不孝！

「爸爸，您頭先同邊個講電話咁勞氣呀？我好驚…」Jayson 細聲地問我。

「爺爺囉！」我氣還沒消。

「爺爺做乜呀？」

「爺爺唔識用部電腦。叫佢唔好㩒嗰到，佢就好似您咁，總係要㩒多幾下。激死我啦…」火燒連環船，Jayson 也間接被罵。

腦海突然響起警號。大鑊… 做錯事，講錯說話…

「Jayson，頭先爸爸發脾氣好唔啱。」我向 Jayson 道歉說。「爺爺唔識用電腦，我唔應該發佢脾氣。呢啲就叫做不孝。爸爸非常唔啱。我一陣會去爺爺公司幫佢整番部電腦㗎啦。」

「哦…」

「Jayson…」我續道：「第二時您識得嘅嘢一定多過爸爸。如果我有咩唔識，您要教我喎。唔好發我脾氣呀。」

「我一定教您同媽咪。」Jayson 回答說。

「咁就乖喇！」

好危險呀…

曾聽說過：「When someone makes you want to be a better person, you're in love.」當你遇到一個會令你想變得更好的人，那一份除了是愛情之外，還有…恐懼…。 在我的生命中，已經遇到了兩個這樣的人…。我要做得更好！

~ Lindberg