有信心（二）

前幾晚到婆婆家接 Jayson。因為他已經要求了幾日要坐私家車，但無奈我沒有開車，只好轉移視線，提議去坐電車回家。他立即表現得好興奮。

「爸爸，可唔可以好似上次咁？」他問。

心知不妙之下，我問：「上次點呀？」

「好似呢…好似呢…搭電車去陪您睇嗰個醫生（跌打師父），然後去買麵包，跟住行天橋返屋企。」

「…好呀。」買麵包並非他的重點。那天看完跌打，除了買麵包之外，我還買了一盒利賓納，獎勵他乖乖的陪我看跌打。

落車之後，他拉著我說：「我要行天橋…」然後細細聲地說：「 我想買利賓納。」
「Jayson 呀，唔好啦。上次買咗俾您，飲飽咗就唔食晚飯。（仲搞到我俾人鬧！）爸爸無信心買咗俾您會食飯喎。」

Jayson 沉默了一會，然後眼睛亮了起來。「啊！我有個辦法！」

「我食哂啲飯，飲哂啲湯，飲水，然後先飲利賓納。咁咪俾信心您囉。」

「Jayson 係唔係真㗎？！您好乖呀，識得咁樣俾信心爸爸！」

「係呀…」

原來「信心」還真的有用！

我們到了超級市場，買了一包利賓納。Jayson 果然很乖，沒有要求要飲，雙手緊緊拿著回家。

回家後，媽咪見我之前 Whatsapp 她的照片，以為 Jayson 又喝飽了利賓納。正當準備鬧我之際，我叫 Jayson 跟他媽媽解釋一次。她發現那包利賓納還原封不動的放在餐台上，也感到很驚喜。

「Jayson，您好叻仔，俾哂信心俾爸爸媽咪！」

但很可惜，雖然 Jayson 真的有依照他承諾的次序，但吃飯的速度一如往常，要 45 分鐘才勉強完成。下次應該向他說明清楚一點，再增加一點「信心」吧！



~ Lindberg