維他命的故事

吃飯是一個不錯的談天說地時間…

「爸爸呀？維他命A要嚟做乜㗎？」Jayson 望著他那罐魚肝油丸問我。

「維他命A對您嘅視力有幫助囉。」我回答說。

「咁維他命B呢？」他接著問。

「…爸爸唔係好記得喎，一陣問下 Google 啦。」

「維他命C呢？」

「缺乏維他命C會爛肉囉。以前啲水手喺船到冇生果食，咪會爛肉囉。」所以黃金梅莉號上面便種植了橙樹囉。

「咁即係好似啲非洲人冇得食呀？」之前他在學校有討論過。

「差唔多啦。佢哋缺乏營養，都會爛肉㗎。」

「爸爸，點解世界會唔公平嘅？」他延伸了問題，可能因為我嘗試過跟他解釋為何非洲會有貧窮的問題。

「因為有國度，各人有各人嘅理念，同埋啲人貪心囉…」

然後我便打算向他灌輸統治地球的正確理念。由維他命串連到社會的不公平，我很享受這些跟 Jayson 的談話機會。但他突然又問：

「係唔係神造緊非洲嘅時候，佢媽咪叫佢食飯，佢就將手上面啲沙掉哂落地下呀？」啊… 因為沒有時間去完成，非洲就變成了一堆散沙。

「哈哈哈…」如果這是漫畫的話，我的臉上應該有三行直線…。這是一個很有創意，但又不能證實的想法。我只好回答說：「您哩個諗法好有趣。爸爸唔知道呀。但都有咁嘅可能嘅…」

我的腦海中閃過一些《黑超特警組 Men in Black》的片尾畫面…。


~ Lindberg