電影之夜：《守護者聯盟》

每當 Jayson 媽晚上有飯局，Jayson 便會特別合作。因為他知道只要聽我的說話，盡快吃完晚飯，便會有「電影之夜」！這一晚，之前學完游泳時已經沖了涼，趕快吃完晚飯後，就立即練琴。待我沖涼的時候，他還有時間玩一會兒電腦才開始看電影。這晚過得真是充實。

而看電影，又怎會少得零食呢？

之前聽網友介紹，說《守護者聯盟》出奇地好睇。原來真的很不錯喎！故事算簡單，雖然 Jayson 說他有些地方不明白，而且有些地方都幾嚇人，但他仍是笑得很開心。而大人看得更興奮。見聖誕老人拿著兩把開山刀「劈友」，已經看得我熱血沸騰啦！最重要的還是很有童真，邪不能勝正。

看完電影之後，已經過了晚上十一時。我叫他立即擦牙然後去睡覺。

「我好攰呀…」站在洗面盆前，Jayson 眼也睜不開。他埋怨地說：「爸爸，您仲乜揀套咁長嘅（電影）呀？」

「噢… Sorry 囉！但頭先邊個笑得最好心呀？！」見他今日學游水都已經很疲倦，於是我便提出：「最多我一陣幫您 massage 喇。」

「我要您 massage 五個鐘！」

唉…

在床上，他跟我說：「爸爸，您要幫我 massage 五個字。」

「唔係五個鐘咩？」

「講下笑啫。嘻嘻… 爸爸，頭先隻兔仔好搞笑呀…」

「唔好掛住諗，喺到傻笑喇！瞓唔著㗎！」

「但係我停唔到呀嘛！哈哈哈… 隻白兔啲 Easter Egg 呢… 哈哈哈…」

幸好，他很快便笑到筋疲力盡，然後睡著了…

~ Lindberg

P.S. 祝各位大小兒童，兒童節快樂！