敗家仔

「Jayson 爸，你三日唔埋兩日就話屁股痕，咁敗家法唔掂喎。」

「Jayson 契爺果然有見地呀！所以我一次過敗晒啲家，咁咪有排都唔痕囉！」

「…」

早兩個星期，一口氣買晒以下兩樣野：

先來 Selphy CP790 相片打印機。主要用途：止痕。其次：印相交功課。

啲相印出嚟好靚！我部封塵打印機真係冇得比。色彩同光暗都準確好多。果然冇買錯！印一張 4R 相大概 $1.5。Jayson 要相片做功課，方便到極！幾時有得做功課呢…？

再嚟 Nike LunarGlide+。主要用途：止痕x2（因為有兩隻）。其次：未諗到，因為我唔做運動。

對跑鞋足足搵咗我兩個月！之前有相機網頁，講過呢對跑鞋。睇完之後，我個籮柚就痕癢難擋。穩定，對攝影師係非常重要！我覺得穿上呢對鞋，影相起碼可以多三個 stop！嘩哈哈哈…

對跑鞋用咗 Nike 嘅新物料嚟做。超輕，超軟熟。著上腳有太空漫步嘅感覺！而且勁搶眼，適合我呢啲浮誇嘅人。不過我覺得太軟，反而有時企唔穩。嘻嘻…



~ Lindberg