ 最初為什麼會有開始寫Blog的念頭？
起初寫 Blog 係喺 Blogger。我嘅綽號係「人有我有」，當時見郭生玩，我就玩埋一份。第一篇文章係 2001 年 9 月 3 日。當時用英文寫，都係啲生活日記。（非常）斷斷續續咁，寫咗幾年。
兩年前搬咗過嚟。搬嘅原因係喺 Blogger 真係自己寫俾自己睇。可能大部份 Blogger 用家都係老外。對住道牆講野，好灰。所以我想「地區化」少少。試過 MSN 同 Sina，發現 Sina 有一班幾好嘅網民。除此之外，Sina 個介面比較簡潔。比起 Yahoo 嗰邊簡單好多，唔會睇到眼花花。所以就開始喺 Sina 寫。
起初都係寫日記。之後多咗個節瓜俠。加上我想統治地球好耐。咁咪有：「節瓜俠大戰 Kidad 王」囉。
2. 寫 Blog 至今，最難忘的事是什麼？
識到白雪。真係咪講笑。寫野寫到識到個同月同日嘅網友，真係覺得好新奇！不過後來發現圍內都仲有幾對喎。世界真細小呀！
其實真係多得「節瓜俠」。冇佢，真係搵鬼睇呀。而我就識唔到唔多朋友啦。嗚嗚…
3. 你覺得寫 Blog 最重要的元素是什麼？
咁要睇下想寫俾人睇，定寫俾自己睇啦。寫俾自己睇，就要用心去記低自己嘅野。不過唔可以用寫作嚟鑽牛角尖。而寫俾人睇，就更加要用心，諗下讀者嘅感受，否則搵鬼睇你寫嘅野咩！而我以前係前者。依家前後都有。哈！
4. 請用一個詞語 / 東西形容你的 Blog。為什麼會有這樣的想法？
自我挑戰、五行欠打。成日對住部電腦，仲唔係自我挑戰，想找死呀？
5. Blog 在你的生活中擔當著什麼角色？
侵略地球嘅幻想空間…
6. 你覺得自己和 MySinaBlog 的 Blogger 們有著怎樣的關係？
其實除咗會留言嘅朋友，我都唔仲有乜人會睇我個網誌，所以唔知佢地會點睇我呢到。而其餘叫得做網友嘅 Blogger，當然就係朋友啦。我覺得寫得網誌嘅，好多時都攞自己真實嘅一面嚟示人。正因為咁，可以睇到對方最真嘅一面。做到朋友，當然最開心啦。
正所謂：「人生有個真正朋友的確好極！飲勝！」
~ Lindberg
1. 你寫 Blog 有多久？ 最初為什麼會有開始寫Blog的念頭？
起初寫 Blog 係喺 Blogger。我嘅綽號係「人有我有」，當時見郭生玩，我就玩埋一份。第一篇文章係 2001 年 9 月 3 日。當時用英文寫，都係啲生活日記。（非常）斷斷續續咁，寫咗幾年。
兩年前搬咗過嚟。搬嘅原因係喺 Blogger 真係自己寫俾自己睇。可能大部份 Blogger 用家都係老外。對住道牆講野，好灰。所以我想「地區化」少少。試過 MSN 同 Sina，發現 Sina 有一班幾好嘅網民。除此之外，Sina 個介面比較簡潔。比起 Yahoo 嗰邊簡單好多，唔會睇到眼花花。所以就開始喺 Sina 寫。
起初都係寫日記。之後多咗個節瓜俠。加上我想統治地球好耐。咁咪有：「節瓜俠大戰 Kidad 王」囉。
2. 寫 Blog 至今，最難忘的事是什麼？
識到白雪。真係咪講笑。寫野寫到識到個同月同日嘅網友，真係覺得好新奇！不過後來發現圍內都仲有幾對喎。世界真細小呀！
其實真係多得「節瓜俠」。冇佢，真係搵鬼睇呀。而我就識唔到唔多朋友啦。嗚嗚…
3. 你覺得寫 Blog 最重要的元素是什麼？
咁要睇下想寫俾人睇，定寫俾自己睇啦。寫俾自己睇，就要用心去記低自己嘅野。不過唔可以用寫作嚟鑽牛角尖。而寫俾人睇，就更加要用心，諗下讀者嘅感受，否則搵鬼睇你寫嘅野咩！而我以前係前者。依家前後都有。哈！
4. 請用一個詞語 / 東西形容你的 Blog。為什麼會有這樣的想法？
自我挑戰、五行欠打。成日對住部電腦，仲唔係自我挑戰，想找死呀？
5. Blog 在你的生活中擔當著什麼角色？
侵略地球嘅幻想空間…
6. 你覺得自己和 MySinaBlog 的 Blogger 們有著怎樣的關係？
其實除咗會留言嘅朋友，我都唔仲有乜人會睇我個網誌，所以唔知佢地會點睇我呢到。而其餘叫得做網友嘅 Blogger，當然就係朋友啦。我覺得寫得網誌嘅，好多時都攞自己真實嘅一面嚟示人。正因為咁，可以睇到對方最真嘅一面。做到朋友，當然最開心啦。
正所謂：「人生有個真正朋友的確好極！飲勝！」
~ Lindberg
2008年7月23日
阿媽教仔
上星期跟「三娘」通 MSN，提到 Jayson 媽每次見到 Anson 這麼活躍，都深感慚愧。之後便會拿 Jayson 訓話一番。有圖為證：
「Jayson，您睇人地 Anson 細過您但係幾叻。爬來爬去啦！」
「媽媽，我呢啲叫做醒目呀。有您抱我咪得囉！」
因 Jayson 身邊沒有同年的朋友，所以沒法作出交流和學習。於是我們便引進這套，看網誌教育法。（哈哈哈哈…）
那天在 MSN，我們談到「比較」這個問題。其實每當看見身邊小朋友的進步時，都好自然希望 Jayson 也有同樣的進步。為的不是要望子成龍，而只是擔心他的健康。可能都是一些多餘的憂慮。但如果因為是自己的觀察不足，而遲了作出某些決定，這是不可能原諒。（威威…）
但 Jayson 的「懶惰」，有時卻帶來一點好處。就是他可以坐高凳，跟我們一起吃飯。
上星期日跟爺爺嫲嫲飲茶。我們要了一張小童高凳。Jayson 便乖乖地坐在上面，我倆輪流餵他吃飯飯。吃完之後便繼續坐在上面玩他的玩具，而我們便飲我們的茶。如果他會自己食，那就更加好啦。嘻嘻…
~ Lindberg
「Jayson，您睇人地 Anson 細過您但係幾叻。爬來爬去啦！」
「媽媽，我呢啲叫做醒目呀。有您抱我咪得囉！」
因 Jayson 身邊沒有同年的朋友，所以沒法作出交流和學習。於是我們便引進這套，看網誌教育法。（哈哈哈哈…）
那天在 MSN，我們談到「比較」這個問題。其實每當看見身邊小朋友的進步時，都好自然希望 Jayson 也有同樣的進步。為的不是要望子成龍，而只是擔心他的健康。可能都是一些多餘的憂慮。但如果因為是自己的觀察不足，而遲了作出某些決定，這是不可能原諒。（威威…）
但 Jayson 的「懶惰」，有時卻帶來一點好處。就是他可以坐高凳，跟我們一起吃飯。
上星期日跟爺爺嫲嫲飲茶。我們要了一張小童高凳。Jayson 便乖乖地坐在上面，我倆輪流餵他吃飯飯。吃完之後便繼續坐在上面玩他的玩具，而我們便飲我們的茶。如果他會自己食，那就更加好啦。嘻嘻…
~ Lindberg
2008年7月22日
你心目中的店子
一連俾人踢中兩腳。先處理咗飛天火羽呢個。因為可以俾我亂咁寫。哈哈哈哈哈哈…
(1) 你想開什麼店子？
Maid Cafe。嘩哈哈哈哈哈哈！講笑咋。不過應該話係一半講笑，一半講真。我同郭生之前有個咖啡店嘅構思。首先開一個連鎖式咖啡店，亦都係我統治地球嘅起點。有咗呢個賺到錢嘅動力來源（Cash Cow）之後，就可以養活一啲所謂「理想」，即係未必賺到錢嘅概念—Maid Cafe。
（張相係網到搵。唔知來源係邊到，鳴謝唔到添… 不過入面個肥哥哥又真係有幾分似我… 嘩哈哈哈哈哈…）
(2) 店子的室內佈置是怎樣的？
店內佈置並不緊要。侍應的衣著才是最重要。嘻嘻…
老實講，我地唔係真係想開間 Maid Cafe。當然有靚女侍應，做野都會醒神啲（但亦有可能分神…）。不過我地主要係想做一杯好咖啡，俾用任何客人享用。從而提升客人對此飲品嘅欣賞層面。店內會有我地喜歡嘅野，例如音樂、相片、小號（我封咗塵嗰支）、大提琴（郭生封咗塵嗰支）、靚女侍應等等。
(3) 你的目標顧客是什麼人？
自己。嘩哈哈哈哈！都係講笑。應該係對咖啡有要求，或者想認識咖啡嘅人。
(4) 你會選在什麼地方開店？
秘密基地… 當然最好係瀑布後面。不過太唔就腳，亦會整濕個身。最好都係要上樓，比較清靜。後街都得，不過怕被人誤會為色情場所…
(5) 營業時間？
我地係一間俾人享受嘅咖啡嘅地方。朝早飲咖啡大多數都係用嚟提神，唔係大適合我地嘅理念。所以開下午四點至十點就差不多喇。
(6) 你會親身到店內打點嗎？
當然會！（如果請到靚女侍應。）
(7) 你會使用什麼宣傳策略？
冇。正所謂：有麝（香貓咖啡）自然香。哈哈哈哈… 不過老實講就當然有。賣點係對咖啡嘅熱誠。所以放郭生出嚟就得啦（吊佢個人出窗口）。而且始終都係一間「理想」嘅小店。唔想有太多人客，想做死我地咩。
(8) 遇上麻煩的顧客時，你會怎麼辦？
睇下邊種麻煩啦。如果係無理嘅麻煩，就叫班美少女戰士「請」佢地走。
(9) 假設生意成功，你會擴充規模開分店嗎？
唔會。咁嘅咖啡店，即使成功，都應該賺唔到錢。否則我地可能做錯野，違背咗我地嘅原意。
我好少踢番人。但正所謂踢人者，亦被人踢之。白雪，接我一腳！繼續寫下一個 tag。
~ Lindberg
(1) 你想開什麼店子？
Maid Cafe。嘩哈哈哈哈哈哈！講笑咋。不過應該話係一半講笑，一半講真。我同郭生之前有個咖啡店嘅構思。首先開一個連鎖式咖啡店，亦都係我統治地球嘅起點。有咗呢個賺到錢嘅動力來源（Cash Cow）之後，就可以養活一啲所謂「理想」，即係未必賺到錢嘅概念—Maid Cafe。
（張相係網到搵。唔知來源係邊到，鳴謝唔到添… 不過入面個肥哥哥又真係有幾分似我… 嘩哈哈哈哈哈…）
(2) 店子的室內佈置是怎樣的？
店內佈置並不緊要。侍應的衣著才是最重要。嘻嘻…
老實講，我地唔係真係想開間 Maid Cafe。當然有靚女侍應，做野都會醒神啲（但亦有可能分神…）。不過我地主要係想做一杯好咖啡，俾用任何客人享用。從而提升客人對此飲品嘅欣賞層面。店內會有我地喜歡嘅野，例如音樂、相片、小號（我封咗塵嗰支）、大提琴（郭生封咗塵嗰支）、靚女侍應等等。
(3) 你的目標顧客是什麼人？
自己。嘩哈哈哈哈！都係講笑。應該係對咖啡有要求，或者想認識咖啡嘅人。
(4) 你會選在什麼地方開店？
秘密基地… 當然最好係瀑布後面。不過太唔就腳，亦會整濕個身。最好都係要上樓，比較清靜。後街都得，不過怕被人誤會為色情場所…
(5) 營業時間？
我地係一間俾人享受嘅咖啡嘅地方。朝早飲咖啡大多數都係用嚟提神，唔係大適合我地嘅理念。所以開下午四點至十點就差不多喇。
(6) 你會親身到店內打點嗎？
當然會！（如果請到靚女侍應。）
(7) 你會使用什麼宣傳策略？
冇。正所謂：有麝（香貓咖啡）自然香。哈哈哈哈… 不過老實講就當然有。賣點係對咖啡嘅熱誠。所以放郭生出嚟就得啦（吊佢個人出窗口）。而且始終都係一間「理想」嘅小店。唔想有太多人客，想做死我地咩。
(8) 遇上麻煩的顧客時，你會怎麼辦？
睇下邊種麻煩啦。如果係無理嘅麻煩，就叫班美少女戰士「請」佢地走。
(9) 假設生意成功，你會擴充規模開分店嗎？
唔會。咁嘅咖啡店，即使成功，都應該賺唔到錢。否則我地可能做錯野，違背咗我地嘅原意。
我好少踢番人。但正所謂踢人者，亦被人踢之。白雪，接我一腳！繼續寫下一個 tag。
~ Lindberg
2008年7月21日
昨日的 CK 模特兒
兩個月前，我幫 Jayson 拍了這張性感 CK 模特兒照。
這天我再幫他拍一張。比之前更有肉感嗎？
給爸媽笑完一大輪之後，我們為他穿上早前在 Uniqlo 買的背心和換過一條牛仔短褲。Jayson 可能見我們在笑他，所以來一個很「臭」的表情。
性感的背心，露出強壯的手臂。希望在這炎炎夏日，為大家帶來一點涼快的感覺。
~ Lindberg
這天我再幫他拍一張。比之前更有肉感嗎？
給爸媽笑完一大輪之後，我們為他穿上早前在 Uniqlo 買的背心和換過一條牛仔短褲。Jayson 可能見我們在笑他，所以來一個很「臭」的表情。
性感的背心，露出強壯的手臂。希望在這炎炎夏日，為大家帶來一點涼快的感覺。
~ Lindberg
2008年7月20日
惡靈枕頭
前一排契爺去咗北京玩，買咗個枕頭仔俾 Jayson。枕頭仔係老虎樣，入面應該係油柑子，有定驚嘅作用。老虎樣係有避邪作用。但睇真啲，原來呢個枕頭仲有另一個不為人知嘅含意！
先睇一睇個中文說明：
老虎枕頭，本產品對小孩受驚嚇、多夢、惡夢有一定作用，可避邪保平安。
非常之正常。之後睇一睇個英文說明：
Tiger Pillow. This products shock to the children. Many dreams, nightmares have a certain role. Evil spirits for security and peace.
中文翻譯：老虎枕頭。此產品會震驚小孩。很多夢及惡夢都有其作用。惡靈帶來安全及平安。
不得了呀！原來此老虎枕頭對於老外，用法同對我地中國人係原全唔同！除咗係專用嚟嚇細路之外，嗰隻老虎原來仲係惡靈！不過我唔係好明惡靈點解會帶來平安。可能如果身邊有件惡靈，啲小鬼就唔敢埋身。好彩 Jayson 係中國人。唔係就有排驚啦。嘩哈哈哈哈！
當 Jayson 媽見到個英文說明，立即笑死我地兩個。相信都係類似 Google 翻譯嘅「傑作」。真係要多謝 Ardy 契爺。除咗多謝佢咁錫個契仔，仲令我地有得笑下。哈哈哈哈…
~ Lindberg
先睇一睇個中文說明：
老虎枕頭，本產品對小孩受驚嚇、多夢、惡夢有一定作用，可避邪保平安。
非常之正常。之後睇一睇個英文說明：
Tiger Pillow. This products shock to the children. Many dreams, nightmares have a certain role. Evil spirits for security and peace.
中文翻譯：老虎枕頭。此產品會震驚小孩。很多夢及惡夢都有其作用。惡靈帶來安全及平安。
不得了呀！原來此老虎枕頭對於老外，用法同對我地中國人係原全唔同！除咗係專用嚟嚇細路之外，嗰隻老虎原來仲係惡靈！不過我唔係好明惡靈點解會帶來平安。可能如果身邊有件惡靈，啲小鬼就唔敢埋身。好彩 Jayson 係中國人。唔係就有排驚啦。嘩哈哈哈哈！
當 Jayson 媽見到個英文說明，立即笑死我地兩個。相信都係類似 Google 翻譯嘅「傑作」。真係要多謝 Ardy 契爺。除咗多謝佢咁錫個契仔，仲令我地有得笑下。哈哈哈哈…
~ Lindberg
2008年7月19日
The Dark Knight 好好睇
今日去咗睇 Batman。其實開頭冇諗過入戲院睇，不過買唔到 Hancock 嘅飛，唯有睇 Batman 啦。我唔係太鐘意 Batman，因為佢太黑暗，睇完唔多開心。套戲差不多兩個半鐘。出乎意料嘅好睇。
Jayson 媽冇睇過 Batman Begins，於是我用食午飯嘅時間講咗個故事大綱過佢知。其中一個會睇 Batman 嘅理由，就係想睇 Heath Ledger。第一套睇 Heath Ledger 嘅電影應該係 A Knight's Tale。非常靚仔。當日聽新聞，知道佢嘅離去，都覺得非常突然。睇過佢喺戲中演繹嘅 The Joker 之後，更覺得係天妒英才。Heath Ledger 真係做得好好，應該話非常好，而且絕對唔洗俾同情分。首先，我原全想象唔到，一個靚仔會變成咁嘅樣。
其次佢真係可以話演得入型入格。The Joker 嘅陰森同瘋狂，演繹得非常出色。而且加入好多小動作，令到角色更加有說服力。比起以前 Jack Nicholson 扮小丑呢個角色，有過之而冇不及。
而套戲由頭到尾都非常緊湊。雖然有幾幕好似交待不足，有少少唔明，要之後諗番轉頭。不過問題不大。影香港嗰幕，充份表現出「再見-唔到-藍天」嘅香港。高處影埋去濛查查。不過之後個夜景真係影得幾靚。我覺得呢兩集 Batman，最大嘅改進，就係用現實實景，唔再係好似漫畫入面啲奇奇怪怪嘅大廈。令個故仔更有代入感，而唔再係一個遙不可及嘅罪惡城。
片中真係有陳冠希喎。做類似帶位嘅路人甲，仲要唔係鏡頭嘅焦點，濛查查…
雖然故事最後都係邪不能勝正，不過 Batman 嘅負擔就越嚟越重。亦繼上一集，加深咗對 Batman 刻畫成一個黑暗守護者、黑武士嘅形象。唔錯唔錯。
~ Lindberg
Jayson 媽冇睇過 Batman Begins，於是我用食午飯嘅時間講咗個故事大綱過佢知。其中一個會睇 Batman 嘅理由，就係想睇 Heath Ledger。第一套睇 Heath Ledger 嘅電影應該係 A Knight's Tale。非常靚仔。當日聽新聞，知道佢嘅離去，都覺得非常突然。睇過佢喺戲中演繹嘅 The Joker 之後，更覺得係天妒英才。Heath Ledger 真係做得好好，應該話非常好，而且絕對唔洗俾同情分。首先，我原全想象唔到，一個靚仔會變成咁嘅樣。
其次佢真係可以話演得入型入格。The Joker 嘅陰森同瘋狂，演繹得非常出色。而且加入好多小動作，令到角色更加有說服力。比起以前 Jack Nicholson 扮小丑呢個角色，有過之而冇不及。
而套戲由頭到尾都非常緊湊。雖然有幾幕好似交待不足，有少少唔明，要之後諗番轉頭。不過問題不大。影香港嗰幕，充份表現出「再見-唔到-藍天」嘅香港。高處影埋去濛查查。不過之後個夜景真係影得幾靚。我覺得呢兩集 Batman，最大嘅改進，就係用現實實景，唔再係好似漫畫入面啲奇奇怪怪嘅大廈。令個故仔更有代入感，而唔再係一個遙不可及嘅罪惡城。
片中真係有陳冠希喎。做類似帶位嘅路人甲，仲要唔係鏡頭嘅焦點，濛查查…
雖然故事最後都係邪不能勝正，不過 Batman 嘅負擔就越嚟越重。亦繼上一集，加深咗對 Batman 刻畫成一個黑暗守護者、黑武士嘅形象。唔錯唔錯。
~ Lindberg
2008年7月18日
Max Payne
Max Payne 係我其中一個最鐘意嘅 PC 遊戲。最近被拍成電影，不日公映。
哩個遊戲係 2001 年， Remedy Entertainment 出品。當時可算係非常創新。對於我地香港人嚟講，十足十玩緊吳宇森導演啲電影。雙槍，插水式飛身，最緊要係 Bullet-Time。Bullet-Time 應該係參考 1999 年嘅 The Matrix 入面嘅慢動作。喺遊戲裡面，一按右邊嘅滑鼠鍵就會入 Bullet-Time。周圍都會變成慢動作。你可以飛身避子彈，又可以慢慢瞄準敵人嚟射。當時真係非常過癮。
除此之外，故事都非常吸引。警察、臥底、毒品、含冤、報仇。製作亦好有「電影感」。我唔記得係第一，定係第二集，其中一幕俾人打咗支迷幻針，要靠聽聲喺左邊喇叭嚟，定右邊喇叭嚟行出迷宮。非常迷幻。
電影選角方面好似唔錯。Mark Wahlberg 做 Max Payne，都幾合適。前一排睇咗佢嗰套 The Happening，都唔錯。到時電影一出，一定要去捧一捧場。
~ Lindberg
除此之外，故事都非常吸引。警察、臥底、毒品、含冤、報仇。製作亦好有「電影感」。我唔記得係第一，定係第二集，其中一幕俾人打咗支迷幻針，要靠聽聲喺左邊喇叭嚟，定右邊喇叭嚟行出迷宮。非常迷幻。
電影選角方面好似唔錯。Mark Wahlberg 做 Max Payne，都幾合適。前一排睇咗佢嗰套 The Happening，都唔錯。到時電影一出，一定要去捧一捧場。
~ Lindberg
2008年7月17日
花樣少男少女茶聚（二）
今日來一個十日前匯報。首先重複一下茶聚詳情：
而經「一個墟」相議過，當日我地會準備一啲墊墊俾啲小朋友喺上面玩同影相。「一個墟」仲提議咗一啲「有獎遊戲」俾大人同小朋友玩添！如果大家仲有乜好建議，絕對非常歡迎提出。無言感激！
除此之外，仲有「三神合體」表演：Anson、Eason、同埋 Jayson。哈哈哈！
不過希望大家留意一下，起初對啲小朋友唔好太過熱情。因為佢地哩個階段好認人，等大家熱咗身，慢慢玩都得！熙媽仲建議每位小朋友都帶一件玩具。到時可以多啲野一齊玩，打破隔漠。
餐廳方面，餐單仲等緊確定。不過到時見到咁多小朋友，食咗佢地都唔洗食其他啦。哈哈哈！
如果仲有人唔知去邊嘅，請與本秘書聯絡。報咗名嘅有：
~ Lindberg
P.S. 唔好問段片把低能聲係邊個！
日期：7月27日請注意，特別要求修改咗少少。因為有朋友冇小朋友（或貓狗）帶嚟，見班小朋友玩交換禮物，而冇得參與好似好慘。所以我地想預埋所有人，以報名「單位」作計算。一個單位一份。
時間：3:00pm-5:30pm
地點：銅鑼灣某意大利餐廳
費用：$80 （每個大人）包括飲品及食物
特別要求：每個單位請預備一份 $50 左右的小禮物作交換
而經「一個墟」相議過，當日我地會準備一啲墊墊俾啲小朋友喺上面玩同影相。「一個墟」仲提議咗一啲「有獎遊戲」俾大人同小朋友玩添！如果大家仲有乜好建議，絕對非常歡迎提出。無言感激！
除此之外，仲有「三神合體」表演：Anson、Eason、同埋 Jayson。哈哈哈！
不過希望大家留意一下，起初對啲小朋友唔好太過熱情。因為佢地哩個階段好認人，等大家熱咗身，慢慢玩都得！熙媽仲建議每位小朋友都帶一件玩具。到時可以多啲野一齊玩，打破隔漠。
餐廳方面，餐單仲等緊確定。不過到時見到咁多小朋友，食咗佢地都唔洗食其他啦。哈哈哈！
如果仲有人唔知去邊嘅，請與本秘書聯絡。報咗名嘅有：
哲哲 - 2a1b31 個大人，14 個小朋友。一個字：「勁」！Jayson 都興奮到來一個拍手掌先！
Anson - 2a1b
Jayson - 2a1b
Eason - 2a1b
Mavis - 2a1b
茄茄 - 2a1b
米b - 2a1b
Hayden - 1a1b
Pasty - 1a
莎莉 - 1a
可梨 - 1a
Chloe - 2a1b
熙熙 - 2a1b
比比 - 2a1b
Joanna - 2a1b
Emilili - 1a
曦曦 - 1a1b
Wingwing - 2a
傲衡 - 2a1b
~ Lindberg
P.S. 唔好問段片把低能聲係邊個！
2008年7月16日
一人一 iPhone
我終於等到今日啦！可以正正式式出部 iPhone！
如果要買 iPhone，好多人都知要上網登記。然後會有人打電話俾你，話去邊到攞貨。星期日就有個人打俾我，叫我去粉嶺攞。佢話哩部係有人唔要先可以預先俾我，如果唔要，就要等下一批。但係我要去探郭小姐，只好拒絕咗佢。而且粉嶺咁遠，我未至於咁心急。
點知星期一食午飯之前行過 3，見唔多人就走去問清楚啲轉台手續。個姐姐問我有冇上網登記。我話有。佢就話可以即刻俾部機我！因為我想要白色 16G，佢話過幾個鐘就有貨，到時打電話叫我嚟攞。於是我就走去食午飯。
喺餐廳門口，公司有人打俾我，搞到我企喺條街上面講咗成個鐘電話！講完正想入去之時，3 姐姐就打俾我！有電話攞，仲洗乜食飯呀。於是我就買咗個雞蛋仔，食住跑去攞電話。
辦理轉台手續都要啲時間。足足整咗半個鐘有多。但係原來咁都未算耐，貼保護貼仲耐！
Fred 哥同郭生都極力推介用 Zaag 嘅 Invisible Shield。我之前上咗 298 留名訂咗一塊。幫我黏埋，收我 $240。我手汗多，又會手震，自己點黏呀。六點幾就放工「飛」去俾佢黏。可能新款 iPhone 嘅關系，哥仔唔係好熟手。塊保護貼要噴水先可以放得上去，仲要等啲水乾要可以攞走。加上好多人排隊要佢貼。一次過貼四五部機，我差啲唔認得邊部係自己嘅！最後，足足等咗我個半鐘！差啲晚飯都食唔到，仲俾人鬧死添！
對於一個蘋果用家，iPhone 真係一件恩物。加上近排做到一頭煙，開始有番小小自己嘅時間，就嚟一份咁嘅禮物（雖然係自己買），真係好感動。
我喺 3 選擇咗 $498 無限上網計劃。對於一個屁股成日痕癢嘅人，任何地方都可以無限上網係非常之重要。不過睇番暫時嘅數據，我一日都係用咗 10MB 傳送。其實一個月 500MB 都應該好足夠。玩大咗添… 嘻…
除此之外，3 雖然有無限網內短訊，網外就收 $0.6 一個，而 $18 嘅短訊套餐都只係有 40 個網外短訊。平時公司都好興用短訊溝通，40 個夠鬼我用咩！希望遲啲有類似 MSN 嘅軟件（依家只係有 AIM），到時一人一部 iPhone，就可以二十四小時玩 MSN 啦。哈哈哈！
~ Lindberg
如果要買 iPhone，好多人都知要上網登記。然後會有人打電話俾你，話去邊到攞貨。星期日就有個人打俾我，叫我去粉嶺攞。佢話哩部係有人唔要先可以預先俾我，如果唔要，就要等下一批。但係我要去探郭小姐，只好拒絕咗佢。而且粉嶺咁遠，我未至於咁心急。
點知星期一食午飯之前行過 3，見唔多人就走去問清楚啲轉台手續。個姐姐問我有冇上網登記。我話有。佢就話可以即刻俾部機我！因為我想要白色 16G，佢話過幾個鐘就有貨，到時打電話叫我嚟攞。於是我就走去食午飯。
喺餐廳門口，公司有人打俾我，搞到我企喺條街上面講咗成個鐘電話！講完正想入去之時，3 姐姐就打俾我！有電話攞，仲洗乜食飯呀。於是我就買咗個雞蛋仔，食住跑去攞電話。
辦理轉台手續都要啲時間。足足整咗半個鐘有多。但係原來咁都未算耐，貼保護貼仲耐！
Fred 哥同郭生都極力推介用 Zaag 嘅 Invisible Shield。我之前上咗 298 留名訂咗一塊。幫我黏埋，收我 $240。我手汗多，又會手震，自己點黏呀。六點幾就放工「飛」去俾佢黏。可能新款 iPhone 嘅關系，哥仔唔係好熟手。塊保護貼要噴水先可以放得上去，仲要等啲水乾要可以攞走。加上好多人排隊要佢貼。一次過貼四五部機，我差啲唔認得邊部係自己嘅！最後，足足等咗我個半鐘！差啲晚飯都食唔到，仲俾人鬧死添！
對於一個蘋果用家，iPhone 真係一件恩物。加上近排做到一頭煙，開始有番小小自己嘅時間，就嚟一份咁嘅禮物（雖然係自己買），真係好感動。
我喺 3 選擇咗 $498 無限上網計劃。對於一個屁股成日痕癢嘅人，任何地方都可以無限上網係非常之重要。不過睇番暫時嘅數據，我一日都係用咗 10MB 傳送。其實一個月 500MB 都應該好足夠。玩大咗添… 嘻…
除此之外，3 雖然有無限網內短訊，網外就收 $0.6 一個，而 $18 嘅短訊套餐都只係有 40 個網外短訊。平時公司都好興用短訊溝通，40 個夠鬼我用咩！希望遲啲有類似 MSN 嘅軟件（依家只係有 AIM），到時一人一部 iPhone，就可以二十四小時玩 MSN 啦。哈哈哈！
~ Lindberg
2008年7月15日
二十大磅
以前要幫 Jayson 磅重，需要用「曹沖稱象」的方法。但現在坐得穩，就方便很多。
「Jayson，仲係 20 磅呀您！超晒重啦！」
過重的原因，很相信是因為遲了兩個月才轉「大仔」奶粉的關系。「細仔」奶粉的熱量比較高，以應付初生嬰兒生長的需要。但六個月開始，生長速度開始穩定下來，加上開始食用其他食物，從奶粉中所需求的熱量會減少。給收過多熱量，自然會肥。這是我自己觀察所到。
Jayson 是依照醫生所講，在確認其他食物對 Jayson 沒有影響之前，就先不要轉奶粉。可能是吃多兩個月「細仔」奶粉，身型便上了 75% 的那條線。當然，遺傳也有關系。唉…
「阿仔，您睇下您個肚腩仔！」
「多得爸爸您個肚腩佬囉！嘻嘻…」
~ Lindberg
「Jayson，仲係 20 磅呀您！超晒重啦！」
過重的原因，很相信是因為遲了兩個月才轉「大仔」奶粉的關系。「細仔」奶粉的熱量比較高，以應付初生嬰兒生長的需要。但六個月開始，生長速度開始穩定下來，加上開始食用其他食物，從奶粉中所需求的熱量會減少。給收過多熱量，自然會肥。這是我自己觀察所到。
Jayson 是依照醫生所講，在確認其他食物對 Jayson 沒有影響之前，就先不要轉奶粉。可能是吃多兩個月「細仔」奶粉，身型便上了 75% 的那條線。當然，遺傳也有關系。唉…
「阿仔，您睇下您個肚腩仔！」
「多得爸爸您個肚腩佬囉！嘻嘻…」
~ Lindberg
2008年7月14日
探望郭小姐
昨天帶 Jayson 去探出世不夠一個月的郭小姐。Chloe 一家也一起去。
「爸爸，您帶我去識女仔呀？搞到我緊張到瞓唔著添…」
「媽媽，幫我著靚靚！我要去見人呀！」
再次見到郭小姐，明顯地比上一次長大了很多。不知是否遺傳了父親個子高大的關系，總覺得比同時期的 Jayson 為之高大。
其實我們都已經忘記了 Jayson 曾經如似細小過。每天抱著 20 磅的 Jayson 四圍走，郭小姐就好像變得身輕如燕。但話雖如此，可能是抱著別人女兒的關系，比較緊張和用力，今天左邊手臂有點痛。哈哈哈哈…
咦… 為甚麼 Jayson 沒有跟郭小姐合照呢？
「爸爸！我都話您㗎啦！一見到女仔就自己走咗去唔理我。嗚嗚…」
其實我有讓 Jayson 摸一摸郭小姐。不過因為怕他不懂得控制力度，所以沒有讓 Jayson 太過接近。Jayson 見到郭小姐，好像不太清楚眼前這細小的東西是甚麼，有點不知所措的感覺。這又難怪，因為大多數時候都是接觸大人和貓。但 Jayson 跟 Chloe 姐姐都可以玩一下。
「Jayson，您做乜拖人地隻手呀？您有冇問過人爸爸呀？您唔驚爸爸俾人打呀？！」
「咁您有冇問過公公先拖媽媽隻手呀？」
「………」
郭小姐的名字，還沒有定案。我覺得除非父母本身沒有主意，有的話，就應該堅持用自己所選擇的名字。頂趾鞋，不好穿。嘻嘻…
~ Lindberg
「爸爸，您帶我去識女仔呀？搞到我緊張到瞓唔著添…」
「媽媽，幫我著靚靚！我要去見人呀！」
再次見到郭小姐，明顯地比上一次長大了很多。不知是否遺傳了父親個子高大的關系，總覺得比同時期的 Jayson 為之高大。
其實我們都已經忘記了 Jayson 曾經如似細小過。每天抱著 20 磅的 Jayson 四圍走，郭小姐就好像變得身輕如燕。但話雖如此，可能是抱著別人女兒的關系，比較緊張和用力，今天左邊手臂有點痛。哈哈哈哈…
咦… 為甚麼 Jayson 沒有跟郭小姐合照呢？
「爸爸！我都話您㗎啦！一見到女仔就自己走咗去唔理我。嗚嗚…」
其實我有讓 Jayson 摸一摸郭小姐。不過因為怕他不懂得控制力度，所以沒有讓 Jayson 太過接近。Jayson 見到郭小姐，好像不太清楚眼前這細小的東西是甚麼，有點不知所措的感覺。這又難怪，因為大多數時候都是接觸大人和貓。但 Jayson 跟 Chloe 姐姐都可以玩一下。
「Jayson，您做乜拖人地隻手呀？您有冇問過人爸爸呀？您唔驚爸爸俾人打呀？！」
「咁您有冇問過公公先拖媽媽隻手呀？」
「………」
郭小姐的名字，還沒有定案。我覺得除非父母本身沒有主意，有的話，就應該堅持用自己所選擇的名字。頂趾鞋，不好穿。嘻嘻…
~ Lindberg
2008年7月13日
漢堡包之 Burger Room
早前去 Shake'em Buns，食過好難食嘅漢堡包之後，今次嚟到嗰次原本想去嘅 Burgeroom。希望唔會再次失望而回。
個芝士條好明顯係叫貨番嚟就咁炸。味道一般，不過可以拉到好長，都幾好玩！哈哈哈…
「唔好玩你啲食物，除非你食緊你啲玩具！」
知唔知以上係邊位嘅名句呢？（答案：加菲貓）
炸魚薯條好唔掂。唔知係唔新鮮，或者係用咗炸魚柳包啲頭頭尾尾，極之腥。食咗幾舊就頂唔順。Jayson 媽可以食得好腥，就話問題唔大… 薯條就好脆。
漢堡包就唔錯。漢堡扒都係好似 Shake'em Buns，鬆散嗰種（我唔係太鐘意），不過都有啲咬口，唔係人地好似發水麵包咁核突。好多汁，亦都有肉味。麵包香軟，仲有個粉紅色嘅醬汁，味道唔錯。
地方非常舒服。我地坐沙發，真係舒服到可以坐成日。
~ Lindberg
P.S. 同場有兩個妹妹狂影相，相信之後都係放上網誌用。當時我同自己講，我唔可以寫得慢過佢地！嘩哈哈哈哈… 傻咗。
我地叫咗一個煙肉芝士漢堡包、炸魚薯條、同埋一個炸芝士條。Burgeroom地址：銅鑼灣加路連山道7號地鋪電話：2890 9130
個芝士條好明顯係叫貨番嚟就咁炸。味道一般，不過可以拉到好長，都幾好玩！哈哈哈…
「唔好玩你啲食物，除非你食緊你啲玩具！」
知唔知以上係邊位嘅名句呢？（答案：加菲貓）
炸魚薯條好唔掂。唔知係唔新鮮，或者係用咗炸魚柳包啲頭頭尾尾，極之腥。食咗幾舊就頂唔順。Jayson 媽可以食得好腥，就話問題唔大… 薯條就好脆。
漢堡包就唔錯。漢堡扒都係好似 Shake'em Buns，鬆散嗰種（我唔係太鐘意），不過都有啲咬口，唔係人地好似發水麵包咁核突。好多汁，亦都有肉味。麵包香軟，仲有個粉紅色嘅醬汁，味道唔錯。
地方非常舒服。我地坐沙發，真係舒服到可以坐成日。
~ Lindberg
P.S. 同場有兩個妹妹狂影相，相信之後都係放上網誌用。當時我同自己講，我唔可以寫得慢過佢地！嘩哈哈哈哈… 傻咗。
2008年7月12日
自殺式增肥
正當各網友為參加我地嘅聚會，努力修身之際，而我就走咗去增肥。唉…
可能近排做野比較用神，唔多夠瞓，再加上上星期六玩到好「早」，成日都覺得好肚餓！唔夠瞓會想食野嘅原因，以前都曾經講過。人體有兩隻荷爾蒙： leptin 和 ghrelin，前者話俾你個身體知飽唔飽，後者就增加食慾。而唔夠瞓就會減少 leptin 和增加 ghrelin。即係會覺得唔夠飽又食慾大增。死未？！
而我嘅「病態」好似都幾嚴重。前日臨瞓前好肚餓，竟然「冒死」走去食咗個杯麵！公司檯面多咗排朱古力（自己忍唔住手買），食下一塊，食下又一塊… 都幾大鑊…
正餐都食唔少。一個星期食咗兩餐漢堡包。早兩日去咗銅鑼灣嘅 Burgeroom，頭先去咗北角嘅 Big Bite。同樣都係大大份。我睇我都要做番啲運動先得啦。等我約周公去跑下步先！
~ Lindberg
可能近排做野比較用神，唔多夠瞓，再加上上星期六玩到好「早」，成日都覺得好肚餓！唔夠瞓會想食野嘅原因，以前都曾經講過。人體有兩隻荷爾蒙： leptin 和 ghrelin，前者話俾你個身體知飽唔飽，後者就增加食慾。而唔夠瞓就會減少 leptin 和增加 ghrelin。即係會覺得唔夠飽又食慾大增。死未？！
而我嘅「病態」好似都幾嚴重。前日臨瞓前好肚餓，竟然「冒死」走去食咗個杯麵！公司檯面多咗排朱古力（自己忍唔住手買），食下一塊，食下又一塊… 都幾大鑊…
正餐都食唔少。一個星期食咗兩餐漢堡包。早兩日去咗銅鑼灣嘅 Burgeroom，頭先去咗北角嘅 Big Bite。同樣都係大大份。我睇我都要做番啲運動先得啦。等我約周公去跑下步先！
~ Lindberg
2008年7月11日
豆渣的另類用途
早前莎莉介紹過，做豆漿嘅豆渣可以用嚟整豆渣煎餅。但估唔到豆渣仲有另一個用途，就係俾人掟落我架車到。唉…
因為真係慘不忍睹，所以冇影到相。事發係晚上十點半左右，我返屋企開車去接 Jayson。喺婆婆屋企樓下泊低。上樓落樓唔超過十分鐘，落嚟見到擋風玻璃被一層白色嘅粉末所蓋住。起初以為有細路玩噴雪，不過夏天玩乜鬼噴雪呀？！摸一摸，聞一聞，原來係豆渣！
當時我嘅心境好平靜。公屋地方，上面冇一早掟部雪櫃落嚟都算係咁。見架車冇穿冇爛，於是就想同 Jayson 盡快返屋企。用水撥推開啲豆渣，就準備開車。準備開車時聽到樓上有個女人喺到鬧：「成日都喺到嘈嘈嘈…！」啊… 原來啲豆渣喺上面嘅人表達佢嘅不滿。唉…
老實講，我架車一啲都唔嘈。雖然有條好粗嘅死氣喉，不過原全冇聲，得個樣。加上我都驚嘈親樓上附近嘅住客人，開關門都好輕力，而且防盜都唔開聲。咁都話我嘈，就真係冇辦法。相信嗰位女士都應該有佢自己嘅「問題」，所以我都唔怪佢啦。
返到屋企，我入咗幾樽水，沖走大部份嘅豆渣。不過仲有好多。而每日同我抹車嘅阿嬸又唔會洗得到。前幾日見落好大雨，我就立即沖落街飛一轉。點知一出車就停雨。唉…
之後有日又落大雨，我就停出街俾雨淋。不過有好多位都淋唔到，仲有好多豆渣。我睇都係唔懶得，要打幾桶水嚟淋乾淨先得啦。唉…
~ Lindberg
因為真係慘不忍睹，所以冇影到相。事發係晚上十點半左右，我返屋企開車去接 Jayson。喺婆婆屋企樓下泊低。上樓落樓唔超過十分鐘，落嚟見到擋風玻璃被一層白色嘅粉末所蓋住。起初以為有細路玩噴雪，不過夏天玩乜鬼噴雪呀？！摸一摸，聞一聞，原來係豆渣！
當時我嘅心境好平靜。公屋地方，上面冇一早掟部雪櫃落嚟都算係咁。見架車冇穿冇爛，於是就想同 Jayson 盡快返屋企。用水撥推開啲豆渣，就準備開車。準備開車時聽到樓上有個女人喺到鬧：「成日都喺到嘈嘈嘈…！」啊… 原來啲豆渣喺上面嘅人表達佢嘅不滿。唉…
老實講，我架車一啲都唔嘈。雖然有條好粗嘅死氣喉，不過原全冇聲，得個樣。加上我都驚嘈親樓上附近嘅住客人，開關門都好輕力，而且防盜都唔開聲。咁都話我嘈，就真係冇辦法。相信嗰位女士都應該有佢自己嘅「問題」，所以我都唔怪佢啦。
返到屋企，我入咗幾樽水，沖走大部份嘅豆渣。不過仲有好多。而每日同我抹車嘅阿嬸又唔會洗得到。前幾日見落好大雨，我就立即沖落街飛一轉。點知一出車就停雨。唉…
之後有日又落大雨，我就停出街俾雨淋。不過有好多位都淋唔到，仲有好多豆渣。我睇都係唔懶得，要打幾桶水嚟淋乾淨先得啦。唉…
~ Lindberg
2008年7月10日
當日中一仔
飛天火羽可能見我尋日又「脫期」，特別醒我一腳。感激不盡，就此謝過。其實都有好多野想寫，不過真係有心無能力。有朋友見到前日我放阿仔啲相，因為差不多成個禮拜都冇 Jayson 出場，都話突然間好似大個咗。
要我回想做中一仔嘅時候… 擺明考我記性。等我以極速回答！
中一… 屈指一算，都已經係十三年前嘅事（如果我係 26 歲…）。
1) 問：第一日踏入你要入讀的中學，見到什麼令你最難忘？答：唔係好記得！但我反而好記得小一嘅第一日。因為小息我一個人喺操場行來行去，都唔知做乜好。鐘聲一響唔知點算。唔小心輕輕踫到個神父，然後就俾佢捉咗去打。哩個仇，我會記佢一世！以前就話細個乜都唔識，但如果咁嘅人都上到天堂，我一定向上面嗰個投訴！
中一… 當時學校未搬，仲喺半山。只係記得黃黃嘅禮堂，好多細路（我係其中一個）。好緊張，發生乜事都唔知。坐校巴返學，轉個頭就坐校巴走。中間一片空白…
2) 問：中一係拎個咩樣書包？
答：唔係好記得！應該係個 Nikko 背囊。當時好多人用㗎！
3) 問：中一的班主任還記得叫什麼名字，教你什麼科目嗎？
答：差啲唔記得。好彩記得佢個花名。係「姣婆井」，Miss Cheng。教數學的。個花名一啲都冇改錯。有乜人會著件白色薄衫，入面著件顏色胸圍呀？！最慘係個樣唔得。為不少同學留下童年陰影。
4) 問：還記得第一個主動跟你結識的同學是誰嗎？現在還有聯絡嗎？
答：唔係好記得！莊周乎？好似唔係。可能係李斯。依家係我個牙醫。
5) 問：中一時參加了什麼課外活動，對你日後有大影響嗎？
答：中一好似入咗個科學教派，乜都冇做過。中二或三反而記得清楚啲。同莊周參加咗中文學會。除咗因為我地對中國文學有濃厚嘅興趣（自己講都唔信），個 Miss 仲幾靚添（主要原因）！對日後嘅影響？咪會考中文差啲肥佬，同成日望女仔囉！
有興趣玩下哩個 Blog Tag 嘅朋友，都嚟接一接呀！
~ Lindberg
P.S. 都寫咗 33 分鐘喎。
要我回想做中一仔嘅時候… 擺明考我記性。等我以極速回答！
中一… 屈指一算，都已經係十三年前嘅事（如果我係 26 歲…）。
1) 問：第一日踏入你要入讀的中學，見到什麼令你最難忘？答：唔係好記得！但我反而好記得小一嘅第一日。因為小息我一個人喺操場行來行去，都唔知做乜好。鐘聲一響唔知點算。唔小心輕輕踫到個神父，然後就俾佢捉咗去打。哩個仇，我會記佢一世！以前就話細個乜都唔識，但如果咁嘅人都上到天堂，我一定向上面嗰個投訴！
中一… 當時學校未搬，仲喺半山。只係記得黃黃嘅禮堂，好多細路（我係其中一個）。好緊張，發生乜事都唔知。坐校巴返學，轉個頭就坐校巴走。中間一片空白…
2) 問：中一係拎個咩樣書包？
答：唔係好記得！應該係個 Nikko 背囊。當時好多人用㗎！
3) 問：中一的班主任還記得叫什麼名字，教你什麼科目嗎？
答：差啲唔記得。好彩記得佢個花名。係「姣婆井」，Miss Cheng。教數學的。個花名一啲都冇改錯。有乜人會著件白色薄衫，入面著件顏色胸圍呀？！最慘係個樣唔得。為不少同學留下童年陰影。
4) 問：還記得第一個主動跟你結識的同學是誰嗎？現在還有聯絡嗎？
答：唔係好記得！莊周乎？好似唔係。可能係李斯。依家係我個牙醫。
5) 問：中一時參加了什麼課外活動，對你日後有大影響嗎？
答：中一好似入咗個科學教派，乜都冇做過。中二或三反而記得清楚啲。同莊周參加咗中文學會。除咗因為我地對中國文學有濃厚嘅興趣（自己講都唔信），個 Miss 仲幾靚添（主要原因）！對日後嘅影響？咪會考中文差啲肥佬，同成日望女仔囉！
有興趣玩下哩個 Blog Tag 嘅朋友，都嚟接一接呀！
~ Lindberg
P.S. 都寫咗 33 分鐘喎。
2008年7月8日
懶惰的 Jayson
近日見 Anson 爬來爬去，Jayson 媽決定每日都來個特訓！不過… 唉… Jayson 真的很懶，不太喜歡活動。
Jayson 媽甚麼法寶都出齊，有薯片罐、電話繩、樂高、姐姐等等。見他很想去拿，卻怎麼也不能向前行。但在婆婆那裡坐學行車，反而會四圍走。莫非 Jayson 跟兩位表姐一樣，跳過了爬的這一步？但爬行對手腳協調有很大幫助，所以 Jayson 媽很想他會爬。
除了不太喜歡活動之外（導致體型過胖），其他都還算可以。
吃奶。總算合作。轉眼間便飲完七安士，而且還會幫手扶奶樽：
玩。不論是要人陪他玩，或是自己一個人玩，都會玩得很認真和開心：
瞓覺。晚上十時睡到第二天七時。但近日比較醒瞓，一醒便喊。不知是否跟出上面的門牙有關：
呀！還有都幾識得嘆。有時在婆婆那裡玩得一身汗，一天還會沖兩次涼：
除了以上之外，那就當然是會逗爸媽開心啦。
~ Lindberg
Jayson 媽甚麼法寶都出齊，有薯片罐、電話繩、樂高、姐姐等等。見他很想去拿，卻怎麼也不能向前行。但在婆婆那裡坐學行車，反而會四圍走。莫非 Jayson 跟兩位表姐一樣，跳過了爬的這一步？但爬行對手腳協調有很大幫助，所以 Jayson 媽很想他會爬。
除了不太喜歡活動之外（導致體型過胖），其他都還算可以。
吃奶。總算合作。轉眼間便飲完七安士，而且還會幫手扶奶樽：
玩。不論是要人陪他玩，或是自己一個人玩，都會玩得很認真和開心：
瞓覺。晚上十時睡到第二天七時。但近日比較醒瞓，一醒便喊。不知是否跟出上面的門牙有關：
呀！還有都幾識得嘆。有時在婆婆那裡玩得一身汗，一天還會沖兩次涼：
除了以上之外，那就當然是會逗爸媽開心啦。
~ Lindberg
2008年7月7日
等待中的男人
究竟一個等待中的男人會做啲乜？咪玩白拍囉！
想當年，當 Jayson 媽被推咗入手術室準備，而我一個人（戇居居地）喺接待室等。心情好緊張，行唔安，坐唔定。全身穿上保護衣嘅我，無無聊聊就最好自拍一張啦。
但估唔到前排郭生去同一間醫院「接生」，竟然喺同一個位，影咗同一張相。
見到張即時笑死我。正想話係「白痴二人組」。但我好記得以前殘哥都有影過同一張相，只不過我搵唔番嗰張相做證據。所以我好相信有好多人都會咁做。唔知仲有幾多男士，喺同一個地方留低過腳毛，自拍過咁嘅相呢？嘩哈哈哈…
~ Lindberg
想當年，當 Jayson 媽被推咗入手術室準備，而我一個人（戇居居地）喺接待室等。心情好緊張，行唔安，坐唔定。全身穿上保護衣嘅我，無無聊聊就最好自拍一張啦。
但估唔到前排郭生去同一間醫院「接生」，竟然喺同一個位，影咗同一張相。
見到張即時笑死我。正想話係「白痴二人組」。但我好記得以前殘哥都有影過同一張相，只不過我搵唔番嗰張相做證據。所以我好相信有好多人都會咁做。唔知仲有幾多男士，喺同一個地方留低過腳毛，自拍過咁嘅相呢？嘩哈哈哈…
~ Lindberg
2008年7月6日
煙肉蛋香意粉
我見之前整咗啲白汁喺到，加上煮早午餐又煎定咗啲煙肉，咁就最好來一客：煙肉蛋香意粉。
第一個步驟當然係煮意大利粉，煮到九成熟就可以去過冷河。然後煎香啲煙肉，煎到乾身就可以攞去切成細細粒。
跟住就用蒜頭起鑊，放番啲煙肉落去。
然後就可以落意大利粉。落啲清雞湯同白酒去煮一煮佢。跟住就可以落啲白汁。鐘意多啲汁可以落多少少。不過唔好落太多，因為一陣仲會落雞蛋。
見差煮好晒就可以熄火。熄咗火先落一隻攪勻咗嘅雞蛋。
之後不停攪，用啲餘溫整熟啲蛋。千祈唔好煮得過熟，唔滑就唔好食。有需要的話，落啲鹽調味。上碟時再落啲巴馬芝士同黑椒上面。食得！應該會有好香嘅煙肉味同蛋味。
~ Lindberg
其實真正嘅煙肉蛋香意粉，係唔用白汁。只有雞蛋、芝士、同埋意大利煙肉。不過我覺得加少少白汁會香滑好多。而煮法都好簡單。材料（二人份）：
意大利粉
煙肉 4 條
蒜頭 1 小片切碎
白汁 3 湯匙
清雞湯 2 湯匙
白酒 1 湯匙
雞蛋 1 隻
巴馬芝士 2 湯匙
鹽及黑椒 調味
第一個步驟當然係煮意大利粉，煮到九成熟就可以去過冷河。然後煎香啲煙肉，煎到乾身就可以攞去切成細細粒。
跟住就用蒜頭起鑊，放番啲煙肉落去。
然後就可以落意大利粉。落啲清雞湯同白酒去煮一煮佢。跟住就可以落啲白汁。鐘意多啲汁可以落多少少。不過唔好落太多，因為一陣仲會落雞蛋。
見差煮好晒就可以熄火。熄咗火先落一隻攪勻咗嘅雞蛋。
之後不停攪，用啲餘溫整熟啲蛋。千祈唔好煮得過熟，唔滑就唔好食。有需要的話，落啲鹽調味。上碟時再落啲巴馬芝士同黑椒上面。食得！應該會有好香嘅煙肉味同蛋味。
~ Lindberg