兩隻野一入袋就叫救命。好似帶佢地去擋咁！阿威平時好似好想去街街，一開門就想走出去。但係如果真係要出街又叫救命。激死。
行行下，突然聞到架車好臭，原來 Julie 嚇到瀨屎。我地兩個人當堂拿手唔成勢。首先按住 Julie，等佢唔好踩落自己啲臭臭到，等架車停埋一邊再處理。好彩個袋有野鋪底，成包包起，丟落垃圾筒。
但係人算不如天算…
之後我咪抱佢出袋錫返囉。其實全程佢都有媽咪錫住，而可憐阿哥叫極都無人理。開頭都以為佢乖番無事，但係過咗一陣，聞聞下又有啲味…
起初都唔覺，只係以為架車空氣有啲悶濁。所以將 Julie 放番落袋，自己行出車呼吸下新鮮空氣。點知摸摸下自己條褲，點解濕濕地呢？莫非到我失禁？聞真啲，原來隻衰妹真係瀨尿落我個身到！
激死我呀！瀨完屎又瀨尿，今次真係醜死怪！
後來因為仲要等多成個鐘先可以返歸，所以只好無奈地將自己放係太陽底下晒乾，等多一陣先起程回家。唉…
~ Lindberg
P.S. 阿威見到櫻花版史迪仔好驚。哈！
沒有留言:
張貼留言