竊聽風雲 之 報串

話說放假的某一日，嫲嫲到了我們家探望 Jayson，亦好讓姐姐可以落街買餸。午飯時間，嫲嫲打電話給我。她問：

「您個仔係唔係有功課要做？」

「係呀。佢媽咪冇打畀佢咩？」我反問。

「有。但佢成朝都好似喺到玩喎…」

「吓？！」我心中的怒火立即燃燒起來！「妳叫佢立即聽電話！！！」

「唔好嘅…咁佢咪知我話你知囉。唔緊要啦，都食飯囉。」

「叫…佢…聽…電…話…呀！（怒）」

Jayson 的下場，大家一定想像得到。後來我也有點在意嫲嫲的說話，於是晚上我問他：

「嫲嫲將您啲嘢話畀我知，您有無嬲嫲嫲呀？」

「冇。咁係我唔啱呀嘛。」

「乖仔！嫲嫲都係擔心您啫。」

事情好似過一段落。可是…

昨天，嫲嫲又來了。當嫲嫲打電話給朋友時，他很緊張地問：

「嫲嫲，妳打畀邊個呀？！」

一日二五，終身二五。這個故事教訓我們，線人是須要保護的。

而這一天，他又是玩足了一整日。幸好當我回到家之後，還懂得收搭心情，完成這天的作業。

最近給他的課題，是要他對自己有要求。否則每件事都須要人監管，遲早有人會嘔血呢。希望這個暑假可以幫他調校一下，因為3年級開始要考試了！




~ Lindberg