地震過後的松鼠之家

經過多年嚟不停嘅地震，不知不覺間，屋企已經變得滿目瘡夷。唉…

家中大小，前仆後繼。

因為地震應該不會再發生，所以我決定要整頓一下。我地屋企入面另一個屋企：松鼠屋。

想當年，哩間松鼠屋係我地買屋之前就話一定要買嘅野。我仲專登叫人做咗個膠箱，以防阿威攞啲野出嚟玩。雖然佢真係攞唔到出嚟，但佢成日都跳上去瞓覺。每一跳就有如七級半地震，乜野都俾佢震散晒。

依家 Julie 好少跳上去，而且佢輕好多，冇乜破壞力。唔係整番都白費心機。

首先係二樓姐姐嘅扮靚檯。靚晒！

之後就放番好個廁所。去都去得舒服啲。

頂樓有個洗衣房。仲可以燙衫。

門口嘅人客：熊人太太。

每一個屋企都應該有嘅火爐。有冇留意到三支蠟燭唔見咗支？就係俾阿威偷走，然後咬斷咗…

松鼠爸爸同熊人先生玩沖咖啡。

松鼠弟弟搞緊個火爐。松鼠整好張檯準備開飯。

完成！松鼠一家真係好得意。最鐘意佢地條尾。又粗又大條。好可愛㗎！

哩個就係我地嘅松鼠一家啦！

~ Lindberg