今年因為大家都好忙，都係我自己主持番大局。上星期買咗好多抽獎禮物。我地有一百九十個人，連人地送嘅禮物，有一百份左右。好大機會呀！平嗰啲唔講，我買咗：
1) 32" LCD 大電視大家見到嗰五部 Wii 已經流晒口水，我都有份流埋一份。
2) PS3
3) XBox 360 (DOA 版！！！)
4) Wii 五部！！！
5) 數碼相機三部
6) DVD 連 HDD 錄影機兩部
7) iPod Video, iPod nano, iPod shuffle,..... （哈！）
其實尋晚好忙。放工要先去上堂學小號。因為上星期太忙，都無乜練習。今堂仲教新野！自己都唔知自己吹乜！ 不過今次學嘅 Jazz 好好玩。一定要練習練習。然後飛地鐵番屋企換衫返公司作最後準備。响地鐵不停睇電郵，有封好長嘅睇咗好耐，唔係公司野，睇完之後會心微笑。同學仔以為我傻咗。哈！
其實 Staff Party 都不外乎大家一齊玩吓，抽吓獎，吹吓水。班人真係乜都賭得！NDS Mario Kart 八打，玩家放錢落枱，贏咗攞晒走。救命！
因為費時搵人幫手，自己做埋 MC。由頭嗌到落尾。仲要個死人咪時得時唔得，所以今日變咗有把磁性嘅聲線。哈！
其中一份禮物我覺得都幾正，係可口可樂送嘅可口可樂地毯一張，原本我同事話邊到有人鐘意呀。我就話唔係啦。張野出邊無得買，有市場呀！點知中嗰個就係鐘意可口可樂，都不知幾開心！見佢咁開心，我都好開心！
我竟然都抽到獎！iPod Nano 一部！仲有個枱面獎，藍芽耳機一隻。正！
呀！我發現我換咗啲牙之後鐘意笑咗。嘩哈哈！（死，傻咗！）
我老細抽獎抽到佢自己，我二話不說就食咗佢張飛！再抽過，大家歡喜！哈！（死啦，佢實記住我！收大信封都唔定！大鑊！都話唔好飲啦！）
最後份現金大獎，$12,880！中嗰個真係發達啦！好過出雙糧！
玩到四點。走嗰陣有街外醉酒佬發酒癲，亂掟野。好驚我班 staff 會癲埋一份。好彩佢地都好乖！平安無事。
~ Lindberg
沒有留言:
張貼留言