肥貓一隻

上星期到西灣河食飯，食完去太安樓買公仔書。途經一個生果檔，見隻肥貓大字型瞓係到。好肥好可愛呀！

佢個樣仲好靚仔，我忍唔住手玩咗佢肚腩幾下。不過佢啲手指甲好尖。當然啦，要搵食呀嘛。

太安樓入面間公仔書店仲誇張，有十隻八隻長毛。老板剛剛開門，就見佢忙於掃貓毛。隻隻貓都打理得好好，啲毛好順好滑。老板又好似唔多介意啲客人同佢地玩。我相信有好多人都會為咗睇下啲貓而幫親老板買或者租書睇。




~ Lindberg