恐懼鬥室

前兩日係有線睇咗一套舊戲叫《恐懼鬥室》。

http://hk.movies.yahoo.com/041219/28/17sc4.html

我係做到一半先睇。有時反而鐘意咁樣。可以估下之前發生乜事。點解有兩條友，一人俾一條鎖鍊鎖住隻腳係間房嘅一東一西？做乜間房中間有條屍？兩條友有乜關係？支鋸仔有乜用呢？鋸條鍊又唔夠力，咁鋸乜呢？點解個故事會有啲唔自然呢？到自己解發一個一個迷底，比起套戲講俾你聽更為有趣。

套戲個結局大部份都好正路，但係最後就好出人意表。睇到我叫救命。

鋸仔… 呀呀呀…

不過我覺得用呢個「方法」去睇戲，呢套戲都唔係最精彩嘅一套。之前有另外一套，仲激！就係《鬼眼》。

http://www.imdb.com/title/tt0167404/

呢套戲相信好多人都睇過。我係 HBO 睇嘅。又係係開場後不久開始睇。開場嗰一段其實好重要。因為冇咗嗰一段，你根本唔會對男主角有乜懷疑。差不多看到結局時，我先明白有乜問題。好正！所以我會建議剪咗開頭嗰段。哈！


~ Lindberg

P.S. 今晚去咗睇 Die Hard 4.0。好正！John McClane 永遠打不死。美國靠兩個人做反恐得啦！一個 John McClane，另一個 Jack Bauer。哈！