地點: 九龍仔公園，九龍塘延文禮士道
日期：10月30日（星期日）
時間：下午二時
一年一度嘅南瓜派對又嚟啦！節目豐富，夠膽就嚟一齊玩啦…
敬請自備糖果，否則嘩鬼們會點樣，後果自負。我哋係保證唔到參加者嘅安全㗎…
~ Lindberg
2011年10月29日
鬼出沒注意
特別通告！靈力預測，發現將會有大批嘩鬼聚集。吸血殭屍、科學怪人、幽靈海盜等，應冇盡有。
一年一度嘅南瓜派對又嚟啦！節目豐富，夠膽就嚟一齊玩啦…
敬請自備糖果，否則嘩鬼們會點樣，後果自負。我哋係保證唔到參加者嘅安全㗎…
~ Lindberg
一年一度嘅南瓜派對又嚟啦！節目豐富，夠膽就嚟一齊玩啦…
敬請自備糖果，否則嘩鬼們會點樣，後果自負。我哋係保證唔到參加者嘅安全㗎…
~ Lindberg
2011年10月27日
Club Med 布吉 之 住宿篇
出咗機場之後，有專車接我哋到 Club Med。車程大概50分鐘。一落車，就受到熱情嘅歡迎，並被帶到招待處休息一下。
接待員為我哋奉上鮮花、冰涼嘅飲品及毛巾，精神上好似立即進入咗另一個世界。我隱約見到佢化身成為聖彼得，為我哋打開進入天國之門，然後再向我哋慢慢解釋登記程序。聽過簡單講解之後，佢話趁依家（下午一點）係午飯時間，建議我哋先到餐廳享用自助午餐，然後先攞房。聽到有得食，眼睛立即閃閃發光。
但食野留番下回先至講。
醫飽咗個肚之後，一位韓國姐姐（眼睛又再閃閃發光）就帶我哋入房。呢到地方好大，由接待處行到自己間房，起碼要五分鐘。要行出行入，都會有啲腳軟。不過沿途鳥語花香，行步路都醒神啲嘅。
「到未呀？乜咁遠㗎？」
呢到啲屋並唔算華麗型。如果諗住俾咗咁多錢，會住一間豪華嘅套房，可能會有啲失望。但感覺都好舒服，同周圍嘅環境好配合。
一入房就見到我哋張大床。Jayson 鐘意點碌都得！
另一個角度。張床比較硬身，但都好舒服。而床頭櫃有一個香薰爐，一入房就有陣陣令人放鬆嘅香氣，而且仲有驅蚊嘅作用添。
房嘅另一面，仲有張床俾 Jayson 喎！但佢當然冇瞓到啦。我哋張床瞓多幾個人都仲得，佢就當然同我哋一齊瞓啦。最後我哋都係用嚟放雜物。
一張簡單嘅化妝枱，上面放咗啲生果。後面有雪櫃，放咗幾罐唔洗錢嘅汽水及杯麵。雖然冇得補充，其實行出酒吧，想飲乜都有，所以都唔會飲自己雪櫃啲野。
廁所及浴室都好簡單。唔會有名牌潔具或者華麗嘅浴缸。原本我發現冇大浴缸用嚟浸浴，都有少少失望。但每晚玩到根本冇時間浸，都係企缸方便啲。哈！
個人護理用品，包括牙膏牙擦都一應俱全。沐浴露同洗髮素都幾好用喎。
Jayson 媽將間房升咗級，所以有個露台。但其實都唔算露得去邊，因為我哋住喺地下…。開門又驚會放啲蚊同青蛙入嚟。所以住咗幾日，除咗晾衫都唔會行出去。
有傘子嗰個單位，就係我哋間房啦。雖然好神奇地唔覺有好多蚊，但坐出嚟真係好有餵蚊嘅感覺。哈哈…
（待續…）
~ Lindberg
接待員為我哋奉上鮮花、冰涼嘅飲品及毛巾，精神上好似立即進入咗另一個世界。我隱約見到佢化身成為聖彼得，為我哋打開進入天國之門，然後再向我哋慢慢解釋登記程序。聽過簡單講解之後，佢話趁依家（下午一點）係午飯時間，建議我哋先到餐廳享用自助午餐，然後先攞房。聽到有得食，眼睛立即閃閃發光。
但食野留番下回先至講。
醫飽咗個肚之後，一位韓國姐姐（眼睛又再閃閃發光）就帶我哋入房。呢到地方好大，由接待處行到自己間房，起碼要五分鐘。要行出行入，都會有啲腳軟。不過沿途鳥語花香，行步路都醒神啲嘅。
「到未呀？乜咁遠㗎？」
呢到啲屋並唔算華麗型。如果諗住俾咗咁多錢，會住一間豪華嘅套房，可能會有啲失望。但感覺都好舒服，同周圍嘅環境好配合。
一入房就見到我哋張大床。Jayson 鐘意點碌都得！
另一個角度。張床比較硬身，但都好舒服。而床頭櫃有一個香薰爐，一入房就有陣陣令人放鬆嘅香氣，而且仲有驅蚊嘅作用添。
房嘅另一面，仲有張床俾 Jayson 喎！但佢當然冇瞓到啦。我哋張床瞓多幾個人都仲得，佢就當然同我哋一齊瞓啦。最後我哋都係用嚟放雜物。
一張簡單嘅化妝枱，上面放咗啲生果。後面有雪櫃，放咗幾罐唔洗錢嘅汽水及杯麵。雖然冇得補充，其實行出酒吧，想飲乜都有，所以都唔會飲自己雪櫃啲野。
廁所及浴室都好簡單。唔會有名牌潔具或者華麗嘅浴缸。原本我發現冇大浴缸用嚟浸浴，都有少少失望。但每晚玩到根本冇時間浸，都係企缸方便啲。哈！
個人護理用品，包括牙膏牙擦都一應俱全。沐浴露同洗髮素都幾好用喎。
Jayson 媽將間房升咗級，所以有個露台。但其實都唔算露得去邊，因為我哋住喺地下…。開門又驚會放啲蚊同青蛙入嚟。所以住咗幾日，除咗晾衫都唔會行出去。
有傘子嗰個單位，就係我哋間房啦。雖然好神奇地唔覺有好多蚊，但坐出嚟真係好有餵蚊嘅感覺。哈哈…
（待續…）
~ Lindberg
2011年10月26日
四仔 x 四歲 x 四眼仔
Jayson 三歲的時候，「有幸」於大口環根德公爵夫人兒童醫院做了一次全面的評估。那時，視光師說他有很深的散光。但因為小朋友仍在發育，所以未必能夠作準。因此，我們昨天回去做了一次跟進檢查。
起初，我們都是懷著一個輕鬆的心情。因為 Jayson 平時的眼力也算不錯。不論遠近的細微東西，也能見得到。但當驗眼室螢光幕上的字體開始縮少，而我還能輕易看得清楚，Jayson 卻很用力地也讀不出他最喜歡的 ABC 的時候，我倆不禁心裡一沉。原來他的視力真的有問題。
視光師說他散光的程度跟三歲時量度的差不多。每隻眼都有 275 度，比起父母還要嚴重。散光是跟角膜的弧度有關，基本上是天生的。而更令人擔憂的，是因為散光令大腦的視覺細胞不能正常發展，引至弱視的問題。那些驗眼用一行行由大至細的字體，正常人可以看到十行，Jayson 只能讀到五行。唉…
視光師說，大約二十個小朋友，就有一個會有大散光（超過 200 度）。只要配戴眼鏡，在這黃金時期（四歲至七歲）作出視力糾正，從而促進大腦視覺細胞的發育。雖然未必能夠跟正常人一樣，但有七、八成已經很不錯吧。
以前自己見其他同學要戴眼鏡，好似好得意，所以扭計說自己看不清楚，強要我媽咪帶我去配一副眼鏡。但當有了之後，才發現並不是那麼有趣，覺得很不舒服。因為根本不是看得不清楚，所以就沒有繼續戴，白白浪費了媽咪的錢。但到了中學之後，我就真的變了深近視。唉… 因此知道 Jayson 要戴眼鏡，心裡也很不舒服。
Jayson 媽曾經懷疑過視光師的判斷。但我覺得「真的假不了」。叫 Jayson 用盡力去看那些他最喜歡的 ABC，看不到就是看不到。之後用儀器及人手去測試，更是錯不到那裡去。視光師寫了 Jayson 的度數給我們，並建議我們盡快開始配戴，然後勤力地做一些眼力練習，去刺激視覺的發展。
除了擔心他的視力對生活及學習的影響，最近坐車的時候，他都很易暈車浪。不知是否跟這個有關。因為橫豎請了半天假，我們便坐言起行，立即帶他去相熟的眼鏡店配眼鏡。
原本 Jayson 喜歡有米奇圖案的眼鏡框（最上的那一副）。但因為比較單薄，而且另一系列的比較適合小朋友。當我聽到「有專利的彈性柄」，我的眼睛便發亮起來。最後試真一點，還真的這副比較好。
見到 Jayson 要戴眼鏡，心裡總是酸溜溜的。想象到小朋友做運動，或滿頭大汗時，戴眼鏡的確很不方便。但希望 Jayson 會乖乖的願意戴眼鏡，慢慢去改善他的視力吧。
~ Lindberg
起初，我們都是懷著一個輕鬆的心情。因為 Jayson 平時的眼力也算不錯。不論遠近的細微東西，也能見得到。但當驗眼室螢光幕上的字體開始縮少，而我還能輕易看得清楚，Jayson 卻很用力地也讀不出他最喜歡的 ABC 的時候，我倆不禁心裡一沉。原來他的視力真的有問題。
視光師說他散光的程度跟三歲時量度的差不多。每隻眼都有 275 度，比起父母還要嚴重。散光是跟角膜的弧度有關，基本上是天生的。而更令人擔憂的，是因為散光令大腦的視覺細胞不能正常發展，引至弱視的問題。那些驗眼用一行行由大至細的字體，正常人可以看到十行，Jayson 只能讀到五行。唉…
視光師說，大約二十個小朋友，就有一個會有大散光（超過 200 度）。只要配戴眼鏡，在這黃金時期（四歲至七歲）作出視力糾正，從而促進大腦視覺細胞的發育。雖然未必能夠跟正常人一樣，但有七、八成已經很不錯吧。
以前自己見其他同學要戴眼鏡，好似好得意，所以扭計說自己看不清楚，強要我媽咪帶我去配一副眼鏡。但當有了之後，才發現並不是那麼有趣，覺得很不舒服。因為根本不是看得不清楚，所以就沒有繼續戴，白白浪費了媽咪的錢。但到了中學之後，我就真的變了深近視。唉… 因此知道 Jayson 要戴眼鏡，心裡也很不舒服。
Jayson 媽曾經懷疑過視光師的判斷。但我覺得「真的假不了」。叫 Jayson 用盡力去看那些他最喜歡的 ABC，看不到就是看不到。之後用儀器及人手去測試，更是錯不到那裡去。視光師寫了 Jayson 的度數給我們，並建議我們盡快開始配戴，然後勤力地做一些眼力練習，去刺激視覺的發展。
除了擔心他的視力對生活及學習的影響，最近坐車的時候，他都很易暈車浪。不知是否跟這個有關。因為橫豎請了半天假，我們便坐言起行，立即帶他去相熟的眼鏡店配眼鏡。
見到 Jayson 要戴眼鏡，心裡總是酸溜溜的。想象到小朋友做運動，或滿頭大汗時，戴眼鏡的確很不方便。但希望 Jayson 會乖乖的願意戴眼鏡，慢慢去改善他的視力吧。
~ Lindberg
2011年10月24日
第四個生日快樂
時間過得真係快。三歲之後，食自助餐開始要俾錢。轉下眼，就已經四歲！嚟緊再去 Club Med 就要俾錢啦！點解大得咁快㗎？！
睇住佢每個月嘅轉變，感覺好神奇。有時搞佢唔掂，仲要睇下參考書，然後落場再同佢「砌」過。雖然有時都幾勞氣，但每一段經歷都非常寶貴。例如第一次嘅性教育，第一次教佢元素週期表…
「嗱，呢個 He 係 Helium，咪就係您個氣球入面啲氣體囉。我哋呼吸緊嘅咪係 O，Oxygen 囉。」
「咁呢個係咩呀？」
「Ag 咪銀囉！我哋就係靠呢啲元素組合而成㗎。」
「爸爸，可唔可以講番啲「真」嘅書呀？」
「…」我都未開始解釋小宇宙係乜！！！
尋日約齊戰隊所有（足秤）成員，同佢玩咗一個下午。Jayson 玩得超開心。佢阿媽堅持話呢個唔係慶祝生日嘅活動，因為冇叫所有人、冇遊戲玩、冇回禮禮物等等。但我都解釋唔到點解會有生日蛋糕、唱生日歌、生日禮物…。
我哋喺餐廳食完午飯就去咗附近嘅公園玩，俾班細路可以盡情放電。小朋友之間發生咗好多事，令我哋發現佢哋真係長大咗好多。而且雖然大家唔係成日見（相比自己啲同學仔），但大家啲感情都好要好。尤其是呢一對草莓班馬（青梅竹馬）。
今日正日生日，我竟然陪唔到佢慶祝。唉… Jayson 媽提議同公公婆婆一齊食晚飯慶祝，問 Jayson 好唔好。佢答：「咁咪開心死婆婆囉！」真係笑到我哋肚痛…
希望 Jayson 身體健康，快高長大。聽日帶佢去驗眼，希望唔會太差啦！仲有…早日脫離自我中心階段，聽教聽話！生日快樂！
~ Lindberg
睇住佢每個月嘅轉變，感覺好神奇。有時搞佢唔掂，仲要睇下參考書，然後落場再同佢「砌」過。雖然有時都幾勞氣，但每一段經歷都非常寶貴。例如第一次嘅性教育，第一次教佢元素週期表…
「嗱，呢個 He 係 Helium，咪就係您個氣球入面啲氣體囉。我哋呼吸緊嘅咪係 O，Oxygen 囉。」
「咁呢個係咩呀？」
「Ag 咪銀囉！我哋就係靠呢啲元素組合而成㗎。」
「爸爸，可唔可以講番啲「真」嘅書呀？」
「…」我都未開始解釋小宇宙係乜！！！
尋日約齊戰隊所有（足秤）成員，同佢玩咗一個下午。Jayson 玩得超開心。佢阿媽堅持話呢個唔係慶祝生日嘅活動，因為冇叫所有人、冇遊戲玩、冇回禮禮物等等。但我都解釋唔到點解會有生日蛋糕、唱生日歌、生日禮物…。
我哋喺餐廳食完午飯就去咗附近嘅公園玩，俾班細路可以盡情放電。小朋友之間發生咗好多事，令我哋發現佢哋真係長大咗好多。而且雖然大家唔係成日見（相比自己啲同學仔），但大家啲感情都好要好。尤其是呢一對草莓班馬（青梅竹馬）。
今日正日生日，我竟然陪唔到佢慶祝。唉… Jayson 媽提議同公公婆婆一齊食晚飯慶祝，問 Jayson 好唔好。佢答：「咁咪開心死婆婆囉！」真係笑到我哋肚痛…
希望 Jayson 身體健康，快高長大。聽日帶佢去驗眼，希望唔會太差啦！仲有…早日脫離自我中心階段，聽教聽話！生日快樂！
~ Lindberg
2011年10月23日
Club Med 布吉 之 序：雪花肥人之旅
（終於要由天堂返回地獄…）
今個結婚周年旅行都算一波多折。雖然一早已經決定參加 Club Med，但於選址上，一直都出現問題。馬來西亞嘅路程又驚辛苦，民丹島又俾人包咗場，沖繩島又夾唔到飛機。最終選擇咗去布吉。由最初來回都要喺曼谷轉機，做到回程直航。感覺上都叫做舒服少少。我好怕舟車勞頓，因為有咩差池令到 Jayson 辛苦的話，我哋就頭痛啦。當以為一切都已經安排妥當之後，曼谷又水浸喎！Jayson 媽真係差啲俾佢激死。但好彩，喺起飛前兩日，俾佢見到有機位可以直飛布吉。結果，我哋俾多少少錢換機票，咁就總算可以安心起飛啦。
起初選擇 Club Med，係因為 Jayson 媽想要一個唔洗自己煩安排嘅假期。佢身邊有同事去過其他國家嘅 Club Med，都覺得唔錯。但要我俾多一倍嘅價錢（相比其他高級渡假村），即使包食包玩，我都覺得有點肉赤。差不多要每日$2,000用嚟食同玩，正常嚟講，應該點都用唔哂。但當親身體會過一次之後，就明白 Club Med 嘅特色及過人之處。
布吉這間 Club Med，設施唔算超華麗，食物亦唔算五星級，但勝在係啲超友善嘅服務。通常啲人最唔願意花費嘅，就係喺服務之上。但喺呢到，因為一早已經俾哂「充足」嘅錢，所以除咗佢唔洗吝嗇提供嘅食物及飲料之外，佢仲可以投放人力資源，做好服務。佢哋喺世界各地請來一班（貪玩嘅）GO（Gentils Organisateurs），意思係「親切的搞手」，設計及安排活動，仲陪你食陪你玩。只要肯參與，水上體操、舉鐵、瑜珈、射箭，甚至空中飛人都有得你玩。
大人有得玩，小朋友就更加唔洗擔心。佢哋有 GO 由朝到晚帶住班小朋友，自己食飯自己玩。小朋友玩得開心之餘，大人自己去做乜都得！
雖然理應做番啲運動去燃燒下啲食咗嘅食物，但做運動呢家野…真係唔係咁啱我。所以我選擇咗去做水療同揼骨。以前去過啲渡假村，曾經都希望可以過一個「食、揼、瞓」嘅假期。但每次都唔成功，一來唔捨得食，二來唔捨得揼。但呢到係任飲任食（無時無刻），前排我做到隻野咁，仲唔揼個夠本！所以我決定咗要學做一隻「和牛」，將食咗嘅脂肪，靠水療去平均分佈喺啲肉入面，做一個名正言順嘅「雪花肥人」！
除咗以上嘅節目，每晚仲有歌舞雜技表演。雖然點都比唔上啲一級嘅雜技團，但都足以歎為觀止。而最興奮嘅，就係節目完結時嘅 Crazy Signs。起初我以為只係台上嘅主持帶領住大家跳嘅簡單舞步，但我見其他住客會四方八面進入「舞池」，舞步跟得好足之餘，甚至仲會識得要求跳邊一隻舞。我哋估好多住客都係呢度嘅忠實擁躉，玩下手一年嚟一次，或者係長住嗰種！
經過五日嘅體驗，我有少少明白點解呢到會咁好玩。Club Med 係一個好需要人氣嘅地方。試問如果得小貓三兩隻，即使加多二、三十個 GO，氣氛都唔會好。所以佢好需要做得好好，確保每個客人都有一個愉快嘅假期。之後好似我咁同其他人分享，明年、後年、大後年… 嚟玩過！
Jayson 雖然冇參加佢啲活動（因為未夠四歲，所以唔洗俾錢。無俾錢自然無得玩啦。），但見佢咁嘅樣，就知佢玩得好開心。
「爸爸，今晚我要睇 Show 呀！」
（待續…）
~ Lindberg
今個結婚周年旅行都算一波多折。雖然一早已經決定參加 Club Med，但於選址上，一直都出現問題。馬來西亞嘅路程又驚辛苦，民丹島又俾人包咗場，沖繩島又夾唔到飛機。最終選擇咗去布吉。由最初來回都要喺曼谷轉機，做到回程直航。感覺上都叫做舒服少少。我好怕舟車勞頓，因為有咩差池令到 Jayson 辛苦的話，我哋就頭痛啦。當以為一切都已經安排妥當之後，曼谷又水浸喎！Jayson 媽真係差啲俾佢激死。但好彩，喺起飛前兩日，俾佢見到有機位可以直飛布吉。結果，我哋俾多少少錢換機票，咁就總算可以安心起飛啦。
起初選擇 Club Med，係因為 Jayson 媽想要一個唔洗自己煩安排嘅假期。佢身邊有同事去過其他國家嘅 Club Med，都覺得唔錯。但要我俾多一倍嘅價錢（相比其他高級渡假村），即使包食包玩，我都覺得有點肉赤。差不多要每日$2,000用嚟食同玩，正常嚟講，應該點都用唔哂。但當親身體會過一次之後，就明白 Club Med 嘅特色及過人之處。
布吉這間 Club Med，設施唔算超華麗，食物亦唔算五星級，但勝在係啲超友善嘅服務。通常啲人最唔願意花費嘅，就係喺服務之上。但喺呢到，因為一早已經俾哂「充足」嘅錢，所以除咗佢唔洗吝嗇提供嘅食物及飲料之外，佢仲可以投放人力資源，做好服務。佢哋喺世界各地請來一班（貪玩嘅）GO（Gentils Organisateurs），意思係「親切的搞手」，設計及安排活動，仲陪你食陪你玩。只要肯參與，水上體操、舉鐵、瑜珈、射箭，甚至空中飛人都有得你玩。
大人有得玩，小朋友就更加唔洗擔心。佢哋有 GO 由朝到晚帶住班小朋友，自己食飯自己玩。小朋友玩得開心之餘，大人自己去做乜都得！
雖然理應做番啲運動去燃燒下啲食咗嘅食物，但做運動呢家野…真係唔係咁啱我。所以我選擇咗去做水療同揼骨。以前去過啲渡假村，曾經都希望可以過一個「食、揼、瞓」嘅假期。但每次都唔成功，一來唔捨得食，二來唔捨得揼。但呢到係任飲任食（無時無刻），前排我做到隻野咁，仲唔揼個夠本！所以我決定咗要學做一隻「和牛」，將食咗嘅脂肪，靠水療去平均分佈喺啲肉入面，做一個名正言順嘅「雪花肥人」！
除咗以上嘅節目，每晚仲有歌舞雜技表演。雖然點都比唔上啲一級嘅雜技團，但都足以歎為觀止。而最興奮嘅，就係節目完結時嘅 Crazy Signs。起初我以為只係台上嘅主持帶領住大家跳嘅簡單舞步，但我見其他住客會四方八面進入「舞池」，舞步跟得好足之餘，甚至仲會識得要求跳邊一隻舞。我哋估好多住客都係呢度嘅忠實擁躉，玩下手一年嚟一次，或者係長住嗰種！
經過五日嘅體驗，我有少少明白點解呢到會咁好玩。Club Med 係一個好需要人氣嘅地方。試問如果得小貓三兩隻，即使加多二、三十個 GO，氣氛都唔會好。所以佢好需要做得好好，確保每個客人都有一個愉快嘅假期。之後好似我咁同其他人分享，明年、後年、大後年… 嚟玩過！
Jayson 雖然冇參加佢啲活動（因為未夠四歲，所以唔洗俾錢。無俾錢自然無得玩啦。），但見佢咁嘅樣，就知佢玩得好開心。
「爸爸，今晚我要睇 Show 呀！」
（待續…）
~ Lindberg
2011年10月14日
忙碌過後
工作上忙完一輪之後，終於可以休息一下。上星期日，一次過安排兩個節目。雖然之後散哂，不過都好開心。
第一個節目係約戰隊上嚟屋企玩。
起初我都有啲擔心呢班破壞王。不過雖然都有鬧交打鬥嘅場面，大家都算玩得斯文。善哉善哉… 哈哈… 之後落咗樓下玩吹波波。消耗大家剩餘嘅精力。因為冇乜時間準備，所以冇乜野招呼大家，希望唔好見怪。
同熟朋友一齊玩，我最開心嘅係… 唔洗剃鬚。難得一個假期可以休息下，見自己人可以不修編幅。真係睡衣都唔洗換㗎！哈哈…
夜晚去同契爺等一班兄弟打邊爐。第一次食「力奇」，果然唔錯。雖然餐牌上嘅價錢一啲都唔平，但份量都好大，而且大部份用料都唔錯。食到飽到反肚，埋單都只係 $175 一位。啲湯底亦好有睇頭，我哋個椰子乜乜湯底最後係甜到差啲入唔到口。哈哈哈… 不過佢啲墨丸類就差啲，打得唔係太靚。
而嚟緊星期日會飛去布吉玩五日。今次旅行都算麻煩（咗 Jayson 媽）。起初諗住參加 Club Med，乜都唔洗諗。但到最後差啲俾啲機票同泰國嘅水災玩死。好彩到最後都搞掂哂。雖然係洗大咗，但當係結婚N周年紀念，最緊要玩得開心啦。之前做到隻牛咁，嚟緊旅行要做番隻「和牛」！每日每餐自助餐，食飽就瞓，瞓飽就去揼骨。人生該當如此呀！
~ Lindberg
第一個節目係約戰隊上嚟屋企玩。
起初我都有啲擔心呢班破壞王。不過雖然都有鬧交打鬥嘅場面，大家都算玩得斯文。善哉善哉… 哈哈… 之後落咗樓下玩吹波波。消耗大家剩餘嘅精力。因為冇乜時間準備，所以冇乜野招呼大家，希望唔好見怪。
同熟朋友一齊玩，我最開心嘅係… 唔洗剃鬚。難得一個假期可以休息下，見自己人可以不修編幅。真係睡衣都唔洗換㗎！哈哈…
夜晚去同契爺等一班兄弟打邊爐。第一次食「力奇」，果然唔錯。雖然餐牌上嘅價錢一啲都唔平，但份量都好大，而且大部份用料都唔錯。食到飽到反肚，埋單都只係 $175 一位。啲湯底亦好有睇頭，我哋個椰子乜乜湯底最後係甜到差啲入唔到口。哈哈哈… 不過佢啲墨丸類就差啲，打得唔係太靚。
而嚟緊星期日會飛去布吉玩五日。今次旅行都算麻煩（咗 Jayson 媽）。起初諗住參加 Club Med，乜都唔洗諗。但到最後差啲俾啲機票同泰國嘅水災玩死。好彩到最後都搞掂哂。雖然係洗大咗，但當係結婚N周年紀念，最緊要玩得開心啦。之前做到隻牛咁，嚟緊旅行要做番隻「和牛」！每日每餐自助餐，食飽就瞓，瞓飽就去揼骨。人生該當如此呀！
~ Lindberg
2011年10月12日
LeapFrog Tag
喺暑假嘅時候，我買咗件「玩具」俾 Jayson。因為唔洗返學嘅關系，我又唔想 Jayson 喺婆婆到成日掛住睇電視或 YouTube，所以買咗一支會讀書嘅「LeapFrog Tag」俾佢。
Jayson 只要揸住支筆，指向啲字輕輕一按，佢就會讀俾佢聽。咁即使我哋唔喺佢身邊，自己都可以睇書啦。除咗可以讀成個故事，佢仲可以逐個字指住嚟讀。並非電腦發音，所以對學習讀書有一定嘅幫助。
支筆嘅原理唔係佢真係認到啲字，而係書上面印咗啲肉眼認唔到嘅圖案。只要細心一睇，就會見到每一頁都佈滿咗一點點唔多起眼嘅圖案。支筆就係靠呢啲圖案去判斷你指緊邊一個位，然後發聲（讀字或播放音效）。而每一本書都要上網下載相關嘅資料，支筆先用得到。除咗讀書之外，佢仲設計咗啲遊戲，提高讀書嘅興趣，甚至可以測試小朋友對內容嘅理解。可見設計師係非常有心思。
一本書大概 $70 左右，同一本普通嘅故事書差不多。因為基本上，佢都只係一本有啲唔覺眼嘅花紋嘅書。除咗故事書，佢仲有啲專教拼音、寫字、考眼力等嘅書。買下買下，不知不覺已經買咗一大堆。
不過 Jayson 對支筆嘅興趣唔算大，一個星期都唔知有冇玩一次！原因係佢有一個活生生嘅讀書機械人：我。而且有機會的話，我都情願親自同佢讀。不過當無更好選擇嘅情況之下，作為一個輔助，都不失為一個好嘅代替品。我見到佢自己一個一個字咁讀，可能真係對閱讀能力及興趣有幫助喎。
~ Lindberg
Jayson 只要揸住支筆，指向啲字輕輕一按，佢就會讀俾佢聽。咁即使我哋唔喺佢身邊，自己都可以睇書啦。除咗可以讀成個故事，佢仲可以逐個字指住嚟讀。並非電腦發音，所以對學習讀書有一定嘅幫助。
支筆嘅原理唔係佢真係認到啲字，而係書上面印咗啲肉眼認唔到嘅圖案。只要細心一睇，就會見到每一頁都佈滿咗一點點唔多起眼嘅圖案。支筆就係靠呢啲圖案去判斷你指緊邊一個位，然後發聲（讀字或播放音效）。而每一本書都要上網下載相關嘅資料，支筆先用得到。除咗讀書之外，佢仲設計咗啲遊戲，提高讀書嘅興趣，甚至可以測試小朋友對內容嘅理解。可見設計師係非常有心思。
一本書大概 $70 左右，同一本普通嘅故事書差不多。因為基本上，佢都只係一本有啲唔覺眼嘅花紋嘅書。除咗故事書，佢仲有啲專教拼音、寫字、考眼力等嘅書。買下買下，不知不覺已經買咗一大堆。
不過 Jayson 對支筆嘅興趣唔算大，一個星期都唔知有冇玩一次！原因係佢有一個活生生嘅讀書機械人：我。而且有機會的話，我都情願親自同佢讀。不過當無更好選擇嘅情況之下，作為一個輔助，都不失為一個好嘅代替品。我見到佢自己一個一個字咁讀，可能真係對閱讀能力及興趣有幫助喎。
~ Lindberg
2011年10月10日
點解唔聽我話？
這句說話並非出自我們，而是 Jayson 口中。當我第一次聽到這個說話，我感到非常愕然。這句說話比我想象中來早了很多很多年！
印象中，前後發生了兩至三次。那個時候，我們要求他做一些事情（例如換衫），但他堅持要做自己的事（玩 ABC）。即使我連「機會成本」的道理都出動了，他也絲毫不動。最後當我們開始語氣重的時候，他就喊了出來，非常淒涼地說：「點解成日要我聽您話？點解唔聽我話？」
我們好像未曾灌輸「聽話」的道理。「聽話」這兩個字是從那裡來的呢？我相信是那天一起看《Finding Nemo 海底奇兵》，我們曾經說過，因為 Nemo 不聽爸爸話，所以才被人捉了。
Jayson 媽跟他解釋，小朋友當然要聽大人的說話。她的意思，除了是要尊重父母之命之外，更重要的是當生命有危險，小朋友要不經思考地作出及時的反應。
而我又用另一個方法跟他說教。我跟他說「Jayson，我哋唔係要您聽我哋嘅說話。係要您明白我哋嘅道理（或價值觀等等）。當有一日您證明到您係明白事理，我咪有信心去聽您話囉。」講完這番說話之後，我覺得自己好型。但第一次，他當然聽不入耳。而第二次，就好似明白了一點。
過了兩三個星期之後，我們發現 Jayson 有點改變。雖然還會扭計發脾氣，還會有他的堅持，但好似乖了很多。具體的還不能說明，但至少我們沒有以前那麼勞氣，而且言談之中，他好像比以前明白事理。有時還可愛得要命！
「姐姐，我幫妳撥涼同冚被呀！」（這是他媽媽每晚都要做的事…）
~ Lindberg
印象中，前後發生了兩至三次。那個時候，我們要求他做一些事情（例如換衫），但他堅持要做自己的事（玩 ABC）。即使我連「機會成本」的道理都出動了，他也絲毫不動。最後當我們開始語氣重的時候，他就喊了出來，非常淒涼地說：「點解成日要我聽您話？點解唔聽我話？」
我們好像未曾灌輸「聽話」的道理。「聽話」這兩個字是從那裡來的呢？我相信是那天一起看《Finding Nemo 海底奇兵》，我們曾經說過，因為 Nemo 不聽爸爸話，所以才被人捉了。
Jayson 媽跟他解釋，小朋友當然要聽大人的說話。她的意思，除了是要尊重父母之命之外，更重要的是當生命有危險，小朋友要不經思考地作出及時的反應。
而我又用另一個方法跟他說教。我跟他說「Jayson，我哋唔係要您聽我哋嘅說話。係要您明白我哋嘅道理（或價值觀等等）。當有一日您證明到您係明白事理，我咪有信心去聽您話囉。」講完這番說話之後，我覺得自己好型。但第一次，他當然聽不入耳。而第二次，就好似明白了一點。
過了兩三個星期之後，我們發現 Jayson 有點改變。雖然還會扭計發脾氣，還會有他的堅持，但好似乖了很多。具體的還不能說明，但至少我們沒有以前那麼勞氣，而且言談之中，他好像比以前明白事理。有時還可愛得要命！
「姐姐，我幫妳撥涼同冚被呀！」（這是他媽媽每晚都要做的事…）
~ Lindberg
2011年10月5日
我們的第一次 Wii
有一個星期日，我突然興起，拿出多年沒有開過的 Wii 跟 Jayson 玩。這是並非第一次 Jayson 接觸電視遊戲機，之前也有在 Raymond 叔叔家中玩過 Kinect。跟據好友 奧利花 指出，打機對大腦及反射神經很有幫助。試問身邊這班好（損）友，有那一個不是與瑪利奧一起成長呢？關鍵是有沒有節制，做到收放自如。
因為我自己也太耐沒有玩，而且之前也沒認真玩過《Wii Sports Resort》這個遊戲，一時也玩得忘了形，轉眼間已玩了一個多小時。Jayson 當然就玩得非常高興，所以叫他停都有點困難。但我反而覺得這是一個很好的教育機會。現在便開始教育，總好過日後才來不受控。
過了兩個星期之後，Jayson 跟我們說：「我好耐都冇玩過啦… 白色嗰個電視搖控…。」哈哈哈…
那天我們沒有讓他玩。之後的一天有多一點空閑時間，我又和他玩了一會兒，然後當然又要教育了一會兒啦。哈哈哈…
~ Lindberg
P.S. 對於遊戲的選擇，我都比較謹慎。如果有更佳的選擇，我會盡量避免電腦或電話游戲。並且 Jayson 還未發現我有 iPad。呵呵呵…
因為我自己也太耐沒有玩，而且之前也沒認真玩過《Wii Sports Resort》這個遊戲，一時也玩得忘了形，轉眼間已玩了一個多小時。Jayson 當然就玩得非常高興，所以叫他停都有點困難。但我反而覺得這是一個很好的教育機會。現在便開始教育，總好過日後才來不受控。
過了兩個星期之後，Jayson 跟我們說：「我好耐都冇玩過啦… 白色嗰個電視搖控…。」哈哈哈…
那天我們沒有讓他玩。之後的一天有多一點空閑時間，我又和他玩了一會兒，然後當然又要教育了一會兒啦。哈哈哈…
~ Lindberg
P.S. 對於遊戲的選擇，我都比較謹慎。如果有更佳的選擇，我會盡量避免電腦或電話游戲。並且 Jayson 還未發現我有 iPad。呵呵呵…