又瀨呀！激死我啦！

今日要帶阿妹去打防疫針。一捉佢入袋就叫救命。人地唔知以為我地擋貓。阿哥就醒目，聞風喪膽，一早已經不經影蹤。

出街等咗一陣的士。一路到動物協會都無問題。點知

一去到就好失望。靚女醫生無上班。唉…

等咗一陣，發現有啲味。心諗：唔好又嚟呱。一打開個袋，嘩！一大舊嗅嗅 ！好彩我早有準備，帶咗幾張廚房抹紙。嗅到嘔！

入到診室，見到個年青嘅靚仔醫生。我覺得阿妹好似好開心。唉…

個醫生雖然靚仔，不過有啲「拾」。做完一大輪檢查，差啲唔記得打針！哈哈！

之後坐的士返屋企，總係覺得大腿濕濕地。但係又好似無。入屋一放阿妹出嚟，見佢好攰瞓係地到。我仲攰呀，小姐！

點知未完！

收起個袋發現真係濕濕地！都唔知幾時瀨。好彩個袋底有塊尿布（我幾醒！），吸咗大部份。唔係就俾的士司機大佬鬧死！

今次都係瀨屎又瀨尿呀！以前細個都唔會咁無鬼用！三歲女啦！激死我！

~ Lindberg

P.S. 今朝早餐：磨菇飽。好味，不過食咗無 1UP。哈！