香港花卉展覽 2012

影過第一、二年嘅花展之後，感覺年年都差不多，所以之後都冇再去影過。但今年嘅花展有啲唔同，因為今年我有「新歡」。當然要攞去試下機啦。呵呵呵呵呵…

今屆主題係 「花之旅」，而風信子就是本屆嘅主題花。一入到去，就見到一大班攝影愛好者，一個二個攞住支大炮嚟影蜜蜂。

我當然為善不甘後人，攞支 70-300 DO 出嚟「追蜂」啦。

呢邊追完，又去嗰邊追…

仲唔追到你？！

整個會場都有好大陣風信子嘅香味。起初都覺得幾香，不過聞聞下就覺得有啲過濃，開始難頂。之後仲搞到鼻敏感，完全唞唔到氣添！

因此只好行去其他地方，影下其他花。

不過一個人影相又真係幾無聊下… 明年都係捉埋 Jayson 嚟俾我影下先得。

~ Lindberg