錢錢錢, 我們的共通點!!

正當寫緊另一個 tag，火羽又醒我一個。火羽自己撞埋牆，都要一班兄弟陪葬。果然好兄弟！

遊戲如下：請回答以下關於錢的問題，完成後邀請三至五位 blog 友仔參加，順道去 blog 友仔留言，告訴 blog 友仔，自己已被點名了。

遊戲開始:

1. 你是窮光蛋嗎？
原本唔算係，不過依家係！除咗上年 10 月，身家突然跌咗四百萬，加上邪惡「雷曼兄弟」嘅破壞，生態環境產生嚴重變化，海嘯直捲全球。唉… 我仲等緊紅戰士嘅解決方案。仲有身體嘅問題，屁股經常痕癢，需要買野嚟「醫治」。所以真係窮過窮光蛋。唉…

2. 請形容一下你這一生的財運。
自己以為有運，其實冇。唉… 不過都算係咁啦，唔憂食憂住。已經幾好啦。

3. 如果要用你的 "身家" (財產) 買一樣東西, 你買得起什麼？
千陽號！雖然唔知買唔買得起，不過希望可以火速到達亞汀灣（Gulf of Aden）支援，加入索馬里海盜兵團，一起做世界吧！海軍，冇有怕！我要做海賊王！海賊王に俺はなる！

4. 沒有提款卡的情況下，你只有HK$20，你會怎麼辦？
買大，希望會變 $40。

5. 你平時大概會帶多少CASH？
$200 左右啦。都係食晏坐車啫。

6. 現在經濟環境這樣，你會在那一方面減少消費？
學似火羽，我一早已經停止對海妖女神（Starbucks）嘅進貢。要提神，就直接食咖啡粉。而且見到玩具都盡量忍手。對唔住呀，5D Mark II！

7. 你在誰身上花得最多錢？？
仲有邊個呀？咪節瓜俠囉。都唔知點死埋嗰四百萬嘅尾數俾佢！

8. 你是那種刷爆卡的人嗎？
有遠大目標嘅人，點會刷爆卡呀？而且我有用電腦幫我處理私人賬務，唔會洗過龍嘅。

9. 有什麼東西會讓你毫不猶豫買下來？
其實都冇乜。對上一次咪部 iPhone 囉。再對上一次，咪部 40D 囉。前一次，應該係部 GX100。全部都係必需品。諗唔諗都係會買，所以猶豫嚟做乜呢？

10. 最後，講講你對錢的價值觀 / 錢對你的重要性。
要統治地球，的而且確需要龐大嘅資金。雖然錢唔代表一切，不過冇都幾大鑊。縱使唔係為咗自己，都要為其他人著想。自己希望會有好多好多錢，但最終係希望其他人都會有。

---

唔踢啦！一陣又返番轉頭就大鑊！有興趣就一切分享下你對錢嘅價值觀啦！


~ Lindberg