今集劇情太多，人物都係太多。如果無睇第二集，有啲都唔知係邊位。所以都幾亂。少咗好多 Captain Jack Sparrow 啲好笑野，而多咗啲白痴野，所以有啲可惜。如果係我，上集講多少少，例如女海神啲伏線。今集可以集中一啲。
值得一提係視覺效果，真係做得好勁！最尾架東印主艦爆炸嘅慢鏡做得好靚。不過好似玩野成份居多。
Orlando Bloom 真係好靚仔。後尾包埋個頭真係不得了。
Keira Knightley 有啲問題。邊有個女仔可以行船日晒雨淋，打架做海盜，啲皮膚仲好得咁誇張。搵笨！
發哥吟詩都幾好笑。不過發哥做得好好，雖然戲份唔多，不過都七情上面。
其實最睇得唔舒服，就係做乜啲賊佬海盜好似好人咁，而啲海軍就好似壞人咁。第一集主要係海盜打海盜就好似無乜問題。第二、三集就覺得怪怪地。雖然戲中海盜都無真係盜過啲乜，不過都無理由支持佢地贏呀嘛。
~ Lindberg
沒有留言:
張貼留言