當攞住支新吉他去接 Jayson 嘅時候，坐緊電梯有位太太問我：
「嘩！咁細個（小朋友）就學野啦？3/4 嘅小提琴呀？ 」
我好唔好意思咁答：「係呀… 不過係小結他。嘻嘻…」
好無奈地，都係入阿仔數。無咁尷尬呀嘛。嘻嘻…
我買嘅係高音 Soprano。Soprano 個子比較細，比較難按弦。起初店主及我老闆都叫我買支 Tenor 先，因為會易啲玩。但鐘意得 Ukulele，就係鐘意佢輕快嘅感覺。試過幾支之後，都係覺得 Soprano 啱聽啲。而且我隻手夠細，所以都唔係太過困難。再加上我買呢支係長頸版，所以好啱我玩。呵呵呵呵… 不過，唔好問幾多錢…
以前玩過幾下吉他，但好快就放棄咗。我怪我隻手比較嬌小，連啲基本和弦都㩒唔到。但彈過 Ukulele 之後，感覺非常興奮，非常有成功感！佢啲和弦除咗簡單好多之外，因為指板比正常吉他幼細，即使複雜嗰啲和弦都唔太難按。至少我唔會再賴對手細。
之後買咗幾本書嚟自學。起初手指唔多靈活，但慢慢都開始上手。本身冇節奏感當然係一個嚴重嘅問題。但用嚟自娛，已經好開心滿足。
而最開心就係喺 YouTube 竟然有我鐘意嗰隻歌嘅「Karaoke」！可以跟住嚟練習，真係無得頂呀！
Jayson 都好鐘意呢隻歌，因為佢覺得末段好好笑。佢都聽到就快可以跟住唱。不過佢遺傳咗父母手細嘅問題，所以未彈得到。我試過教佢按弦，或幫佢按弦叫佢自己掃，但佢都話手指痛唔肯玩。冇辦法啦，唯有繼續自己玩住先啦。哈哈哈…
~ Lindberg
手細容易搵大錢啊,是一個關於遺傳的故事,哈哈哈。
回覆刪除
回覆刪除有啲咁嘅事？！
係唔係已經彈到幾首歌仔?
回覆刪除
回覆刪除我用情比較專一（彈來彈去都係彈呢隻…）。
帶出來野餐時表演下丫。^_^
回覆刪除
回覆刪除唔好獻醜啦！
Koko :
回覆刪除帶出來野餐時表演下丫。^_^
贊成！我會預備定啲散銀！
回覆刪除請預備多啲！
嘩))))我之前都起tb淘咗個 Ukulele返黎, 起初真係諗住比hazel玩下, 不過佢暫時都唔多so我, 返而我就幾有興趣, 不過上youtube睇過, d自學都唔係好明,想問下你果幾本自學書起邊到買架, 我搵咗幾間書局, d sales都唔知我講咩咁...
回覆刪除thank you~~~
回覆刪除通利有本台灣書，跟 DVD 一隻。都可以跟到嚟學。
如果喜歡宮崎駿啲動畫，仲有兩本譜可以買。
不過我覺得對音樂唔係咁認識嘅人（好似我咁），最難係彈撥得啱節奏。我有另一隻 DVD 教，不過都唔係好掌握得到。我估重點都係要不停練習。
Lindberg :
回覆刪除通利有本台灣書，跟 DVD 一隻。都可以跟到嚟學。
如果喜歡宮崎駿啲動畫，仲有兩本譜可以買。
不過我覺得對音樂唔係咁認識嘅人（好似我咁），最難係彈撥得啱節奏。我有另一隻 DVD 教，不過都唔係好掌握得到。我估重點都係要不停練習。
oic...原來係去琴行買,唔怪得之我去書局冇人明我講咩啦!!! 我本身都唔多好音樂, 不過都叫做學過下琴, 等我買黎睇下學下先... really tks nei~~~
回覆刪除別客氣！遲啲一齊夾 Band。哈哈…