結婚前一定要拍拖！

這天，我帶 Jayson 到西貢做「茄哩啡」。小巴經過那裡著名的甜品店，我便跟他說：

「爸爸以前都有同媽咪嚟過呢度食糖水。」

「係咩？」Jayson 好奇地問。

「係呀。係喺您出世之前嘅事。因為交通唔太方便，爸爸就揸車嚟食囉。」

「咁我係唔係喺媽咪個肚入面呀？」

「您仲未喺入面…」我回答說。

「…」他好像不太高興。於是我繼續解釋說：

「您嘅一半仲喺爸爸度，另一半喺媽咪度。」

這是我們之前對 Jayson 的性教育講解。爸爸的一半，游到媽媽的另一半，結合之後，然後進行細胞分裂，一個細胞變成兩個，兩個變成四個。然後進行細胞變異，成為身體的不同器官。

聽到這裡，他就很生氣地問：

「咁您又話您哋結咗婚？！」

「我幾時話（當時）我哋結咗婚啫？！」我含冤地回答。「結婚之前，兩個人要拍下拖，睇下對方適唔適合自己，咁如果大家都愛對方，咁先結婚㗎嘛。」

他認真地想了一回兒，輕聲地說：

「但係媽咪唔係好愛您喎。」

「吓？！」大家可以想象一下當時我的表情，和車上其他乘客的目光。

「佢成日都鬧您囉。」Jayson 補充說。

「咁又唔可以咁講嘅，父母爭吵通常在所難免。我哋都仲係好愛對方㗎嘛… 您睇下嗰邊！就到啦！」這正是轉換話題的好時機…


~ Lindberg