水泡媽返工的地方比較遠，要坐地鐵再轉小巴。個肚越來越大，等小巴上落車都唔係太方便，所以我就做司機，車佢返工。
（水泡仔，你睇你阿爸都有出過力嫁！嘻… ）
要車佢返工就要比平時早半個鐘出門，如果唔係，我自己就會遲到。
揸咗兩日，發現啲司機同週未嘅好唔同。大家都好狼死！尤其是啲職業司機，個個都好似搵命博咁。尋日我自己一個回程行西區走廊，開 120 都仲俾人推！痴線！仲要係架七人車，司機位隔離係個細路女，一家大細唔要命咩！個個左 cut 右 cut，又唔打燈。我就最憎人切線唔打燈！
之前有個朋友架車撞咗，去攞番條「屍」嗰時同車場嘅人吹水。原來根據佢地嘅觀察，好多時候撞車都發生係朝早，而且係女司機。之所以知道，係因為係好多撞咗嘅車入面都有早餐，同埋高跟鞋！
大家揸車小心啲啦，安全第一！如果可以的話，就盡量選用公共交通工具啦。
~ Lindberg
Yeah, I find HK drivers to be quite ruthless during weekdays too; I was in TST yesterday and those guys are constantly outdoing each other, like a race...
回覆刪除嘿! 蛙學車時已同的士"練" ~~
回覆刪除不用擔心, 考了三次都肥佬! 朋友勸蛙提高駕車EQ先好去考過! 結果,蛙將車放低咗, 去咗潛水! :p
Fred :
回覆刪除Yeah, I find HK drivers to be quite ruthless during weekdays too; I was in TST yesterday and those guys are constantly outdoing each other, like a race...
In short, 趕住去死咩？！
井蛙 :
回覆刪除嘿! 蛙學車時已同的士"練" ~~
不用擔心, 考了三次都肥佬! 朋友勸蛙提高駕車EQ先好去考過! 結果,蛙將車放低咗, 去咗潛水! :p
我都無乜EQ。不過人不犯我，我不犯人。大家禮貌待人咪好囉。哈！
潛水好呀。尋日睇新聞，香港依家個海同啲珊瑚都幾有睇頭呀。
真係廿四孝老公呀 ! 我想到時我唔知點算呀, 我住得咁遠呀 ! 嘻嘻 !
回覆刪除wingwing :
回覆刪除真係廿四孝老公呀 ! 我想到時我唔知點算呀, 我住得咁遠呀 ! 嘻嘻 !
冇計啦。辛苦啲都要啦…
我上次都是比女司機撞。警察說她連BRAKE都無踩過!
回覆刪除Tommy :
回覆刪除我上次都是比女司機撞。警察說她連BRAKE都無踩過!
Err… 小心女人…