上木彩矢

近排好鐘意聽佢嘅歌：

以上呢隻係「名偵探柯南」嘅片尾曲。起初聽見佢把聲，覺得幾好聽。而且我一向都好鐘意啲搖滾得起嘅女聲，所以一聽就愛上。而且知道啲歌係佢自己寫，當然要加啲欣賞分啦。
但當見到佢個樣之後，就覺得好難接受。並非話佢靚定醜，而係…：

我完全想象唔到咁嘅唱腔，點可以放落個咁嘅樣上面。現年二十五歲嘅上木彩矢，個樣成個嫩模咁。

而且仲有幾分似電車男嘅愛瑪仕（伊東美咲）好難令我想象到啲歌係出自佢把口。即使睇多幾段影片，都仲未接受得到。以下係好有夏天感覺嘅寶礦力廣告主題曲：

原來佢之前有同 ZARD 合唱過，人地話佢地把聲好似。我搵番 ZARD 嗰幾首歌嚟聽，二人把聲果然有幾分似。但當上木彩矢唱番自己啲歌嘅時候，就流露出奔放而有力嘅歌聲。聽完成個人醒晒！

上木彩矢仲有個網誌：http://ameblo.jp/ayakamiki-blog。留下言都好喎… 以下呢首《世界はそれでも変わりはしない 》係我另一喜歡嘅「慢」歌。希望大家都會鐘意啦！

~ Lindberg