先講結果，賣晒 Presale 做的數量，即五十份！勁！其實都係靠一位老師大力支持，買成二十幾份送俾同學。我地班野又醒喎！叫同學唔好提貨住，遲小小做番俾佢地，然後明天將個二十幾份拿去賣俾第二個！仲有生意頭腦過我！
之前點解話嘔心瀝血，因為這幾天真係嘔左唔小血。尋日剛剛先俾人抽左一大支血，轉頭又俾人激一激，血都嘔埋... 主要原因係 Production 真係好亂。但係我都無真係怪佢地。可以的話，咪盡量俾佢地試試啦。除左工作問題，人同人之間相處的問題，都會對佢起黎講係一個保貴經驗。尤其後者。但係今次真係幾亂，所以口角流住血咁返學幫佢地搞好個製造方法。
唔好講話做 production，其實我覺得整件工作本身的壓力對佢地黎講真係唔易受。首先件野勁難做，老師又多意見同限制，再加埋自身問題（尤其）(係唔係好英文？)，自己感同身受。可惜就係除左可以幫佢地撥亂反正之外，其他就真係要靠佢地自己。
希望過左 Presale 之後，佢地會有多份信心。仲有二百件要做！希望萬眾同心一齊快快手手做好佢，等佢地有多點時間溫書準備考試。加油！
~ Lindberg
沒有留言:
張貼留言