干炒牛河走青唔該！

前排去茶餐廳叫咗碟干炒牛河。我都算唔揀飲擇食，碟野鬼死咁油都照食。不過有個蔥字嘅野就咪搞我啦。

不過有啲野食唔落蔥真係唔得。我覺得干炒牛河就係其中一樣 。有次口癢，同個伙計話：「干炒牛河走青唔該」！點知勁難食！無他嘅…牛肉唔靚，得幾條芽菜仔，老抽加味精，河粉本身又無味。成碟粉一啲味都無。

干炒牛河嘅甜味除咗來自老抽，其實都係來自被炒到出焦糖嘅洋蔥。香味就來自蔥同韮王。走咗緊係無味啦！

所以我而家唔敢再叫干炒牛河走青。最多之後慢慢揀啦。不過我都未算誇張。我有個朋友，以前同佢食飯，連楊州炒飯入面嘅碎蔥都要一粒粒揀番出嚟！勁好心機！哈！



~ Lindberg

P.S. 揀飲擇食始終唔係好習慣，唔好學呀！