韓國之旅：宮殿篇

離開昆池巖度假村之後，我哋就去參觀韓國第二大宮殿 昌德宮。昌德宮係韓國保存得最完整嘅古宮殿。

薄薄一層白雪下嘅景色真係好靚，所以我只好少說話多做事，不停咁影…

藍天加靚景，夫復何求。

仲要 Jayson 有家姐們照顧，我更加可以乜都唔洗理。呵呵呵呵…

呢棵係樹… 

嗰個係「飄紅」… 

當日陽光仲要好靚。可惜啲遊客唔多識做，影完相都唔肯行開俾人影，企喺到慢慢睇相。激死人！ 

冇理由做九品芝麻官啫…要做就要做正一品！

但相對欣賞宮廷建築，小朋友都係喜歡繼續玩雪。

宮殿保存得好好，望入去裡面都可以感受到莊嚴嘅氣氛。

小朋友都係繼續玩雪。

Jayson 媽好鐘意啲白頭樹。

一班貪玩嘅細路及一個更貪玩大細路，把地上嘅雪拋到半空。

雖然凍到腳都痺，但有雪玩就開心。

著唔夠衫嘅大哥。

麗春門… 可能從前打得太多「街頭霸王」，好容易讀成春麗門。到底以前有咩人會喺到出入呢？一排排42吋長腿少女時代宮女乎？

宮殿手工精細。如果可以慢慢行，真係可以有排睇。但因為時間緊迫，只好走馬看花。

好明顯呢度門係為我而設。

宮殿地方好大，環境好寧靜。好難想象以前會係一個好多大小官員出入嘅皇宮。 

最後喺斜陽下，幫包到成隻粽咁嘅 Jayson 影番張獨照。其實應該除咁啲衫，不過如果之後佢有咩唔舒服，我真係擔當唔起。所以都係就咁影啦…

參觀完昌德宮之後，我哋就去仁寺洞行街食晚飯。

（待續…）

~ Lindberg