廢物家長 之 4日假期可以做乜？

中秋節，阿仔有4日連續假期。大人如果攞1日假（星期五），到底可以做啲乜？我哋呢啲廢物港人當然係飛日本啦！

「阿仔，快啲食完啲茶點，然後就去做功課喇！做唔完就要喺飛機做㗎啦！」

老師們都非常體貼。除咗唔多功課之外，部份仲要班細路喺學校做埋。最近每晚都要之功課而開戰，今日短短一個鐘已經做得七七八八。真係感動到想喊。

希望阿仔經過今次嘅體驗，明白5年級嘅要求，做功課可以努力專心啲啦。

另一方面，其實幾個月前，因為一啲身體嘅理由，我竟然可以自己一個去咗秋葉原玩咗幾日。原本以為會好開心，但原來自己一個去玩真係幾無聊。今次去多次嘅目的，係陪主人去參觀「創刊50周年紀念週刊少年JUMP展VOL.2」，捉住阿仔去大浴場，朝拜 Gundam Unicorn…。


~ Lindberg