大戶屋我地叫咗兩個定食。第一個係「木板蕎麥冷麵+炸雞飯定食」。之前都見 Jo 同 cakecake 都叫過。
鰂魚涌康山道2號吉之島百貨L009地下
炸雞好脆，而且唔油。加埋個冷麵份量十足！個冷麵用個木盒裝住，好有睇頭。但係今日 Ardy 同我講，佢有個朋友又係食咗同一個定食。全檯人肚痾咗兩三日！相信係處理冷麵或個盒嘅時間，受到細菌污染。好彩我地冇事！
而我就叫咗個「炸彈飯盒」。係我最鐘意嘅滑潺潺食物，包括納豆、山薯、汁醃吞拿魚、鵪鶉蛋。好味！不過份量比較細。似去日本食嘅早餐多啲。食咗好似冇食咁…
因為我地落單嘅時候過咗兩點，已經係下午茶時間。雖然啲食物價錢一樣，但係就送杯野飲。不過即使要俾錢，其實一杯都係十蚊左右。我地叫咗兩杯熱咖啡。果然係一杯唔洗錢嘅飲品，好難飲…
~ Lindberg
食冷麵肚痾咗兩三日~
回覆刪除好BOR~ 可以減肥~
我試過幾次特登2點先去試, 以為唔洗等, 點知好多亞太哩個時候先出動, 一直都無機會試, 不過有次成3點先食lunch 去左對面間拉麵店, d 湯底好正, 不過份量好細, 平時起碼有20個人輪侯..肚餓的話都真係死得...
回覆刪除E .. 你碗飯..
回覆刪除貓奴Patsy :
回覆刪除食冷麵肚痾咗兩三日~
好BOR~ 可以減肥~
傻㗎妳！
chloe 媽 :
回覆刪除我試過幾次特登2點先去試, 以為唔洗等, 點知好多亞太哩個時候先出動, 一直都無機會試, 不過有次成3點先食lunch 去左對面間拉麵店, d 湯底好正, 不過份量好細, 平時起碼有20個人輪侯..肚餓的話都真係死得...
山頭火以前喺銅鑼灣食過。Ok 啦…
Emilili :
回覆刪除E .. 你碗飯..
好味！
納豆.....好驚!
回覆刪除boosaa :
回覆刪除納豆.....好驚!
同榴槤一樣，有人好鐘意，有人好怕。
我心思思好想試,但又怕買咗一盒食唔到丟咪好浪費囉?
回覆刪除成日想試食下呢d, 食下其他野, 但次次最後都會walk左入壽司店...
回覆刪除莎莉蛋糕 :
回覆刪除我心思思好想試,但又怕買咗一盒食唔到丟咪好浪費囉?
個味真係幾怪。1026 我地去買。妳唔食就等我食晒佢。哈哈哈…
白雪 :
回覆刪除成日想試食下呢d, 食下其他野, 但次次最後都會walk左入壽司店...
試多啲唔同野先開心㗎嘛！
Lindberg : 莎莉蛋糕 :我心思思好想試,但又怕買咗一盒食唔到丟咪好浪費囉?個味真係幾怪。1026 我地去買。妳唔食就等我食晒佢。哈哈哈…
回覆刪除頭目你真巧人,請我食納豆,嘩咔咔!!我要最細盒得架喇,最多唔好味我"請"番你食啦,嘩哈哈!!
莎莉蛋糕 : 頭目你真巧人,請我食納豆,嘩咔咔!!我要最細盒得架喇,最多唔好味我"請"番你食啦,嘩哈哈!!
回覆刪除到時如果將軍澳百佳有，就買盒一齊食啦！
我記得..你好喜歡食納豆..這個飯岩曬你.上次我食冷麵都無肚痛喎
回覆刪除JO : 我記得..你好喜歡食納豆..這個飯岩曬你.上次我食冷麵都無肚痛喎
回覆刪除係呀，不過就細碗啲啦。
唔~好似好和味咁呀﹐等我番黎都去試下至得﹗
回覆刪除QQ 媽咪 :
回覆刪除唔~好似好和味咁呀﹐等我番黎都去試下至得﹗
番嚟就大把其他好野食啦。未洗去試哩間啦！
食完肚痾, 好慘呀!
回覆刪除估唔到你會鍾意食納豆! 我就怕怕...
cakecake :
回覆刪除食完肚痾, 好慘呀!
估唔到你會鍾意食納豆! 我就怕怕...
滑潺潺，好得意！哈哈哈…