近排，除咗個股市經常大起大落之餘，我發現自己愛國嘅熱誠都係大起大落。
幾個月前嘅西藏暴動，令好多人都擔心會唔會有更激烈嘅行動。但北京搞咗個好成功嘅奧運，全世界有目共睹。每一個中國人都好自豪地話俾人聽，中國做得到。
但點知奧運一過，就嚟一個三聚氰胺，令到人心惶惶。自己身為父母，見到啲小朋友有事，都好心痛。而常言道：「你死你賤」，我地犯嘅錯，自己受番咪算囉。點知其他國家都驗到食物因為有用中國嘅奶粉，而受到「污染」。嗰一刻，我為做一個中國人而感到慚愧。
好彩我地不停有好消息，可以「沖喜」一下。神州七號載住我地三個中國太空人，成功太空漫步，安全返回地球。翟志剛喺太空搖住國旗嘅一刻，我對祖國嘅尊敬，又再一次推到頂點。誰知轉個頭就睇到朋友嘅留言：「M&M 都有，勿食！」天呀……
有時都唔係好明啲人諗乜。喺奧運期間，個個都好似斬腳趾避沙蟲一樣，少做少錯，唔做唔錯。兩個奧運，我公司想買一塊中國雞胸都冇得買，因為好多野都唔俾出口。差啲激死我。但好明顯，紙係包唔住火。
無可否認，今次嘅事件可以睇到我國喺化學嘅進步。原來孔雀石綠、蘇丹紅都只不過係小兒科。明明冇諗過會喺食物入面出現嘅三聚氰胺，都可以俾我地諗到佢嘅用途。用水溝稀啲奶，再加三聚氰胺，我覺得就好似街邊啲阿伯用水去浸濕收番嚟嘅紙皮，但求可以賺多一個幾毫。唯一唔同嘅，就係我地唔會放紙皮入口。
我好記得阿托以前同我講過「血酬」一詞。我地中國人每一分、每一毫，可真係「血汗錢」。簡單嚟講，血酬係為咗保存生命願意付出的費用。以暴力（或不法手段）來獲取利潤。係唔係真係要去到咁盡呢？唉…
今日郭生仲同我提到之前嘅假蛋。
「郭生，咁人地日本都有假三文魚籽啦！」
「咁人地嗰啲唔會食死人呀嘛！」
「又係喎…」
~ Lindberg
2008年9月29日
2008年9月28日
拜訪白雪堡壘
尋日，「一個墟」嘅主要成員，去咗白雪嘅屋企玩。好開心呀！
「爸爸，哩到有好多野玩呀！」
雪姑住喺西貢。去佢屋企比我想象中易好多，而且由馬鞍山入去都好快。一去到，二話不說就開始玩啦！
東道主：Anson。正所謂自己地頭，馬騮仔成日四圍走。勁搞笑。
茄茄真係可愛到爆炸。而且非常叻。一歲人仔，已經識做好多野。犀利！
Mavis 係唯一一個女仔，所以非常珍貴。而且喺一班小朋友面前，佢就好似大姐姐咁。見到佢識咁多野，就好似係我地嘅引路明燈一樣。哈哈哈！
好耐冇見 Eason 啦。比之前見佢再多咗兩分「公子」氣質。引死人啦！
唔好睇少哲哲細細粒，玩起上嚟不知幾叻呀！
最後當然有我地舊飯：Jayson 啦。成日玩「含羞答答」，引死班姑姑。
一班小朋友可以一齊玩真係好好。感覺有啲似 Play Group。可以俾佢地見下「世面」，接觸多啲新事物。就例如 Jayson 唔肯爬，見大家爬得咁開心，都會嘗試一下去爬。
再來一次三神合體！
「一號機 Eason，我俾個波波你呀。」
「一號機、二號機，正經啲啦！我地要合體呀！」
「報告三號機，一號機合體失敗。我地自己玩啦…」
晚餐喺燒烤，雪姑同王子為我地預備咗好多好野食。好好味（多得王子同李錦記），而且食極都仲有。好彩之後仲有 Eason 爸加入戰團，幫我地收拾殘局。
其實玩到一半，我已經好想同阿仔一切瞓，因為同佢地玩，大人差啲仲攰過啲小朋友。不過見大家玩得咁開心，乜野疲倦都唔記得啦！
差啲唔記得。雪姑嘅金毛：福仔，真係好靚好乖呀！但我竟然唔記得搵 Jayson 同佢玩，一齊影番張相。真失敗！
今次仲冇影到大合照添！失敗中嘅失敗。一於十月二十六日再玩過啦！多謝雪姑一家，熱情款待！
~ Lindberg
P.S. 原本我地諗住可以開個水池，俾班小朋友玩下水。可惜天陰陰又涼涼地，所以冇得玩。雖然有啲可惜，不過都玩得好開心。而且如果真係有得玩水，相信班大人玩得仲攰呀。哈哈哈！不過 Jayson 嘅泳裝就好明顯得個「買」字啦！
「爸爸，哩到有好多野玩呀！」
雪姑住喺西貢。去佢屋企比我想象中易好多，而且由馬鞍山入去都好快。一去到，二話不說就開始玩啦！
東道主：Anson。正所謂自己地頭，馬騮仔成日四圍走。勁搞笑。
茄茄真係可愛到爆炸。而且非常叻。一歲人仔，已經識做好多野。犀利！
Mavis 係唯一一個女仔，所以非常珍貴。而且喺一班小朋友面前，佢就好似大姐姐咁。見到佢識咁多野，就好似係我地嘅引路明燈一樣。哈哈哈！
好耐冇見 Eason 啦。比之前見佢再多咗兩分「公子」氣質。引死人啦！
唔好睇少哲哲細細粒，玩起上嚟不知幾叻呀！
最後當然有我地舊飯：Jayson 啦。成日玩「含羞答答」，引死班姑姑。
一班小朋友可以一齊玩真係好好。感覺有啲似 Play Group。可以俾佢地見下「世面」，接觸多啲新事物。就例如 Jayson 唔肯爬，見大家爬得咁開心，都會嘗試一下去爬。
再來一次三神合體！
「一號機 Eason，我俾個波波你呀。」
「一號機、二號機，正經啲啦！我地要合體呀！」
「報告三號機，一號機合體失敗。我地自己玩啦…」
晚餐喺燒烤，雪姑同王子為我地預備咗好多好野食。好好味（多得王子同李錦記），而且食極都仲有。好彩之後仲有 Eason 爸加入戰團，幫我地收拾殘局。
其實玩到一半，我已經好想同阿仔一切瞓，因為同佢地玩，大人差啲仲攰過啲小朋友。不過見大家玩得咁開心，乜野疲倦都唔記得啦！
差啲唔記得。雪姑嘅金毛：福仔，真係好靚好乖呀！但我竟然唔記得搵 Jayson 同佢玩，一齊影番張相。真失敗！
今次仲冇影到大合照添！失敗中嘅失敗。一於十月二十六日再玩過啦！多謝雪姑一家，熱情款待！
~ Lindberg
P.S. 原本我地諗住可以開個水池，俾班小朋友玩下水。可惜天陰陰又涼涼地，所以冇得玩。雖然有啲可惜，不過都玩得好開心。而且如果真係有得玩水，相信班大人玩得仲攰呀。哈哈哈！不過 Jayson 嘅泳裝就好明顯得個「買」字啦！
2008年9月27日
活在第三世界中
前兩日同我大哥 msn。當時十一點幾，我仲覆緊公司少少電郵。佢問我做乜成日咁夜都唔瞓。我話我地要整完 Jayson 啲野、做完家務、洗白白、然後先有得做自己野。邊有咁早有得瞓喎！佢笑我：「活喺第三世界」。咁佢有工人幫手，當然乜都唔洗做啦！
「爸爸阿四，做乜間屋咁亂㗎？！快啲做下野啦！」
有時真係好羨慕喺菲律賓嘅屋企人。雖然唔算係一個好好嘅國家，但係如果係比較富有嘅一群，都可以生活得好舒服。小朋友嘅教育亦冇乜野問題。香港有嘅，佢地都有。而且千祈唔用香港嘅菲傭嚟做標準，嗰邊都有好多靚女㗎！
話雖如此，我都算幾滿意現狀。雖然屋就一定要搬，不過每日家務方面就可以接受。自從有咗家務助理之後，唔洗做我最唔鐘意嘅清潔。因為我有「選擇性潔僻」，一做家務就一定發脾氣。「啲雜誌邊個㗎？！」「邊個又咁冇手尾呀？！」
前一排做野做得好唔開心。其中一個老細日日都愁雲慘霧咁，喺我面前行來行去。哩幾日佢屋企有事，於是要飛番祖家，我先有心機同另一個老細正正經經做啲野。好彩都叫有啲收獲，唔洗死…住。正當唔開心嘅時候，好在有大哥喺網上同我傾下計。
有時覺得做最細嗰個真係幾好。無論自己幾大個人，甚至乎連仔都生埋，都仲可以走番屋企扮細。雖然我同兩個阿哥生活喺唔同嘅環境，三個人都好似，三個都係大唔透。而兩個姐姐就好唔同。姐姐就好姐姐，冇我地咁低能。哈哈哈…
~ Lindberg
「爸爸阿四，做乜間屋咁亂㗎？！快啲做下野啦！」
有時真係好羨慕喺菲律賓嘅屋企人。雖然唔算係一個好好嘅國家，但係如果係比較富有嘅一群，都可以生活得好舒服。小朋友嘅教育亦冇乜野問題。香港有嘅，佢地都有。而且千祈唔用香港嘅菲傭嚟做標準，嗰邊都有好多靚女㗎！
話雖如此，我都算幾滿意現狀。雖然屋就一定要搬，不過每日家務方面就可以接受。自從有咗家務助理之後，唔洗做我最唔鐘意嘅清潔。因為我有「選擇性潔僻」，一做家務就一定發脾氣。「啲雜誌邊個㗎？！」「邊個又咁冇手尾呀？！」
前一排做野做得好唔開心。其中一個老細日日都愁雲慘霧咁，喺我面前行來行去。哩幾日佢屋企有事，於是要飛番祖家，我先有心機同另一個老細正正經經做啲野。好彩都叫有啲收獲，唔洗死…住。正當唔開心嘅時候，好在有大哥喺網上同我傾下計。
有時覺得做最細嗰個真係幾好。無論自己幾大個人，甚至乎連仔都生埋，都仲可以走番屋企扮細。雖然我同兩個阿哥生活喺唔同嘅環境，三個人都好似，三個都係大唔透。而兩個姐姐就好唔同。姐姐就好姐姐，冇我地咁低能。哈哈哈…
~ Lindberg
2008年9月26日
第一個泡泡浴
上星期日，Jayson 媽見有一支 Seba Med 嬰兒泡泡浴的樣板，於是便來一個「節瓜泡泡浴」。
Jayson 現在很喜歡洗白白（或玩水）。每次要上水，都會投訴一番。
~ Lindberg
Jayson 現在很喜歡洗白白（或玩水）。每次要上水，都會投訴一番。
~ Lindberg
2008年9月23日
洋蔥黑醋納豆
前兩日去吉之島，俾我見到包咁嘅野：
鐘意食納豆嘅我，當然買嚟試下。
入面有一包醬汁。都幾濃稠。
因為冇煮飯，又冇理由用 Jayson 啲粥仔去餸，我撈完就咁食落肚。
都幾好味喎！雖然我唔食蔥，洋蔥都會（按情況）食少少。洋蔥味好配合納豆嘅味道。加上黑醋酸酸甜甜，中和納豆滑潺潺嘅感覺。唔錯唔錯。仲有兩盒，下次煲個飯撈下先！
~ Lindberg
鐘意食納豆嘅我，當然買嚟試下。
入面有一包醬汁。都幾濃稠。
因為冇煮飯，又冇理由用 Jayson 啲粥仔去餸，我撈完就咁食落肚。
都幾好味喎！雖然我唔食蔥，洋蔥都會（按情況）食少少。洋蔥味好配合納豆嘅味道。加上黑醋酸酸甜甜，中和納豆滑潺潺嘅感覺。唔錯唔錯。仲有兩盒，下次煲個飯撈下先！
~ Lindberg
2008年9月22日
男人背後
常言道：每個成功男人背後，都有個支持他的女人。而一個的嬰兒背後，都有個支持他的…
…Barney！
有些時候回到婆婆家，Jayson 會是睡著的。雖然 Jayson 不是一個活躍的小朋友，但見他的睡姿，有時都覺得幾好笑。
昨天在家中還拍到一張蟲蟲睡姿。到底甚麼時候才會破繭而出，變成一個美男子來呢？
~ Lindberg
…Barney！
有些時候回到婆婆家，Jayson 會是睡著的。雖然 Jayson 不是一個活躍的小朋友，但見他的睡姿，有時都覺得幾好笑。
昨天在家中還拍到一張蟲蟲睡姿。到底甚麼時候才會破繭而出，變成一個美男子來呢？
~ Lindberg
2008年9月21日
五十四日環遊美加 之 玩轉洛杉磯（一）
上次去完拉斯維加斯，我地就返到洛杉磯，誓要玩盡每一個角落。
嚟到洛杉磯，當然要去睇咗佢著名嘅地方先啦。我地首先嚟到阿 Chow 嘅母校：加州大學洛杉磯分校 University of California, Los Angeles（UCLA）參觀一下。校園好大好舒服。可以喺咁嘅環境下讀書，人都醒神好多。
然後我地去咗好萊塢。好萊塢嘅主要街道：好萊塢大道（Hollywood Blvd）兩旁有好多（遊客）店舖，有好多紀念品賣。我地都買咗唔少唔知有乜用嘅手信。
而其中一個重要的地標，係位於好萊塢大道上嘅文氏中國劇院（Mann's Chinese Theatre）。除咗劇院外型特別，佢前面就係著名嘅星光大道。
另一樣洛杉磯最多嘅，就當然係主題公園。上次去咗 Knott's Berry Farm，今次講多兩個地方。
我地先去環球影城（Universal Studio）。喺入影城之前，有好多同電影有關嘅商店，分散我地嘅注意力。當年，影城入面主要有兩樣野玩。
1) Studio Tour：坐住車仔遊影城。都幾好玩㗎。例如行過一個大水池，有條大白鯊走出嚟。
2) 三款機動遊戲。Back to the Future the Ride、ET the Ride、Backdraft。前兩者可能因為太舊，已經冇得玩喇。嚟到美國嘅主題公園，我地修習到耐心等候嘅心法。因為每個遊戲都要排隊超過一個鐘！
第二日，我地自己開車，去咗六旗魔術山（Six Flags Magic Mountain）。Six Flags 係一個我地永遠都唔會唔記得嘅地方。因為佢真係好恐怖㗎！
佢入面啲過山車，真係多到唔信。要乜款，有乜款。張相係一座用木造嘅，雖然只係上上落落，因為係用木造，加埋啲木聲，都幾激㗎。
其中一款叫做 Viper，我地見周圍嘅機動遊戲都排晒隊，而哩個就冇，於是就唔理三七二十一，唔知玩乜嘅情況下就走咗上車。見個樣同普通過山車差不多，心諗應該冇乜特別啫，所以先冇人排隊。誰知原來唔係唔好玩，而係冇人敢玩！
哩部係全個場最恐怖嘅過山車，當時 Viper 係號稱為全世界最大的雲霄飛車，有 360 度旋轉七次。最大嗰個有 14 層樓咁高！死未？！我地一上車都未知死。點知一開始，見架過山車向上爬，爬十世都未到頂。嗰時就知出事，口中不停咁鬧同叫救命，不過一切都已經太遲啦…
當時我地冇攝錄機，但我喺 youtube 搵到以下片段。我專登搵咗一段係有好多粗口嘅，因為同我地當時玩嘅情況一樣。哈哈哈…
對於一個心血少嘅人，可以安全落返車，真係值得飲番杯。雖然係咁恐怖，不過都坐得好舒服。因為場中仲有好多其他過山車，有木造嘅啦，有奇型怪狀嘅啦。有啲真係坐得好唔舒服，坐完仲會頭痛。
佢同華納兄弟（Warner's Brother）唔知有乜關系，入面有好多華納嘅人物。但大家見到大鼻身邊嗰隻 Slyvester，並非係人扮，而係真係公仔一隻。亦都係我地惡夢嘅開始。
話說我地見有灘位遊戲，玩遊戲贏公仔，手痕就走咗去玩。我贏咗隻細細嘅翠兒。大鼻挑戰難度，玩一個類似香港嘅「美國冒險樂園」嘅擲銀仔，中彩虹嘅遊戲。點知都唔知好彩定唔好彩，真係俾佢中咗一隻人咁高嘅 Slyvester！都唔知點攞番香港！但既然中咗，攞番上車先算，之後再入場玩過。
一出到停車場，就發現出事。架車泊咗喺邊呀？！一望無際嘅停車場，之前我地原全冇諗過要記住架車泊喺邊。架老人車又冇遙控防盜，冇得按嚟搵車。我地足足來回行咗個停車場兩次半，先搵得返架車。仲要拖住隻咁大嘅公仔，真係灰到嘔。
下回繼續玩轉洛杉磯。
~ Lindberg
嚟到洛杉磯，當然要去睇咗佢著名嘅地方先啦。我地首先嚟到阿 Chow 嘅母校：加州大學洛杉磯分校 University of California, Los Angeles（UCLA）參觀一下。校園好大好舒服。可以喺咁嘅環境下讀書，人都醒神好多。
然後我地去咗好萊塢。好萊塢嘅主要街道：好萊塢大道（Hollywood Blvd）兩旁有好多（遊客）店舖，有好多紀念品賣。我地都買咗唔少唔知有乜用嘅手信。
而其中一個重要的地標，係位於好萊塢大道上嘅文氏中國劇院（Mann's Chinese Theatre）。除咗劇院外型特別，佢前面就係著名嘅星光大道。
另一樣洛杉磯最多嘅，就當然係主題公園。上次去咗 Knott's Berry Farm，今次講多兩個地方。
我地先去環球影城（Universal Studio）。喺入影城之前，有好多同電影有關嘅商店，分散我地嘅注意力。當年，影城入面主要有兩樣野玩。
1) Studio Tour：坐住車仔遊影城。都幾好玩㗎。例如行過一個大水池，有條大白鯊走出嚟。
2) 三款機動遊戲。Back to the Future the Ride、ET the Ride、Backdraft。前兩者可能因為太舊，已經冇得玩喇。嚟到美國嘅主題公園，我地修習到耐心等候嘅心法。因為每個遊戲都要排隊超過一個鐘！
第二日，我地自己開車，去咗六旗魔術山（Six Flags Magic Mountain）。Six Flags 係一個我地永遠都唔會唔記得嘅地方。因為佢真係好恐怖㗎！
佢入面啲過山車，真係多到唔信。要乜款，有乜款。張相係一座用木造嘅，雖然只係上上落落，因為係用木造，加埋啲木聲，都幾激㗎。
其中一款叫做 Viper，我地見周圍嘅機動遊戲都排晒隊，而哩個就冇，於是就唔理三七二十一，唔知玩乜嘅情況下就走咗上車。見個樣同普通過山車差不多，心諗應該冇乜特別啫，所以先冇人排隊。誰知原來唔係唔好玩，而係冇人敢玩！
哩部係全個場最恐怖嘅過山車，當時 Viper 係號稱為全世界最大的雲霄飛車，有 360 度旋轉七次。最大嗰個有 14 層樓咁高！死未？！我地一上車都未知死。點知一開始，見架過山車向上爬，爬十世都未到頂。嗰時就知出事，口中不停咁鬧同叫救命，不過一切都已經太遲啦…
當時我地冇攝錄機，但我喺 youtube 搵到以下片段。我專登搵咗一段係有好多粗口嘅，因為同我地當時玩嘅情況一樣。哈哈哈…
對於一個心血少嘅人，可以安全落返車，真係值得飲番杯。雖然係咁恐怖，不過都坐得好舒服。因為場中仲有好多其他過山車，有木造嘅啦，有奇型怪狀嘅啦。有啲真係坐得好唔舒服，坐完仲會頭痛。
佢同華納兄弟（Warner's Brother）唔知有乜關系，入面有好多華納嘅人物。但大家見到大鼻身邊嗰隻 Slyvester，並非係人扮，而係真係公仔一隻。亦都係我地惡夢嘅開始。
話說我地見有灘位遊戲，玩遊戲贏公仔，手痕就走咗去玩。我贏咗隻細細嘅翠兒。大鼻挑戰難度，玩一個類似香港嘅「美國冒險樂園」嘅擲銀仔，中彩虹嘅遊戲。點知都唔知好彩定唔好彩，真係俾佢中咗一隻人咁高嘅 Slyvester！都唔知點攞番香港！但既然中咗，攞番上車先算，之後再入場玩過。
一出到停車場，就發現出事。架車泊咗喺邊呀？！一望無際嘅停車場，之前我地原全冇諗過要記住架車泊喺邊。架老人車又冇遙控防盜，冇得按嚟搵車。我地足足來回行咗個停車場兩次半，先搵得返架車。仲要拖住隻咁大嘅公仔，真係灰到嘔。
下回繼續玩轉洛杉磯。
~ Lindberg
2008年9月19日
2008年9月18日
Jayson 的表演
「先生，有乜表演呀？」
「拍手同擰頭。」
「又係？之前咪表演過囉！」
「加埋揮手喇。」
「咁叻？」
「講下咋！」
唉… 叫他做這樣，他就去做那樣。激死…
Jayson 的大便還是未回復正常，所以都是繼續吃白粥和稀釋的奶。體重好明顯有些下降，節瓜手腳也沒有之前的肥美。因為大便的酸味沒有之前的濃烈，媽媽提議讓他吃多一點奶，和一些果汁，以免營養不足。幸好 Jayson 還好精神，否則便擔心死我們了。
~ Lindberg
「拍手同擰頭。」
「又係？之前咪表演過囉！」
「加埋揮手喇。」
「咁叻？」
「講下咋！」
唉… 叫他做這樣，他就去做那樣。激死…
Jayson 的大便還是未回復正常，所以都是繼續吃白粥和稀釋的奶。體重好明顯有些下降，節瓜手腳也沒有之前的肥美。因為大便的酸味沒有之前的濃烈，媽媽提議讓他吃多一點奶，和一些果汁，以免營養不足。幸好 Jayson 還好精神，否則便擔心死我們了。
~ Lindberg
2008年9月17日
Plurk vs Twitter
早前因為 Fred 哥的推介，開始用 Twitter。而近排得一班好網友拉落水，仲用埋 Plurk。其實兩者都係所謂嘅社交網絡（social networking）網上軟件。有啲似簡單版嘅 facebook。兩者都係可以搵下（或者邀請）啲朋友，建立一個小社交網絡。
有啲朋友好抗拒上 facebook，因為驚一開就有幾十件「禮物」送過嚟，覺得好無聊。但我自己就覺得，如果真係收到「禮物 」，咁都證實人緣唔錯呀。同 facebook 唔同，Twitter 同 Plurk 都冇額外軟件或遊戲可以安裝。兩者都只係俾你放一句說話，同其他人分享。一句一句嘅說話就會變成好似一個日誌（journal）咁，而朋友可以回應你任何一句日誌。
用途上其實都幾多變化。正路嚟用，就好似寫一行嘅網誌（blog），同朋友分享即時感受。例如：
除以上嘅例子之外，Twitter 同 Plurk 仲可以做工作日誌，等同事間知道一啲工作進度。亦都可以放啲資訊或網站連結，同朋友分享。某程度上同即時通訊（Instant Messaging，如：MSN）有啲相似，不過就可以俾多啲人睇，同埋之後幾時睇都得。
而 Twitter 同 Plurk 都有各自各嘅長處。Twitter 最好嘅地方，就係同 iPhone 整合得好好。要做到一個有效嘅日誌，可以用到手提電話真係會方便好多。有多個 iPhone 嘅軟件，可以放野上 Twitter。除咗簡單一句文字，仲可以用 iPhone 影相直接放上去。仲可以用 iPhone 嘅 GPS 功能，放自己嘅位置上自己個 Twitter 上面。不過我真係唔知後者有乜用。莫非自己迷途，放自己個位置上 Twitter，然後叫自己嘅朋友上網睇完嚟營救咩？！
而 Plurk 就冇咁好支援。全部都要用瀏覽器上網先搞得。更加冇直接放相上網咁方便。但佢做得好嘅，就係回覆嘅處理。喺 Twitter，新嘅留言或回覆只會放上最頂。好多時都唔知邊個覆邊句。小圈子裡，少人玩都無所謂。但如果人一多，多人回覆就好大鑊。而Plurk 就有一條靚靚嘅時間軸（timeline）。所有回覆都會歸納喺原本嘅留言入面。所以非常清楚，一目了然。試想象一下我班網友，一日一百幾十個留言同回覆（一啲都冇誇張），所以 Plurk 會好好多。
除此之外，Plurk 仲捉到用家嘅需要同心理。首先，佢可以好容易咁插入自己個網誌（我哩到左邊都有個）。啱晒我地一班網民。而且 Plurk 為咗鼓勵人去玩，仲好「乞人憎」地整個分數（Karma）出嚟。你越寫得多就越高分，越邀請得多朋友參加，亦會越高分。高分就可以用到一啲之前用唔到嘅功能，例如改自己個名、多啲心情符號、等等。換句話嚟講，真係好邪惡，迫人日日都要上去！哈哈哈！
~ Lindberg
有啲朋友好抗拒上 facebook，因為驚一開就有幾十件「禮物」送過嚟，覺得好無聊。但我自己就覺得，如果真係收到「禮物 」，咁都證實人緣唔錯呀。同 facebook 唔同，Twitter 同 Plurk 都冇額外軟件或遊戲可以安裝。兩者都只係俾你放一句說話，同其他人分享。一句一句嘅說話就會變成好似一個日誌（journal）咁，而朋友可以回應你任何一句日誌。
用途上其實都幾多變化。正路嚟用，就好似寫一行嘅網誌（blog），同朋友分享即時感受。例如：
「12:54pm 我喺茶餐廳食緊飯。碟飯好難食…」當然做到咁，就好似有啲「露體狂」。「露體」唔係指條褲鍊，而係將自己所有野，都放晒出嚟俾人睇。不過如果掌握得好，就有機會變成一個有趣嘅日誌。但如果要個日誌跟得咁貼，非有部方便上到網嘅電話不可。
「1:10pm 對面有個女仔望住我笑。神終於綣顧我啦！」
「1:30pm 原來我冇拉褲鍊！天呀！做乜又玩我？！」
除以上嘅例子之外，Twitter 同 Plurk 仲可以做工作日誌，等同事間知道一啲工作進度。亦都可以放啲資訊或網站連結，同朋友分享。某程度上同即時通訊（Instant Messaging，如：MSN）有啲相似，不過就可以俾多啲人睇，同埋之後幾時睇都得。
而 Twitter 同 Plurk 都有各自各嘅長處。Twitter 最好嘅地方，就係同 iPhone 整合得好好。要做到一個有效嘅日誌，可以用到手提電話真係會方便好多。有多個 iPhone 嘅軟件，可以放野上 Twitter。除咗簡單一句文字，仲可以用 iPhone 影相直接放上去。仲可以用 iPhone 嘅 GPS 功能，放自己嘅位置上自己個 Twitter 上面。不過我真係唔知後者有乜用。莫非自己迷途，放自己個位置上 Twitter，然後叫自己嘅朋友上網睇完嚟營救咩？！
而 Plurk 就冇咁好支援。全部都要用瀏覽器上網先搞得。更加冇直接放相上網咁方便。但佢做得好嘅，就係回覆嘅處理。喺 Twitter，新嘅留言或回覆只會放上最頂。好多時都唔知邊個覆邊句。小圈子裡，少人玩都無所謂。但如果人一多，多人回覆就好大鑊。而Plurk 就有一條靚靚嘅時間軸（timeline）。所有回覆都會歸納喺原本嘅留言入面。所以非常清楚，一目了然。試想象一下我班網友，一日一百幾十個留言同回覆（一啲都冇誇張），所以 Plurk 會好好多。
除此之外，Plurk 仲捉到用家嘅需要同心理。首先，佢可以好容易咁插入自己個網誌（我哩到左邊都有個）。啱晒我地一班網民。而且 Plurk 為咗鼓勵人去玩，仲好「乞人憎」地整個分數（Karma）出嚟。你越寫得多就越高分，越邀請得多朋友參加，亦會越高分。高分就可以用到一啲之前用唔到嘅功能，例如改自己個名、多啲心情符號、等等。換句話嚟講，真係好邪惡，迫人日日都要上去！哈哈哈！
~ Lindberg
2008年9月16日
Jayson 的第一個中秋節
這是 Jayson 的第一個中秋節。
「等媽媽吹個月光出嚟先…」
「媽媽，唔好啦。好多人睇住㗎。」
「鬼叫您肚痾咩。吹下個屁股仔乾爽啲，仲可以應節添。呵呵呵呵…」
我們這兩個大頭蝦父母，沒有為 Jayson 預備了甚麼。之前我只是在灣仔買了一個 $28 的兔仔燈籠。沒想到最容易拿上手玩的，始終是「犀利光」。到後來才走去 7-11 買了一支給他。
（請留意第二段 Jayson 的小背心。很性感啊。嘻嘻…）
因為爺爺嫲嫲被人請飲，所以我們不用回家做節。我們帶著 Jayson 到了太古城，吃了一個簡單的晚飯，然後去了去鰂魚涌公園。我們想給 Jayson 看看哥哥姐姐玩的情況。
這晚很焗熱。但仍未減眾人來到這裡玩燈籠，點蠟燭，吃月餅。有很多小朋友走來走去，相信明年的中秋，Jayson 也可以跟他們一樣地玩。
行了大概半個鐘，我們便回到婆婆那裡去賞月。而主要目的，當然是婆婆準備的豐富宵夜！有鮑魚雞粥、月餅、水果、還有我最喜歡的花生。
「公公，乜您地咁多野食，我又冇得食嘅？」
「您肚仔唔舒服冇得食呀。」
「Jayson，爸爸有得，您冇得食。呵呵呵呵…」
「嬲死您！嗚嗚…」
~ Lindberg
「等媽媽吹個月光出嚟先…」
「媽媽，唔好啦。好多人睇住㗎。」
「鬼叫您肚痾咩。吹下個屁股仔乾爽啲，仲可以應節添。呵呵呵呵…」
我們這兩個大頭蝦父母，沒有為 Jayson 預備了甚麼。之前我只是在灣仔買了一個 $28 的兔仔燈籠。沒想到最容易拿上手玩的，始終是「犀利光」。到後來才走去 7-11 買了一支給他。
（請留意第二段 Jayson 的小背心。很性感啊。嘻嘻…）
因為爺爺嫲嫲被人請飲，所以我們不用回家做節。我們帶著 Jayson 到了太古城，吃了一個簡單的晚飯，然後去了去鰂魚涌公園。我們想給 Jayson 看看哥哥姐姐玩的情況。
這晚很焗熱。但仍未減眾人來到這裡玩燈籠，點蠟燭，吃月餅。有很多小朋友走來走去，相信明年的中秋，Jayson 也可以跟他們一樣地玩。
行了大概半個鐘，我們便回到婆婆那裡去賞月。而主要目的，當然是婆婆準備的豐富宵夜！有鮑魚雞粥、月餅、水果、還有我最喜歡的花生。
「公公，乜您地咁多野食，我又冇得食嘅？」
「您肚仔唔舒服冇得食呀。」
「Jayson，爸爸有得，您冇得食。呵呵呵呵…」
「嬲死您！嗚嗚…」
~ Lindberg
2008年9月15日
蝦餃… 燒賣…
「Jayson，以前爸爸同您表叔成日玩賣點心㗎。」
「點賣呀？唔係剔點心紙咩？」
「叫媽媽教您喇。」
前晚跟公公婆婆做節。在上酒樓的時候，後上自動電梯，抱著 Jayson 的我，聽到上面的接待員不停問婆婆，「節瓜仔」在那裡。原來去到那裡，Jayson 也是被冠以「節瓜」之大名。
Jayson 差不多每天都會跟公公婆婆到那間酒樓飲早茶。所有的侍應姐姐們都很喜歡逗他玩，有時還會抱到不知那裡去，回來時手中多了個叉燒包。聽了之後，有時都會令我們有些擔心。而且我們的宗旨是吃飯時吃飯，不可以四圍走。
除了侍應們，一些茶客都對 Jayson 的氣定神閒贊不絕口。節瓜俠變成了這家酒樓的大紅人。哈哈哈！
~ Lindberg
「點賣呀？唔係剔點心紙咩？」
「叫媽媽教您喇。」
Jayson 差不多每天都會跟公公婆婆到那間酒樓飲早茶。所有的侍應姐姐們都很喜歡逗他玩，有時還會抱到不知那裡去，回來時手中多了個叉燒包。聽了之後，有時都會令我們有些擔心。而且我們的宗旨是吃飯時吃飯，不可以四圍走。
除了侍應們，一些茶客都對 Jayson 的氣定神閒贊不絕口。節瓜俠變成了這家酒樓的大紅人。哈哈哈！
~ Lindberg
2008年9月14日
思考問題十條
好耐冇接過 blog tag，今次係自己差隻腳落莎莉到，然後再俾飛天火羽醒多一腳。仲要我寫 Jayson 版！今日中秋節，就等我一次過寫晒啦！
Lindberg 版：
1) 你自己的最大缺點？
肥。如果身體可以強健一啲，相信對統治地球有好大幫助。
2) 你最鍾意什麼活動／運動?
瞓覺算唔算係活動？應該唔算… 如果話係打機上網寫網誌，人地一定以為我係御宅族。咁… 咁… 咁… 都係算啦… 我係御宅族。
3) 到目前為止，咩令你最難忘?
見到此物：
4) 你最想去旅行的地方是哪裏？
鐘意影相嘅我，去邊都一樣咁開心啦。如果要我選擇，應該係「吳哥窟」。等 Jayson 大個啲先啦。
5) 你曾經被多少人暗戀？
（絕對相信係）零。
「爸爸，乜野係暗戀呀？」
「如果你見到果個人好唔專心望住您做緊其他野，佢就係暗戀您架喇！」
「爸爸，嗰邊有個姐姐好唔尊心望住您呀！」
「係？！」
「先生，我係差人。唔該身份證呀。」
「…」
6) 如果一生人只可以吃一種食物渡日，你希望那東西是什麼？
漢堡包。
7) 如果你走到人生的盡頭了，那在你人生最後的一段歲月，你會做什麼？
交代身後事。我做人唔鐘意留低任何手尾俾人跟。然後陪住屋企人。
8) 最欣賞自己身體哪個部份？
24 吋嘅頭圍。雖然人地話頭大裝草，但相信都係一啲妒忌嘅人講。有咁大個頭，先可以戴得大頂帽！而且都因為有咁大個頭，先可以諗到統治地球嘅方法！
9) 人生最快樂既一件事？
多了中間那位：
10) 最令你遺憾的一件事？
威威。
死！答晒咁多條添！飛天火羽嗰到仲有條想答添。
11.）如果有行星毀滅級破壞力, 你最想破壞什麼？
飛天火羽話要破壞屏風樓，我笑到流眼水。其實發白日夢時我都成日會諗如果我有的話，可以做乜呢？我當然唔會亂咁用啦。相信我首先會接一啲挖地填海工程嚟做。話晒一定會快靚正，對周圍嘅居民帶亦嚟最少嘅滋擾。而因此失業嘅工人，我會用我賺咗嘅錢嚟聘用，作為攻占地球之用。嘩哈哈哈哈哈哈…
Jayson 版：
（第七條唔吉利，跳咗…）
1) 你自己的最大缺點？
唔肯爬。哩個係爸爸話嘅。我唔覺有乜問題。
2) 你最鍾意什麼活動／運動?
洗白白。
3) 到目前為止，咩令你最難忘?
除咗俾爸爸跌我落地，應該係成日錫我嘅爸爸媽媽。
4) 你最想去旅行的地方是哪裏？
乜野係旅行呀？不過我聽過爸爸話會帶我去椰林樹影、水清沙幼嘅「太平山頂」喎。唔知係點嘅呢？
5) 你曾經被多少人暗戀？
我見有好多姐姐好唔專心望住我做緊其他野，咁佢地算唔算暗戀我呢？
6) 如果一生人只可以吃一種食物渡日，你希望那東西是什麼？
奶奶。（近排餐餐食白粥，好慘…）
8) 最欣賞自己身體哪個部份？
手指（因為成日望住）。
9) 人生最快樂既一件事？
同媽媽玩。
10) 最令你遺憾的一件事？
哥哥。
11.）如果有行星毀滅級破壞力, 你最想破壞什麼？
咁即係有幾大力呀？夠唔夠力自己攞奶樽呀？
~ Lindberg
遊戲方式回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方。（鐘意試下嘅朋友，歡迎自己差對腳落嚟啦！）
Lindberg 版：
1) 你自己的最大缺點？
肥。如果身體可以強健一啲，相信對統治地球有好大幫助。
2) 你最鍾意什麼活動／運動?
瞓覺算唔算係活動？應該唔算… 如果話係打機上網寫網誌，人地一定以為我係御宅族。咁… 咁… 咁… 都係算啦… 我係御宅族。
3) 到目前為止，咩令你最難忘?
見到此物：
4) 你最想去旅行的地方是哪裏？
鐘意影相嘅我，去邊都一樣咁開心啦。如果要我選擇，應該係「吳哥窟」。等 Jayson 大個啲先啦。
5) 你曾經被多少人暗戀？
（絕對相信係）零。
「爸爸，乜野係暗戀呀？」
「如果你見到果個人好唔專心望住您做緊其他野，佢就係暗戀您架喇！」
「爸爸，嗰邊有個姐姐好唔尊心望住您呀！」
「係？！」
「先生，我係差人。唔該身份證呀。」
「…」
6) 如果一生人只可以吃一種食物渡日，你希望那東西是什麼？
漢堡包。
7) 如果你走到人生的盡頭了，那在你人生最後的一段歲月，你會做什麼？
交代身後事。我做人唔鐘意留低任何手尾俾人跟。然後陪住屋企人。
8) 最欣賞自己身體哪個部份？
24 吋嘅頭圍。雖然人地話頭大裝草，但相信都係一啲妒忌嘅人講。有咁大個頭，先可以戴得大頂帽！而且都因為有咁大個頭，先可以諗到統治地球嘅方法！
9) 人生最快樂既一件事？
多了中間那位：
威威。
死！答晒咁多條添！飛天火羽嗰到仲有條想答添。
11.）如果有行星毀滅級破壞力, 你最想破壞什麼？
飛天火羽話要破壞屏風樓，我笑到流眼水。其實發白日夢時我都成日會諗如果我有的話，可以做乜呢？我當然唔會亂咁用啦。相信我首先會接一啲挖地填海工程嚟做。話晒一定會快靚正，對周圍嘅居民帶亦嚟最少嘅滋擾。而因此失業嘅工人，我會用我賺咗嘅錢嚟聘用，作為攻占地球之用。嘩哈哈哈哈哈哈…
Jayson 版：
（第七條唔吉利，跳咗…）
1) 你自己的最大缺點？
唔肯爬。哩個係爸爸話嘅。我唔覺有乜問題。
2) 你最鍾意什麼活動／運動?
洗白白。
3) 到目前為止，咩令你最難忘?
除咗俾爸爸跌我落地，應該係成日錫我嘅爸爸媽媽。
4) 你最想去旅行的地方是哪裏？
乜野係旅行呀？不過我聽過爸爸話會帶我去椰林樹影、水清沙幼嘅「太平山頂」喎。唔知係點嘅呢？
5) 你曾經被多少人暗戀？
我見有好多姐姐好唔專心望住我做緊其他野，咁佢地算唔算暗戀我呢？
6) 如果一生人只可以吃一種食物渡日，你希望那東西是什麼？
奶奶。（近排餐餐食白粥，好慘…）
8) 最欣賞自己身體哪個部份？
手指（因為成日望住）。
9) 人生最快樂既一件事？
同媽媽玩。
10) 最令你遺憾的一件事？
哥哥。
11.）如果有行星毀滅級破壞力, 你最想破壞什麼？
咁即係有幾大力呀？夠唔夠力自己攞奶樽呀？
~ Lindberg
2008年9月13日
2008年9月12日
牙魔王的手下：牙屎怪
Jayson 痾了三日牙屎。為了安全起見，今早都是帶他去見醫生。
「牙屎怪」的特徵是：
因為並不太嚴重，所以治療方法都比較簡單。
第一，盡量少吃奶。這個時候，奶比較難消化。而且會令排泄物帶有酸性。這就是大小便刺鼻的原因。盡量吃粥，不要放菜。亦不要吃果肉，但果汁就可以。如果肚餓要吃奶，就用一半份量的奶粉去開奶。如果怕不夠飽，就可以用粥水去開奶。
第二，冇論是大小便，都要用清水洗屁股，之後搽上薄薄一層凡士林。因為大小便的酸性會刺激小屁股的嬌嫩皮膚。可以的話，不穿尿片，只穿一條開浪褲，盡量令屁股通風乾爽。但何來找條開浪褲呢？幸好天氣熱，或者試試不穿褲四圍走。
第三，食藥。每天要吃兩包藥粉，還有藥膏搽小屁股。起初以為不用食藥，但可能都是食一點藥快些好。其中一隻藥粉要用大量水份去開。護士姑娘說可以用稀釋的果汁去開。希望 Jayson 肯吃吧。
醫生說大約三幾天後，才能擊退「牙屎怪」，腸胃和皮膚才會回復正常。
我們幾喜歡這個兒科醫生。她跟大夫（Jayson 媽的產科醫生）一樣，很豪氣。說話得直接，而且做法很合我們的脾胃。
~ Lindberg
「牙屎怪」的特徵是：
- 大便比較稀爛
- 大小便較為刺鼻
- 大便一天多次（Jayson 一天三至四次）
- 肛門四周皮膚發紅
因為並不太嚴重，所以治療方法都比較簡單。
第一，盡量少吃奶。這個時候，奶比較難消化。而且會令排泄物帶有酸性。這就是大小便刺鼻的原因。盡量吃粥，不要放菜。亦不要吃果肉，但果汁就可以。如果肚餓要吃奶，就用一半份量的奶粉去開奶。如果怕不夠飽，就可以用粥水去開奶。
第二，冇論是大小便，都要用清水洗屁股，之後搽上薄薄一層凡士林。因為大小便的酸性會刺激小屁股的嬌嫩皮膚。可以的話，不穿尿片，只穿一條開浪褲，盡量令屁股通風乾爽。但何來找條開浪褲呢？幸好天氣熱，或者試試不穿褲四圍走。
第三，食藥。每天要吃兩包藥粉，還有藥膏搽小屁股。起初以為不用食藥，但可能都是食一點藥快些好。其中一隻藥粉要用大量水份去開。護士姑娘說可以用稀釋的果汁去開。希望 Jayson 肯吃吧。
醫生說大約三幾天後，才能擊退「牙屎怪」，腸胃和皮膚才會回復正常。
我們幾喜歡這個兒科醫生。她跟大夫（Jayson 媽的產科醫生）一樣，很豪氣。說話得直接，而且做法很合我們的脾胃。
~ Lindberg
2008年9月11日
五十四日環遊美加 之 轉戰拉斯維加斯
基於方便嘅原因，加上未必有能力開長途車，我地參加一個本地旅行團去咗拉斯維加斯。所以我地就暫別洛杉磯，轉戰拉斯維加斯！
喺洛杉磯有好多本地旅行團去拉斯維加斯。有啲 US$1 就可以去到拉斯維加斯。逢周末出發，好明顯就要「捉」你去賭啦。阿 Chow 嘅阿爸阿媽有時都會去玩下。
而我地哩種三日兩夜嘅旅行團，除咗去拉斯維加斯，仲帶我地去大峽谷、倫敦橋、胡佛水壩、同埋去 Outlet 掃貨。如果要新牌車手：鄧生，自己開車去咁多地方，一定好辛苦。所以參加本地團係一個唔錯嘅選擇。
車程非常之長。途中去過幾間快餐廳。我睇我會記一世。
真係非常之壯觀。望住一個咁大嘅窿，環境好靜好舒服。同望海嘅感覺差不多。不過我地白痴到嗌睇下有冇回音。可能真係太大嘅關系，冇乜回音。雖然只可以喺上面睇一睇（因為冇錢坐飛機飛落去），然後去隔離間戲院睇個關於大峽谷嘅短片，我地都覺得不枉此行。
喺大峽谷發生咗啲好笑野。洛杉磯有好多台灣人，而阿 Chow 都可以算係半個。所以佢幫我地搵嘅，都係以台灣遊客為主嘅旅行團。咁導遊就當然係講普通話啦。佢同我地講，大峽谷有好多「鬆鼠」，好得意。我地幾個聽唔明佢講乜，四個傻仔討論咗好耐都唔知乜野係「鬆鼠」。後來見到就知啦，原來係「松鼠」。哈哈哈… 白痴！
去到拉斯維加斯，我地先知乜野係花花世界。雖然當時冇依家咁多新賭場酒店，我地已經覺得好靚好勁。有好間賭場酒店嘅門口或者入面商場，都有免費表演睇。最記得喺 Treasure Island 出面有個海盜表演，我地睇到啞咗。真係有海盜同士兵，喺兩架船上面對打，製作非常認真。唔洗俾錢可以睇到啲咁嘅表演，真係好開心。
前後兩晚，住咗兩間拉斯維加斯嘅酒店。晚黑喺自已間賭場嘅酒店玩咗一陣老虎機，我地就上樓沖涼。因為我瞓覺大過天，而且我對賭冇乜興趣，所以我就走咗去瞓。其他三人落樓繼續戰鬥。救命！
過咗第一晚見番佢地。原來佢地差不多玩通宵。拉斯維加斯嘅賭注出奇地細。幾蚊已經有得玩下，唔似得我地澳門咁。而佢地三個竟然花咗一晚嘅時間，去研究一種我地亞洲冇嘅賭博遊戲：Craps。簡單嚟講，即係骰仔。唔同嘅係自己擲。
然後佢地帶著依依不捨嘅心情（因為輸咗錢…），離開拉斯維加斯，繼續我地嘅行程。
其實都已經算做係回程。旅遊車經過倫敦橋、胡佛水壩，來一個走馬看花。細路仔唱嘅：「London Bridge is falling down…」，原來就係哩條倫敦橋。話說原本佢喺倫敦泰晤士河上面，因為不勝負荷，所以公開拍賣下，賣咗嚟美國。
鄧生同我指住嗰部，係安全套自動販賣機。唔洗擔心，我地冇買嚟用。我地四個男仔都非常之純潔。只不過又係好一個鄉下佬出城，乜都影得一餐…
最後去到 Outlet 掃貨。原本好希望買到一對 Timberland 嘅皮鞋。可惜搵唔到。最後大家買咗幾條 Levi's，幾件 Polo 之類。唔算有太多斬獲。
返到洛杉磯，又繼續我地嘅旅程，玩轉洛杉磯啦。
~ Lindberg
喺洛杉磯有好多本地旅行團去拉斯維加斯。有啲 US$1 就可以去到拉斯維加斯。逢周末出發，好明顯就要「捉」你去賭啦。阿 Chow 嘅阿爸阿媽有時都會去玩下。
而我地哩種三日兩夜嘅旅行團，除咗去拉斯維加斯，仲帶我地去大峽谷、倫敦橋、胡佛水壩、同埋去 Outlet 掃貨。如果要新牌車手：鄧生，自己開車去咁多地方，一定好辛苦。所以參加本地團係一個唔錯嘅選擇。
車程非常之長。途中去過幾間快餐廳。我睇我會記一世。
- 第一次飲凍檸茶。點解唔甜嘅？！仲只係得一塊仔檸檬。我地走去問有冇糖漿，俾人當怪獸咁望住。後來只係俾咗兩包沙糖過我地。當時覺得好奇怪，後來先明白。原來佢地嘅 Iced Tea 真係應該得茶同冰，唔同香港嘅凍檸茶。
- 第一次食鮮紅色嘅咕嚕肉。我地去到一間中式快餐廳。都唔知食乜好，諗住叫咕嚕肉應該穩陣。點知嚟咗碟「車厘子」紅色嘅咕嚕肉。雖然味道係有酸有甜，但係真係搵鬼（佬）食囉。
真係非常之壯觀。望住一個咁大嘅窿，環境好靜好舒服。同望海嘅感覺差不多。不過我地白痴到嗌睇下有冇回音。可能真係太大嘅關系，冇乜回音。雖然只可以喺上面睇一睇（因為冇錢坐飛機飛落去），然後去隔離間戲院睇個關於大峽谷嘅短片，我地都覺得不枉此行。
喺大峽谷發生咗啲好笑野。洛杉磯有好多台灣人，而阿 Chow 都可以算係半個。所以佢幫我地搵嘅，都係以台灣遊客為主嘅旅行團。咁導遊就當然係講普通話啦。佢同我地講，大峽谷有好多「鬆鼠」，好得意。我地幾個聽唔明佢講乜，四個傻仔討論咗好耐都唔知乜野係「鬆鼠」。後來見到就知啦，原來係「松鼠」。哈哈哈… 白痴！
去到拉斯維加斯，我地先知乜野係花花世界。雖然當時冇依家咁多新賭場酒店，我地已經覺得好靚好勁。有好間賭場酒店嘅門口或者入面商場，都有免費表演睇。最記得喺 Treasure Island 出面有個海盜表演，我地睇到啞咗。真係有海盜同士兵，喺兩架船上面對打，製作非常認真。唔洗俾錢可以睇到啲咁嘅表演，真係好開心。
前後兩晚，住咗兩間拉斯維加斯嘅酒店。晚黑喺自已間賭場嘅酒店玩咗一陣老虎機，我地就上樓沖涼。因為我瞓覺大過天，而且我對賭冇乜興趣，所以我就走咗去瞓。其他三人落樓繼續戰鬥。救命！
過咗第一晚見番佢地。原來佢地差不多玩通宵。拉斯維加斯嘅賭注出奇地細。幾蚊已經有得玩下，唔似得我地澳門咁。而佢地三個竟然花咗一晚嘅時間，去研究一種我地亞洲冇嘅賭博遊戲：Craps。簡單嚟講，即係骰仔。唔同嘅係自己擲。
然後佢地帶著依依不捨嘅心情（因為輸咗錢…），離開拉斯維加斯，繼續我地嘅行程。
其實都已經算做係回程。旅遊車經過倫敦橋、胡佛水壩，來一個走馬看花。細路仔唱嘅：「London Bridge is falling down…」，原來就係哩條倫敦橋。話說原本佢喺倫敦泰晤士河上面，因為不勝負荷，所以公開拍賣下，賣咗嚟美國。
鄧生同我指住嗰部，係安全套自動販賣機。唔洗擔心，我地冇買嚟用。我地四個男仔都非常之純潔。只不過又係好一個鄉下佬出城，乜都影得一餐…
最後去到 Outlet 掃貨。原本好希望買到一對 Timberland 嘅皮鞋。可惜搵唔到。最後大家買咗幾條 Levi's，幾件 Polo 之類。唔算有太多斬獲。
返到洛杉磯，又繼續我地嘅旅程，玩轉洛杉磯啦。
~ Lindberg
2008年9月10日
2008年9月9日
福建理髮師
以前上海的理髮師以先進的技術和經營方式而聞名。原來福建的也不差。嘩哈哈哈哈…
「爸爸，您想點呀？」
「您左右兩邊啲頭髮好長呀！一定要剪。」
「您剪呀？媽媽，驚驚…」
先看一看我的「搵食」工具。這是我買的第一把，原因是便宜。可惜亦可能因為便宜的關系，剪刀很不順暢。用過一次之後便放在一邊。
之後買了一把 Combi 的。果然一分錢，一分貨。非常順暢，對付幼滑的頭髮，亦很好剪。但可惜小朋友的頭經常擰來擰去，順暢反而怕剪到他。
上星期問過有理髮經驗的同事，她說用電剃刀會比較安全方便。她還把她的借了給我。
看上去應該很容易操作…
「Jayson，唔洗擔心！大不了咪變光頭仔。」
「媽媽！我好驚呀…」
完成了！左邊：
右邊：
「先生，靚仔晒啦！」
不禁要稱贊下自己。雖然不是完美，但剪完之後面形都變了。現在終於比較像個男孩子了。嘩哈哈哈哈！希望他會快些生一頭濃密的頭髮啦。
~ Lindberg
「爸爸，您想點呀？」
「您左右兩邊啲頭髮好長呀！一定要剪。」
「您剪呀？媽媽，驚驚…」
先看一看我的「搵食」工具。這是我買的第一把，原因是便宜。可惜亦可能因為便宜的關系，剪刀很不順暢。用過一次之後便放在一邊。
之後買了一把 Combi 的。果然一分錢，一分貨。非常順暢，對付幼滑的頭髮，亦很好剪。但可惜小朋友的頭經常擰來擰去，順暢反而怕剪到他。
上星期問過有理髮經驗的同事，她說用電剃刀會比較安全方便。她還把她的借了給我。
看上去應該很容易操作…
「Jayson，唔洗擔心！大不了咪變光頭仔。」
「媽媽！我好驚呀…」
完成了！左邊：
右邊：
「先生，靚仔晒啦！」
不禁要稱贊下自己。雖然不是完美，但剪完之後面形都變了。現在終於比較像個男孩子了。嘩哈哈哈哈！希望他會快些生一頭濃密的頭髮啦。
~ Lindberg