再見

尋晚去咗見一位網友嘅最後一面。呢位朋友相信係全世界最好「呃」嘅一個，因為無論我（哋）放咩垃圾上網，佢都會第一時間去 Like。豪快嘅性格叫佢心直口快，有人須要幫忙，佢總會義不容遲。走得不明不白，叫身邊人都非常心痛。

喺喪禮中，遇見一位舊同事。我起初覺得好驚訝，後來先醒起，朋友係舊同事嘅餐廳熟客。原來喺出事前一個星期，朋友先去過幫襯。所以對於朋友嘅離開，佢覺得非常愕然。我唯有以有限嘅理解，講出事情的經過。言談之間，我更加感受到朋友嗰份火太陽一般嘅友善。

希望朋友已經脫離肉身嘅束縛，去到一個可以得到平安嘅地方…


~ Lindberg