當然，最好睇下有無得抄先啦。哈！（Todd, Sorry! He...）
阿托嘅十個目標有：首先刪除自己做唔到嗰啲：9、4。
10.讀四本書
9. 減六磅
8. 寫10篇自己喜歡的文章
7. 做好網上遊戲
6. 寫好籌備已久的書
5. 與同學們快樂地完成JA
4. 每星期都要做運動
3. 尋求事業上的突破
2. 孝順雙親
1. 抽多點時間陪太太
然後睇下其他先…
10：四本乜野書先？工具書我又唔鐘意睇。睇兩頁估到佢講乜，就無心機睇落去。不如由頭讀過晒村上啲書都好喎…但係讀過又如何。刪除！
8：都係鐘意自己寫俾自己睇。哈！刪除！
7：我嗰部份叫做完左好耐啦。等緊開波。可以刪除！
6：唔知阿托係唔係同我講埋同一本。如果係，就難啦！雖然我個概念好簡單，但係要做好多研究調查。我睇要好俾心機先可以三個月內寫一個chapter。大約有十章…都幾難一年內完成…改一改先…
5：無得走啦。而且係舊年帶落黎嘅。唔算！刪除！
3：都要啦…
1、2：唉…唔想開空頭支票。
出事！得番3同6！點作多八個？不過十個對我黎講太多啦，尤其係唔可以話玩多啲呀、買部Wii呀、再參加JA呀、投資回報超過五成呀、做哩樣玩嗰樣呀。哈！所以都係專心做好五樣野好啦：
2007年的五個目標 ：
5：吹好小號，每星期都要練習。要吹到高音G！
4：寫好本書的其中兩章。
3：放多啲心機落公司到。希望搵到突破，如果唔係…
2：保重身體。身體唔健康就無能力照顧周圍嘅人。
1：最重要都係…令身邊嘅人開心。
希望講得出，做得到啦。
~ Lindberg
沒有留言:
張貼留言