Julie 生日快樂

不經不覺，Julie 已經七歲女。但我哋總覺得佢仲係好 BB，都唔似一隻成貓。又傻又蠢，個樣又細路女。而一如往年，尋晚我哋買咗蝦同蛋糕去慶祝。

Julie 好鐘意食蝦，食咗五、六隻。我哋仲煠咗隻蛋俾佢，因為佢最鐘意食蛋黃。不過佢唔係好識自己舐，要我哋餵先食到。

Jayson 話：「我要幫姐姐吹蠟燭，佢唔識吹呀嘛。」

跟所有小朋友一樣，Jayson 好喜歡慶祝生日。但 Julie 就好明顯好驚，搞到我有啲虐畜嘅感覺。哈哈…

Julie 好鐘意食甜野，蛋撻忌廉蛋糕都好鐘意食。不過佢今次對個蛋糕竟然冇乜興趣。莫非轉咗口味？！

或者係之前食蝦食飽咗啦。食完之後，Jayson 同 Julie 玩咗陣拋波。希望 Julie 知道我哋都好錫佢啦。



~ Lindberg