「行哩邊…」
（轟隆…）
「死火，應該係嗰邊… 你睇我唔到… 你睇我唔到… 你睇我唔到…」
~ Lindberg
2009年9月29日
2009年9月27日
大潭道落山王
上星期日去石澳沙灘游水，俾我發現咗「大潭道落山王」。真係快得好緊要，完全追唔到。佢俾我嘅感覺就好似《頭文字D》嘅藤原拓海一樣，大家都係業務車，大家都係日日開住同一段路，大家都係要載住啲好易散嘅野。我叫佢做「亡靈快車」，因為佢正正係一部……棺材車。
事發當日，我由石澳道轉入大潭道。前面見到一架慢駛中嘅儐儀館車輛（附近就係歌連臣角火葬場）。心諗，跟著架慢車，有排都返唔到屋企。話雖如此，不過速度都還可以接受。當時，我仲未知道自己係有眼不識泰山。過多幾個彎之後，我見到原來佢係推住前面一架平治，仲要推得好貼。俾我係架平治，第一時間當然係想加速擺脫。但見佢俾人推成咁，相信係有心冇力。當倒後鏡只係見到：「X府治喪」四個字，點到佢唔讓路呀？
平治駛入避車處。「亡靈快車」同我都抽頭過。冇咗架慢車頂住，我倆全速前進。
自問自己手車都唔錯，而且「細威」亦都算幾好力。記得之前停喺街邊，有一個小朋友問媽媽：「媽媽，跑車嚟㗎？」一架保養得咁好嘅 94 年 Civic 當然好型，但最重要係入面車手嘅魅力。就等於米高舒密加開住一架保母車，你都會覺得係一部一級方程式賽車。
但「亡靈快車」真係好快。直路都勉強跟得住，一到彎位就輸晒。再過多兩個 Z 字彎，就連人地嘅車尾燈都見唔到。感覺就好似高橋啟介望著拓海嘅車尾燈，消失於黑暗中一樣…
如果大家日後有機會行呢一段路，而發現倒後鏡只係睇到四隻中文字，緊記讓路俾：「大潭道落山王」呀！
~ Lindberg
事發當日，我由石澳道轉入大潭道。前面見到一架慢駛中嘅儐儀館車輛（附近就係歌連臣角火葬場）。心諗，跟著架慢車，有排都返唔到屋企。話雖如此，不過速度都還可以接受。當時，我仲未知道自己係有眼不識泰山。過多幾個彎之後，我見到原來佢係推住前面一架平治，仲要推得好貼。俾我係架平治，第一時間當然係想加速擺脫。但見佢俾人推成咁，相信係有心冇力。當倒後鏡只係見到：「X府治喪」四個字，點到佢唔讓路呀？
平治駛入避車處。「亡靈快車」同我都抽頭過。冇咗架慢車頂住，我倆全速前進。
自問自己手車都唔錯，而且「細威」亦都算幾好力。記得之前停喺街邊，有一個小朋友問媽媽：「媽媽，跑車嚟㗎？」一架保養得咁好嘅 94 年 Civic 當然好型，但最重要係入面車手嘅魅力。就等於米高舒密加開住一架保母車，你都會覺得係一部一級方程式賽車。
但「亡靈快車」真係好快。直路都勉強跟得住，一到彎位就輸晒。再過多兩個 Z 字彎，就連人地嘅車尾燈都見唔到。感覺就好似高橋啟介望著拓海嘅車尾燈，消失於黑暗中一樣…
如果大家日後有機會行呢一段路，而發現倒後鏡只係睇到四隻中文字，緊記讓路俾：「大潭道落山王」呀！
~ Lindberg
2009年9月25日
五十四日環遊美加 之 昔日的紐約
離開費城之後，我地坐巴士向紐約出發。每當去到一個新地方，我地都首先搵地方落腳。因為冇乜錢嘅關系，我地今次又住青年旅館。今次呢間據稱好近黑人區，所以先咁平。但去到之後，感覺還可以接受。
嚟到紐約，當然要到各地標參觀下啦。時代廣場、帝國大廈、交易中心、洛克斐勒中心（Rockefeller Center）和前面的普羅米修士神像（Prometheus Statue）等等。
其中當然唔少得呢一度…
相信冇辦法再可以影到呢張相。因為以上正是：世貿中心。
而令我地最深刻嘅，都係嗰度的物價。當年，我地已經識用「老麥指數」去評估當地物價。紐約嘅老麥真係好貴！貴到完全唔捨得食。但我地又唔識得搵平野食，所以唯有喺旅館附近嘅超級市場，買料整三文治，然後入老麥買杯汽水，坐喺到靜靜咁（偷）食。
喺紐約，我地通常以地鐵代步。不過對佢嘅印象好差，唔乾淨兼有陣味。覺得香港嘅文明好多。
去到一個自由嘅國家，當然唔少得去探望一下自由神像啦。我地從入面行樓梯到頭冠嘅位，入面都幾迫。上到頂，由頭冠細細嘅窗口望出去，一片自由嘅領域，感覺除咗辛苦之外，……冇乜特別。
下面左邊一幅相，喺當年《運財智叻星》嘅題目。佢遮住咗啲字，只係話俾人知放喺地鐵入閘口外面，叫人估係乜。睇到啲字，大家都知係乜啦。其實塊板真係超級核突。道理上係叫人唔好入閘後食香口膠，吐到周圍都係。但吐得中個目標都仲好少少，吐唔中就攞命啦。而且口水又多，臭到死。俾著依家咁多款流感，一定冇可能咁搞啦！
下一站：我們的終極加油站：多倫多
~ Lindberg
嚟到紐約，當然要到各地標參觀下啦。時代廣場、帝國大廈、交易中心、洛克斐勒中心（Rockefeller Center）和前面的普羅米修士神像（Prometheus Statue）等等。
其中當然唔少得呢一度…
相信冇辦法再可以影到呢張相。因為以上正是：世貿中心。
而令我地最深刻嘅，都係嗰度的物價。當年，我地已經識用「老麥指數」去評估當地物價。紐約嘅老麥真係好貴！貴到完全唔捨得食。但我地又唔識得搵平野食，所以唯有喺旅館附近嘅超級市場，買料整三文治，然後入老麥買杯汽水，坐喺到靜靜咁（偷）食。
喺紐約，我地通常以地鐵代步。不過對佢嘅印象好差，唔乾淨兼有陣味。覺得香港嘅文明好多。
去到一個自由嘅國家，當然唔少得去探望一下自由神像啦。我地從入面行樓梯到頭冠嘅位，入面都幾迫。上到頂，由頭冠細細嘅窗口望出去，一片自由嘅領域，感覺除咗辛苦之外，……冇乜特別。
下面左邊一幅相，喺當年《運財智叻星》嘅題目。佢遮住咗啲字，只係話俾人知放喺地鐵入閘口外面，叫人估係乜。睇到啲字，大家都知係乜啦。其實塊板真係超級核突。道理上係叫人唔好入閘後食香口膠，吐到周圍都係。但吐得中個目標都仲好少少，吐唔中就攞命啦。而且口水又多，臭到死。俾著依家咁多款流感，一定冇可能咁搞啦！
下一站：我們的終極加油站：多倫多
~ Lindberg
2009年9月24日
姨媽和大表姐
Jayson 的姨媽和大表姐最近從多倫多回港。三年冇見，大表姐大個女好多，唔講真係唔信只係六年班。
當 Jayson 見到姨媽，佢感到好疑惑。以前明明喺個螢光幕入面（Skype），點解會爬咗出嚟嘅？！所以之前喺電腦面前識叫「姨媽」，見到真人反而唔敢叫。好在之後就好啲，唔係就唔抵姨媽咁錫佢。
不過話雖返咗嚟，相見機會仲少過以前喺網上見！姨媽佢地要四圍旅行都係原因之一。不過正因為佢地去咗旅行，我地先有好野食！北海道手信：巨型長腳蟹！
3.5kg，啖啖鮮甜蟹肉，好味到震… 仲有黑毛和牛！發達啦！
而每當見到佢地三表姐弟一齊玩，真係幾開心。
我覺得有時細表姐會嬲咗 Jayson，因為 Jayson 會蝦佢。不過轉個頭又冇野。而且 Jayson 有時都會氹得細表姐好開心。哈哈哈…
下次姨媽再返嚟，應該係三年後嘅事。到時大表姐一定大到唔認得。希望之前我地有機會去加拿大探佢地啦。
~ Lindberg
當 Jayson 見到姨媽，佢感到好疑惑。以前明明喺個螢光幕入面（Skype），點解會爬咗出嚟嘅？！所以之前喺電腦面前識叫「姨媽」，見到真人反而唔敢叫。好在之後就好啲，唔係就唔抵姨媽咁錫佢。
不過話雖返咗嚟，相見機會仲少過以前喺網上見！姨媽佢地要四圍旅行都係原因之一。不過正因為佢地去咗旅行，我地先有好野食！北海道手信：巨型長腳蟹！
3.5kg，啖啖鮮甜蟹肉，好味到震… 仲有黑毛和牛！發達啦！
而每當見到佢地三表姐弟一齊玩，真係幾開心。
我覺得有時細表姐會嬲咗 Jayson，因為 Jayson 會蝦佢。不過轉個頭又冇野。而且 Jayson 有時都會氹得細表姐好開心。哈哈哈…
下次姨媽再返嚟，應該係三年後嘅事。到時大表姐一定大到唔認得。希望之前我地有機會去加拿大探佢地啦。
~ Lindberg
2009年9月22日
綠茶可樂
每當我去啲日式嘅超級市場，我都鐘意睇下佢個雪櫃有啲乜野日本飲品。雖然要十幾廿蚊一支，不過用一支靚靚嘅飲品，可以感受一下日本嘅氣氛，我覺得都值得呀。飲咗，心情都靚啲。
今次俾我見到一支新嘅可樂。可樂加綠茶，到底係乜野味呢？
其實我對綠茶冇乜好感。應該話對綠茶製品冇乜好感。我鐘意飲綠茶，但綠茶雪榚、綠茶蛋榚、蜂蜜綠茶等，都唔鐘意。但見個包裝咁靚，所以都買一支嚟試一試。
如我所料，果然好難飲。可以飲到明顯嘅可樂味同綠茶味。可樂味似 Zero，而綠茶味仲要係綠茶末嗰種濃味。我飲咗 1/4 支就宣布投降。即使綠茶嘅 Catechin（兒茶素）係有抗氧化嘅功效，但如果係咁嘅味，我情願飲苦茶喇！Coke + 廿四味… 好想嘔…
~ Lindberg
今次俾我見到一支新嘅可樂。可樂加綠茶，到底係乜野味呢？
其實我對綠茶冇乜好感。應該話對綠茶製品冇乜好感。我鐘意飲綠茶，但綠茶雪榚、綠茶蛋榚、蜂蜜綠茶等，都唔鐘意。但見個包裝咁靚，所以都買一支嚟試一試。
如我所料，果然好難飲。可以飲到明顯嘅可樂味同綠茶味。可樂味似 Zero，而綠茶味仲要係綠茶末嗰種濃味。我飲咗 1/4 支就宣布投降。即使綠茶嘅 Catechin（兒茶素）係有抗氧化嘅功效，但如果係咁嘅味，我情願飲苦茶喇！Coke + 廿四味… 好想嘔…
~ Lindberg
2009年9月21日
我要「細妹」
Jayson 說：「我要細妹！」
「咩話？！Jayson，不孝呀您！您係唔係想要咗爸爸媽媽條命呀？」
「我要細妹呀！細妹好呀！」
原來 Jayson 想吃「西梅」。嚇得我們呀…
近來發現 Jayson 對食物有些特別的要求。不是完整的，不吃。例如提子被破開一半取核，不吃。他會說「黐番啦」或「Close」，把它合回原狀才肯吃。香蕉斷開了兩節，要媽媽「黐番」才肯吃。真的被他激死。
~ Lindberg
「咩話？！Jayson，不孝呀您！您係唔係想要咗爸爸媽媽條命呀？」
「我要細妹呀！細妹好呀！」
原來 Jayson 想吃「西梅」。嚇得我們呀…
近來發現 Jayson 對食物有些特別的要求。不是完整的，不吃。例如提子被破開一半取核，不吃。他會說「黐番啦」或「Close」，把它合回原狀才肯吃。香蕉斷開了兩節，要媽媽「黐番」才肯吃。真的被他激死。
~ Lindberg
2009年9月17日
2009年9月16日
我要上學去 之 婆婆主理篇
跟之前預計的一樣，婆婆果然比我們老練！或者應該說：Jayson 懂得找誰拿取「著數」…
第一天，媽媽跟婆婆一起送他到學校。因為媽媽在場，所以最後都要老師接手抱入課室。之後的每一天，婆婆都要「趕頭趕命」地叫 Jayson 起床、餵飯、換衫、然後落街叫的士。Jayson 當然常有怨言，扭計要婆婆抱，不願入課室。很多時都要老師從婆婆手中抱走
Jayson，然後抱入課室。但幸好並沒有作出極大的反抗。
一班 24 人，有三位老師。其中一位是班主任，一位是英文老師。湊巧她是 Jayson 於維園遊戲組的同學的媽媽。希望會多加留意 Jayson 吧。
而因為豬流感的關系，以前可以送小朋友到課室門口，接放學亦可以。那樣的話，我們可以親自替他換鞋，而且可以陪他多一點。但現在只可以在校門外「交收」，想帶他去個小便也不成。這樣也可能令他上學時緊張一點。
放學的時候，Jayson 永遠都是最興奮的一個。除了婆婆之外，嫲嫲也會走來接放學。加拿大回來的姨媽，也有來接放學。Jayson 果然有好大的面子！
老師向婆婆稱贊他的表現。回家時，問他在學校做過甚麼，他樣樣都說「有」做過。有一天，我在家中播放學校的兒歌，他竟然嘗試跟著唱。可知在學校的三個小時，應該不是哭足三個小時，而是有一些得著的。希望他會再乖一點，不要令婆婆太過辛苦就好了。
~ Lindberg
第一天，媽媽跟婆婆一起送他到學校。因為媽媽在場，所以最後都要老師接手抱入課室。之後的每一天，婆婆都要「趕頭趕命」地叫 Jayson 起床、餵飯、換衫、然後落街叫的士。Jayson 當然常有怨言，扭計要婆婆抱，不願入課室。很多時都要老師從婆婆手中抱走
Jayson，然後抱入課室。但幸好並沒有作出極大的反抗。
一班 24 人，有三位老師。其中一位是班主任，一位是英文老師。湊巧她是 Jayson 於維園遊戲組的同學的媽媽。希望會多加留意 Jayson 吧。
而因為豬流感的關系，以前可以送小朋友到課室門口，接放學亦可以。那樣的話，我們可以親自替他換鞋，而且可以陪他多一點。但現在只可以在校門外「交收」，想帶他去個小便也不成。這樣也可能令他上學時緊張一點。
放學的時候，Jayson 永遠都是最興奮的一個。除了婆婆之外，嫲嫲也會走來接放學。加拿大回來的姨媽，也有來接放學。Jayson 果然有好大的面子！
老師向婆婆稱贊他的表現。回家時，問他在學校做過甚麼，他樣樣都說「有」做過。有一天，我在家中播放學校的兒歌，他竟然嘗試跟著唱。可知在學校的三個小時，應該不是哭足三個小時，而是有一些得著的。希望他會再乖一點，不要令婆婆太過辛苦就好了。
~ Lindberg
2009年9月14日
排排坐，食果果
前日提到 Jayson 幫手做鬆餅。到底好不好吃呢？見各位小朋友一人拿著一個，就知味道應該不錯啦！
「Jayson，你啲鬆餅真係好味喇！」
「知喇，Anson！但大家唔好咁熱情啦。俾啲單獨時間俾我同米B得唔得呀！」
見到自己做的食物這麼受歡迎，心裡當然高興。下次有機會再做些其他的，讓小朋友們試試吧。
~ Lindberg
「Jayson，你啲鬆餅真係好味喇！」
「知喇，Anson！但大家唔好咁熱情啦。俾啲單獨時間俾我同米B得唔得呀！」
見到自己做的食物這麼受歡迎，心裡當然高興。下次有機會再做些其他的，讓小朋友們試試吧。
~ Lindberg
2009年9月12日
幫手做鬆餅
前幾個星期，我們相約到白雪家。為免三個人帶六梳蕉去拜訪朋友，我天未光便落街買材料回來焗鬆餅。雖然只是一早調合好的鬆餅粉，但新鮮焗製的味道，果真不錯。Jayson 也有幫手做呢。
「爸爸，好唔好食㗎？我要請米 B 食嗰喎。」
「Jayson，您唔信我，都要信 Betty Crocker 姨姨啦！」
（Jayson 幫手的）步驟：
製成品：
味道如何？下回分曉！
~ Lindberg
「爸爸，好唔好食㗎？我要請米 B 食嗰喎。」
「Jayson，您唔信我，都要信 Betty Crocker 姨姨啦！」
（Jayson 幫手的）步驟：
- 放好紙杯
- 點好數目
- 監督加入鬆餅漿，以防偷工減料
製成品：
味道如何？下回分曉！
~ Lindberg
2009年9月11日
咖啡退化史
仲記得好細個嘅時候，老豆、阿媽、契爺、契媽四個人，為咗增強戰鬥力（打麻雀），都會飲咖啡提神。阿媽沖嘅即溶咖啡，有時好飲，有時好難飲。唔知點解…
所以我當時對咖啡冇乜興趣。到咗出嚟做野之後，為咗止口痕多過提神嘅關系，都會飲一杯蒸餾咖啡（之後就養成胃痛嘅習慣…）。而對咖啡有興趣，係十年前轉咗公司，接觸意大利咖啡開始。我仲好記得公司開張前一日，我臨急臨忙，喺到整緊個餐牌。我打電話俾郭生問：
「喂！Cappuccino 中文係乜呀？」
「應該係意大利泡沫咖啡呀。」（當時我唔識打中文，立即捉住個路人甲幫我打。）
「咁 Latte 呢？」
「台灣叫拿鐵，你都係唔好啦。叫熱奶咖啡啦！」
不過真正愛上咖啡，喺去過意大利渡蜜月之後，嗰到是但一間咖啡店嘅咖啡都好好飲。然後再加上郭生呢一位熱愛咖啡嘅好朋友，因此我就走上咗呢條不…歸…路…。
起初，因為我地鐘意飲 Cappuccino，所以我買咗以下呢舊野去煲 Espresso（特濃咖啡）。原理係用蒸氣嘅壓力，將啲水由下面，穿過啲磨好嘅咖啡粉，去到上面。煮嘅過程好好玩，就好似做科學實驗一樣。
不過要煮得好，真係好難。由火候至壓粉嘅力度，變化可以好大。所以之後買咗一部家用式嘅特濃咖啡機，即係星巴克嗰啲，不過平好多好多，而且化學好多！但問題同之前嗰「舊野」一樣，平野冇好野。而且之後要洗好麻煩。所以最後，部機就送咗去堆填區…
之後，我就另結新歡。學人玩虹吸（Syphon）。令我對虹吸有興趣，係因為更似做科學實驗。為咗令實驗進行得更方便順利，我唔用酒精燈，因為太煩。郭生去台灣幫我買咗個虹吸配備：「石油氣爐」，真係超一流嘅組合。入嘅係打火機氣，點火非常清潔方便。
唔好睇少右邊嘅手攪磨豆器。日本貨，石磨係陶瓷造，設計精密。磨出嚟嘅粉大小一致。要沖一杯好嘅咖啡，咖啡磨成點有好大嘅影響。
虹吸嘅原理係啲水經布製嘅濾膜去到上層，跟啲咖啡粉混合，煮成咖啡。當煮好，只要攞走個火，下面嗰層因冷卻而變成真空，上層嘅咖啡就會被吸落去。咖啡渣就會留喺上面嘅濾膜。要做好一杯咖啡，都唔算好難。但時間要掌握得好。
不過虹吸有一個缺點，就係更麻煩！之前要搞一大輪，之後又要洗餐矇。塊濾膜洗完仲要用清水浸，保存喺雪櫃入面。所以我向郭生引入咗另一種技術：手沖！
道理上好簡單，同普通蒸餾咖啡機一樣。用熱水直接沖落啲咖啡粉上面，經過濾器，就成為一杯咖啡。
雖然好似好簡單，不過技巧上係最難。水嘅溫度、落水嘅速度、咖啡粉嘅吸水程度等等，可以令味道有好大分別。
由最麻煩嘅沖煮方法，去到比較簡單嘅煮法，好明顯，我已經中毒太深，只求一杯到口。所以到咗最後，我選擇咗我阿媽嘅方法：「即溶咖啡」！
（死未…？）以我本人嘅口味，我覺得 Maxim 真係唔錯。之前飲佢嘅三合一，但因為飲得幾多，成本都幾貴。所以我搵到以上嘅組合，我覺得係最好飲！但以上兩隻野並非易買。韓國出嘅 Maxim 要喺吉之島買。日版嘅唔同味。Marim 就要去 Apita。
希望我對咖啡因嘅渴求，可以到此為止。否則的話，相信我最後只可以靠呢樣野啦…：
（哈哈哈哈哈哈…）
~ Lindberg
所以我當時對咖啡冇乜興趣。到咗出嚟做野之後，為咗止口痕多過提神嘅關系，都會飲一杯蒸餾咖啡（之後就養成胃痛嘅習慣…）。而對咖啡有興趣，係十年前轉咗公司，接觸意大利咖啡開始。我仲好記得公司開張前一日，我臨急臨忙，喺到整緊個餐牌。我打電話俾郭生問：
「喂！Cappuccino 中文係乜呀？」
「應該係意大利泡沫咖啡呀。」（當時我唔識打中文，立即捉住個路人甲幫我打。）
「咁 Latte 呢？」
「台灣叫拿鐵，你都係唔好啦。叫熱奶咖啡啦！」
不過真正愛上咖啡，喺去過意大利渡蜜月之後，嗰到是但一間咖啡店嘅咖啡都好好飲。然後再加上郭生呢一位熱愛咖啡嘅好朋友，因此我就走上咗呢條不…歸…路…。
起初，因為我地鐘意飲 Cappuccino，所以我買咗以下呢舊野去煲 Espresso（特濃咖啡）。原理係用蒸氣嘅壓力，將啲水由下面，穿過啲磨好嘅咖啡粉，去到上面。煮嘅過程好好玩，就好似做科學實驗一樣。
不過要煮得好，真係好難。由火候至壓粉嘅力度，變化可以好大。所以之後買咗一部家用式嘅特濃咖啡機，即係星巴克嗰啲，不過平好多好多，而且化學好多！但問題同之前嗰「舊野」一樣，平野冇好野。而且之後要洗好麻煩。所以最後，部機就送咗去堆填區…
之後，我就另結新歡。學人玩虹吸（Syphon）。令我對虹吸有興趣，係因為更似做科學實驗。為咗令實驗進行得更方便順利，我唔用酒精燈，因為太煩。郭生去台灣幫我買咗個虹吸配備：「石油氣爐」，真係超一流嘅組合。入嘅係打火機氣，點火非常清潔方便。
唔好睇少右邊嘅手攪磨豆器。日本貨，石磨係陶瓷造，設計精密。磨出嚟嘅粉大小一致。要沖一杯好嘅咖啡，咖啡磨成點有好大嘅影響。
虹吸嘅原理係啲水經布製嘅濾膜去到上層，跟啲咖啡粉混合，煮成咖啡。當煮好，只要攞走個火，下面嗰層因冷卻而變成真空，上層嘅咖啡就會被吸落去。咖啡渣就會留喺上面嘅濾膜。要做好一杯咖啡，都唔算好難。但時間要掌握得好。
不過虹吸有一個缺點，就係更麻煩！之前要搞一大輪，之後又要洗餐矇。塊濾膜洗完仲要用清水浸，保存喺雪櫃入面。所以我向郭生引入咗另一種技術：手沖！
道理上好簡單，同普通蒸餾咖啡機一樣。用熱水直接沖落啲咖啡粉上面，經過濾器，就成為一杯咖啡。
雖然好似好簡單，不過技巧上係最難。水嘅溫度、落水嘅速度、咖啡粉嘅吸水程度等等，可以令味道有好大分別。
由最麻煩嘅沖煮方法，去到比較簡單嘅煮法，好明顯，我已經中毒太深，只求一杯到口。所以到咗最後，我選擇咗我阿媽嘅方法：「即溶咖啡」！
（死未…？）以我本人嘅口味，我覺得 Maxim 真係唔錯。之前飲佢嘅三合一，但因為飲得幾多，成本都幾貴。所以我搵到以上嘅組合，我覺得係最好飲！但以上兩隻野並非易買。韓國出嘅 Maxim 要喺吉之島買。日版嘅唔同味。Marim 就要去 Apita。
希望我對咖啡因嘅渴求，可以到此為止。否則的話，相信我最後只可以靠呢樣野啦…：
（哈哈哈哈哈哈…）
~ Lindberg
2009年9月8日
無獨有偶
有一天，行經一個巴士站，被以下的廣告吸引著。
其中一個原因，是近排屁股痕癢病發作，很想買一部 Selphy（但心知自己只會用上不足三次）。其次，就是廣告上的一副相…
似 Jayson 嗎？
即使身為爸爸，有一刻我真的以為是 Jayson。印象中，Jayson 有一張很像樣的。所以我拍下來回家對照一下…
原來會「斜啤」的，不只 Jayson 一個。嘩哈哈哈哈…
~ Lindberg
其中一個原因，是近排屁股痕癢病發作，很想買一部 Selphy（但心知自己只會用上不足三次）。其次，就是廣告上的一副相…
似 Jayson 嗎？
即使身為爸爸，有一刻我真的以為是 Jayson。印象中，Jayson 有一張很像樣的。所以我拍下來回家對照一下…
原來會「斜啤」的，不只 Jayson 一個。嘩哈哈哈哈…
~ Lindberg
溫暖的維他奶廣告
「好耐冇睇過咁開心嘅廣告啦。」
「死佬，因為人地靚女咋？！」
「冇嘅事！唔好睇得我咁膚淺！」
「爸爸，做乜您塊面紅晒嘅？」
作為一個成功嘅廣告，最緊要令人有個深刻嘅印象。而要做得好，一個清晰嘅形象就好重要。呢個廣告，未睇到個牌子，我已經問係唔係維他奶。其實一啲都唔難想象，除咗佢係一個深入民心嘅本地品牌之外，本身形象貫徹始終，畫面見到一大班好開心嘅笑面，見到都心內暖，好容易就聯想起維他奶。所以我覺得佢拍得好成功。而喺廣告時段，可以睇到一個咁開心嘅廣告，真係可以用心曠神怡去形容。比起可口可樂嘅動畫，更加提神。比起《香港力量》，更加有力量。
我覺得最精彩係臨尾一句歌詞：「延繼到秋冬，Stand by me。」維他奶對於好多人嚟講（尤其是我地嗰代—「以為仲好後生代」），相信都係冬天嘅飲品。學校放小息嘅時候，跑到操場嘅小食部，一支熱維他奶，一包炒米（乾到冇維他奶一定哽死！），不知為幾多個寒冬帶來絲絲嘅溫暖。依家正值夏天尾，令人好想快啲到秋冬，手上攞住支溫暖嘅熱維他奶。非常人生啊…
~ Lindberg
「死佬，因為人地靚女咋？！」
「冇嘅事！唔好睇得我咁膚淺！」
「爸爸，做乜您塊面紅晒嘅？」
作為一個成功嘅廣告，最緊要令人有個深刻嘅印象。而要做得好，一個清晰嘅形象就好重要。呢個廣告，未睇到個牌子，我已經問係唔係維他奶。其實一啲都唔難想象，除咗佢係一個深入民心嘅本地品牌之外，本身形象貫徹始終，畫面見到一大班好開心嘅笑面，見到都心內暖，好容易就聯想起維他奶。所以我覺得佢拍得好成功。而喺廣告時段，可以睇到一個咁開心嘅廣告，真係可以用心曠神怡去形容。比起可口可樂嘅動畫，更加提神。比起《香港力量》，更加有力量。
我覺得最精彩係臨尾一句歌詞：「延繼到秋冬，Stand by me。」維他奶對於好多人嚟講（尤其是我地嗰代—「以為仲好後生代」），相信都係冬天嘅飲品。學校放小息嘅時候，跑到操場嘅小食部，一支熱維他奶，一包炒米（乾到冇維他奶一定哽死！），不知為幾多個寒冬帶來絲絲嘅溫暖。依家正值夏天尾，令人好想快啲到秋冬，手上攞住支溫暖嘅熱維他奶。非常人生啊…
~ Lindberg
2009年9月7日
七月十四遇上污漕野…
以下故事非常恐怖，絕對真人真事，親身經歷。睇之前，一定要有心理準備。因為故事同鬼怪……無關。
七月十四日嘅早上，Jayson 唔係好肯食飯。返學途中扭計，然後有輕微嘔吐，搞到婆婆一身都係。所以只好折返屋企。其實 Jayson 扭計扭得太厲害，都會有機會嘔。見佢都幾精神，所以都沒有特別為意。點知，原來係惡夢嘅開始…
當晚，我去咗聽講座，所以冇返到屋企食飯。好彩我冇返屋企，先可以（暫時）避過一劫。當晚發生咗件好恐怖嘅事…… 就係 Jayson 肚瀉！冇見到當時場面，可能唔覺得有乜咁恐怖。但可以用一個字去形容：「噴！」
我地以為只係因為佢為食，亂放野入口。見佢都幾好精神，而且又冇再痾嘔，所以冇去求醫。
第二日，Jayson 好似唔係好舒服，朝早瞓唔到回籠覺。大便唔算太過稀爛。見佢扭計，都唔知係唔係扮野想逃學。不過都俾佢休息多一日啦。
嗰晚，真正嘅惡夢就開始啦。Jayson 媽、公公、細姨姨（當晚一齊食飯）都半夜起身，又痾又嘔。第二朝，Jayson 媽話周身骨痛，要請一日病假。於是我地照常放 Jayson 喺婆婆到。Jayson 媽就返屋企休息，公公就去睇醫生。到朝早十一點左右，婆婆話 Jayson 又嘔。醫生話公公係感冒菌入腸。當時我就相信係全部人都係嗰晚中咗 Jayson 啲「毒」。我見婆婆都有啲攰，於是就自己一個人帶佢去睇醫生。
見完醫生之後，佢都話冇乜特別野可以做。近排都好興腸病毒。痾嘔會持續五日左右。只好食稀粥，奶就可免則免，因為消化唔到。開咗啲止嘔藥同腸胃藥。
我抱住 Jayson 去睇醫生嘅時候，忍唔住錫咗佢幾啖。當時立即心知不妙，但覺得應該冇咁易出事呱。點知就咁就出事…
嗰晚，婆婆宣布失守，去埋睇醫生。第四日，終於輪到我。雖然我慣於「將小痛放到最大」，但真係好辛苦。而且唔係我一個咁講，其他病友（除咗 Jayson 唔識講之外）都係咁話。周身骨痛，瞓得唔好，又痾又嘔，我仲要發燒添！以前真係未試過咁辛苦。
好彩，個病休息咗一兩日之後，就好番好多。當我發病嘅時候，Jayson 媽已經好番，可以照顧 Jayson。而我尋日都好番好多，今日除咗未有胃口，反應慢啲之外，但大致上都冇乜問題。Jayson 今日都精神番好多。而最意外嘅收獲，就係我輕咗五磅！
呢個可謂我平生遇到，最恐怖嘅七月十四…
~ Lindberg
七月十四日嘅早上，Jayson 唔係好肯食飯。返學途中扭計，然後有輕微嘔吐，搞到婆婆一身都係。所以只好折返屋企。其實 Jayson 扭計扭得太厲害，都會有機會嘔。見佢都幾精神，所以都沒有特別為意。點知，原來係惡夢嘅開始…
當晚，我去咗聽講座，所以冇返到屋企食飯。好彩我冇返屋企，先可以（暫時）避過一劫。當晚發生咗件好恐怖嘅事…… 就係 Jayson 肚瀉！冇見到當時場面，可能唔覺得有乜咁恐怖。但可以用一個字去形容：「噴！」
我地以為只係因為佢為食，亂放野入口。見佢都幾好精神，而且又冇再痾嘔，所以冇去求醫。
第二日，Jayson 好似唔係好舒服，朝早瞓唔到回籠覺。大便唔算太過稀爛。見佢扭計，都唔知係唔係扮野想逃學。不過都俾佢休息多一日啦。
嗰晚，真正嘅惡夢就開始啦。Jayson 媽、公公、細姨姨（當晚一齊食飯）都半夜起身，又痾又嘔。第二朝，Jayson 媽話周身骨痛，要請一日病假。於是我地照常放 Jayson 喺婆婆到。Jayson 媽就返屋企休息，公公就去睇醫生。到朝早十一點左右，婆婆話 Jayson 又嘔。醫生話公公係感冒菌入腸。當時我就相信係全部人都係嗰晚中咗 Jayson 啲「毒」。我見婆婆都有啲攰，於是就自己一個人帶佢去睇醫生。
見完醫生之後，佢都話冇乜特別野可以做。近排都好興腸病毒。痾嘔會持續五日左右。只好食稀粥，奶就可免則免，因為消化唔到。開咗啲止嘔藥同腸胃藥。
我抱住 Jayson 去睇醫生嘅時候，忍唔住錫咗佢幾啖。當時立即心知不妙，但覺得應該冇咁易出事呱。點知就咁就出事…
嗰晚，婆婆宣布失守，去埋睇醫生。第四日，終於輪到我。雖然我慣於「將小痛放到最大」，但真係好辛苦。而且唔係我一個咁講，其他病友（除咗 Jayson 唔識講之外）都係咁話。周身骨痛，瞓得唔好，又痾又嘔，我仲要發燒添！以前真係未試過咁辛苦。
好彩，個病休息咗一兩日之後，就好番好多。當我發病嘅時候，Jayson 媽已經好番，可以照顧 Jayson。而我尋日都好番好多，今日除咗未有胃口，反應慢啲之外，但大致上都冇乜問題。Jayson 今日都精神番好多。而最意外嘅收獲，就係我輕咗五磅！
呢個可謂我平生遇到，最恐怖嘅七月十四…
~ Lindberg
2009年9月3日
因型施教，我家有「四仔」！
昨天上了一個由家教會舉辦的講座，名為：「因型施教」。聽到一個「型」字，就知道跟「九型人格（Ennegram）」有關。對於「九型人格」，我的知識局限於基本的人格區別和轉變。對於這樣標籤，我抱有保留的態度。Jayson 媽對此並不感興趣。但基於不想錯過學習的機會，而更重要的是沒有別的東西做，所以我去了這個講座。結果，獲益良多。
這個講座的講師是黃茵。她是一個五十來歲的女士。很久沒有上過這麼棒的講座。沒看清楚的話，還以為去了黃子華的棟篤笑。除演譯生動之外，她清晰的概念，相關的例子，和打從心裡喜愛這理念的動力，令聽眾產生共鳴。認識我的舊同學都應該知道，我患了一個不解之病，每當一上堂，我就一定會睡覺。甚至有次因睡覺而令成績由 A 變成 B-，我也無話可說。但這兩個小時，我眼也沒有合過一次。
正如她所說，即使以我本人絕頂聰明，但短短兩小時，是沒可能理解清楚甚麼是「九型人格」。但她帶出了兩個重點，是我之前沒有深入想過：
「沒有一個性格比另一個性格好，沒有一個性格比另一個性格差。」
我自己的性格跟其他人的也不同。難道我會比他們好或差嗎？既然如此，為何要埋怨自己的小朋友，不是理想的天使？常言道：恨鐵不成鋼。但鐵是鐵，鋼是鋼，各有用途。
「作為父母，不應追求改變小朋友的性格。反而應該加以理解，然後盡量發揮長處，改善短處」
這點我是理解。亦覺得身為父母，應做好一個嚮導的角色。但心底裡，我想 Jayson 做 Richard Branson。所以這一下有如當頭捧喝。如果這麼想做 Richard Branson，為何自己不去開間航空公司（因為可以被空姐包圍），而要自己的兒子去呢？如果性格不是一個喜歡挑戰的人，但不停要他面對沖擊，後果自然不堪設想。
我一直比較主張的，就是因材施教。用甚麼方法，並不是重點。但一定要做一個積極的嚮導，否則一定收不到小費。所以這個講座很合我的脾胃。而且她今次著重的，並不是生硬的區分性格，而是對不同性格的欣賞，和（基本的）理性處理方法。加上這些都是可以用常理去推論得到，所以更令我信服。
黃茵說，因為只是短短兩個小時，我們是沒有可能掌握得到如果區分自己小朋友的性格。再加上表達能力不足，性格才剛剛開始浮現，所以亦不容易看得清楚。但作為父母的，應該是最清楚自己的小朋友，只要用心客觀地觀察，亦不難找出「疑似」的類型。而 Jayson，我很懷疑（甚至極之相信）他是一個「四仔」！
「四仔」是「憑感覺者」。她所舉的例子：有個爸爸晚上起床去廁所，忽覺廳中有人坐在地上！原來是女兒，面向窗外。問她在做甚麼，她說：「看月光。月光很漂亮。」天啊！那跟 Jayson 一模一樣！對著月光吃晚餐不在話下，他每晚回家的時候，都要跑去看「Moon」、看「Star」，然後跟它們一一說再見之後才回家。加上他戲劇性的情緒化，對每一件事物的執著，真的很像「憑感覺者」。
但正如她所提點，我並不懂得這門學問，所以不應亂加猜測。而我於這短短兩個小時中學會的，就是張開我的眼睛，更深入認識 Jayson，然後「因型施教」。
~ Lindberg
這個講座的講師是黃茵。她是一個五十來歲的女士。很久沒有上過這麼棒的講座。沒看清楚的話，還以為去了黃子華的棟篤笑。除演譯生動之外，她清晰的概念，相關的例子，和打從心裡喜愛這理念的動力，令聽眾產生共鳴。認識我的舊同學都應該知道，我患了一個不解之病，每當一上堂，我就一定會睡覺。甚至有次因睡覺而令成績由 A 變成 B-，我也無話可說。但這兩個小時，我眼也沒有合過一次。
正如她所說，即使以我本人絕頂聰明，但短短兩小時，是沒可能理解清楚甚麼是「九型人格」。但她帶出了兩個重點，是我之前沒有深入想過：
「沒有一個性格比另一個性格好，沒有一個性格比另一個性格差。」
我自己的性格跟其他人的也不同。難道我會比他們好或差嗎？既然如此，為何要埋怨自己的小朋友，不是理想的天使？常言道：恨鐵不成鋼。但鐵是鐵，鋼是鋼，各有用途。
「作為父母，不應追求改變小朋友的性格。反而應該加以理解，然後盡量發揮長處，改善短處」
這點我是理解。亦覺得身為父母，應做好一個嚮導的角色。但心底裡，我想 Jayson 做 Richard Branson。所以這一下有如當頭捧喝。如果這麼想做 Richard Branson，為何自己不去開間航空公司（因為可以被空姐包圍），而要自己的兒子去呢？如果性格不是一個喜歡挑戰的人，但不停要他面對沖擊，後果自然不堪設想。
我一直比較主張的，就是因材施教。用甚麼方法，並不是重點。但一定要做一個積極的嚮導，否則一定收不到小費。所以這個講座很合我的脾胃。而且她今次著重的，並不是生硬的區分性格，而是對不同性格的欣賞，和（基本的）理性處理方法。加上這些都是可以用常理去推論得到，所以更令我信服。
黃茵說，因為只是短短兩個小時，我們是沒有可能掌握得到如果區分自己小朋友的性格。再加上表達能力不足，性格才剛剛開始浮現，所以亦不容易看得清楚。但作為父母的，應該是最清楚自己的小朋友，只要用心客觀地觀察，亦不難找出「疑似」的類型。而 Jayson，我很懷疑（甚至極之相信）他是一個「四仔」！
「四仔」是「憑感覺者」。她所舉的例子：有個爸爸晚上起床去廁所，忽覺廳中有人坐在地上！原來是女兒，面向窗外。問她在做甚麼，她說：「看月光。月光很漂亮。」天啊！那跟 Jayson 一模一樣！對著月光吃晚餐不在話下，他每晚回家的時候，都要跑去看「Moon」、看「Star」，然後跟它們一一說再見之後才回家。加上他戲劇性的情緒化，對每一件事物的執著，真的很像「憑感覺者」。
但正如她所提點，我並不懂得這門學問，所以不應亂加猜測。而我於這短短兩個小時中學會的，就是張開我的眼睛，更深入認識 Jayson，然後「因型施教」。
~ Lindberg
2009年9月2日
Snow Leopard（中文譯本）
（有人話睇唔明我尋日寫乜。所以我用咗個翻譯器，俾啲睇唔明廣東話嘅朋友再睇過。嘻嘻…）
尋日收到雪豹，開心到立即裝咗佢。真係好正！！！六十四 Bit 果然係唔同啲。但我一時醒唔起，個九方未必用得。點知真係唔用得喎！頂！！！我點打中文呀？！
郭生叫我去學倉頡。但邊得呀… 依家去學，就好似臨老入花叢一樣，算罷啦…
我睇唯有等九方出新版啦。無啦啦又要洗多三舊水！頂… 希望唔洗等足一個月啦。唉…
~ Lindberg
尋日收到雪豹，開心到立即裝咗佢。真係好正！！！六十四 Bit 果然係唔同啲。但我一時醒唔起，個九方未必用得。點知真係唔用得喎！頂！！！我點打中文呀？！
郭生叫我去學倉頡。但邊得呀… 依家去學，就好似臨老入花叢一樣，算罷啦…
我睇唯有等九方出新版啦。無啦啦又要洗多三舊水！頂… 希望唔洗等足一個月啦。唉…
~ Lindberg
2009年9月1日
Snow Leopard
Cam yat sau dou Suet Pao, hoi sum dou lap chik chong jor keoi. Zan hai ho zing ar!!! Luk sap sei Bit gor ying hai ng tong d. Daan or yat si seng ng hey, gor gau fong mei bit yung duck. Dim g zan hai ng yung duck wor! Deng!!! Or dim da zung man ar?!
Kwok san giu or heoi hawk chong kit. Daan bin duck ar... Yee ga heoi hawk, zau ho chit lam lo yup fa chung yat yeung, suen ba la...
Or tai wai yau dang gau fong ceot sun pan la. Mo la la yau yiu sai do sam gau seoi! Deng... Hey mon ng sai dang chuk yat gor yuet la. Haai...
~ Lindberg
Kwok san giu or heoi hawk chong kit. Daan bin duck ar... Yee ga heoi hawk, zau ho chit lam lo yup fa chung yat yeung, suen ba la...
Or tai wai yau dang gau fong ceot sun pan la. Mo la la yau yiu sai do sam gau seoi! Deng... Hey mon ng sai dang chuk yat gor yuet la. Haai...
~ Lindberg
自己同自己玩 Peekaboo
我很享受幫 Jayson 洗澡的時刻。就算自己有多疲倦，這親密的接觸，加上他開懷的笑聲，總讓我整個人也輕鬆下來。
這招「自己同自己玩 Peekaboo」，是他原創的玩兒。近排 Jayson 多了很多古靈精怪的表現。我不清楚是否跟上學有直接關系，但這短短兩三個星期，他有很明顯的轉變。留待《二十二個月報告》再詳談吧。
浴盆中的 Pooh，是新買的玩具。之前的 Elmo，因為是布質，所以不久之後便發了霉。 可惜…
~ Lindberg
這招「自己同自己玩 Peekaboo」，是他原創的玩兒。近排 Jayson 多了很多古靈精怪的表現。我不清楚是否跟上學有直接關系，但這短短兩三個星期，他有很明顯的轉變。留待《二十二個月報告》再詳談吧。
浴盆中的 Pooh，是新買的玩具。之前的 Elmo，因為是布質，所以不久之後便發了霉。 可惜…
~ Lindberg