小丸子流鼻血

近排睇有線做緊《櫻桃小丸子》。好鬼好笑。同小新唔同，小新只係鹹濕同變態，而小丸子就鬼靈精怪得來，你細個又真係會好似佢咁做。所以好有共鳴。哈！

尋日一集，講小丸子見到同學好容易流鼻血，覺得好型，近住就自己出盡計仔，令到自己流。我以前都有咁諗過！見到有同學流鼻血，所有人嘅注意力就落晒呢位同學到，所以自己都好想試下。但係就唔會流。哈！

帶眼鏡亦都係一樣。見同學帶，明明自己無近視，都迫阿媽配一副俾我。都唔知唔係因為咁，越帶越深！依家諗番起都覺得自己幾白痴。

之後小丸子見到同學整斷咗隻手，自己又好好奇。其實我又係有喎，不過未白痴到嘗試整斷自己隻手。哈！

~ Lindberg