（因為外遊關系，文章出遲咗！非常抱歉！）
聖誕節前夕，one2free 邀請咗我哋同 Hazel 一家到佢哋嘅旺角旗鑑店，跟兩位神秘嘉賓影相留念，同度雪亮聖誕。
既然稱得上旗鑑店，我都已經預咗好大。但竟然喺旺角都可以大得咁緊要！除咗各式新款電話之外，仲有好多地方俾客戶隨便「hae」。更有 Suzuki Cafe 進駐，邊叉電玩電話，邊飲咖啡，真係一流！
（相片來源）
今次one2free 邀請番嚟嘅神秘嘉賓，原來係…米奇同米尼！
合照之後，每個小朋友都分發一張畫紙，各自做一張獨一無二嘅聖誕卡俾米奇米尼睇。
Hazel 剛剛學識畫米奇，已經畫得似模似樣！
Jayson 呢幅海灘圖，雖然唔係好合題，但都算配合得幾好。（我第一眼以為係大海嘯+挪亞方舟…）
畫好啦！
俾米奇米尼過下目先…
好嘢！每人都有一件特別嘅聖誕禮物喎！
影完以下呢張合照之後，我確實被電暈咗…
所有小朋友一齊影張大合照！
由當日至 2013 年 1 月 1 日期間（好抱歉，已經過咗期…），客戶除可以 $0 機價選購多款最新 4G LTE 手機，，選用「樂無憂」或「齊齊分」指定服務計劃，可享雙倍本地流動數據用量或雙倍基本通話分鐘，讓你與摯愛親朋聯繫無間，並於 Musicholic 下載更多歌曲及 MV，以及於「自選 Studio」觀看更多最新頻道。
另外，one2free 為客戶帶來香港迪士尼樂園的聖誕歡騰氣氛 — 凡於推廣期內選購 $237「樂無憂」服務計劃，無論新登記號碼或攜號轉台客戶，即可獲贈「香港迪士尼樂園」門票兩張，與摯愛親朋同度雪亮聖誕，一起感受普天同慶的佳節喜悅。客戶亦可透過 OneRewards 以 88 折購買精選手機。
雖然已經錯過咗以上推廣，但對於緊貼手機潮流嘅朋友，one2free 呢間旺角旗鑑店真係值得去參觀一下。
今次真係玩得好高興，除咗有得影，有得玩，有得拎之外，仲要有美相伴。發達！兩個傻人玩埋一齊，原來真係可以好搞笑嗰喎。哈哈哈…
~ Lindberg
真係望落好大啊,有個咁大旗艦店真係要去睇下啊,
回覆刪除最尾個張好得意啊,
回覆刪除Jayson 喺到扮傻引人同佢玩，估唔到呢招得喎！哈哈哈…
d相真係影到佢地兩個好sweet架啫~ hahaha... jayson有無意思呀?! XDDD
回覆刪除
回覆刪除妳諗多咗啦！
真係好大好大喎
回覆刪除係呀！真實情況仲大！
回覆刪除哦.....有推廣...免費迪迪尼門票?! 正呵
回覆刪除
回覆刪除可惜遲咗通知大家…
真係好大...要搵日上去HEA下先...:P
回覆刪除
回覆刪除啲梳化好舒服呢！睇下佢哋玩得幾開心就知！
Approved...
回覆刪除
回覆刪除Thanks!
大到有cafe就係唔錯喎!去開旺角逛逛先
回覆刪除
回覆刪除如果需要叉電救急，都可以上去㗎！
當日真係好好玩, 好輕鬆又有活動, 重可以見到mickey minnie, hazel又可以識埋jayson, 又可以參觀旗鑑店, 超抵呀)))))
回覆刪除一個字...正!
回覆刪除我覺得嗰日最開心嗰個係我囉。嘻嘻…
咦, 鈴木咖啡, 即係正正式式咁有間cafe丫? 仲以為求其擺幾部沖D雜牌野招呼下咋, 哈哈~~~ 咁又真係要得閒去見識下喎。
回覆刪除原來做緊送迪迪門票, 唔怪得無端端有米奇米尼, 真係正~~~
回覆刪除我開頭都以為只係求其有部咖啡機，點知係有品牌。好似買啲叉電卷，已經有咖啡送！
想像到你流晒口水個樣，哈哈~~~
回覆刪除
回覆刪除係呀… 真係合唔埋口…
Hazel & Jayson 玩得好開心喎!!!
回覆刪除其實好難上去 hea, 除非唔理旁人目光 (我試過十一月尾出機, 等人等咗 15 mins, 又打機又拎阿囡出嚟影 (DAL 女), 啲 sales 係完全唔會理的......)
試機都 ok, 但呢排主力都係 三記 同 蘋記 0個三部機囉
試過一次做完 123 個網上問卷 (客戶網上問卷調查), 送咗兩杯啡同兩件 brownie, 去到食 & 飲, 質素算唔錯
回覆刪除嗰日冇機會試佢啲咖啡。如果唔錯都幾好喎…
間店好大喎,如果行過真係要上去坐下,順便叉電 XD
回覆刪除可惜米b果日黎唔到呀...
回覆刪除叉電好似要錢，但又好似有杯嘢飲送…
最後那張相影得好SWEET呀~
回覆刪除有尼尼迪門卷送，難怪米老鼠要出場喇~~
回覆刪除係呀。one2free 同迪士尼真係好多嘢搞。
开心啊
回覆刪除
回覆刪除係呀！