都唔知係唔係跟公司某個人有仇，一日幾十封電郵來回。最慘係唔知自己理解能力低，或者係人地表達能力差，睇極佢封電郵都唔明。好彩我叫同事幫下眼，佢都唔明。好彩…唉…
尋日下午落街食咗一個勁平嘅午餐，然後走去 Times Square 嘅 Aigle 用極速買咗一條褲。姐姐服務一流。我話我想買多一條之前買過嘅褲（因為好好著），佢問我有無會員編號，然後就去搵電腦。轉個頭就有條褲俾我。非常好服務。
我覺得 Aigle 啲野都幾得。好「時裝」 feel 嘅戶外服裝。不過都幾貴。一條好質料嘅褲要六百幾，我可以接受，但係一件印花 t-shirt 要三百幾，我就頂唔順。不過佢之前有個花，我真係好鐘意好鐘意。無買超後悔。
記得以前返學，自己都無為意，阿蛇問我啲衫係唔係 Aigle sponsors 嫁，我先發覺自己真係由頭到腳都係。白痴！
買完之後去餐廳做電視訪問，都唔知自己講乜。原因係佢地想要嘅答案，同真實有啲出入。所以自己講完都有啲唔信。求神拜佛唔好播出街。哈！
夜晚同郭生食飯。好兄弟！
好兄弟送咗本書俾我。好似好襌。我會用心睇，之後俾番個讀書報告吓。多謝！
~ Lindberg
沒有留言:
張貼留言